AMOS 9:12 - Bibəl ta Sar̄

¹² Loo ń noō tə́ ngán Israel gə̄ a télən̄ yā taā dɔ nang kə́ jóo gə̄ yā ɓē ko̰o̰ kə́ Edom ō, yā nápar de gə̄ ń ger̄mə̄n̄ kété ní ō. I mā Kɔ́ɔ̄ɓē n m-ə́da najə̄ ń noō ní ō, m-ā m̄-rāā yá̰á̰ ní ō.

Bible sar

¹² Loo ń noō tə́ ngán *Israel gə̄ a télən̄ yā taā dɔ nang kə́ jóo gə̄ yā ɓē ko̰o̰ kə́ Edom ō, yā nápar de gə̄ ń ger̄mə̄n̄ kété ní ō. I mā Kɔ́ɔ̄ɓē n m-ə́da najə̄ ń noō ní ō, m-ā m̄-rāā yá̰á̰ ní ō.

AMOS 9:12 Referans Kwoze

IJAI 43:7

De gə̄ malang ń rīḿ i dɔdə́ tə́ ní, de gə̄ malang ń m-ə̄ndādə́, m-ə̄ɓādə́, m̄-rāādə́ kadə̄ ɔsən̄ gɔnəḿ ní, ī-tél ī-reēī sedə́.

KƏLA RĀĀ 15:17

Loo ń noō tə́ gotə de gə̄ a sāān̄ Kɔ́ɔ̄ɓē, naā tə́ kə nápar de gə̄ malang ń rīḿ ɓār̄ dɔdə́ tə́ ní.

IJAI 65:1

Kɔ́ɔ̄ɓē əda na: M-ə̄ndā dɔ rɔ̄ḿ danaá kɔ̄ɔ́ yā kadə̄ m̄-dal najə̄, banī deē dəjem̄ najə̄ alé. M-ə̄ndā dɔ rɔ̄ḿ danaá kɔ̄ɔ́ tām̄ yā kəla tə́, banī de kə́ yā sāā njaḿ kadə̄ m̄-rāā seneé gətóo. M-ə́dá nápar de gə̄ kə́ ɓāŕmə̄n̄ kadə̄ m̄-rāā sedə́ alé na: Mā i laā, mā i laā!

JEREMI 14:9

I tām̄ rí tə́ á ī-rāā rɔ̄í tītə̄ de kə́ ángalən gətóo beé ō, tītə̄ go̰ rɔ̄ɔ̄ kə́ asə taā dɔ deē to̰ aĺ ō ní? Banī Kɔ́ɔ̄ɓē, ḭ̄ i dɔ dáńjí tə́, rīí ɓār̄ dɔjí tə́ ō ní, ī-lōō kəya̰jí kɔ̄ɔ́.

JEREMI 15:16

Najə̄ yāí gə̄ ń m̄-teē dɔ tə́ ní m-ə́sádə́ mak mak. Nelə̄n̄ taḿ páráng ō, adə̄mə̄n̄ rɔ̄nel̄ kə́ ngá̰ý ngarā̰ kemḿ tə́ ō. Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, rīí ɓār̄ dɔḿ tə́.

IJAI 63:19

Əla gír i jóó ngá̰ý n to tītə̄ kə́ ḭ̄ i mban̄g yājí to̰ aĺ ō, rīí i dɔjí tə́ to̰ aĺ ō ní. Aa! Ré ī-rə̄yā̰ dɔ rā̰ ba ī-risə nang tə́ anī! Mbal̄ bo gə̄ a ndewn̄ noí tə́.

IJAI 11:14

Nin̄ a aw̄n̄ naā tə́ mbak dɔ ngán mbal̄ gə̄ yā Pilistin gə̄ tə́, dām̄ kə́ no ɓē tə́. Nin̄ a ɔyn̄ yá̰a̰ kənge gə̄ yā gír ɓē gə̄ ń ndin̄ dəla loo tə́ ní dɔ gúú tə́, dām̄ kə́ gír ɓē tə́. Edom nin̄ kə Moab a əlan̄ dɔdə́ gíŕ tɔ́gə yādə́ tə́ ō, Amon gə̄ a oōn̄ tadə́ ō.

PĀ GƏ̄ 60:8

Nə́ɓā ɔr̄ najə̄ kem kújə́ kə́ táĺ yān tə́ əda na: I mā n m̄-tetə rɔ̄ ní! M-ā m̄-kēgə̄ ɓē kə́ Sisem naā tə́. M-ā m̄-gán̄g wól loo kə́ Sukot naā tə́ gír loo ngá̰ý.

TA KƏLA 27:37

Isaak tél ədan na: M-ə̄ndān kadə̄ ni i ngolií ō, m-ādə̄n ngákó̰o̰n gə̄ malang kadə̄ nin̄ i ngé rāā kəla yān gə̄ ō. M-ādə̄n gémē ō, kasə nduú ō. Ngōnə̄ḿ, m-ásə rāā yá̰á̰ kógə̄ḿ tām̄ yāí tə́ to̰ alé.

TA KƏLA 27:29

Ādə̄ gír de gə̄ rāān̄ kəla yāí! Ādə̄ gír nápar de gə̄ ɔsən̄ nodə́ nang tə́ noí tə́! Ī-tél ngol ngákó̰ó̰í gə̄, ādə̄ ngákó̰ó̰í gə̄ ɔsən̄ nodə́ nang tə́ noí tə́! Ādə̄ ndɔ̄ĺ i dɔ deē ń a ndɔ̄líī tə́ ní, ba ādə̄ tɔ́r̄ ta i dɔ deē ń a tɔ́r̄ tan dɔí tə́ ní!

MALASI 1:4

De gə̄ ngeé gə̄ ń noō ń i Edom gə̄ ní, majanī a ədan̄ na: Rējēn̄jí, banī ɓē yājí gə̄ ń nujənə̄ń sák sák kɔ̄ɔ́ ní, j-a jə-tél yā rāā gogə́ rang. Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ní n toó: Nin̄ asən̄ tél rāā gogə́ tā, ba yá̰á̰ ń nin̄ a rāān̄ ní, m-ā m̄-nujəń kɔ̄ɔ́! A ɓārə́n̄də́ na i Ɓē yā de kə́ majaĺ gə̄ ō, i Gír de gə̄ kə́ Kɔ́ɔ̄ɓē rāā wōn̄g sedə́ kanjə̄ dəba ō.

KƏLA RĀĀ 15:18

Najə̄ ń Kɔ́ɔ̄ɓē əda ní n noó, ni ń i nge rāā kadə̄ gerə̄n̄ yá̰á̰ gə̄ ń toō i jóó ngá̰ý ní.