AMOS 9:10 - Bibəl ta Sar̄

¹⁰ De gə̄ malang kə́ dan gír deē yāḿ gə̄ tə́ a oyn̄ ta rɔ̄ɔ̄ tə́. Ɓá tā banī nin̄ ədan̄ na: Yá̰á̰ kə́ to kum kaȳ aĺ a reē alé, a ɔdə rɔ̄jí alé.

Bible sar

¹⁰ De gə̄ malang kə́ dan gír deē yāḿ gə̄ tə́ a oyn̄ ta rɔ̄ɔ̄ tə́. Ɓá tā banī nin̄ ədan̄ na: Yá̰á̰ kə́ to kum kaȳ aĺ a reē alé, a ɔdə rɔ̄jí alé.

AMOS 9:10 Referans Kwoze

AMOS 6:3

Sḭḭ̄ ī-sāāī ndɔ́tə̄ kə ndɔ̄ yá̰á̰ kə́ to kum kaȳ aĺ kə̄ gogə́. Banī sḭḭ̄ ī-rāāī ādə̄ ndɔ̄ yá̰a̰ rāā kə́ kə dɔ́nɔ́ reē.

IJAI 33:14

Kem ɓē kə́ Siyo̰ tə́ ní, de gə̄ ń najə̄ əhɔdə́ ní, ndíĺdə́ a̰ȳ ō, ɓōĺ rāā de kə́ majaĺ gə̄ adə̄ nin̄ ndewn̄ ō. Nin̄ dəjen̄ najə̄ ədan̄ na: I náā kə́ danjí tə́ n asə ra kadə hor kə́ a o̰o̰ ń toō tə́ ní? I náā kə́ danjí tə́ n asə ra kadə ta ndo̰ hor kə́ a oy aĺ ń toō tə́ ní?

MALASI 3:15

J-a̰ā̰ ngɔlaā kadə̄ ngé rɔ̄nel̄ gə̄ i ngé kɔjə rɔ̄də́ gə̄. Yá̰a̰ malang ń ngé rāā yá̰a̰ majaĺ gə̄ rāān̄ ní, teē majə. Ká ré nin̄ sāān̄ ta Nə́ɓā gə̄gē anī, nin̄ teēn̄ kum tə́ ngándáńg!

AMOS 6:1

Yá̰á̰ kə́ to kum kaȳ aĺ kə́ ba̰ý beē, tām̄ yāsí sḭḭ̄ ń ī-ndiī jəke dɔ ngōn̄ mbal̄ kə́ Jerusalem tə́ ní ō, sḭḭ̄ ń ɔ́jiīń na yá̰á̰ kógə̄ḿ na a rāāsí dɔ ngōn̄ mbal̄ kə́ Samari tə́ aĺ ní ō! De gə̄ ədan̄ na sḭḭ̄ na ī-majə ī-tɔyī nápar de kə́ rang gə̄ ń ī-ndiī dandə́ tə́ ní ō, na ngán Israel gə̄ ń i ngákó̰ó̰sí gə̄ ní, tūrə̄n̄ rɔ̄də́ i kə̄ rɔ̄sí tə́ ō!

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na ndū najə̄ a nal̄ ta ngé tun̄ yá̰a̰ gə̄ aĺ ō, Kɔjə̄ a nal ta kum kɔɔ̄ gə̄ aĺ ō, najə̄ yā Nə́ɓā a nal̄ ta ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.

IJAI 56:12

Nin̄ ədan̄ na: Ī-reēī, j-aw̄ jə-sāāī kasə nduú. J-a j-a̰yī kasə kə́ ngan̄g gə̄. Bírí anī, a to i tītə̄ kə́ ɓōólaā ɓáý: Gotə kasə nduú na̰y i ngá̰ý.

IJAI 5:19

Tá nin̄ ədan̄ na: Ādə̄ Kɔ́ɔ̄ɓē rāā yá̰á̰ láẃ, jə-sāā ka̰a̰n loo rāā yá̰á̰ tə́! Ādə̄ yá̰á̰ ń Nə́ɓā kə́ táĺ yā Israel ɔjə rāā ní téĺ yá̰á̰ kə́ rɔ̄kum láẃ, jə-sāā ger̄ yá̰á̰ ní!

KOHELET 8:11

Yá̰á̰ ń gāngə̄n̄ dɔ de kə́ nge rāā yá̰a̰ majaĺ tə́ loo sarya tə́ ní rāānən̄ láẃ alé. I tām̄ najə̄ ń noō tə́ n ngur rāā yá̰á̰ kə́ majaĺ gə̄ i ngá̰ý kem de gə̄ tə́ ní.

PĀ GƏ̄ 10:11

Nge kem ndul gír̄ kemən tə́ na usə Nə́ɓā dɔ yá̰a̰ rāān tə́ alé. Nə́ɓā na ɓɔ̄ɔ̄ ta kumən kɔ̄ɔ́, Nə́ɓā na a̰a̰ yá̰á̰ kógə̄ḿ yḛtə aĺ bátə́.

EJEKIEL 20:38

Ngé gə̄ ń rāān̄ dɔ ngan̄g ba mbātə́n̄ taḿ ní, m-ā m̄-tə̄ɓādə́ kɔ̄ɔ́ dɔ dáńsí tə́. M-ā m̄-teē sedə́ kɔ̄ɔ́ kem ɓē gə̄ ń ndin̄ tū tə́ ní tə́, banī nin̄ a udən̄ dɔ nang kə́ Israel tə́ alé. I beé n ā ī-gerīiń kadə̄ Kɔ́ɔ̄ɓē i mā ní.

JEREMI 23:17

Nin̄ nāān̄ kəda ngé gə̄ ń kídə̄n̄ najə̄ yā Kɔ́ɔ̄ɓē ní na, Kɔ́ɔ̄ɓē əda na: Yá̰a̰ malang a njə̄rā majə tām̄ yāsí tə́. Nin̄ ədan̄ náā nəkɔ́ ń a rāā dɔ ngan̄g kə̄ non tə́ ní na: Yá̰á̰ kə́ to kum kaȳ aĺ a əsō dɔí tə́ alé.

AMOS 9:8

Ɓē ko̰o̰ kə́ Israel tə́ ń najə̄ i dɔ tə́ ní, Kɔ́ɔ̄ɓē Nə́ɓā əndā kumən gírí a̰ā̰ majə ngá̰ý. Ni-əda na: M-ā m̄-rāān kadə̄ ni a gətóo kɔ̄ɔ́ dɔ nang tə́. Ɓá tā ba m-ā m̄-rāā kadə̄ de kə́ kem kojə yā Jakob tə́ gə̄ gətóon̄ kɔ̄ɔ́ malang alé.

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

JEREMI 29:32

Semaya kə́ Nehelam tə́ ō, ngánən gə̄ ō, ngán kaan gə̄ ō ní, deē kógə̄ḿ dandə́ tə́ kə́ kadə̄ ənge loo ndiń dan gír de gə̄ ń toō tə́ yā rāań rɔ̄nel̄ dɔ yá̰á̰ kə́ majə gə̄ ń m-ā m-ādə̄ gír deē yāḿ gə̄ ní a gətóo. Ni sə̄lā i de gə̄ kadə̄ mbātə́n̄ najə̄ ta Kɔ́ɔ̄ɓē tə́ aĺ a? Najə̄ ń Kɔ́ɔ̄ɓē əda ní n noó.

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.