AMOS 9:1 - Bibəl ta Sar̄

¹ M-á̰á̰ Kɔ́ɔ̄ɓē ra kə njan kə́ dɔɔ́ dɔ loo tun̄ yá̰á̰ tə́. Ni-əda na: Ī-tə́ndā dɔ kāgə̄ nga dan kə́ ngāl̄ ɓururu gə̄ ādə̄ gír gisədə́ gə̄ yéȳn̄. Ī-tétə̄də́ ādə̄ tə́sōn̄ dɔ de gə̄ tə́. Ré ngé kə́rēý gə̄ ndin̄ kə kumdə́ ɓáý anī, m-ā m̄-tɔ̄l̄də́ kə kaskaraá. De kə́ yā teē ka̰ȳ a gətóo ō, de kə́ yā ndi kə kumneé a gətóo ō.

Bible sar

¹ M-á̰á̰ Kɔ́ɔ̄ɓē ra kə njan kə́ dɔɔ́ dɔ *loo tun̄ yá̰á̰ tə́. Ni-əda na: Ī-tə́ndā dɔ kāgə̄ nga dan kə́ ngāl̄ ɓururu gə̄ ādə̄ gír gisədə́ gə̄ yéȳn̄. Ī-tétə̄də́ ādə̄ tə́sōn̄ dɔ de gə̄ tə́. Ré ngé kə́rēý gə̄ ndin̄ kə kumdə́ ɓáý anī, m-ā m̄-tɔ̄l̄də́ kə kaskaraá. De kə́ yā teē ka̰ȳ a gətóo ō, de kə́ yā ndi kə kumneé a gətóo ō.

AMOS 9:1 Referans Kwoze

PĀ GƏ̄ 68:21

Ni i Nə́ɓā kə́ nge tetə rɔ̄ɔ̄ gə̄ tām̄ yājí tə́ ō, ta róbə gə̄ ń de gə̄ a oyn̄neé ní i ta róbə gə̄ yā Nə́ɓā ń i Kɔ́ɔ̄ɓē ní ō.

JEJU TEĒ KUM JA̰A̰ 1:17

Dan ń m-á̰a̰n anī, m-ə̄sō kə̄ njan tə́ tītə̄ de kə́ koy kɔ̄ɔ́ beē. Anī ni-əndā jī ko̰n dɔḿ tə́, ba əda na: Ī-lōō ɓōĺ. Mā i ta kəla gíŕ yá̰a̰ ō, ta tɔ̄l̄ tan ō,

JA̰A̰ 1:18

Deē kógə̄ḿ kə́ a̰a̰ Nə́ɓā gətóó bátə́. Ba Ngōn̄ Nə́ɓā kə́ kal kógə̄ḿ beē ń ndi naā tə́ ngándáńg kə Bɔbə̄ Ngōnōó ní, ni a rāā kadə̄ a ger̄nən̄.

HABAKUK 3:13

Ī-teē i yā kajə gír deē yāí gə̄, i yā kajə mban̄g ń ḭ̄ ɔ̄r̄ kamə̄n tām̄ yā Nə́ɓā tə́ ní. Ḭ̄ ī-mbəre ngār yā gír de kə́ majaĺ gə̄ ə̄nīn ō, de gə̄ ń ɓoon̄ rɔ̄də́ tū yān tə́ ní, ḭ̄ ī-nujədə́ sák sák kɔ̄ɔ́ ō.

AMOS 3:14

Ndɔ̄ ń m-ā m̄-rāań yá̰á̰ kógə̄ḿ kə gír de gə̄ yā Israel najə̄ yá̰a̰ rāādə́ kə́ majaĺ ngá̰ý tə́ ní, m-ā m̄-rāā yá̰á̰ kógə̄ḿ kə loo tun̄ yá̰a̰ gə̄ kə́ Betel. A tɔ̄ɔ̄n̄ kíl loo tun̄ yá̰a̰ gə̄ ń rāān̄ adə̄ ḭḭ kə̄ dɔɔ́ ní ō, kíl loo tun̄ yá̰a̰ gə̄ ní a tə́sōn̄ nang tə́ ō.

IJAI 6:1

I ɓāl̄ ń mban̄g Ojias oy ń tə́ ní. Ndɔ̄ kógə̄ḿ tə́ anī, m-á̰á̰ yá̰á̰ kógə̄ḿ. Kɔ́ɔ̄ɓē ndi i dɔ kōr̄ kāgə̄ mbang kógə̄ḿ kə́ ngāl̄ ngá̰ý kum kə̄ dɔɔ́ tə́. Kūbə̄ kə́ rɔ̄n tə́ taā loo kə́ kem kújə yā Kɔ́ɔ̄ɓē tə́ malang.

JA̰A̰ 1:32

Gō tə́ anī, Ja̰a̰ ɔr̄ najə̄ kə́ kum tə́ ɓáý to̰ əda na: M-á̰á̰ Ndíĺ ḭḭ dɔ rā̰ tə́ tītə̄ dér beé ba ndi dɔn tə́.

SOPONI 2:14

Ɓūtə̄ yá̰a̰ kul̄ gə̄ a ndin̄ tū tə́ danaá bang. Dā̰ kə́ tayā tayā gə̄ ō, kɔȳ múu gə̄ ō, kɔȳ kōrōrōý ō, a ɓīīn̄ dɔ kāgə̄ nga dan kújə yān gə̄ tə́ dɔɔ́ ndɔ̄ɔ́ ō, yel̄ gə̄ a ndin̄ ta ko̰rō̰ kújə gə̄ tə́ yā nōōn̄ kadə̄ deē oō kōōdə́ ō, ré deē udə kə̄ kemeé anī, a a̰a̰ i kɔkərɔ kə́ ra dɔ naā tə́ bing gə̄ ō, kāgə̄ ta róbə́ kújə gə̄ ń rāān̄də́ i kə kāgə̄ Sédər ní, i kə́ ró̰ȳ kɔ̄ɔ́ ō.

EJEKIEL 10:4

Kɔsə gɔn yā Kɔ́ɔ̄ɓē ń i dɔɔ́ dɔ Serubḛ gə̄ tə́ ní, ḭḭ aw̄ kum kə̄ ta róbə kə́ yā kudəń kə̄ kem kújə yā Kɔ́ɔ̄ɓē tə́ tə́. Loo ń noō tə́ kil̄ man̄ reē taā kem kújə yā Kɔ́ɔ̄ɓē ō, loo kə́ unjə̄ kow yā kɔsə gɔn yā Kɔ́ɔ̄ɓē taā loo ndágə loo kə́ gīr̄ gidə kújə yā Kɔ́ɔ̄ɓē tə́.

EJEKIEL 9:2

Anī de kə́ dəngam gə̄ mehḛ́ teēn̄ ta róbə́ kə́ dɔɔ́ tə́ a reēn̄. Ré deē ra kújə yā Kɔ́ɔ̄ɓē tə́ anī, ta róbə́ ní i kə̄ dām̄ mbɔ́r ɓē kə́ ko̰ó̰ tə́. Nin̄ kógə̄ḿ kógə̄ḿ ní, yá̰a̰ rɔ̄ɔ̄ kə́ yā nujəń loo i kə̄ jīdə́ gə̄ tə́. De kógə̄ḿ kə́ o̰ō̰ kūbə̄ lḛ́ḛ i dandə́ tə́. Ni do̰ō̰ yá̰á̰ kə́ yā ndang yá̰a̰ dɔ tə́ tū ndāŕ ń ni-əhɔń ɓōdə̄n ní tə́. Nin̄ malang ní reēn̄ kə̄ ngɔr, ba dəba ran̄ ta loo tun̄ yá̰á̰ kə́ rāā kə gində̄ nə̄ngá kasaá tə́.

EJEKIEL 1:28

Loo kə́ unjə̄ kow ń gīr̄ gidən ní, to tītə̄ kə́ dēsə́ bā kə́ teē tū kil̄ man̄ tə́ ndɔ̄ man̄ kə́ edə tə́ beē. Yá̰á̰ ní ɔjə i kum gotə kɔsə gɔn yā Kɔ́ɔ̄ɓē. Dan ń m-á̰a̰ā̰ anī, m̄-teē m-ə̄sō m̄-sébə kumḿ nang tə́. Anī m-oō ndū deē kógə̄ḿ ɔr̄ najə̄ seḿ.

JEREMI 48:44

Nge ka̰ȳ ta yá̰á̰ kə́ to ɓōĺ ngá̰ý tə́ a əsō kem bəlo kə́ bo tə́ ō, deē ń al̄ bəlo kə́ bo teē ní, réng a əhɔn ō. A̰á̰ā̰, m-ā m-ādə̄ yá̰á̰ kə́ tōr̄ a əsō dɔ Moab tə́ ɓāl̄ ń m-ā m-ādə̄ a ɔjəm̄neé gíŕ yá̰a̰ rāān gə̄ ní. Najə̄ ń Kɔ́ɔ̄ɓē əda ní n noó.

IJAI 30:16

Sḭḭ̄ ə́daī na: I beé alé, j-a j-un sə́nda yā ka̰ȳń. I beé ɓá ní, a̰á̰ā̰, sḭḭ̄ ā ā̰yī naā. Sḭḭ̄ ə́daī to̰ na: Sə́nda yājí gə̄ a ngɔ̄də̄n̄ ngá̰ý. I beé ní, ngé ngɔ̄də̄sí gə̄ a a̰ȳn̄ ngɔ̄də̄ ngá̰ý ō.

2 YÁ̰A̰ GƏ̄ 18:18

Banī Mise əda ɓáý to̰ na kə oōn̄ najə̄ ń Kɔ́ɔ̄ɓē əda ní, tɔdɔ̄ na na̰a̰ Kɔ́ɔ̄ɓē ndi dɔ kōr̄ kāgə̄ mbang yān tə́ ō, ngé kəla yān kə́ dɔ rā̰ tə́ gə̄ malang na ran̄ kə njadə́ dɔɔ́ dɔ jī ko̰n tə́ ō, jī gelən tə́ ō.

KƏLA RĀĀ 26:13

Mban̄g Agəripa, mā i dɔ róbə́ tə́ ō, loo i dan kadə ndaá ō, ba m-á̰a̰ loo kə́ unjə̄ kow tɔȳ mbang, teē dɔ rā̰ tə́ ba unjə̄ gīr̄ dɔḿ ō, unjə̄ gīr̄ dɔ ngé gə̄ ń nin̄ i seḿ dɔ róbə mbā tə́ ní ō.

JEJU TEĒ KUM JA̰A̰ 8:3

Loo ń noō tə́ de kə́ dɔ rā̰ tə́ kə́ rang reē ra kadə loo tun̄ yá̰á̰ tə́, kə ganáń kə́ rāā kə lɔ́rɔ́. Anī adə̄nən̄ kajaja ngá̰ý kadə̄ ndējə̄ Nə́ɓā, naā tə́ kə ndɔ̄ȳ yā de kə́ táĺ gə̄ malang, dɔ loo tun̄ yá̰á̰ kə́ rāā kə lɔ́rɔ́ ń ra kété no kōr̄ kāgə̄ mbang tə́ ní.

PĀ GƏ̄ 68:22

Banī Nə́ɓā tɔ̄ɔ̄ dɔ madə̄ ba̰ā̰n gə̄, ni tɔ̄ɔ̄ kār̄ dɔ deē ń əɓa nənga ngá̰ý á rāā yá̰á̰ kə́ majaĺ ní.

JEREMI 11:11

I tām̄ ń toō tə́ n najə̄ ń Kɔ́ɔ̄ɓē əda ní n toó ní: M-ā m̄-rāā kadə̄ yá̰á̰ kə́ to kum kaȳ aĺ a reē dɔdə́ tə́ ō, nin̄ a asən̄ teē kum tə́ aĺ ō. A ɓārə́mə̄n̄ kadə̄ m̄-dḭḭ̄də́, ba m-ā m-ōō ndūdə́ alé.

JEREMI 42:16

kaskar ń ī-ɓōlíī ní a tɔ̄l̄sí noó, kem ɓē kə́ Ejiptə tə́ ō, ɓō ń ī-sōlī ní a un gōsí bátə́ Ejiptə tə́ ō, adə̄ i loo ń noō n sḭḭ̄ ā óyiī tū tə́ ní.

EJEKIEL 15:7

M-ā m̄-rāādə́ yá̰á̰ kə́ tōr̄. Nin̄ ɔjənə̄ń na n-teēn̄ kum hor tə́ kɔ̄ɔ́, banī hor a o̰o̰də́. Ba ré m-ā m̄-rāādə́ yá̰á̰ kə́ tōr̄ anī, ā ī-gerī kadə̄ Kɔ́ɔ̄ɓē i mā.

AMOS 7:17

I beé ní, najə̄ ń Kɔ́ɔ̄ɓē əda ní n toó: Nə̄yá̰í a téĺ ájə́ba kem ɓēé ō, a tɔ̄lə̄n̄ ngání kə́ dəngam gə̄ ō kə́ dəyá̰ gə̄ ō, a mbɔ̄jə́n̄ ngāl̄ dɔ nang yāí yā nə̄ɓō de kə́ rang gə̄ ō. Ba ḭ̄ ā óy kem ɓē kógə̄ḿ kə́ yḛr tə́ ō, a ɔyn̄ Israel gə̄ yā kaw̄ sedə́ dɔ ɓē kə́ rang tə́ dɔ gúú tə́, kadə̄ nin̄ i sa̰y rɔ̄ ɓē yādə́ tə́ ō.

SOPONI 1:12

Kum mbang ngeé ń noō tə́ ní, m-ā m-ə̄ndā hor tū lámbá kógə̄ḿ tə́, yā ndəleń ɓē kə́ Jerusalem. De kə́ kem ɓēé gə̄ ń ndin̄ kanjə̄ rāā yá̰á̰ kógə̄ḿ, tītə̄ kasə nduú kə́ ɗīgə̄ adə̄ manə̄n a ɔr̄ koō dɔ bisə̄n tə́ ní, m-ā m̄-rāā yá̰á̰ kógə̄ḿ sedə́. Nin̄ ədan̄ na: Kɔ́ɔ̄ɓē na asə rāā yá̰á̰ kógə̄ḿ alé. Ni na asə rāā yá̰á̰ kə́ majə aĺ ō, kə́ majaĺ aĺ ō.

JOJUE 10:18

Anī Jojue əda na: Ī-ndūbūrū mbal̄ kə́ bo gə̄ ī-tə́ndāī ta bəlo mbal̄ ní tə́, ba ə̄ndāī ngé ngɔ̄m̄ loo gə̄ ta tə́.

AMOS 7:9

Loo ndɔ̄ȳ gə̄ yā kojə yā Isaak ní, m-ā m̄-nujəń kɔ̄ɔ́ ō, loo kə́ kɔr̄ kam̄ tām̄ yā Nə́ɓā tə́ gə̄ yā Israel ní, m-ā m̄-nujəń kɔ̄ɔ́ ō, m-ā m̄-rɔ̄ɔ̄ kojə kə́ ndogó mbangāá yā Jeroboam ō.