AMOS 8:8 - Bibəl ta Sar̄

⁸ I tām̄ najə̄ ń toō tə́ n dɔ nang a ndew ní. De kə́ kem ɓēé gə̄ malang a əhɔn̄ ndoō. Tītə̄ bā Nil kə́ Ejiptə kə́ rosə kem kārə̄n ba rə̄ɓā kə̄ ndágá ní, nin̄ malang a ḭḭn̄, ba gō tə́ anī, a əsōn̄.

Bible sar

⁸ I tām̄ najə̄ ń toō tə́ n dɔ nang a ndew ní. De kə́ kem ɓēé gə̄ malang a əhɔn̄ ndoō. Tītə̄ bā Nil kə́ Ejiptə kə́ rosə kem kārə̄n ba rə̄ɓā kə̄ ndágá ní, nin̄ malang a ḭḭn̄, ba gō tə́ anī, a əsōn̄.

AMOS 8:8 Referans Kwoze

AMOS 9:5

Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý, ɔdə dɔ nang kə jīneé anī dɔ nang ndew. De kə́ tū tə́ gə̄ malang əhɔn̄ ndoō. Tītə̄ bā Nil kə́ Ejiptə kə́ rosə kem kārə̄n ba rə̄ɓā kə̄ ndágá ní, nin̄ malang a ḭḭn̄, ba gō tə́ anī, a əsōn̄.

OJEE 4:3

I tām̄ najə̄ ń toō tə́ n loo laa a rāā dɔ nang kə́ kem ɓēé kadə̄ tutə káḿ káḿ ní. De kə́ kem ɓēé gə̄ malang ō, dā̰ kə́ bembeé gə̄ ō, yel̄ kə́ dɔɔ́ gə̄ ō ní, tɔ́gə́də́ a gətóo i ndɔ̄ naā tə́ gidə kógə̄ḿ. Kānjə̄ gə̄ kə́ kum bā bo tə́ gə̄gē a gətóon̄ kɔ̄ɔ́.

JEREMI 46:8

I Ejiptə n to tītə̄ bā Nil kə́ ḭḭ ō, tītə̄ bā bo gə̄ kə́ nēgə́n̄ wut wut ō ní. Ni-əda na: M-ā m-ḭ́ḭ kúkúkú yā taā dɔ dɔ nang. M-ā m̄-nujə ɓē gə̄ ō, de kə́ kemeé gə̄ ō.

PĀ GƏ̄ 18:7

Dan ń wur kɔl əsō dɔḿ tə́ ní m̄-ɓāŕ Kɔ́ɔ̄ɓē, m̄-nōō kə̄ dɔ Nə́ɓā yāḿ tə́ kadə̄ dḭḭ̄m̄. Ni-ndi kem kújə yān tə́ oō ndūḿ. Nōō yāḿ əsō mbīn tə́.

IJAI 5:25

I tām̄ najə̄ ń toō tə́ n wōn̄g rāā Kɔ́ɔ̄ɓē ngá̰ý kə gír deē yān gēé ní. Ni ɓir̄ jīn ba un kə̄ dɔɔ́ əndańdə́. Mbal̄ bo gə̄ ndewn̄, nīń de gə̄ to kə̄ kum róbə kɔsə gə̄ tə́ tītə̄ loo gə̄ kə́ kánə̄n̄ yá̰á̰ kə́ yḛr gə̄ tū tə́ beē. Yá̰a̰ malang ń noō rāā yá̰á̰ ɓá tā, banī wōn̄g yā Kɔ́ɔ̄ɓē tetə alé. Ni əhɔ jīn kə́ ɓir̄ dɔɔ́.

MATIYE 24:30

Loo ń noō tə́ yá̰á̰ kə́ ɔjə dɔ Ngōn̄ Deē a teē dɔ rā̰ tə́. Dan ngeé ń noō tə́ ní, gír ɓē kə́ dɔ nang tə́ gə̄ malang a sɔ̄mə́n̄, nin̄ a əndan̄ kadədə́ ō, a a̰a̰n̄ Ngōn̄ Deē loo reē tə́ dɔ kil̄ man̄ gə̄ tə́ dɔ rā̰ tə́, kə tɔ́gə́ kə́ ngá̰ý ō, kə kɔsə gɔn kə́ ngá̰ý ō.

AMOS 8:10

M-ā m̄-rāā kadə̄ ndɔ̄ rāā nāā yāsí gə̄ télən̄ ndɔ̄ kəhɔ ndoō ō, pā yāsí gə̄ malang ní m-ā m̄-rāā kadə̄ a télən̄ i pā yo gə̄ ō. De gə̄ malang a əlan̄ i kūbə̄ kəhɔ ndoō rɔ̄də́ tə́. De gə̄ malang a dəsān̄ dɔdə́ kɔ̄ɔ́, tītə̄ kə́ ndɔ̄ yo ngōn̄ kə́ kal kógə̄ḿ beē tə́ beē. Ba yá̰a̰ gə̄ ń noō malang ní, ta tɔ̄l̄ ta a to i tītə̄ ndɔ̄ kógə̄ḿ kə́ rɔ̄nelāĺ i ngá̰ý kemeé adə̄ rɔ̄ deē atə̄n beē.

OJEE 10:5

De kə́ Samari gə̄ ɓōlə́n̄ najə̄ yā ngōn̄ man̄g lɔ́ŕ kə́ Bet Aben tə́. Gír deē yān gə̄ ō, ngé tun̄ yá̰a̰ yān gə̄ ō, rāān̄ yon. Nin̄ asən̄ ndām̄ ndām̄ rɔ̄nel̄ majə, najə̄ yā majə kə́ ni majə ka̰ā̰ tə́. Majə yān ní gətóo kɔ̄ɔ́ ngɔlaā!

DANIEL 9:26

Ba gō ɓāl̄ kə́ sīrí nja kutə mehḛ́ gidə i jōó tə́ ɓáa a tɔ̄lə̄n̄ deē kógə̄ḿ kə́ urən̄ yibə̄ dɔn tə́, banī i tām̄ yān nəkɔ́ tə́ alé. Gō tə́ anī gír de gə̄ yā ngār kógə̄ḿ a nujən̄ ɓē sák sák kɔ̄ɔ́ ō, a nujən̄ loo kə́ táĺ kɔ̄ɔ́ ō. Banī ta tɔ̄l̄ ta ngār ní i dan yá̰á̰ kə́ un loo kə tɔ́gɔ́ tə́ ō, bátə́ kadə̄ gír rɔ̄ gāngəń ní, ngār ní a nujə loo tītə̄ ń ɔjən̄neé ní ō.

JEREMI 12:4

Dɔ nang a əhɔ ndoō i bátə́ ta kə́ rá? Mu kə́ ndɔrɔ́ a tutə kɔ̄ɔ́ malang i bátə́ ta kə́ rá? De kə́ kem ɓēé gə̄ ń ədan̄ na Nə́ɓā a̰a̰ yá̰á̰ kə́ ndɔ̄ń tə́ alé ní, kem ndul yādə́ a tɔ̄l̄ dā̰ kə́ bembeé gə̄ ō, yel̄ gə̄ ō yā təgā.

JEREMI 46:7

I náā n to tītə̄ bā Nil kə́ ḭḭ ō, tītə̄ bā bo gə̄ kə́ nēgə́n̄ wut wut ō ní?

JEREMI 51:29

Dɔ nang ndebə̄ ō, ndām̄ ngin ngin ō, dan ń Kɔ́ɔ̄ɓē rāā yá̰á̰ ń ni núm̄ yā rāā kə Babilon ní. N rāān adə̄ téĺ ndágə loo kə́ to kum ko̰ ō, kə́ deē gətóo tū tə́ ō.

NAHUM 1:8

dan ń yá̰á̰ kə́ to kum kaȳ aĺ mān̄ tītə̄ man̄ dɔ mbal̄ beé ní. Banī ni-nujə madə̄ ba̰ā̰n gə̄ ō, tə̄ɓādə́ aw̄ sedə́ kum loo kə́ risə til yā yo tə́ ō.