AMOS 8:4 - Bibəl ta Sar̄

⁴ Sḭḭ̄ ngé njə̄rā dɔ nge ndoō gə̄ tə́, sḭḭ̄ ń ī-gḛyiī rāā kadə̄ de kə́ najə̄də́ gətóo gə̄ gətóon̄ kem ɓēé ní, ōōī majə!

Bible sar

⁴ Sḭḭ̄ ngé njə̄rā dɔ nge ndoō gə̄ tə́, sḭḭ̄ ń ī-gḛyiī rāā kadə̄ de kə́ najə̄də́ gətóo gə̄ gətóon̄ kem ɓēé ní, ōōī majə!

AMOS 8:4 Referans Kwoze

AMOS 5:11

Sḭḭ̄ ī-rējī nge ndoō kə yá̰a̰ rāāsí kə́ gōtə́ aĺ ō, ī-taāī núsə kōō yān dɔ gúú tə́ ō. Beé ɓáa, tām̄ najə̄ ń noō tə́ ní, kújə́ kə́ rāā kə mbal̄ kə́ tɔ́sə̄ kadə gēé ń ī-rāāī ní, ā ī-ndiī kemeé aĺ ō, ndɔr̄ kāgə̄ nduú kə́ majə gə̄ ń ə́hɔī ní, ā ā̰yī kasən aĺ ō.

Gōsə̄ najə̄ gə̄ 30:14

De kə́rēý gə̄ ndin̄ noó, ngān̄gdə́ i kaskar ō, kə̄ngā mbɔ́ŕdə́ i kəyā ō. Nin̄ əsan̄ ngé rɔ̄ tō ndoō kə́ kem ɓēé gə̄ ō, ngé ndoō gə̄ kə́ dan de gə̄ tə́ ō.

PĀ GƏ̄ 14:4

Kɔ́ɔ̄ɓē əda na ngé rāā yá̰a̰ majaĺ gə̄ ń noō na gerə̄n̄ yá̰a̰ aĺ rɔ̄kum, tɔdɔ̄ na əsan̄ jī gír deē yān gə̄ ajən̄neé, ba na ɓārə́n̄ rīn nja kógə̄ḿ aĺ bátə́.

PĀ GƏ̄ 140:12

Ngé tétə̄ najə̄ gə̄ a ndin̄ kem ɓēé alé. A ngɔ̄də̄n̄ de kə́ nge rāā yá̰a̰ kə dɔ́nɔ́ ō, nge kem ndul ō, i kanjə̄ taā koō.

PĀ GƏ̄ 12:5

Nin̄ ń ədan̄ na n-gerə̄n̄ najə̄ kə́ yā kəda tetəń rɔ̄ɔ̄, na n-a n-əhɔn̄ tadə́ ngan̄g adə̄ na n-ɓōlə́n̄ deē alé ní.

JAKƏ 5:6

Ī-gāngī sarya dɔ de kə́ gōtə́ tə́ ba ī-tɔ̄l̄niī, tɔdɔ̄ ni-dum̄sí alé.

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

JEREMI 5:21

Gír de kə́ mbóo gə̄ ō, kə́ kur̄ dɔdə́ gətóo gə̄ ō, ōōī najə̄ ń toō. Kumsí i noó banī á̰a̰ī loo alé. Mbīsí i noó banī ōōī loo alé.

1 MBAN̄G GƏ̄ 22:19

Mise əda na: Majə, ōō najə̄ ń Kɔ́ɔ̄ɓē əda ní: M-á̰á̰ Kɔ́ɔ̄ɓē ndi dɔ kōr̄ kāgə̄ mbang yān tə́, ba de kə́ dɔ rā̰ tə́ gə̄ malang ran̄ rɔ̄n tə́ kə njadə́ dɔɔ́, ran̄ dɔ jī ko̰n tə́ ō, dɔ jī gelən tə́ ō.

AMOS 7:16

Banī ḭ̄ Amasia ə́dam̄ na kə m̄-lōō kəda najə̄ kə́ Nə́ɓā əndā taḿ tə́ yā rɔ̄ɔ̄ń Israel, kə m̄-lōō kɔy najə̄ kə̄ naā tə́ dɔ kojə yā Isaak tə́!

JEREMI 28:15

Tā anī, Jeremi əda Hanania na: Hanania ī-nēl̄ mbīí ōōń. Kɔ́ɔ̄ɓē əlaī alé. I ḭ̄ n ā ī-rāā kadə̄ gír de gə̄ ń toō gólə̄n̄ rɔ̄də́ kə najə̄ kə́ rɔ̄kum aĺ gə̄ ní.

IJAI 28:14

I beé ní, sḭḭ̄ ngé mbóo kə de gēé gə̄, sḭḭ̄ ń i ngé kɔr no gír de kə́ Jerusalem gə̄ ń toō ní, ōōī najə̄ yā Kɔ́ɔ̄ɓē:

IJAI 1:10

Sḭḭ̄ ngār gə̄ kə́ Sodom, ōōī najə̄ yā Kɔ́ɔ̄ɓē. Sḭḭ̄ gír de kə́ Gomor gə̄, ī-nēlī mbīsí ōōiń yá̰á̰ ndóō yā Nə́ɓā yājí.

PĀ GƏ̄ 56:1

Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā déŕ kə́ dɔ kāgə̄ kə́ bo gə̄ kə́ loo kə́ sa̰y ngá̰ý tə́. I pā yā Dabid kə́ yā ndóoń deē yá̰a̰. Ɔr̄ i najə̄ yā Dabid ń Pilistin gə̄ əhɔnən̄ kem ɓē kə́ Gat tə́ ní.

Makətūbə̄ yā Job 24:4

Tə̄ɓān̄ ngé rɔ̄ tō ndoō gə̄ kɔ̄ɔ́ kum róbó ō, yá̰á̰ ń kadə̄ ngé ndoō kə́ kem ɓēé gə̄ rāān̄ ní, i kadə̄ nin̄ ɓɔ̄ɔ̄n̄ rɔ̄də́ kɔ̄ɔ́ ngóy ō.

EJEKIEL 45:10

Āwī kə yá̰a̰ mbɔ̄jə́ kɔȳ yá̰a̰ gə̄ kə́ gōtə́ ō, kə yá̰a̰ mbɔ̄jə́ ngāl̄ loo gə̄ kə́ gōtə́ ō.

AMOS 5:12

A̰á̰ā̰, m̄-ger̄ kadə̄ yá̰a̰ rāāsí kə́ majaĺ ngá̰ý gə̄ i ngá̰ý ō, yá̰a̰ rāāsí kə́ gōtə́ aĺ gə̄ boon̄ ngá̰ý ō, de gə̄ ń najə̄ gətóo dɔdə́ tə́ ní, sḭḭ̄ i madə̄ ba̰ā̰də́ gə̄ ō, yá̰a̰ kəndā nja kə́ gōtə́ aĺ gə̄ ɓáa, sḭḭ̄ ī-taāī ō, loo sarya tə́ ɓáa, ɔ̄gī kadə̄ gāngə̄n̄ sarya yā ngé ndoō gə̄ kə gōó ō.

MISE 2:2

Ré ndɔr̄ yā madə̄də́ gə̄ sə̄ngā kumdə́ anī, nin̄ taān̄ ndɔr̄ ní ō, ré gḛyn̄ i kújə yādə́ gə̄ anī, nin̄ táān̄ kújə gə̄ ní ō. Nin̄ ḭḭn̄ gúu dɔ de kə́ dəngam gə̄ tə́ ō, dɔ kojə yādə́ gə̄ tə́ ō, dɔ kɔ́ɔ̄ yá̰a̰ gə̄ tə́ ō, táān̄ yá̰a̰ kənge yādə́ gə̄ dɔ gúú tə́ ō.

PĀ GƏ̄ 10:7

Ni ndɔ̄ĺ loo kanjə̄ dəba ō, ɔ̄r̄ najə̄ gól̄ loo ngá̰ý ō, kə dɔ́nɔ́ tá ō. Kəlā ndo̰o̰n ger̄ i ndɔ̄ĺ de gə̄ ō, kənī kum tō ndoō kə̄ dɔ de gə̄ tə́ ō ngóy.

EJEKIEL 22:12

Ḭ̄ Jerusalem, ɓēé looí de gə̄ a taān̄ kadə̄ karī gə̄ jī de gə̄ tə́ a tɔ̄l̄nəń de gə̄ ō, de gə̄ a adə̄n̄ de gə̄ nar loo tə̄nā tə́ a taānəń manə̄n kə́ ngá̰ý al̄ naā dɔ tə́ ō, de gə̄ a kə́ran̄ madə̄də́ gə̄ dɔ yá̰a̰ yādə́ gə̄ tə́ ō. Ba mā ɓáa dɔdə́ ndígə̄naləḿ kɔ̄ɔ́ i kə́ njɔ́ḿ gə̄ tə́. Najə̄ ń mā Kɔ́ɔ̄ɓē Nə́ɓā m-ə́dá ní n noó.

MISE 3:3

A̰á̰ā̰, de gə̄ ngeé ń noō əsan̄ gír deē yāḿ gə̄. Nin̄ ɔrə̄n̄ ndāŕdə́ ō, tétə̄n̄ kə̄ngādə́ gə̄ ō. Nin̄-gór̄yōn̄də́ dugəju dugəju tītə̄ dā̰ kə́ gór̄yō kə́ to kem jóó beē.

JAKARI 5:6

m̄-dəjen najə̄ m-ə́da na ké nge ń noō ɔsə i kum gotə rí wa. Anī ni-tél ədam̄ na: I yá̰á̰ kə́ yā ɓōkə́ yá̰a̰ kemeé, kə́ yá̰a̰ rāā kə́ gōtə́ aĺ gə̄ kə́ kem ɓēé malang i kemeé.