AMOS 8:3 - Bibəl ta Sar̄

³ Najə̄ ń mā Kɔ́ɔ̄ɓē Nə́ɓā m-ə́dá ní n toó: Ndɔ̄ ń m-ā m̄-rāāń yá̰á̰ tə́ ní, gōsə̄ pā kə́ dəyá̰ gə̄ kə́ ndogó mbangāá a ənīn̄ i pā yo. Nin̄ gə̄ a ton̄ ngá̰ý. A tə́nīn̄ nīń de gə̄ kə̄ loo gə̄ tə́. Loo a to kúkúkú kə̄ loo gə̄ tə́ malang.

Bible sar

³ Najə̄ ń mā Kɔ́ɔ̄ɓē Nə́ɓā m-ə́dá ní n toó: Ndɔ̄ ń m-ā m̄-rāāń yá̰á̰ tə́ ní, gōsə̄ pā kə́ dəyá̰ gə̄ kə́ ndogó mbangāá a ənīn̄ i pā yo. Nin̄ gə̄ a ton̄ ngá̰ý. A tə́nīn̄ nīń de gə̄ kə̄ loo gə̄ tə́. Loo a to kúkúkú kə̄ loo gə̄ tə́ malang.

AMOS 8:3 Referans Kwoze

AMOS 5:23

Pā yāsí gə̄ ń ə̄nī ngá̰ý ta mbīḿ tə́ ní, ādī asəsí! Pā yāsí gə̄ ń ā ə̄nī kə kənde yāsí gēé ní, m̄-gḛy koō to̰ alé.

AMOS 5:16

I beé ní, Kɔ́ɔ̄ɓē Nə́ɓā, Nə́ɓā kə́ kɔ́ɔ̄ dɔ rā̰ ō dɔ nang ō, əda yá̰á̰ ń toō: De gə̄ a oōn̄ kōō pā yo gə̄ kə̄ ndágə loo gə̄ malang kə́ kem ɓēé tə́ ō, a ədan̄ kə̄ kum róbə kɔsə gə̄ tə́ malang na: Yá̰á̰ kə́ to kum kaȳ aĺ kə́ ba̰ý! Yá̰á̰ kə́ to kum kaȳ aĺ kə́ ba̰ý ō! A ɓārə́n̄ de kə́ kem ɓēé gə̄ kadə̄ aw̄n̄ yo tə́ ō, a ɓārə́n̄ dəyá̰ kə́ ngé nōō yo gə̄ kadə̄ aw̄ unən̄ pā yo gə̄ ō.

LEBI GƏ̄ 10:3

Moijə əda Aaro̰ na: I yá̰á̰ ń Kɔ́ɔ̄ɓē tāādə́ dɔ tə́ kété əda na: I kə ta kūl̄ ngé reē rɔ̄n tə́ ngɔr gə̄ n de gə̄ a ger̄nəń kadə̄ ni i kə́ táĺ ní ō, i nin̄ n a ɔsən̄ gɔnən ta kum ngán Israel gə̄ tə́ malang ní ō. Aaro̰ ndi kə tan kə́ mbóó.

NAHUM 3:3

Ngé kal̄ sə́nda gə̄ ɔrə̄n̄ rɔ̄də́ dɔɔ́. Yá̰a̰ rɔ̄ɔ̄ gə̄ ndə́lēn̄ pipir tītə̄ ta ndo̰o̰ hor gə̄ beé. Nənga gə̄ ndə́lēn̄ pipir tītə̄ hor kə́ kə́rā beé. Loo malang i nīń. Nīń de gə̄ to kə̄ dɔ naā tə́. De kə́ asə tə́da kutədə́ gətóo. Nīń de gə̄ tə́gā nja áskar gə̄!

AMOS 8:10

M-ā m̄-rāā kadə̄ ndɔ̄ rāā nāā yāsí gə̄ télən̄ ndɔ̄ kəhɔ ndoō ō, pā yāsí gə̄ malang ní m-ā m̄-rāā kadə̄ a télən̄ i pā yo gə̄ ō. De gə̄ malang a əlan̄ i kūbə̄ kəhɔ ndoō rɔ̄də́ tə́. De gə̄ malang a dəsān̄ dɔdə́ kɔ̄ɔ́, tītə̄ kə́ ndɔ̄ yo ngōn̄ kə́ kal kógə̄ḿ beē tə́ beē. Ba yá̰a̰ gə̄ ń noō malang ní, ta tɔ̄l̄ ta a to i tītə̄ ndɔ̄ kógə̄ḿ kə́ rɔ̄nelāĺ i ngá̰ý kemeé adə̄ rɔ̄ deē atə̄n beē.

AMOS 4:10

m̄-rāā adə̄ mo̰y ngāl̄bɔ̄gīí kógə̄ḿ kə́ tītə̄ nge ń əsō dɔ dā̰ gə̄ kə́ Ejiptə tə́ ní, əsō dɔsí tə́. M-ə́ya̰ madə̄ ba̰ā̰ gə̄ adə̄ tɔ̄lə̄n̄ balsáa yāsí gə̄, dan ń de gə̄ a ɔyn̄neé sə́nda yāsí gə̄ ní. Sēē nīń kə́ otə majaĺ ngá̰ý aw̄ bátə́ ugə̄ kó̰ńsí tə́. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

JOEL 1:13

Ngé tun̄ yá̰a̰ gə̄ ī-dō̰ō̰ī ɓōdə̄sí ō, ī-nōōī rɔ̄sí ō. Sḭḭ̄ ngé rāā kəla tun̄ yá̰a̰ ī-gāngī kɔŕ. Sḭḭ̄ de kə́ bo gə̄ yā Nə́ɓā yāḿ, ī-reēī, ō̰ō̰ī kūbə̄ kəhɔ ndoō ī-ɓīīneé. Tɔdɔ̄ ndəjə̄ yá̰a̰ aláa tə́te kasə nduú kem kújə yā Nə́ɓā yāsí tə́ kɔ̄ɔ́.

JOEL 1:11

Jī ngé ndɔr̄ gə̄ ur̄ wak. Ngé ndɔr̄ kāgə̄ nduú gə̄, nōōn̄ rɔ̄də́. Kōō gémē ō kōō ɔ́rjə ō nujə kɔ̄ɔ́. Kōō kə́ ndɔrɔ́ nujə malang kɔ̄ɔ́.

JOEL 1:5

Ngé kasə rāā gə̄, ī-ndólī dɔ ɓīī tə́ ō, ī-nōōī ō. Sḭḭ̄ malang, ngé ka̰ȳ kasə nduú gə̄, ī-nōōī rɔ̄sí. Tɔdɔ̄ ɔrə̄n̄ kasə nduú tasí tə́ kɔ̄ɔ́.

JEREMI 22:18

Tā anī najə̄ ń Kɔ́ɔ̄ɓē əda sɔɔ̄ dɔ Joakim kə́ ngōn̄ Josias, mban̄g kə́ Juda tə́ ní n toó: Pā yo ń na: I yá̰á̰ kə́ to kum kaȳ aĺ kə́ ba̰ý beé, ngōkó̰ó̰ḿ kə́ dəngam, i yá̰á̰ kə́ to kum kaȳ aĺ kə́ ba̰ý beé, ngōkó̰ó̰ḿ kə́ dəyá̰ i yá̰á̰ kə́ to kum kaȳ aĺ kə́ ba̰ý beé, kɔ́ɔ̄ḿ. i yá̰á̰ kə́ to kum kaȳ aĺ kə́ ba̰ý beé, de kə́ bo ní deē a nōōnneé alé.

IJAI 37:36

De kə́ dɔ rā̰ tə́ yā Kɔ́ɔ̄ɓē ugə̄ gérger yā Asiri gə̄ tə́, ba rāā adə̄ de gə̄ dūbú kə kutə sɔ́sɔ́ kə kalən kə́ mí oyn̄. Teē dəloí kə ndɔ̄ kə́ noō anī, áskar gə̄ teēn̄ dɔ de kə́ koy gə̄ ń noō tə́ malang.

PĀ GƏ̄ 39:9

Ī-gān̄g dɔḿ tū majaĺ yāḿ gə̄ tə́ malang. Ī-lōō kəya̰m̄ kadə̄ mbóo gə̄ əgōmə̄n̄.

NŌŌ RƆ̄ 2:10

Kum kɔɔ̄ gə̄ yā ngōmandə kə́ Siyo̰ ndin̄ nang tə́ tadə́ mbóo. Ba ɔyn̄ bumbə́ru kə̄ dɔdə́ tə́ ō, o̰ō̰n̄ kūbə̄ sákə̄ rɔ̄də́ tə́ ō. Ngámandə kə́ Jerusalem gə̄ əlan̄ dɔdə́ nang tə́.

AMOS 6:4

Sḭḭ̄ ī-toī i dɔ tə̄rá gə̄ kə́ rāān̄ ro̰də́ i kə ngān̄g dā̰á̰ tə́ ō, ī-toī kə ngāl̄sí dɔ yá̰a̰ ndi yāsí kə́ sɔl̄ lɔ́ḿ lɔ́ḿ gə̄ tə́ ō, yā kəsań ngán batə̄ kə́ majə tɔȳ madə̄ gə̄ kə́ dan yá̰a̰ kul̄ yāsí gə̄ tə́ ō, yā kəsań duĺ man̄g kə́ bo tɔȳ madə̄ gə̄ kə́ kem gɔngɔɔ́ ō.

AMOS 6:5

Sḭḭ̄ ə̄nī pā ba ī-dānī gō kə kəndeé. sḭḭ̄ ī-teēī kə yá̰a̰ gōsə̄ kə́ kijə gə̄ tītə̄ yā Dabid beé.

AMOS 6:8

Kɔ́ɔ̄ɓē Nə́ɓā, Nə́ɓā kə́ kɔ́ɔ̄ dɔ rā̰ ō dɔ nang ō túbə əda na: Tītə̄ ń mā i Nə́ɓā rɔ̄kum noó, kɔjə rɔ̄ yā ɓē ko̰o̰ kə́ Israel nelə̄m̄ aĺ ngá̰ý, kújə yān kə́ majə gə̄ nelə̄m̄ aĺ ngá̰ý. M-ā m-ə́la ɓē kə́ Samari kə yá̰a̰ malang kə́ kemeé kem jī madə̄ ba̰ā̰n gə̄ tə́.

SOPONI 1:7

Ī-ndiī tasí mbóo kə̄ no Kɔ́ɔ̄ɓē Nə́ɓā tə́, tɔdɔ̄ dɔ i ngɔr. A̰á̰ā̰, Kɔ́ɔ̄ɓē əndā dɔ yá̰á̰ tun̄ kógə̄ḿ danaá kɔ̄ɔ́. De gə̄ ń ni-ɓāŕdə́ ta kəsa yá̰á̰ ní, ni tə́gódə́ adə̄ unjə̄n̄ njáý njáý kɔ̄ɔ́ ɓá.