AMOS 8:14 - Bibəl ta Sar̄

¹⁴ Ngé kə́rēý gə̄ a ənīn̄ ndūdə́ kə ngagāá ngá̰ý kə ta kūl̄ nə́ɓā kə́ rɔ̄kum aĺ kə́ Samari. Nin̄ túbən̄ ədan̄ na: Dan, m̄-túbə kə ta kūl̄ nə́ɓā yāí! Aláa ədan̄ na: m̄-túbə kə ta kūl̄ róbə́ kə́ yā ɓōĺ gidə kə́ ta kaw̄ kə̄ Beer Seba! Loo ń noō tə́ ní, de gə̄ ngeé ń noō a əsōn̄ ō, a télən̄ yā kḭḭ dɔɔ́ gogə́ to̰ aĺ ō!

Bible sar

¹⁴ Ngé kə́rēý gə̄ a ənīn̄ ndūdə́ kə ngagāá ngá̰ý kə ta kūl̄ nə́ɓā kə́ rɔ̄kum aĺ kə́ Samari. Nin̄ túbən̄ ədan̄ na: Dan, m̄-túbə kə ta kūl̄ nə́ɓā yāí! Aláa ədan̄ na: m̄-túbə kə ta kūl̄ róbə́ kə́ yā ɓōĺ gidə kə́ ta kaw̄ kə̄ Beer Seba! Loo ń noō tə́ ní, de gə̄ ngeé ń noō a əsōn̄ ō, a télən̄ yā kḭḭ dɔɔ́ gogə́ to̰ aĺ ō!

AMOS 8:14 Referans Kwoze

AMOS 5:5

Banī ī-lōōī sāām̄ kem kújə yā Kɔ́ɔ̄ɓē kə́ Betel tə́ tə́. Loo kə́ yā ɓōĺ gidə kə́ Gilgal tə́ ní, ī-lōōī kudə tū tə́. Ī-lōōī kaw̄ nge kə́ Beer Seba tə́ tə́. A̰á̰ā̰, a ɔyn̄ de kə́ Gilgal gə̄ yā kaw̄ sedə́ dɔ ɓē kə́ rang tə́ ō, Betel ń i kújə yā Nə́ɓā ní, a tél kújə yā nə́ɓā kə́ rɔ̄kum aĺ gə̄ ō.

NDŪ NAJƏ̄ 9:21

M-ún ngōn̄ man̄g ń ī-rāāī á i kəla rāāsí kə́ majaĺ ní m̄-róō horoó ba m-úr ndujə̄ tə́, m̄-seĺ kum man̄ ń ḭḭ dɔ mbalá a nūgə́ ní tə́.

KƏLA RĀĀ 9:2

Ni-aw̄ ənge ngol ngé tun̄ yá̰a̰ gə̄ ba dəjen makətūbə̄ kə rī kújə́ kán̄ naā gə̄ kə́ Damas, yā kadə̄ ré n-ənge dəngam gə̄, aláa dəyá̰ gə̄, kə́ a unən̄ gō róbə yā Kɔ́ɔ̄ɓē anī, kə n-tó̰ō̰də́ kə kəlaá kə n-reē sedə́ Jerusalem.

KƏLA RĀĀ 24:14

Ba yá̰á̰ ń m̄-ger̄ kadə̄ i rɔ̄kum ní n toó: Mā m-ún i gō róbə́ kə́ kijə ń ədan̄ na i róbə́ kə́ gōtə́ aĺ ní n m̄-rāań kəla m-ādə̄ Nə́ɓā yā kaají gə̄ ní. Banī m̄-taā kem yá̰a̰ malang ń ndangən̄ kem makətūbə̄ ndū najə̄ tə́ ō, kem makətūbə̄ yā ngé koō ta gə̄ tə́ ō ní.

KƏLA RĀĀ 19:23

Yá̰á̰ kə́ a̰a̰ gō naā aĺ kə́ majaĺ ngá̰ý to kem ɓēé dɔ gō róbə́ yā Kɔ́ɔ̄ɓē tə́ dan ngeé ń noō tə́.

KƏLA RĀĀ 19:9

Banī ngá̰ý gə̄ rāān̄ dɔ ngan̄g, mbātə́n̄ taā kem ba tə́dan̄ najə̄ kə́ majaĺ gə̄ dɔ róbə yā Kɔ́ɔ̄ɓē tə́ ta kum ngé kán̄ naā gə̄ tə́. Loo ń noō tə́ Pol əya̰də́ ba ɔy ngé ndóō yá̰a̰ gə̄ aw̄ sedə́. Ni ɔjədə́ najə̄ yā Nə́ɓā kə dɔ ndɔ̄ gə̄ kem kújə́ ndóō yá̰a̰ yā Tiranus tə́.

KƏLA RĀĀ 18:25

Ɔjənən̄ gō róbə yā Kɔ́ɔ̄ɓē kété, adə̄ ni-tḭ̄ḭ̄ rɔ̄n ɔjəń de gə̄ najə̄ yā Nə́ɓā ō, ni-ndóō de gə̄ yá̰á̰ kə́ dɔ Jeju tə́ i kə gōó ō.

SOPONI 1:5

Ngé kal̄ dɔ kújə́ dúŕ dur gə̄ tə́ yā ndɔ̄yń tə́yō̰ gə̄ ní, m-ā m̄-rāādə́ kadə̄ nin̄ a gətóon̄ kɔ̄ɔ́. Ngé gə̄ ń a rɔȳmə̄n̄ ō, a túbən̄ kə nə́ɓā Milkom ō ní, m-ā m̄-rāādə́ kadə̄ nin̄ a gətóon̄ kɔ̄ɔ́.

AMOS 5:2

Israel to tītə̄ ngōmandə kə́ oy kɔ̄ɔ́ beē. Ni teē əsō ba ḭḭ dɔɔ́ to̰ alé. Ni to nang tə́ kem ɓē yān tə́, ba de kə́ yā kunən dɔɔ́ gətóo!

OJEE 13:2

Ba ɓōólaā Epəraim gə̄ na̰yn̄ kə̄ loo rāā yá̰á̰ kə́ majaĺ tə́ ɓáý: Nin̄ nōōn̄ gində̄ rāān̄ kum gotə yá̰a̰ gə̄ tə́. Nin̄ rāān̄ nə́ɓā kə́ rɔ̄kum aĺ gə̄ kə gində̄ arjā̰a̰ yādə́ ō, kə jīī ger̄ yá̰a̰ yādə́ ō. I kɔdə̄ gə̄ n rāān̄ yá̰a̰ gə̄ ní, banī nin̄ ədan̄ na: Ī-ndējīdə́ yá̰á̰ kə́ tun̄ gə̄! Deē ndul gə̄ əhɔn̄ ngán man̄g gə̄ ɓirə̄n̄də́ dagə kə̄ rɔ̄də́ tə́ wa!

OJEE 10:5

De kə́ Samari gə̄ ɓōlə́n̄ najə̄ yā ngōn̄ man̄g lɔ́ŕ kə́ Bet Aben tə́. Gír deē yān gə̄ ō, ngé tun̄ yá̰a̰ yān gə̄ ō, rāān̄ yon. Nin̄ asən̄ ndām̄ ndām̄ rɔ̄nel̄ majə, najə̄ yā majə kə́ ni majə ka̰ā̰ tə́. Majə yān ní gətóo kɔ̄ɔ́ ngɔlaā!

OJEE 4:15

Ḭ̄ Israel, ún rɔ̄í ī-rāā ń ájə́ba. Ba majə kadə̄ Juda rāā yá̰á̰ kə́ gōtə́ aĺ kə́ kógə̄ḿ beē nəkɔ́ ń noō alé. Ī-lōōī kaw̄ loo kə́ yā ɓōĺ gidə kə́ Gilgal tə́ ō, ī-lōōī kaw̄ Bet Aben ō. Ī-lōōī túbə kəda na: Tītə̄ ń Kɔ́ɔ̄ɓē ndiń kə kumneé noō ō.

JEREMI 51:64

gō tə́ anī ā ə́da na: Babilon a gətóo kɔ̄ɔ́ i tītə̄ ń noō ō, ni a ḭḭ dɔɔ́ kum yá̰á̰ kə́ to kum kaȳ aĺ gə̄ ń rāānən̄ ní tə́ to̰ aĺ ō. Nápar de gə̄ tə́sōn̄ sɔɔ̄ń kɔr kə́ rāādə́ ngá̰ý. Ta tɔ̄l̄ ta Najə̄ yā Jeremi i loo ń toō tə́.

JEREMI 25:27

Ā ə́dádə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ā̰yī ādə̄ rāāsí ō, ī-tōmbī ō, ī-teē ī-tə́sōī kanjə̄ kadə̄ ḭ́ḭī dɔɔ́ ō, dan ń a á̰a̰ī kaskar ń m-ā m-ə́la dɔ dáńdə́ tə́ ní.

IJAI 43:17

Ni-rāā adə̄ púsə rɔ̄ɔ̄ gə̄ ō, sə́nda gə̄ ō teēn̄, kósə́ ngé rɔ̄ɔ̄ gə̄ kə́ ɓūtə̄ de gə̄ yādə́ gə̄ kə́ ngé kənī rɔ̄ɔ̄ kə ngangá gə̄ teēn̄. Nin̄ əsōn̄ i yā kḭḭ dɔɔ́ to̰ alé. Nin̄ kɔ́ gə̄ oyn̄ muk. Nin̄ o̰o̰n̄ hor tītə̄ kəlā hor kə́ to kem lámbá tə́ beē.

Gōsə̄ najə̄ gə̄ 29:1

Deē ń ndán̄gnən̄ ba dum̄ naā ní, a tétə̄n̄ kə̄ngōn̄ rárák gidə kógə̄ḿ ō, a gətóo ō!

PĀ GƏ̄ 140:10

Ngé gə̄ ń gīrə̄n̄ gidəḿ yā rɔ̄ɔ̄m̄ ní, ādə̄ yá̰á̰ ń sāān̄ rāā seḿ ní rāādə́ nin̄ kɔ́ gə̄.

PĀ GƏ̄ 36:12

Ādə̄ de kə́ nge gán̄g rɔ̄n əndā njan looḿ alé! Ādə̄ jī ngé kem ndul gə̄ tə̄ɓām̄ kə̄ gogə́ alé!

2 YÁ̰A̰ GƏ̄ 36:16

Banī nin̄ mbóon̄ kə ngámbang kəla yā Nə́ɓā gēé ō, kídə̄n̄ najə̄ gə̄ ń Nə́ɓā ɔr̄ sedə́ ní ō, ɓōlə́n̄ ngé koō ta yān gə̄ aĺ ō, adə̄ wōn̄g ń rāā Kɔ́ɔ̄ɓē kə gír deē yān gēé ní dáwán gətóo.

2 MBAN̄G 10:29

Ɓá tā ba ni un rɔ̄n kɔ̄ɔ́ gō yá̰á̰ kə́ majaĺ gə̄ ń Jeroboam ngōn̄ Nebat rāā á sə̄lā Israel gə̄ adə̄ rāān̄ ní tə́ alé. Yá̰á̰ kə́ majaĺ gə̄ ní i man̄g lɔ́r gə̄ ń ran̄ Betel ō, Dan ō ní.

1 MBAN̄G GƏ̄ 16:24

Gō tə́ anī aw̄ mang mbal̄ kə́ Samari jī Semer tə́ kə nar gində̄ arjā̰a̰ dūbú mehḛ́. Ni-rāā ɓē dɔ mbal̄ ní tə́ ba əndā rī ɓē ní na i Samari kə rī Semer kɔ́ɔ̄ mbal̄ ní.

1 MBAN̄G GƏ̄ 14:16

Kɔ́ɔ̄ɓē a əya̰də́ kɔ̄ɔ́ tām̄ majaĺ yā Jeroboam tə́ ō, tām̄ rāā ń Jeroboam rāā ngán Israel gə̄ adə̄ rāān̄ majaĺ ní ō.

1 MBAN̄G GƏ̄ 12:32

Jeroboam rāā nāā kógə̄ḿ kə́ to tītə̄ nge ń a rāān̄ Juda ní kem nāā kə́ nge ko̰ sɔ́sɔ́ tə́, kə ndɔ̄ nāā kə́ nge ko̰ kutə gidə i mí, ba nəkɔ́ aĺ aw̄ tun̄ yá̰a̰ dɔ loo tun̄ yá̰á̰ tə́. Ni-rāā tītə̄ ń noō Betel ō, tun̄ yá̰a̰ adə̄ duĺ man̄g gə̄ ń ni rāādə́ ní ō. Ngé tun̄ yá̰a̰ gə̄ kə́ loo ndɔ̄ȳ gə̄ tə́ ń ni əndādə́ kem kəla tun̄ yá̰á̰ tə́ ní, əndādə́ Betel ō.

NDŪ NAJƏ̄ 33:11

Kɔ́ɔ̄ɓē, ī-tél ādə̄də́ tɔ́gə gogə́ rang ō, ī-ndigə kəla malang ń a rāān̄ ní ō. Ī-taā tɔ́gə madə̄ ba̰ā̰də́ gə̄ kɔ̄ɔ́ ādə̄ asən̄ kḭḭ dɔɔ́ to̰ alé.

IJAI 24:20

Dɔ nang bḭ́ḭ̄ tītə̄ de kə́ nge kasə rāā beé, ni mbo̰y tītə̄ kújə́ kámbə́ kə́ nél rāān beé. Yá̰a̰ rāān kə́ gōtə́ aĺ ɔyn adə̄ teē əsō, ni a asə kḭḭ dɔɔ́ gogə́ alé.

MISE 1:5

Yá̰a̰ ń noō rāā yá̰a̰ i tɔdɔ̄ gír deē yā Jakob gə̄ mānə̄n̄ dɔ ndū najə̄. Tɔdɔ̄ ɓē ko̰o̰ kə́ Israel tə́ ra dɔ ndūn tə́ alé. I náā n i nge kɔsə kə gír deē yā Jakob gə̄ ta mān̄ dɔ ndū najə̄ ní? Má i ɓē kə́ Samari wa ḿ? I náā i nge nge kɔsə kə gír deē yā Juda gə̄ ta rɔȳ nə́ɓā kə́ rɔ̄kum aĺ gə̄ ní? Má i ɓē kə́ Jerusalem wa ḿ?

Gōsə̄ najə̄ gə̄ 24:16

Tɔdɔ̄ de kə́ súmūú asə əsō nja ngá̰ý gə̄gē a a ḭḭ dɔɔ́. Banī yá̰a̰ a əga nja ngé kem ndul gə̄ kadə̄ əsōn̄ kum yá̰á̰ kə́ to kum kaȳ aĺ tə́.

AMOS 5:1

Israel gə̄, ōōī kum pā yo ń m-ə̄nī m-ā m̄-nōońsí toō: