AMOS 8:13 - Bibəl ta Sar̄

¹³ Ndɔ̄ ń noō tə́ ní, kəndā man̄ a taā tɔ́gə́ ngáń kə́ dəyá̰ kə́ mandə ngá̰ý gə̄ ō, balsáa gə̄ ō.

Bible sar

¹³ Ndɔ̄ ń noō tə́ ní, kəndā man̄ a taā tɔ́gə́ ngáń kə́ dəyá̰ kə́ mandə ngá̰ý gə̄ ō, balsáa gə̄ ō.

AMOS 8:13 Referans Kwoze

OJEE 2:3

Ə́daī ngákó̰ó̰sí kə́ dəngam gə̄ na: Sḭḭ̄ i gír deē yāḿ gə̄ ō, ngákó̰ó̰sí kə́ dəyá̰ gə̄ na: Sḭḭ̄ i Kó tár gə̄ ō.

NŌŌ RƆ̄ 2:21

Balsáa gə̄ ō, de kə́ tɔgə ɓə́ga gə̄ ō, ton̄ nang tə́ kum róbə kɔsə gə̄ tə́. Ngáń kə́ mandə yāḿ gə̄ ō, kə́ balsáa yāḿ gə̄ ō, oyn̄ yo kaskar. Ī-tɔ̄l̄də́ ndɔ̄ wōn̄g yāí tə́ ō, ə́já míndə́də́ kanjə̄ kadə̄ kumií o̰o̰ī ō.

NŌŌ RƆ̄ 1:18

Kɔ́ɔ̄ɓē rāā i yá̰á̰ kə́ gōtə́, tɔdɔ̄ m̄-mbātə́ rāā yá̰a̰ gə̄ ń ni ədam̄ kadə̄ m̄-rāā ní. Ōōī, sḭḭ̄ gír de gə̄ malang, á̰a̰ī wur kɔl yāḿ, əhɔn̄ ngámandə yāḿ gə̄ ō, balsáa yāḿ gə̄ ō aw̄n̄ sedə́ dɔ nang kə́ rang tə́.

JAKARI 9:17

Rɔ̄də́ a nel̄də́ rɔ̄kum ō, nin̄ a majən̄ deē rɔ̄kum ō! Kōō gémē a adə̄ balsáa gə̄ tɔ́gə ō, kasə nduú kə́ kijə a adə̄ ngámandə gə̄ tɔ́gə ō.

NŌŌ RƆ̄ 2:10

Kum kɔɔ̄ gə̄ yā ngōmandə kə́ Siyo̰ ndin̄ nang tə́ tadə́ mbóo. Ba ɔyn̄ bumbə́ru kə̄ dɔdə́ tə́ ō, o̰ō̰n̄ kūbə̄ sákə̄ rɔ̄də́ tə́ ō. Ngámandə kə́ Jerusalem gə̄ əlan̄ dɔdə́ nang tə́.

JEREMI 48:18

Sḭḭ̄ de kə́ Dibon gə̄, ī-risiī dɔ yá̰á̰ kə́ to kɔsə gɔn yāsí tə́ ō, ī-ndiī kə kəndā maná ō. Nge nujə kə ɓē kə́ Moab sák sák aw̄ kənīsí rɔ̄ɔ̄ tə́, ni nujə ɓē yāsí kə́ ngan̄g ngá̰ý gə̄ kɔ̄ɔ́.

IJAI 40:30

Balsáa gə̄ télən̄ de kə́ tɔ́gə́də́ gətóo gə̄ ō, kɔr rāādə́ ō. Ngé kə́ nin̄ tɔyn̄ madə̄də́ gə̄ gə̄gē tə́sōn̄.

PĀ GƏ̄ 63:1

Pā yā Dabid. Kum pā ní ɔr̄ i najə yā Dabid, dan ń ni ndiń kem dəla loo kə́ Juda tə́ ní.

NDŪ NAJƏ̄ 32:25

Kəyā kaskar a tɔ̄l̄ de gə̄ ndágá ō, ɓōĺ a tɔ̄l̄ de gə̄ kújú ō. Balsáa a oy ō, ngōmandə a oy ō, ngōn̄ kásə̄ a oy ō, de kə́ tɔgə ɓə́ga a oy ō.

IJAI 9:17

A̰á̰ā̰, kem ndul i yá̰á̰ kə́ o̰o̰ loo tītə̄ hor kə́ o̰o̰ kōn̄ kə́ tayā tayā gə̄ beé. Hor ní əhɔ túpə kámbə gə̄ kə́ kem ku kāgə̄ gə̄ tə́ ō, rāā adə̄ sa hor kə́ ra kə ngālāá ɓururu ḭḭ ta kaw̄ dɔ rā̰ tə́ ō.

OJEE 2:5

Ré i beé aĺ anī, m-ā m-ɔ̄r̄ yá̰a̰ rɔ̄n tə́ kɔ̄ɔ́ kadə̄ rɔ̄n i karī tītə̄ kə́ ndɔ̄ kojən tə́. M-ā m̄-rāā dɔ nang kə́ Israel kadə̄ tél to tītə̄ loo kə́ dəla loo tə́. M-ā m̄-tūrə̄n kadə̄ tél to tītə̄ dɔ nang kə́ tutə káḿ káḿ. M-ā m̄-rāā kadə̄ kəndā man̄ tɔ̄lən.