AMOS 7:9 - Bibəl ta Sar̄

⁹ Loo ndɔ̄ȳ gə̄ yā kojə yā Isaak ní, m-ā m̄-nujəń kɔ̄ɔ́ ō, loo kə́ kɔr̄ kam̄ tām̄ yā Nə́ɓā tə́ gə̄ yā Israel ní, m-ā m̄-nujəń kɔ̄ɔ́ ō, m-ā m̄-rɔ̄ɔ̄ kojə kə́ ndogó mbangāá yā Jeroboam ō.

Bible sar

⁹ Loo ndɔ̄ȳ gə̄ yā kojə yā Isaak ní, m-ā m̄-nujəń kɔ̄ɔ́ ō, loo kə́ kɔr̄ kam̄ tām̄ yā Nə́ɓā tə́ gə̄ yā *Israel ní, m-ā m̄-nujəń kɔ̄ɔ́ ō, m-ā m̄-rɔ̄ɔ̄ kojə kə́ ndogó mbangāá yā Jeroboam ō.

AMOS 7:9 Referans Kwoze

TA KƏLA 46:1

Jakob ɔy yá̰a̰ yān malang ba əsō róbó, aw̄ ugə̄ Beer Seba anī tun̄ yá̰a̰ adə̄ Nə́ɓā yā bɔbə̄n Isaak.

AMOS 8:14

Ngé kə́rēý gə̄ a ənīn̄ ndūdə́ kə ngagāá ngá̰ý kə ta kūl̄ nə́ɓā kə́ rɔ̄kum aĺ kə́ Samari. Nin̄ túbən̄ ədan̄ na: Dan, m̄-túbə kə ta kūl̄ nə́ɓā yāí! Aláa ədan̄ na: m̄-túbə kə ta kūl̄ róbə́ kə́ yā ɓōĺ gidə kə́ ta kaw̄ kə̄ Beer Seba! Loo ń noō tə́ ní, de gə̄ ngeé ń noō a əsōn̄ ō, a télən̄ yā kḭḭ dɔɔ́ gogə́ to̰ aĺ ō!

AMOS 5:5

Banī ī-lōōī sāām̄ kem kújə yā Kɔ́ɔ̄ɓē kə́ Betel tə́ tə́. Loo kə́ yā ɓōĺ gidə kə́ Gilgal tə́ ní, ī-lōōī kudə tū tə́. Ī-lōōī kaw̄ nge kə́ Beer Seba tə́ tə́. A̰á̰ā̰, a ɔyn̄ de kə́ Gilgal gə̄ yā kaw̄ sedə́ dɔ ɓē kə́ rang tə́ ō, Betel ń i kújə yā Nə́ɓā ní, a tél kújə yā nə́ɓā kə́ rɔ̄kum aĺ gə̄ ō.

AMOS 3:14

Ndɔ̄ ń m-ā m̄-rāań yá̰á̰ kógə̄ḿ kə gír de gə̄ yā Israel najə̄ yá̰a̰ rāādə́ kə́ majaĺ ngá̰ý tə́ ní, m-ā m̄-rāā yá̰á̰ kógə̄ḿ kə loo tun̄ yá̰a̰ gə̄ kə́ Betel. A tɔ̄ɔ̄n̄ kíl loo tun̄ yá̰a̰ gə̄ ń rāān̄ adə̄ ḭḭ kə̄ dɔɔ́ ní ō, kíl loo tun̄ yá̰a̰ gə̄ ní a tə́sōn̄ nang tə́ ō.

OJEE 10:8

A nujən̄ loo ndɔ̄ȳ gə̄ kɔ̄ɔ́, tɔdɔ̄ Israel mān̄ i dɔ ndū Nə́ɓā n rāańdə́ ní. Túpə kōn̄ gə̄ kə túpə ngar̄ gə̄ a alə̄n̄ dɔ loo tun̄ yá̰a̰ yādə́ gə̄ tə́. De kə́ Samari gə̄ a ədan̄ mbal̄ bo gə̄ na: Ī-ɓɔ̄ɔ̄ījí kɔ̄ɔ́! Nin̄ a ədan̄ ngán mbal̄ gə̄ na: Ī-tə́sōī dɔjí tə́!

IJAI 63:18

Jḭḭ ń i gír deē yāí kə́ táĺ gə̄ ní, j-ənge dɔ nang yá̰a̰ ndəbā tə́ dan i ngá̰ý alé. Madə̄ ba̰ā̰jí gə̄ rāān̄ loo yāí kə́ táĺ adə̄ téĺ kə́ yḛr kɔ̄ɔ́.

JEREMI 51:51

Dan ń de gə̄ tájə̄n̄jí ō, tə̄rā gə̄ reē udən̄ kem loo kə́ táĺ tə́ kem kújə yā Kɔ́ɔ̄ɓē tə́ ō ní, rɔ̄jí nel̄jí aĺ ō, rɔ̄jí sɔl̄jí ō.

AMOS 7:11

Tɔdɔ̄ najə̄ ń ni-əda ní n toó: Jeroboam a oy yo mósə tɔdɔ̄ a tɔ̄l̄nən̄ ō, a ɔyn̄ Israel gə̄ yā kaw̄ sedə́ dɔ ɓē kə́ rang tə́ dɔ gúú tə́ kadə̄ nin̄ i sa̰y rɔ̄ ɓē yādə́ tə́ ō.

AMOS 7:13

Ba Betel tə́ laā ɓáa, ādə̄ asiī kɔr̄ najə̄ kə́ loo nge koō ta tə́! Tɔdɔ̄ i loo kə́ kɔr̄ kam̄ yā mban̄g ō, i kújə yā Kɔ́ɔ̄ɓē kə́ kem ɓē ko̰o̰ tə́ ō.

MISE 1:5

Yá̰a̰ ń noō rāā yá̰a̰ i tɔdɔ̄ gír deē yā Jakob gə̄ mānə̄n̄ dɔ ndū najə̄. Tɔdɔ̄ ɓē ko̰o̰ kə́ Israel tə́ ra dɔ ndūn tə́ alé. I náā n i nge kɔsə kə gír deē yā Jakob gə̄ ta mān̄ dɔ ndū najə̄ ní? Má i ɓē kə́ Samari wa ḿ? I náā i nge nge kɔsə kə gír deē yā Juda gə̄ ta rɔȳ nə́ɓā kə́ rɔ̄kum aĺ gə̄ ní? Má i ɓē kə́ Jerusalem wa ḿ?

2 MBAN̄G 14:24

Ni-rāā yá̰á̰ kə́ majaĺ ta kum Kɔ́ɔ̄ɓē tə́. Yá̰á̰ kə́ majaĺ gə̄ ń Jeroboam ngōn̄ Nebat rāā ō, sə̄lā ngán Israel gə̄ adə̄ rāān̄ ō ní, ni əya̰ kógə̄ḿ kɔ̄ɔ́ alé.

EJEKIEL 6:3

ā ə́da na: De gə̄ ń ndin̄ ɓē dɔ mbal̄ bo gə̄ tə́ ō, dɔ ngán mbal̄ gə̄ tə́ ō, guúru loo gə̄ tə́ ō, wól loo gə̄ tə́ ō ní najə̄ ń mā Kɔ́ɔ̄ɓē Nə́ɓā m-ə́dádə́ ní n toó. M-ā m̄-reē kə ngé rɔ̄ɔ̄ gēé dɔsí tə́ yā nujəń loo ndɔ̄ȳ yāsí gə̄ kɔ̄ɔ́.

AMOS 9:1

M-á̰á̰ Kɔ́ɔ̄ɓē ra kə njan kə́ dɔɔ́ dɔ loo tun̄ yá̰á̰ tə́. Ni-əda na: Ī-tə́ndā dɔ kāgə̄ nga dan kə́ ngāl̄ ɓururu gə̄ ādə̄ gír gisədə́ gə̄ yéȳn̄. Ī-tétə̄də́ ādə̄ tə́sōn̄ dɔ de gə̄ tə́. Ré ngé kə́rēý gə̄ ndin̄ kə kumdə́ ɓáý anī, m-ā m̄-tɔ̄l̄də́ kə kaskaraá. De kə́ yā teē ka̰ȳ a gətóo ō, de kə́ yā ndi kə kumneé a gətóo ō.