AMOS 7:8 - Bibəl ta Sar̄

⁸ Kɔ́ɔ̄ɓē dəjem̄ najə̄, əda na: Amos, yá̰á̰ ń á̰a̰ā̰ ní i rí? Anī m̄-tél m-ə́dan na: I kəlā kógə̄ḿ kə́ gində̄ pəlo̰ i ta tə́. Kɔ́ɔ̄ɓē un ta najə̄ yān kum kə̄ kété əda na: Yá̰á̰ ń m-á̰a̰ā̰ ní toó: Gír deē yāḿ gə̄ ton̄ i tītə̄ ndogə̄ mbal̄ kə́ ra súmūú aĺ beē. Ngɔlaā ní, m-ā m̄-mā̰ȳ rɔ̄ḿ dɔdə́ tə́ to̰ alé.

Bible sar

⁸ Kɔ́ɔ̄ɓē dəjem̄ najə̄, əda na: Amos, yá̰á̰ ń á̰a̰ā̰ ní i rí? Anī m̄-tél m-ə́dan na: I kəlā kógə̄ḿ kə́ gində̄ pəlo̰ i ta tə́. Kɔ́ɔ̄ɓē un ta najə̄ yān kum kə̄ kété əda na: Yá̰á̰ ń m-á̰a̰ā̰ ní toó: Gír deē yāḿ gə̄ ton̄ i tītə̄ ndogə̄ mbal̄ kə́ ra súmūú aĺ beē. Ngɔlaā ní, m-ā m̄-mā̰ȳ rɔ̄ḿ dɔdə́ tə́ to̰ alé.

AMOS 7:8 Referans Kwoze

AMOS 8:2

Ni dəjem̄, əda na: Amos, yá̰á̰ ń á̰á̰ ní i rí? Anī, m̄-téĺ m-ə́dan na: I jáńg kógə̄ḿ kə́ kan̄ kāgə̄ kə́ kərē kɔ̄ɔ́ gə̄ i kemeé. Tā anī Kɔ́ɔ̄ɓē ədam̄ na: Israel gə̄ ń i gír deē yāḿ gə̄ ní, gír yādə́ a gān̄g kɔ̄ɔ́ tītə̄ yā kan̄ kāgə̄ kə́ kərē kɔ̄ɔ́ gə̄ beé. Ngɔlaā ní, m-ā m̄-mā̰ȳ rɔ̄ḿ dɔdə́ tə́ to̰ alé.

NŌŌ RƆ̄ 2:8

Kɔ́ɔ̄ɓē núm̄ kadə̄ kə n-nujə ndogə̄ mbal̄ yā ngōmandə kə́ Siyo̰ kɔ̄ɔ́. A ənī kəlā kə́ yā jɔ̄r̄yɔń gidə loo kadə̄ asə naā ō, a tél kə jīneé karī kanjə̄ nujə loo aĺ ō. Ni-rāā adə̄ loo déw yā ngé rɔ̄ɔ̄ gə̄ ō, ndogə̄ mbal̄ ō, ton̄ ndoō ngá̰ý.

JEREMI 15:6

I ḭ̄ n ə́yam̄ kɔ̄ɔ́ ō, ī-tūr̄ gidií taḿ tə́ kɔ̄ɔ́ ō ní. M-ə́la jīḿ kə̄ dɔí tə́ kadə̄ m̄-nujə seí. Kɔr asəm̄ ta tə́gā taḿ tə́.

MISE 7:18

Nə́ɓā kə́ to tītīí ndi noó a? Ḭ̄ ɔ̄r̄ yá̰a̰ rāā kə́ gōtə́ aĺ gə̄ kɔ̄ɔ́ ō, ī-mā̰ȳ rɔ̄í dɔ mān̄ dɔ ndū najə̄ gə̄ yā gír deē yāí gə̄ ń na̰yn̄ kə kumdə́ ní tə́ ō. Wōn̄g yāí to gotoó ngándáńg alé, banī nelī kadə̄ ɔ́jə́jí kem majə yāí.

IJAI 28:17

Yá̰á̰ kə́ súmūú i yá̰a̰ mbɔ̄jə́ yá̰a̰ yāḿ, yá̰á̰ kə́ gōtə́ i kəlā yāḿ kə́ gində̄ pəlɔm i ta tə́. Man̄ kə́ edə kə kɔ̄sɔ̄ɔ́ a un yá̰á̰ gól̄ loo ń ā ī-ndiī gírí ní yā kaw̄ń kɔ̄ɔ́, loo ń ā ī-ɓɔ̄ɔ̄ rɔ̄sí tū tə́ ní man̄ a taā kɔ̄ɔ́.

2 MBAN̄G 21:13

M-ā m̄-nujə ɓē kə́ Jerusalem tītə̄ ń m̄-nujəń ɓē kə́ Samari ō, de gə̄ kə́ gír kojə yā Akab tə́ ō ní. M-ā m̄-tə́go kem ɓē kə́ Jerusalem tītə̄ ń deē a tə́goń səmbē ba sébə kemən nang tə́ ní.

JAKARI 5:2

De kə́ dɔ rā̰ tə́ ní dəjem̄ najə̄, əda na ké m-á̰a̰ i rí wa. Anī m̄-téĺ m-ə́dan na m-á̰a̰ i ndāŕ kə́ ɓír̄ gidə naā tə́, kə́ nél un a dáyń ɓōdə̄ loo tə́. Ndāŕ ní, ngālə̄n i métər kutə kógə̄ḿ ō, laan i métər mí ō.

IJAI 34:11

Kɔȳ múu gə̄ ō, kɔȳ mbə́rām̄jóo ō a ndin̄ kemeé, kɔȳ kōrōrōý ō, ká̰ā̰ ō, a rāān̄ ɓē kemeé. Kɔ́ɔ̄ɓē a nujə ɓē, adə̄ a to i tītə̄ loo kə́ ndágə doy keē ndi tū tə́ alé.

AMOS 7:7

Yá̰á̰ ń Kɔ́ɔ̄ɓē rāā adə̄ m-á̰a̰ā̰ gō yá̰a̰ gə̄ ń noō tə́ ní n toó: Ni-ra i kə njan kə́ dɔɔ́ kadə ndogə̄ mbal̄ kógə̄ḿ tə́ ō, əhɔ kəla kógə̄ḿ kə́ gində̄ pəlo̰ i ta tə́ jīn tə́ ō.

OJEE 1:6

Gomer ndān̄ ngōn̄ ɓáý to̰ ba ojə ngōn̄ kógə̄ḿ kə́ dəyá̰. Anī Kɔ́ɔ̄ɓē əda Ojee na kə əndā rī ngōn̄ ní na i Loo Ruhama ń kumən na i tárəm̄ alé ní. Tɔdɔ̄ m-ā m̄-ɔ́jə́ tár kə̄ ndágá tām̄ yā de gə̄ kə́ Israel tə́ to̰ alé, m-ā m̄-táŕdə́ to̰ aĺ i kə́ bátə́ gə̄ tə́.

JAKARI 4:2

Ni dəjem̄ najə̄, əda na ké m-á̰a̰ i rí wa. Anī m̄-téĺ m-ə́dan na m-á̰a̰ i kāgə̄ ɗəra hor kə́ rāān̄ kə lɔ́rɔ́, ba jóo yibə̄ i ta tə́. Lámba gə̄ i sīrí ta kāgə̄ hor ní tə́ ō, ta ndo̰ hor gə̄ i sīrí tū lámbá kə́ kógə̄ḿ beē tə́ ō.