AMOS 7:4 - Bibəl ta Sar̄

⁴ Yá̰á̰ ń Kɔ́ɔ̄ɓē Nə́ɓā rāā adə̄ m-á̰a̰ā̰ ɓáý to̰ ní n toó: Ni sāā gān̄g sarya kógə̄ḿ kə horoó. Loo təngā rāā adə̄ man̄ kə́ gíŕ nángāá iī kɔ̄ɔ́ ō, loo təngā ní əla hor dɔ ɓē kə́ Israel tə́ ō.

Bible sar

⁴ Yá̰á̰ ń Kɔ́ɔ̄ɓē Nə́ɓā rāā adə̄ m-á̰a̰ā̰ ɓáý to̰ ní n toó: Ni sāā gān̄g sarya kógə̄ḿ kə horoó. Loo təngā rāā adə̄ man̄ kə́ gíŕ nángāá iī kɔ̄ɔ́ ō, loo təngā ní əla hor dɔ ɓē kə́ *Israel tə́ ō.

AMOS 7:4 Referans Kwoze

AMOS 7:1

Yá̰á̰ ń Kɔ́ɔ̄ɓē Nə́ɓā rāā adə̄ m-á̰a̰ā̰ ní n toó: Ni-ndi a rāā i yim̄ gə̄. I dan ń əjan̄ mu kə́ ta kəga dɔ kə́ tām̄ yā mban̄g tə́ oy á mu tél a əɓa gogə́ ní.

JEJU TEĒ KUM JA̰A̰ 4:1

Gō yá̰a̰ gə̄ ń noō tə́ anī, yá̰á̰ ń m-á̰a̰ā̰ ní n toó: Teēn̄ ta róbə́ kógə̄ḿ dɔ rā̰ tə́, anī deē ń ɔr̄ najə̄ seḿ ta kəga dɔ á ndūn ɓār̄ tītə̄ kōō bərúnjə adə̄ m-ōō ní, əda na: Āl̄ kə̄ laā ādə̄ m-ɔ́jiī yá̰á̰ ń a rāā yā rāā yá̰a̰ gō tə́ ní.

HEBƏRO 1:7

Najə̄ ń Nə́ɓā əda dɔ de kə́ dɔ rā̰ tə́ gə̄ tə́ ní n toó: Nə́ɓā rāā deē yān gə̄ kə́ dɔ rā̰ tə́ i néĺ tə́ ō, rāā ngé kəla yān gə̄ i ta ndo̰ hor tə́ ō.

NAHUM 1:6

I náā n asə ra ta wōn̄g yān tə́ ní? I náā n asə ndi kə kumneé dan ń wōn̄g yān o̰o̰ yá̰a̰ malang kə́ hor tə́ ní? Wōn̄g ní taā loo tītə̄ hor kə́ o̰o̰ loo beé. Mbal̄ gə̄ njárə̄n̄ non tə́.

MISE 1:4

Mbal̄ bo gə̄ yḛḛ̄n̄ gír njan tə́ ō, wól loo gə̄ njarən̄ ō, tītə̄ tībə̄ tejə kə́ deē əndā kadə hor tə́ anī, yḛḛ̄ kɔ̄ɔ́ beē ō, tītə̄ man̄ kə́ ḭḭ loo kə́ kḭḭ kə̄ dɔɔ́ tə́ a nūgə̄ kum kə̄ nang tə́ beē ō.

AMOS 7:7

Yá̰á̰ ń Kɔ́ɔ̄ɓē rāā adə̄ m-á̰a̰ā̰ gō yá̰a̰ gə̄ ń noō tə́ ní n toó: Ni-ra i kə njan kə́ dɔɔ́ kadə ndogə̄ mbal̄ kógə̄ḿ tə́ ō, əhɔ kəla kógə̄ḿ kə́ gində̄ pəlo̰ i ta tə́ jīn tə́ ō.

AMOS 5:6

Ré ī-gḛyiī ndi kə kumsí anī, i Kɔ́ɔ̄ɓē n majə kadə̄ ī-sāāin̄ ní. Ré i beé aĺ anī, ni a reē dɔ kojə yā Jəjep tə́ i tītə̄ hor beé. Ni a o̰o̰ yá̰a̰ malang kə́ Betel ō, de kə́ kadə̄ asə tɔ̄l̄ hor ní a gətóo ō.

AMOS 4:11

m̄-mbə́rē yá̰a̰ malang kə́ ɓēé loosí m̄-tə́nī kɔ̄ɔ́, tītə̄ kə́ kété kə́ Sodom tə́ ō kə́ Gomor tə́ ō. Adə̄ ī-toī i tītə̄ ta kīr̄ hor kə́ deē ɔr̄ kum hor tə́ kɔ̄ɔ́ beē. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

AMOS 1:7

M-a m-ə́la hor tū ndogə̄ mbal̄ gə̄ yā ɓē kə́ Gaja tə́, kadə̄ o̰o̰ kújə́ kə́ majə gə̄ kə́ tū tə́ kɔ̄ɔ́.

AMOS 1:4

M-ā m-ə́la hor dɔ kújə mban̄g yā mban̄g gə̄ kə́ Aram tə́. A̰á̰ā̰, m-ā m-ə́la hor dɔ kújə mban̄g yā Hajael tə́ ō, yā Ben Hadad tə́ ō.

JEREMI 21:12

Kɔ́ɔ̄ɓē ɔr̄ najə̄ i tītə̄ ń toō beé, sḭḭ̄ de kə́ gír kojə yā Dabid tə́ gə̄ ī-rāāī yá̰á̰ kə́ kə gōó dəloí kə ndɔ̄ gə̄. Ī-taāī deē ń rāān̄ kumən ndoō tə́ ní jī nge kəsa tətō de gə̄ tə́, na sōgə́ wōn̄g yāḿ kə́ ngá̰ý əɓa bup tītə̄ hor beé ō, o̰o̰ loo kanjə̄ kadə̄ deē asə tɔ̄l̄ ō, sɔɔ̄ń kəla rāāsí gə̄ kə́ kə kem nduluú.

JEREMI 4:4

De kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, ə́jaī mɔtəsí tām̄ yā Kɔ́ɔ̄ɓē tə́, ə́jaī mɔtə kə́ dan wursí tə́. Ré i beé aĺ anī, wōn̄g yāḿ a ndūbə̄ tītə̄ hor yā ko̰o̰ loo kanjə̄ kadə̄ deē asə tɔ̄l̄ ɔjəń dɔ kəla rāāsí kə́ majaĺ ngá̰ý gə̄.

IJAI 27:4

Wōn̄g rāām̄ seneé to̰ alé. Ba ré m-ə́ngé túpə kōn̄ gə̄ anī, m-ā m̄-rɔ̄ɔ̄də́ ō, m-ā m-ə́la hor dɔdə́ tə́ ō.

NDŪ NAJƏ̄ 32:22

Rɔ̄kum, wōn̄g yāḿ ḭḭ seḿ, o̰o̰ loo tītə̄ hor bátə́ teē gō ngé ń ɓádá tə́. O̰o̰ dɔ nang ō, kan̄ yá̰a̰ gə̄ malang kə́ dɔ nang tə́ ō, o̰o̰ loo bátə́ teē ngəra mbal̄ gə̄ tə́ nang tə́.

TƏ́DA 16:35

De kə́ ɓú jōó kə kutə mí gə̄ ń ra a ndējə̄n̄ kajaja ní, Kɔ́ɔ̄ɓē adə̄ hor kógə̄ḿ teē róōdə́ malang.

LEBI GƏ̄ 10:2

Ta anī hor teē rɔ̄ Kɔ́ɔ̄ɓē tə́ o̰o̰də́ adə̄ oyn̄ ta kum Kɔ́ɔ̄ɓē tə́.

JOEL 1:19

Kɔ́ɔ̄ɓē m-ə́ga kɔŕ kə̄ dɔí tə́, tɔdɔ̄ hor o̰o̰ loo ko̰o̰ dā̰ gə̄ ń i loo kə́ kə̄sāá ní kɔ̄ɔ́. Ta ndo̰ hor gə̄ o̰o̰n̄ kāgə̄ gə̄ kə́ kem ndɔr̄ gə̄ tə́ malang kɔ̄ɔ́.

AMOS 2:5

M-ā m-ə́la hor dɔ ɓē kə́ Juda tə́, adə̄ a o̰o̰ kújə́ kə́ majə gə̄ kə́ Jerusalem kɔ̄ɔ́.

EJEKIEL 21:3

Ə̄ndā gúu dɔdə́ tə́ ādə̄ oōn̄ najə̄ gə̄ ń mā Kɔ́ɔ̄ɓē Nə́ɓā m-ɔ̄r̄ kə ku kāgə̄ gə̄ kə́ dām̄ mbɔ́r ɓē kə́ geleé tə́ ní: M-ā m-ə́la hor kógə̄ḿ dɔ kāgə̄ yāí kə́ to mbōl̄ gə̄ tə́ ō, dɔ kāgə̄ yāí kə́ tutə gə̄ tə́ ō, kadə̄ o̰o̰də́ malang. Hor ní a oy aĺ ō, a o̰o̰ de gə̄ malang ō. A əla gír i dām̄ mbɔ́r ɓē kə́ geleé tə́ bátə́ dām̄ mbɔ́r ɓē kə́ ko̰ó̰ tə́.