AMOS 7:3 - Bibəl ta Sar̄

³ Loo ń noō tə́ Kɔ́ɔ̄ɓē lōō gíŕ yá̰á̰ ń ni sāā rāā tə́ ní, adə̄ əda na: Yá̰á̰ ní a rāā yá̰a̰ alé.

Bible sar

³ Loo ń noō tə́ Kɔ́ɔ̄ɓē lōō gíŕ yá̰á̰ ń ni sāā rāā tə́ ní, adə̄ əda na: Yá̰á̰ ní a rāā yá̰a̰ alé.

AMOS 7:3 Referans Kwoze

NDŪ NAJƏ̄ 32:36

Kɔ́ɔ̄ɓē a gān̄g sarya kə́ gōtə́ yā kadə̄ deē yān gə̄ ō, kumən a o̰o̰n tām̄ yā ngé kəla yān gə̄ tə́ ō, loo ń ni a a̰a̰ kadə̄ tɔ́gə́də́ gətóo ō, yá̰á̰ kə́ yā kadə̄ əndān̄ tɔ́gə́də́ dɔ tə́ gətóo ō, yá̰á̰ kə́ yā kɔsə kíĺdə́ kə̄ dɔɔ́ gətóo ō ní.

JONAS 3:10

Kəhɔ ń nin̄ əhɔn̄ rɔ̄də́ tɔgə yā kəya̰ háĺdə́ kə́ majaĺ kɔ̄ɔ́ ní, Nə́ɓā a̰ā̰. Adə̄ ni-lōō gíŕ yá̰á̰ ń sāā rāā tə́ ní. Ni ndə̄ngā rɔ̄n najə̄ yá̰á̰ kə́ majaĺ ń sāā rāā sedə́ tə́ ní, adə̄ rāādə́ yá̰á̰ kə́ majaĺ ní alé.

OJEE 11:8

Epəraim, loo kadə̄ m-ə́ya̰ī kɔ̄ɔ́ i noó a? Israel, loo kadə̄ m̄-tél gōí tə́ kɔ̄ɔ́ i noó a? Yá̰á̰ ń m̄-rāā kə ɓē kə́ Adəma ní, m-ásə rāāī a? M-ásə rāāī kadə̄ ī-to tītə̄ Seboim a? Kem nujə kɔ̄ɔ́ ō, m̄-ndew kə̄ rɔ̄ḿ gə̄ tə́ malang ō.

AMOS 7:6

Loo ń noō tə́ Kɔ́ɔ̄ɓē lōō gíŕ yá̰á̰ ń ni a sāā rāā tə́ ní, adə̄ əda na: Yá̰á̰ ń noō a rāā yá̰a̰ aĺ ō.

JOEL 2:14

Majanī Nə́ɓā a tél yā tūr̄ ndūn ō, kemən a sɔl̄ ō, adə̄ a nujə sejí kɔ̄ɔ́ alé. Ni a adə̄jí yá̰a̰ kənge ngá̰ý ō. Adə̄ ā ī-tunī yá̰a̰ ō, ā ī-tə́teī kasə nduú ō, yā kadə̄ Kɔ́ɔ̄ɓē yāsí.

PĀ GƏ̄ 106:45

Əga kemən dɔ madə̄ naā ń ni-əhɔ sedə́ ní tə́, anī lōō gíŕ yá̰á̰ ń sāā rāā ní tə́, sɔɔ̄ń kem majə yān kə́ ngá̰ý.

JAKƏ 5:16

Ədaī naā gír majaĺ yāsí gə̄ ō, ī-ndɔ̄yī tām̄ yā naā tə́ ō, yā kadə̄ rɔ̄sí ngáań. Ndɔ̄ȳ yā de kə́ gōtə́ ní tɔ́gən i ngá̰ý ō, a rāā kəla ō.

JEREMI 26:19

Ní, Ejekias mban̄g kə́ Juda tə́ ō, gír deē yān gə̄ malang ō tɔ̄lə̄n̄ Mise a? Ní, de gə̄ ɓōlə́n̄ ndíĺ Kɔ́ɔ̄ɓē sɔlə̄n̄neé kemən aĺ a? I loo ń noō tə́ n Kɔ́ɔ̄ɓē lōō gíŕ yá̰á̰ kə́ to kum kaȳ aĺ ń əda kadə̄ rāādə́ ní tə́. Ba jḭḭ̄ ɓáa jə-sāāī i yá̰á̰ kə́ majə aĺ kə̄ dɔjí tə́.

1 YÁ̰A̰ GƏ̄ 21:15

Nə́ɓā əla de kə́ dɔ rā̰ tə́ kadə̄ aw̄ nujə ɓē kə́ Jerusalem. Ba dan ń Kɔ́ɔ̄ɓē a̰a̰ deē ní loo nujə loo tə́ anī tél ndə̄ngā rɔ̄n adə̄ ədan na: Kə tél kə ənī jīn nang tə́, kadə̄ asə bərá! Ba dan ń noō tə́ ní de kə́ dɔ rā̰ tə́ yā Kɔ́ɔ̄ɓē ní ra i kadə loo kənda kōō yā Ornan kə́ Yebus tə́.

TA KƏLA 6:7

Anī Kɔ́ɔ̄ɓē əda na: M-ā m̄-rāā kadə̄ deē ń m-ə̄ndān dɔ nang tə́ ní gətóo kɔ̄ɔ́. I deē ngóy alé, ba əla gír dɔ deē tə́ bátə́ ugə̄ń dɔ yá̰a̰ kul̄ gə̄ tə́ ō, dɔ ngán dā̰ kə́ kagə nang tə́ gə̄ tə́ ō, dɔ yel̄ kə́ dɔɔ́ gə̄ tə́ ō. Tɔdɔ̄ m̄-ndə̄ngā rɔ̄ḿ tām̄ rāā ń m̄-rāā deē tə́ ní.

PĀ GƏ̄ 90:13

Kɔ́ɔ̄ɓē, ā ə́hɔ́jí kemií tə́ i bátə́ ta kə́ rá? Ī-tūr̄ rɔ̄í kə̄ rɔ̄jí tə́, á̰a̰ kum tō ndoō yājí jḭḭ ngé kəla yāí gə̄.

JEREMI 42:10

Ré ī-ndigiī ndi kem ɓē ń toō tə́ anī, m-ā m̄-ə̄ndāsí kemeé ō, m-ā m̄-nujə sesí to̰ aĺ ō. M-ā m̄-mbūsə̄sí kadə̄ ī-raī ngan̄g ō, m-ā m-ɔ̄r̄sí to̰ aĺ i kə́ bátə́ gə̄ tə́ ō. Yá̰á̰ kə́ majaĺ ń m̄-rāā sesí ní, m-ā m̄-tə́ndā gír yā gán̄g kɔ̄ɔ́ ō.

JOEL 2:13

Ī-rə́yā̰ī dan wursí gə̄ ba i kūbə̄ kə́ rɔ̄sí tə́ gə̄ alé. Ī-téliī kə̄ rɔ̄ Kɔ́ɔ̄ɓē Nə́ɓā yāsí tə́. Ni i Nə́ɓā kə́ kumən a o̰o̰n ō, kə́ nge kem majə ō, kə́ a rāā wōn̄g láẃ aĺ ō, kə́ nge ra dɔ ndūn tə́ ō. Ni i nge lōō gír yá̰á̰ kə́ to kum kaȳ aĺ ń núm̄ kemən tə́ yā rāā kə deē ní ō.

AMOS 5:15

Yá̰á̰ ń i yá̰á̰ kə́ majaĺ ní, ādī nel̄sí aĺ ngá̰ý ō, yá̰á̰ ń i yá̰á̰ kə́ majə ní, ādī nel̄sí ō. Loo sarya tə́ ɓáa, ī-rāāī ādə̄ de gə̄ ɓōlə́n̄ gidə yá̰á̰ kə́ súmūú ō. Loo ń noō tə́ Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, majanī kumən a o̰o̰n kə de kə́ kem kojə yā Jəjep tə́ gə̄ ń teēn̄ ta yo tə́ ní.

Teē Ngán Israel gə̄ 32:14

Dan ń Kɔ́ɔ̄ɓē oō beé anī, lōō gír yá̰á̰ ń əda na n-a n-rāā kə gír deē yān gēé ní tə́ kɔ̄ɔ́.

PĀ GƏ̄ 78:38

Ɓá tā ba ni ń kumən o̰o̰n kə de gēé ní, lōō gír tɔ̄l̄də́ malang kɔ̄ɔ́ tə́ ba ɔr̄ majaĺ yādə́ kɔ̄ɔ́ ō, lōō gír rāā wōn̄g sedə́ tə́ nja i ngá̰ý ō, adə̄ wōn̄g rāān dɔdə́ tə́ aĺ ō,