AMOS 7:17 - Bibəl ta Sar̄

¹⁷ I beé ní, najə̄ ń Kɔ́ɔ̄ɓē əda ní n toó: Nə̄yá̰í a téĺ ájə́ba kem ɓēé ō, a tɔ̄lə̄n̄ ngání kə́ dəngam gə̄ ō kə́ dəyá̰ gə̄ ō, a mbɔ̄jə́n̄ ngāl̄ dɔ nang yāí yā nə̄ɓō de kə́ rang gə̄ ō. Ba ḭ̄ ā óy kem ɓē kógə̄ḿ kə́ yḛr tə́ ō, a ɔyn̄ Israel gə̄ yā kaw̄ sedə́ dɔ ɓē kə́ rang tə́ dɔ gúú tə́, kadə̄ nin̄ i sa̰y rɔ̄ ɓē yādə́ tə́ ō.

Bible sar

¹⁷ I beé ní, najə̄ ń Kɔ́ɔ̄ɓē əda ní n toó: Nə̄yá̰í a téĺ ájə́ba kem ɓēé ō, a tɔ̄lə̄n̄ ngání kə́ dəngam gə̄ ō kə́ dəyá̰ gə̄ ō, a mbɔ̄jə́n̄ ngāl̄ dɔ nang yāí yā nə̄ɓō de kə́ rang gə̄ ō. Ba ḭ̄ ā óy kem ɓē kógə̄ḿ kə́ yḛr tə́ ō, a ɔyn̄ *Israel gə̄ yā kaw̄ sedə́ dɔ ɓē kə́ rang tə́ dɔ gúú tə́, kadə̄ nin̄ i sa̰y rɔ̄ ɓē yādə́ tə́ ō.

AMOS 7:17 Referans Kwoze

OJEE 9:3

Epəraim gə̄ a asən̄ ndi dɔ nang yā Kɔ́ɔ̄ɓē tə́ alé. Nin̄ a télən̄ yā kaw̄ gogə́ dɔ nang kə́ Ejiptə tə́, aĺ ɓáa a aw̄n̄ Asiri. Nin̄ a əsan̄ yá̰á̰ kə́ yḛr loo ń noō tə́.

2 MBAN̄G 17:6

Kem ɓāl̄ ko̰o̰ ɓē yā Ose kə́ nge ko̰ ndōhó tə́ anī, mban̄g kə́ Asiri taā ɓē kə́ Samari ba ɔy Israel gə̄ aw̄ sedə́ gō nang kə́ Asiri tə́. Aw̄ tə́ndādə́ Hala ō, dɔ gɔ́sə Habor ń i bā kə́ gō nang kə́ Gojan tə́ ní ō, tə́ndādə́ kem ɓē gə̄ kə́ Medi tə́ ō.

EJEKIEL 4:13

Kɔ́ɔ̄ɓē əda ɓáý to̰ na: Israel gə̄ a əsan̄ yá̰á̰ kə́ yḛr dan nápar de gə̄ ń m-ā m̄-tə̄ndā m̄-tḭ̄ḭ̄də́ dandə́ tə́ ní i tītə̄ ń noō.

JEREMI 28:16

I tām̄ ń toō tə́ n Kɔ́ɔ̄ɓē ɔr̄ najə̄ əda na: M-ā m̄-tə̄ɓāī kɔ̄ɔ́ dɔ nang tə́ ní. Ā óy kem ɓāl̄ ń toō tə́ tɔdɔ̄ ī-sə̄lā de gə̄ kə najə̄ kə́ taí tə́ kadə̄ mbātə́n̄ koō ta Kɔ́ɔ̄ɓē.

AMOS 7:11

Tɔdɔ̄ najə̄ ń ni-əda ní n toó: Jeroboam a oy yo mósə tɔdɔ̄ a tɔ̄l̄nən̄ ō, a ɔyn̄ Israel gə̄ yā kaw̄ sedə́ dɔ ɓē kə́ rang tə́ dɔ gúú tə́ kadə̄ nin̄ i sa̰y rɔ̄ ɓē yādə́ tə́ ō.

JEREMI 29:21

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda Akab kə́ ngōn̄ Kolaya ō, əda Sedekias, ngōn̄ Maseya ō ń ədan̄sí najə̄ kə́ rɔ̄kum alé kə rīḿ ní n toō: M-ā m-ə́ládə́ kem jī Nabukodonosor, mban̄g kə́ Babilon tə́ kadə̄ a tɔ̄l̄də́ ta kumsí tə́.

JAKARI 14:2

Kɔ́ɔ̄ɓē a ɔsə dɔ nápar de gə̄ malang kə̄ naā tə́, yā kənīń ɓē yāsí rɔ̄ɔ̄. Nin̄ a taān̄ ɓē kə́ Jerusalem ō, a ɔyn̄ yá̰a̰ gə̄ kə́ kem kújə gə̄ tə́ ō, a sāān̄ dəyá̰ gə̄ dɔ gúú tə́ ō. A ɔyn̄ núsə de kə́ kem ɓēé gə̄ yā kaw̄ sedə́ dɔ ɓē kə́ rang tə́ dɔ gúú tə́, banī gotə de gə̄ a teēn̄ kɔ̄ɔ́ kem ɓēé alé.

NŌŌ RƆ̄ 5:11

Nin̄ ɓīīn̄ kə dəyá̰ kə́ Siyo̰ gə̄ ō, kə ngáń kə́ mandə kə́ Juda tə́ gə̄ ō, dɔ gúú tə́.

JEREMI 28:12

Dan ń Hanania nge koō ta tetə njúkə́ kə́ míndə Jeremi nge koō ta tə́ oy anī, Kɔ́ɔ̄ɓē ɔr̄ najə̄ kə Jeremi ədan na:

JEREMI 20:6

Banī ḭ̄ Pasəhur ō, de gə̄ malang ń ndin̄ kem kújə yāí tə́ ō ní, a əhɔn̄sí yā kaw̄ sesí dɔ ɓē kə́ rang tə́. Ā āw̄ yā kugə̄ Babilon ō, ā óy i noō ō. A dubə̄nī ḭ̄ ō, madí gə̄ malang ń ī-gól̄də́ kə najə̄ kɔrīí kə́ loo nge koō ta kə́ rɔ̄kum aĺ tə́ ní ō i loo ń noō tə́.

IJAI 13:16

A rējə̄n̄ ngáń kásə̄ yādə́ gə̄ ta kumdə́ tə́, a ɔyn̄ yá̰a̰ kənge kə́ kem kújə yādə́ gə̄ tə́ dɔ gúú tə́. A sāān̄ nə̄yá̰də́ gə̄ dɔ gúú tə́.

PĀ GƏ̄ 78:55

Ni-tə̄ɓā nápar de gə̄ nodə́ tə́ kɔ̄ɔ́, gán̄g dɔ nang yā de gə̄ ní naā tə́ nə̄ɓōdə́ yá̰a̰ ndəbā tə́, tə́ndā gír ɓē kə́ Israel tə́ gə̄ dɔ tə́.

JEREMI 14:16

De gə̄ ń oōn̄ najə̄ kɔr̄ ngé koō ta gə̄ ngeé ń toō ní, a oyn̄ ō. A oyn̄ yo ɓō ō, yo kaskar ō, adə̄ nīńdə́ a taā kum kə̄lá róbə gə̄ kə́ Jerusalem. Nin̄ ō, nə̄yá̰də́ gə̄ ō, ngáńdə́ gə̄ kə́ dəngam ō, kə́ dəyá̰ gə̄ ō a əngen̄ deē kógə̄ḿ kə́ yā dubə̄də́ alé. I loo rāā ń m-ā m̄-rāā kadə̄ majaĺ yādə́ nin̄ kɔ́ gə̄ tél kə̄ dɔdə́ tə́ ní n noó.

AMOS 6:7

I tām̄ najə̄ ń toō tə́ n ngɔlaā ní i sḭḭ̄ n a ɔyn̄sí yā kaw̄ sesí dɔ ɓē kə́ rang tə́ kété no madə̄sí gə̄ tə́ ní. Adə̄ ā ī-gətóo kɔ̄ɔ́, sḭḭ̄ ɓūtə̄ de kə́ yay gə̄!

AMOS 8:1

Kɔ́ɔ̄ɓē Nə́ɓā rāā adə̄ m-á̰á̰ jáńg kógə̄ḿ kə́ kan̄ kāgə̄ kə́ kərē kɔ̄ɔ́ gə̄ i kemeé ɓáý to̰.

AMOS 9:1

M-á̰á̰ Kɔ́ɔ̄ɓē ra kə njan kə́ dɔɔ́ dɔ loo tun̄ yá̰á̰ tə́. Ni-əda na: Ī-tə́ndā dɔ kāgə̄ nga dan kə́ ngāl̄ ɓururu gə̄ ādə̄ gír gisədə́ gə̄ yéȳn̄. Ī-tétə̄də́ ādə̄ tə́sōn̄ dɔ de gə̄ tə́. Ré ngé kə́rēý gə̄ ndin̄ kə kumdə́ ɓáý anī, m-ā m̄-tɔ̄l̄də́ kə kaskaraá. De kə́ yā teē ka̰ȳ a gətóo ō, de kə́ yā ndi kə kumneé a gətóo ō.

AMOS 9:8

Ɓē ko̰o̰ kə́ Israel tə́ ń najə̄ i dɔ tə́ ní, Kɔ́ɔ̄ɓē Nə́ɓā əndā kumən gírí a̰ā̰ majə ngá̰ý. Ni-əda na: M-ā m̄-rāān kadə̄ ni a gətóo kɔ̄ɔ́ dɔ nang tə́. Ɓá tā ba m-ā m̄-rāā kadə̄ de kə́ kem kojə yā Jakob tə́ gə̄ gətóon̄ kɔ̄ɔ́ malang alé.

MISE 1:16

Sḭḭ̄ de kə́ Jerusalem gə̄, ī-ró̰yī nənga dɔsí gə̄ ō, ī-dəsāī dɔsí ɔ́jiīń kadə̄ ə́hɔī ndoō, najə̄ yā ngáńsí gə̄ kə́ ī-tariīdə́ ngá̰ý tə́! Ādə̄ nənga gətóo dɔsí tə́ tītə̄ yā míndə māl̄ beé, tɔdɔ̄ a ɔyn̄ ngáńsí gə̄ ngeé ń toō yā kaw̄ sedə́ dɔ ɓē kə́ rang tə́ dɔ gúú tə́, sa̰y rɔ̄sí tə́.

IJAI 22:18

ba a əla seí kem ɓē kógə̄ḿ kə́ bo ngá̰ý tə́ kadə̄ ā ī-ndūbə̄rū nang tə́ tītə̄ yá̰á̰ kə́ gōr̄ gong beé. Ḭ̄ ń i nge kəla rɔ̄sɔl̄ dɔ kújə yā kɔ́ɔ̄í tə́ ní, ā óy i nú, naā tə́ kə púsə rɔ̄ɔ̄ yāí kə́ majə ngá̰ý gə̄!