AMOS 7:15 - Bibəl ta Sar̄

¹⁵ Banī Kɔ́ɔ̄ɓē unəm̄ i dan ń mā i gō man̄g gə̄ tə́ ní. Ni ədam̄ na: Āw̄ ɔ̄r̄ najə̄ kə Israel gə̄ ń i gír deē yāḿ gə̄ ní ādə̄m̄.

Bible sar

¹⁵ Banī Kɔ́ɔ̄ɓē unəm̄ i dan ń mā i gō man̄g gə̄ tə́ ní. Ni ədam̄ na: Āw̄ ɔ̄r̄ najə̄ kə *Israel gə̄ ń i gír deē yāḿ gə̄ ní ādə̄m̄.

AMOS 7:15 Referans Kwoze

2 SAMUEL 7:8

Adə̄ ngɔlaā ní ā ə́da nge kəla yāḿ Dabid na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý ɔr̄ ní n toó: I mā n m-ɔ̄rī ta yá̰a̰ kul̄ gə̄ tə́ loo ń ā ī-ngɔ̄m̄ yá̰a̰ kul̄ gə̄ tū tə́ ní tə́ kadə̄ ī-ndi ngār dɔ gír deē yāḿ gə̄ ń i ngán Israel gə̄ ní tə́.

MATIYE 9:9

Jeju ḭḭ loo ń noō tə́ aw̄, ba dan ń a mān̄ anī a̰a̰ deē kógə̄ḿ ndi loo taā lambóó tə́, rī deē ní na i Matiye. Ni ədan na: Ún gōḿ! Anī deē ní ḭḭ dɔɔ́ ba un gō Jeju.

JEREMI 1:7

Kɔ́ɔ̄ɓē ədam̄ na: Ī-lōō kəda na: Mā i ngōn̄ ngá̰ý ɓáý. Loo malang ń m-ə́laī tū tə́ ní, āw̄ tū tə́, yá̰a̰ malang ń m-ādī ndūḿ kadə̄ ə́dá ní, ā ə́dá yá̰á̰ ní.

KƏLA RĀĀ 5:20

Āw̄ ī-raī kem kújə yā Kɔ́ɔ̄ɓē tə́ ba ɔjiī ngán Israel gə̄ najə̄ malang kə́ dɔ ndi kə kumuú ń toō tə́.

KƏLA RĀĀ 4:20

Jḭḭ tā anī yá̰á̰ ń j-a̰ā̰ ō, j-oō ō ní, j-asə kɔgə̄ rɔ̄jí kəda alé.

KƏLA RĀĀ 1:8

Banī ā ə́ngeī tɔ́gə́ kógə̄ḿ, dan ń Ndíĺ kə́ Táĺ reē dɔsí tə́ ní. Loo ń noō tə́ ā ī-téliī de kə́ kum tə́ yāḿ gə̄, kem ɓē kə́ Jerusalem tə́ ō, gō nang malang kə́ Jude tə́ ō, gō nang kə́ Samari tə́ ō, bátə́ ta ngóy dɔ nang tə́ ō.

1 SAMUEL 10:11

Dan ń ngé gə̄ ń gērnən̄ jóó ní a̰a̰nən̄ loo rāā yá̰á̰ ní tə́ dan ngé koō ta gə̄ tə́ tītə̄ yādə́ anī, ədan̄ naā dɔ dáńdə́ tə́ na: I rí n rāā ngōn̄ Kis? Saul i dan ngé koō ta gə̄ tə́ ō a?

JEREMI 26:12

Jeremi əda de kə́ bo gə̄ ō, de gə̄ malang kə́ kem ɓēé ō na: Najə̄ gə̄ malang ń ōōī toō ní, i Kɔ́ɔ̄ɓē n əlam̄ kadə̄ m-ə́da dɔ kújə́ ń toō tə́ ō, dɔ ɓē ń toō tə́ ō ní.

1 MBAN̄G GƏ̄ 19:19

Eli ḭḭ loo ń noō tə́ aw̄. Ni-ənge Elije ngōn̄ Sapat. Ndɔr̄ yān i kəla kutə gidə i jōó, ba ni a ndɔr̄ i kə man̄g gēé kem kəlān kə́ nge ko̰ kutə gidə i jōó tə́. Eli mān̄ kadən tə́ ba ənī kūbə̄ yān dɔn tə́.

AMOS 3:8

Dan ń ɓɔl nōō ní, i náā n ɓōĺ aĺ ní? Dan ń Kɔ́ɔ̄ɓē Nə́ɓā ɔr̄ najə̄ ní, i náā n ɔjə najə̄ najə̄ yān aĺ ní?