AMOS 7:14 - Bibəl ta Sar̄

¹⁴ Amos tél əda Amasia na: Kété ní, mā i nge koō ta aĺ ō, m̄-teē i loo ndóō yá̰á̰ kógə̄ḿ yā ngé koō ta gə̄ tə́ aĺ ō. M-ā m-ūl̄ i man̄g gə̄ ō, m-ā m-á̰a̰ i gō kāgə̄ kótə̄ kə́ bembeé gə̄ ō.

Bible sar

¹⁴ Amos tél əda Amasia na: Kété ní, mā i *nge koō ta aĺ ō, m̄-teē i loo ndóō yá̰á̰ kógə̄ḿ yā *ngé koō ta gə̄ tə́ aĺ ō. M-ā m-ūl̄ i man̄g gə̄ ō, m-ā m-á̰a̰ i gō kāgə̄ kótə̄ kə́ bembeé gə̄ ō.

AMOS 7:14 Referans Kwoze

AMOS 1:1

Makətūbə̄ yā Amos ɔjə i gotə najə̄ kɔr̄ Amos. Ni i nge ngɔ̄m̄ yá̰a̰ kul̄ gə̄. I de kə́ kem ɓē kə́ Tekoa tə́. Ɓāl̄ jōó kə̄ kété no tə́ pá tá kadə̄ dɔ nang ndebə ní, Kɔ́ɔ̄ɓē ɔjən yá̰á̰ kə́ kadə̄ əda dɔ ɓē ko̰o̰ kə́ Israel tə́. I dan ń Ojias ndiń mban̄g Juda tə́ ō, Jeroboam kə́ ngōn̄ Joas ndiń mban̄g Israel tə́ ō ní.

JAKARI 13:5

Banī nin̄ kógə̄ḿ kógə̄ḿ a ədan̄ na: Mā i nge koō ta alé, ba i nge ndɔr̄. I dan ń mā i balsáá ɓáý ní n ndɔr̄ yāḿ gə̄ i nuú ní.

2 MBAN̄G 4:38

Elije tél aw̄ Gilgal. Dan ń noō tə́ ní ɓō əsō gō nang ngeé ń noō tə́. Ɓūtə̄ ngé koō ta gə̄ ndin̄ rɔ̄ Elije tə́, anī ni-əda nge kəla yān na: Ə̄ndā jóó kə́ bo horoó ī-nēgə́nń tá̰a̰ ādə̄ ngé koō ta gə̄.

2 MBAN̄G 2:5

Ɓūtə̄ ngé koō ta gə̄ ń ndin̄ Jeriko ní reēn̄ rɔ̄ Elije tə́, ba dəjenən̄ na Kɔ́ɔ̄ɓē na a un kɔ́ɔ̄n ɓōólaā yā kaw̄ seneé dɔ rā̰ tə́ ní ké ger̄ wa. Anī Elije tél ədadə́ na nəkɔ́ na n-ger̄ ō, ba kə utə̄n̄ tadə́.

2 YÁ̰A̰ GƏ̄ 19:2

Yehu nge koō ta kə́ ngōn̄ Hanani tə́nī tan ba ədan na: I nge kem ndul n ā ī-rāā seneé ō, i madə̄ ba̰ā̰ Kɔ́ɔ̄ɓē gə̄ n ā ī-gḛydə́ ō ní a? Wōn̄g yā Kɔ́ɔ̄ɓē a reē dɔí tə́ najə̄ yá̰a̰ gə̄ ń noō tə́.

2 MBAN̄G 2:3

Ɓūtə̄ ngé koō ta gə̄ ń ndin̄ Betel ní teē reēn̄ rɔ̄ Elije tə́ ba dəjenən̄ na Kɔ́ɔ̄ɓē na a un kɔ́ɔ̄n ɓōólaā yā kaw̄ seneé dɔ rā̰ tə́ ní ké ger̄ wa. Anī Elije tél ədadə́ na nəkɔ́ na n-ger̄ ō, ba kə utə̄n̄ tadə́.

1 KORḚNTƏ 1:27

Banī Nə́ɓā gə̄rā i yá̰á̰ kə́ to mbóo ta kum de kə́ dɔ nang tə́ gə̄ tə́ n əlań rɔ̄sɔl̄ dɔ ngé kum kedə̄ gə̄ tə́ ō, ni-gə̄rā i yá̰á̰ kə́ tɔ́gən gətóo ta kum de gə̄ tə́ n əlań rɔ̄sɔl̄ dɔ yá̰á̰ kə́ tɔ́gən to tə́ ō,

2 YÁ̰A̰ GƏ̄ 20:34

Gotə yá̰á̰ kə́ rang gə̄ ń Josapat rāā á i ngé kə́ ta kəla gíŕ tə́ gə̄ ō, ngé kə́ ta tɔ̄l̄ ta tə́ gə̄ ō ní, ndangən̄də́ i kem makətūbə̄ kəla rāā Yehu ngōn̄ Hanani tə́. Ndangən̄ ba əlan̄ i kem makətūbə̄ yā mban̄g gə̄ kə́ Israel tə́.

2 YÁ̰A̰ GƏ̄ 16:7

Dan ngé ń noō tə́ ní Hanani nge ka̰a̰ yá̰a̰ reē ənge Asa mban̄g kə́ Juda ba ədan na: Dan ń ə̄ndā tɔ́gí i dɔ mban̄g kə́ Aram tə́ ba i dɔ Kɔ́ɔ̄ɓē Nə́ɓā yāí tə́ aĺ ɓá ní, ādə̄ i ngé rɔ̄ɔ̄ gə̄ yā mban̄g kə́ Aram ta róbə teē kɔ̄ɔ́ gíŕ tɔ́gə yāí tə́.

2 MBAN̄G 6:1

Ngé koō ta gə̄ ədan̄ Elije na: Á̰a̰ā̰, loo ń jə-ndi tū tə́ j-a j-oōń najə̄ taí tə́ ní asəjí alé.

2 MBAN̄G 2:7

Ɓūtə̄ ngé koō ta gə̄ kutə mí aw̄ dəba ran̄ sa̰y kumdə́ sɔɔ̄ ba Jurdḛ, ba Eli nin̄ kə Elije tá dəban̄ ta bā tə́.

1 MBAN̄G GƏ̄ 20:35

Kum mbang ngeé ń noō tə́ ní, deē kógə̄ḿ kə́ dan ɓūtə̄ yā ngé koō ta gə̄ tə́ əda madə̄n kə gō ndū Kɔ́ɔ̄ɓēé na: m̄-rāāī ɓɔ́, ādə̄m̄ do! Banī madə̄n mbātə́ kadə̄n do.

1 SAMUEL 10:11

Dan ń ngé gə̄ ń gērnən̄ jóó ní a̰a̰nən̄ loo rāā yá̰á̰ ní tə́ dan ngé koō ta gə̄ tə́ tītə̄ yādə́ anī, ədan̄ naā dɔ dáńdə́ tə́ na: I rí n rāā ngōn̄ Kis? Saul i dan ngé koō ta gə̄ tə́ ō a?

1 MBAN̄G GƏ̄ 19:19

Eli ḭḭ loo ń noō tə́ aw̄. Ni-ənge Elije ngōn̄ Sapat. Ndɔr̄ yān i kəla kutə gidə i jōó, ba ni a ndɔr̄ i kə man̄g gēé kem kəlān kə́ nge ko̰ kutə gidə i jōó tə́. Eli mān̄ kadən tə́ ba ənī kūbə̄ yān dɔn tə́.

2 MBAN̄G 2:15

Ɓūtə̄ ngé koō ta gə̄ kə́ Jeriko ń ran̄ sa̰y a a̰a̰n̄neé Elije ní ədan̄ na: Ndíl Eli reē dɔ Elije tə́. Nin̄ ɔjən̄ no Elije ō, ɔsə̄n̄ nodə́ nang tə́ non tə́ ō,

Makətūbə̄ yā Job 30:4

Nin̄ ró̰ȳn̄ mu kə́ ɗa katə̄ kadə túpə́ kámbə gə̄ tə́, yá̰a̰ kəsadə́ i ngəra kāgə̄ jene.

AMOS 3:8

Dan ń ɓɔl nōō ní, i náā n ɓōĺ aĺ ní? Dan ń Kɔ́ɔ̄ɓē Nə́ɓā ɔr̄ najə̄ ní, i náā n ɔjə najə̄ najə̄ yān aĺ ní?