AMOS 7:13 - Bibəl ta Sar̄

¹³ Ba Betel tə́ laā ɓáa, ādə̄ asiī kɔr̄ najə̄ kə́ loo nge koō ta tə́! Tɔdɔ̄ i loo kə́ kɔr̄ kam̄ yā mban̄g ō, i kújə yā Kɔ́ɔ̄ɓē kə́ kem ɓē ko̰o̰ tə́ ō.

Bible sar

¹³ Ba Betel tə́ laā ɓáa, ādə̄ asiī kɔr̄ najə̄ kə́ loo *nge koō ta tə́! Tɔdɔ̄ i loo kə́ kɔr̄ kam̄ yā mban̄g ō, i kújə yā Kɔ́ɔ̄ɓē kə́ kem ɓē ko̰o̰ tə́ ō.

AMOS 7:13 Referans Kwoze

AMOS 2:12

Banī ngé gə̄ ń ənīn̄ ndūdə́ yā ka̰ȳ kasə nduú aĺ ní, sḭḭ̄ ī-rāāīdə́ adə̄ a̰ȳn̄ ō, ngé koō ta gə̄ ń mā m-ə̄ndā najə̄ tadə́ tə́ kadə̄ ədan̄ ní, sḭḭ̄ ɔ̄gīdə́ kɔr̄ najə̄ ō.

1 MBAN̄G GƏ̄ 12:32

Jeroboam rāā nāā kógə̄ḿ kə́ to tītə̄ nge ń a rāān̄ Juda ní kem nāā kə́ nge ko̰ sɔ́sɔ́ tə́, kə ndɔ̄ nāā kə́ nge ko̰ kutə gidə i mí, ba nəkɔ́ aĺ aw̄ tun̄ yá̰a̰ dɔ loo tun̄ yá̰á̰ tə́. Ni-rāā tītə̄ ń noō Betel ō, tun̄ yá̰a̰ adə̄ duĺ man̄g gə̄ ń ni rāādə́ ní ō. Ngé tun̄ yá̰a̰ gə̄ kə́ loo ndɔ̄ȳ gə̄ tə́ ń ni əndādə́ kem kəla tun̄ yá̰á̰ tə́ ní, əndādə́ Betel ō.

1 MBAN̄G GƏ̄ 12:29

Jeroboam əndā duĺ man̄g lɔ́ŕ ní kógə̄ḿ Betel ō, kógə̄ḿ Dan ō.

1 MBAN̄G GƏ̄ 13:1

Dan ń Jeroboam ra a róō yá̰a̰ ndējə̄ gə̄ dɔ loo tun̄ yá̰á̰ tə́ anī, deē yā Nə́ɓā kógə̄ḿ ḭḭ Juda reē ugə̄ Betel. Deē ní i Kɔ́ɔ̄ɓē n ədan najə̄ á reēń ní.

KƏLA RĀĀ 5:40

anī tél ɓārə́n̄ ngámbang kəla gə̄ gogə́, ba adə̄ əndan̄də́ kə ndéyé ō, ɔgə̄n̄də́ kɔr̄ najə̄ kə rī Jeju ō, pá tá əya̰n̄də́ dɔɔ́.

KƏLA RĀĀ 5:28

J-ɔgə̄sí ndóō de gə̄ yá̰a̰ kə rī deē ń noō ō, j-ədasí adə̄ unjə̄ ō. Ba ń toō ɓáa ī-ndóōī de gə̄ yá̰a̰ yāsí adə̄ taā kem ɓē kə́ Jerusalem malang kɔ̄ɔ́ ō, ī-sāāī kadə̄ mósə deē ní tél əsō dɔjí tə́ ō!

IJAI 30:10

Nin̄ ədan̄ ngé koō ta gə̄ na: Ī-lōōī ka̰a̰ yá̰á̰ ɓáý to̰! Ī-lōōī kədají yá̰á̰ kə́ rɔ̄kum! Ə́daījí yá̰á̰ kə́ nel̄ gə̄, ə́daījí yá̰á̰ kə́ nel̄jí ādə̄ j-oō kété, ká ré i yá̰á̰ rɔ̄kum aĺ gə̄gē ní.

AMOS 3:14

Ndɔ̄ ń m-ā m̄-rāań yá̰á̰ kógə̄ḿ kə gír de gə̄ yā Israel najə̄ yá̰a̰ rāādə́ kə́ majaĺ ngá̰ý tə́ ní, m-ā m̄-rāā yá̰á̰ kógə̄ḿ kə loo tun̄ yá̰a̰ gə̄ kə́ Betel. A tɔ̄ɔ̄n̄ kíl loo tun̄ yá̰a̰ gə̄ ń rāān̄ adə̄ ḭḭ kə̄ dɔɔ́ ní ō, kíl loo tun̄ yá̰a̰ gə̄ ní a tə́sōn̄ nang tə́ ō.

AMOS 5:5

Banī ī-lōōī sāām̄ kem kújə yā Kɔ́ɔ̄ɓē kə́ Betel tə́ tə́. Loo kə́ yā ɓōĺ gidə kə́ Gilgal tə́ ní, ī-lōōī kudə tū tə́. Ī-lōōī kaw̄ nge kə́ Beer Seba tə́ tə́. A̰á̰ā̰, a ɔyn̄ de kə́ Gilgal gə̄ yā kaw̄ sedə́ dɔ ɓē kə́ rang tə́ ō, Betel ń i kújə yā Nə́ɓā ní, a tél kújə yā nə́ɓā kə́ rɔ̄kum aĺ gə̄ ō.

AMOS 7:9

Loo ndɔ̄ȳ gə̄ yā kojə yā Isaak ní, m-ā m̄-nujəń kɔ̄ɔ́ ō, loo kə́ kɔr̄ kam̄ tām̄ yā Nə́ɓā tə́ gə̄ yā Israel ní, m-ā m̄-nujəń kɔ̄ɔ́ ō, m-ā m̄-rɔ̄ɔ̄ kojə kə́ ndogó mbangāá yā Jeroboam ō.

AMOS 7:16

Banī ḭ̄ Amasia ə́dam̄ na kə m̄-lōō kəda najə̄ kə́ Nə́ɓā əndā taḿ tə́ yā rɔ̄ɔ̄ń Israel, kə m̄-lōō kɔy najə̄ kə̄ naā tə́ dɔ kojə yā Isaak tə́!

2 MBAN̄G 14:24

Ni-rāā yá̰á̰ kə́ majaĺ ta kum Kɔ́ɔ̄ɓē tə́. Yá̰á̰ kə́ majaĺ gə̄ ń Jeroboam ngōn̄ Nebat rāā ō, sə̄lā ngán Israel gə̄ adə̄ rāān̄ ō ní, ni əya̰ kógə̄ḿ kɔ̄ɔ́ alé.

JEREMI 26:9

Tām̄ ɔ̄r̄ najə̄ kə rī Kɔ́ɔ̄ɓēé əda na: Kújə́ ń toō na a to tītə̄ Silo ō, ɓē ń toō na a nujə sák sák ō, de kə́ kemeé gə̄ na a gətóon̄ kɔ̄ɔ́ ō. Loo ń noō tə́ de gə̄ malang kə́ kem ɓēé kánə̄n̄ naā kə̄ dɔ Jeremi tə́ kem kújə yā Kɔ́ɔ̄ɓē tə́.