AMOS 6:8 - Bibəl ta Sar̄

⁸ Kɔ́ɔ̄ɓē Nə́ɓā, Nə́ɓā kə́ kɔ́ɔ̄ dɔ rā̰ ō dɔ nang ō túbə əda na: Tītə̄ ń mā i Nə́ɓā rɔ̄kum noó, kɔjə rɔ̄ yā ɓē ko̰o̰ kə́ Israel nelə̄m̄ aĺ ngá̰ý, kújə yān kə́ majə gə̄ nelə̄m̄ aĺ ngá̰ý. M-ā m-ə́la ɓē kə́ Samari kə yá̰a̰ malang kə́ kemeé kem jī madə̄ ba̰ā̰n gə̄ tə́.

Bible sar

⁸ Kɔ́ɔ̄ɓē Nə́ɓā, Nə́ɓā kə́ kɔ́ɔ̄ dɔ rā̰ ō dɔ nang ō túbə əda na: Tītə̄ ń mā i Nə́ɓā rɔ̄kum noó, kɔjə rɔ̄ yā ɓē ko̰o̰ kə́ *Israel nelə̄m̄ aĺ ngá̰ý, kújə yān kə́ majə gə̄ nelə̄m̄ aĺ ngá̰ý. M-ā m-ə́la ɓē kə́ Samari kə yá̰a̰ malang kə́ kemeé kem jī madə̄ ba̰ā̰n gə̄ tə́.

AMOS 6:8 Referans Kwoze

AMOS 4:2

Kɔ́ɔ̄ɓē túbə̄ əda na: Tītə̄ nəkɔ́ ń mā i Nə́ɓā kə́ táĺ rɔ̄kum noó, ndɔ̄ a reē noó yā kadə̄ de gə̄ a əhɔn̄sí yā kaw̄ sesí ō, a ndɔ́rə̄n̄sí kógə̄ḿ kógə̄ḿ tītə̄ kānjə̄ gə̄ kə́ əhɔn̄də́ kə gində̄ kə́ ta ruguú, aláa kə kuyú beē yā kaw̄ń ndo̰ kanjāá.

JEREMI 51:14

Kɔ́ɔ̄ɓē kə́ bo kə́ tɔ́gən i ngá̰ý túbə əda na: M-ā m̄-bə̄gā de kə́ kutədə́ i ngá̰ý tītə̄ yim̄ gə̄ beé dɔí tə́, nin̄ a əgan̄ kɔŕ tetə dɔí tə́ tītə̄ ngé kəja kan̄ kāgə̄ nduú gə̄ beé.

AMOS 8:7

Kɔ́ɔ̄ɓē ənī ndūn kə ngangá ngá̰ý əda na: Israel ɔjə rɔ̄n kə ɓē yānneé. I beé ní, m̄-túbə̄ kə ɓē ń toō, loo rāā yá̰a̰ yāsí gə̄ ní, dɔḿ a ndigə̄nal aĺ i kə́ bátə́ gə̄ tə́.

PĀ GƏ̄ 47:4

Ni-əla dɔ gír de gə̄ gíŕ tɔ́gə yājí tə́, əla dɔ nápar de gə̄ gír njají tə́.

AMOS 3:11

Ɓē kə́ Samari, i tām̄ najə̄ ń noō tə́ n mā Kɔ́ɔ̄ɓē Nə́ɓā, m-ə́daī najə̄ ń toō ní: Madə̄ ba̰ā̰í gə̄ a gīrə̄n̄ gidə ɓē. Nin̄ a nujən̄ ndogə̄ mbal̄ yāí gə̄ kə́ yā rɔ̄ɔ̄ń dɔ ɓē tə́ kɔ̄ɔ́ ō, a ɔyn̄ yá̰á̰ kə́ kem kújə yāí kə́ majə gə̄ tə́ kɔ̄ɔ́ ō.

JEREMI 22:5

Banī ré sḭḭ̄ ōōī najə̄ gə̄ ń toō aĺ anī, njaḿ gə̄gē, kújə́ ń toō a téĺ yá̰á̰ kə́ nujə kə́ to dɔ naā tə́ bing.

PĀ GƏ̄ 106:40

Wōn̄g rāā Kɔ́ɔ̄ɓē ngá̰ý dɔ gír deē yān gə̄ tə́. Ngé gə̄ ń i yá̰a̰ halan gə̄ ní ni kidə̄də́ kɔ̄ɔ́,

JAKARI 11:8

Kem nāā kógə̄ḿ ní, m-ɔ̄r̄ ngé kul̄də́ gə̄ mətá kem kəlaá kɔ̄ɔ́. Gō tə́ anī, m̄-tə́gā taḿ sétə́ dɔ batə̄ gə̄ tə́ ō, nin̄ batə̄ gə̄ asən̄ tə́gā tadə́ dɔḿ mā tə́ to̰ aĺ ō.

EJEKIEL 24:21

ngán Israel gə̄ ní n toó: Mā Kɔ́ɔ̄ɓē Nə́ɓā m-ā m-ə́ya̰ de gə̄ kadə̄ rāān̄ loo yāḿ kə́ táĺ ń i yá̰a̰ kɔjə rɔ̄ yāsí ō, nel̄sí ka̰a̰ ngá̰ý ō, ā ī-ndiī ā ə̄ndāī kemsí i dɔ tə́ ō ní, loo kə́ karī tə́. Ngáńsí kə́ dəngam gə̄ ō kə́ dəyá̰ gə̄ ō ń ə́ya̰īdə́ kem ɓē kə́ Jerusalem tə́ ní, a tɔ̄lə̄n̄də́ kə kaskaraá.

NŌŌ RƆ̄ 2:5

Kɔ́ɔ̄ɓē rāā yá̰a̰ tītə̄ kə́ ni i madə̄ ba̰ā̰n beé. Nujə kə Israel ō, kə kújə yān kə́ majə ngá̰ý gə̄ ō, gidə kógə̄ḿ. Ni tɔ̄ɔ̄ kújə yān kə́ ngan̄g ngá̰ý gə̄ kɔ̄ɔ́. Rāā adə̄ de gə̄ nōōn̄ rɔ̄də́ ngá̰ý ō, to̰ō̰n̄ ō, kem ɓē yā ngōmandə kə́ Juda tə́.

PĀ GƏ̄ 78:59

Dan ń Nə́ɓā a̰a̰ yá̰á̰ ní anī, wōn̄g rāān ngá̰ý, adə̄ əya̰ Israel gə̄ kɔ̄ɔ́.

PĀ GƏ̄ 50:12

Ré ɓō rāām̄ anī m-ā m-ə́daī alé, tɔdɔ̄ dɔ nang kə taā malang ō, yá̰a̰ malang kə́ tū tə́ ō i yāḿ.

NDŪ NAJƏ̄ 32:19

Dan ń Kɔ́ɔ̄ɓē a̰a̰ yá̰á̰ ń ngán Israel gə̄ rāān̄ ní anī, ni kídə̄də́. Ngánən kə́ dəngam gə̄ ō, kə́ dəyá̰ gə̄ ō, rāān̄ yá̰a̰ adə̄ wōn̄g rāān sedə́ ngá̰ý.

LEBI GƏ̄ 26:30

Wurəḿ a atə̄m̄ sesí ngá̰ý, adə̄ m-ā m̄-nujə loo ndɔ̄ȳ yāsí gə̄ kɔ̄ɔ́ ō, m-ā m̄-tɔ̄ɔ̄ loo róō ndujə̄ yá̰á̰ kə́ kotə majə yāsí gə̄ kɔ̄ɔ́ ō, m-ā m̄-tétə̄ ɓesə̄ yāsí gə̄ ba m-ā m̄-kán̄ nīńsí gə̄ dɔ tə́ ō.

LEBI GƏ̄ 26:11

M-ā m̄-rāā loo ndi yāḿ dɔ dansí tə́ ō, m-ā m̄-tūr̄ gidəḿ kɔ̄ɔ́ tasí tə́ aĺ ō.

TA KƏLA 22:16

Najə̄ yā Kɔ́ɔ̄ɓē n toó: m̄-ə̄nā ndūḿ yā rāā majə seí tām̄ yá̰á̰ ń ī-rāā tə́ ní. Ɔ̄gə̄m̄ ngōnīí kə́ kal kógə̄ḿ beē alé, adə̄ m-ā m̄-rāā kadə̄ ngán kaaí gə̄ a bəlan̄ tītə̄ tə́yō̰ gə̄ kə́ dɔ rā̰ tə́ ō, tītə̄ nán̄g ngárə̄ḿnjēý kə́ ta bā bo tə́ ō. Ngán kaaí gə̄ a taān̄ ɓē yā madə̄ ba̰ā̰də́ gə̄ ō.

JEREMI 12:8

Yá̰a̰ kənge yāḿ tél to tītə̄ ɓɔl kə́ ku kāgə̄ tə́ kə̄ dɔḿ tə́. Ni tṵ́ṵ̄m̄ rɔ̄ɔ̄, adə̄ mā gə̄gē a m̄-gḛyn to̰ alé.

JEREMI 44:26

I beé ní, sḭḭ̄ Juda gə̄ ń ī-ndiī Ejiptə ní ōōī najə̄ yā Kɔ́ɔ̄ɓē: m̄-túbə kə rīḿ kə́ boó kadə̄ najə̄ ń na Kɔ́ɔ̄ɓē ndi noó kə kumneé ní, Juda kógə̄ḿ kə ndi gō nang kə́ Ejiptə a əda tan tə́ to̰ aĺ i kə́ bátə́ gə̄ tə́.

JEREMI 49:13

Rɔ̄kum, m̄-túbə́ m-ə́da na: Bosra a tél loo kə́ to kum ko̰ ō, loo kə́ nujə sák sák ō. De gə̄ tájə̄n̄ naā ō, a ndɔ̄lə́n̄ naā kə rīneé ō. Ɓē gə̄ malang ń i gíŕ tɔ́gə yān tə́ ní, a télən̄ ndəbā loo kə́ nujə sák sák kə́ njɔ́ḿ gə̄ tə́.

OJEE 11:6

I tām̄ najə̄ ń noō tə́ n rɔ̄ɔ̄ a əsō kə̄ kem ɓē yādə́ gə̄ tə́ ní, rɔ̄ɔ̄ ní nujə yá̰á̰ ń a ngɔ̄m̄də́ ní kɔ̄ɔ́, nujə yá̰a̰ malang kɔ̄ɔ́, tɔdɔ̄ Israel gə̄ númə̄n̄ rāā yá̰á̰ kə́ majaĺ gə̄.

AMOS 3:10

Kɔ́ɔ̄ɓē əda na: Yá̰a̰ malang ń yá̰a̰ rāā kə́ kə dɔ́nɔ́ reēń ō, ɓogə reēń ō ní, ngé kə́rēý gə̄ kánə̄n̄ kə̄ dɔ naā tə́ kem kújə yādə́ kə́ majə gə̄ tə́. De gə̄ ń noō nin̄ gerə̄n̄ rāā yá̰á̰ kə́ rɔ̄kum alé.

AMOS 5:21

Njə̄rā mbā yāsí gə̄ kə́ yā kaw̄ń loo gə̄ kə́ yā ɓōĺ gidə tə́ nelə̄m̄ aĺ ngá̰ý. Nin̄ i yá̰á̰ kógə̄ḿ tām̄ yāḿ tə́ alé. M-ásə́ tə́gā taḿ dɔ kɔsə dɔ naā tə́ yāsí gə̄ tə́ to̰ alé.

AMOS 8:3

Najə̄ ń mā Kɔ́ɔ̄ɓē Nə́ɓā m-ə́dá ní n toó: Ndɔ̄ ń m-ā m̄-rāāń yá̰á̰ tə́ ní, gōsə̄ pā kə́ dəyá̰ gə̄ kə́ ndogó mbangāá a ənīn̄ i pā yo. Nin̄ gə̄ a ton̄ ngá̰ý. A tə́nīn̄ nīń de gə̄ kə̄ loo gə̄ tə́. Loo a to kúkúkú kə̄ loo gə̄ tə́ malang.

Gōsə̄ najə̄ gə̄ 8:13

Ɓōĺ ndíĺ Kɔ́ɔ̄ɓē i kim̄ yá̰á̰ kə́ majaĺ. Kɔjə rɔ̄ ō, gán̄g rɔ̄ ō, róbə rāā yá̰á̰ kə́ majaĺ ō, ta de kə́ a gól̄ loo ō, i yá̰a̰ gə̄ kə́ nelə̄m̄ sedə́ aĺ bátə́.

IJAI 28:1

I yá̰á̰ kə́ to kum kaȳ aĺ kə́ ba̰ý beē tām̄ yā ɓē kə́ Samari tə́! Ɓē ń toō ń to tītə̄ jākā mbang beé ní, ngé kasə rāā gə̄ kə́ dɔ nang yā Epəraim tə́ əndan̄ gúúdə́ tāmən tə́ Ɓē ní ndi i dɔ ngōn̄ mbal̄ ń deē ra dɔ tə́ anī a̰a̰ wól loo kə́ teē kōō ngá̰ý ní. Súūn̄ ɓē ní adə̄ majə ngá̰ý. Banī ɓē ní to i tītə̄ hútə̄ yá̰á̰ kə́ tutə kə́ to dɔ de gə̄ kə́ kasə nduú rāādə́ kɔ̄ɔ́ tə́ beē.

JEREMI 22:14

Ni-əda na: m̄-rāā kújə́ kə́ bo ngá̰ý kə madə̄ kə́ dɔ tə́ gə̄ kə́ kemdə́ bo ngá̰ý gə̄ tām̄ yāḿ tə́ ō, m̄-rāā ko̰rō̰ kújə gə̄ tū tə́ ō, m̄-rāā kemdə́ kújə kə kāgə̄ sédər gə̄ ō, m-ɔ́ɔ́ yá̰á̰ kə́ kərē mbo̰o̰ kemdə́ gə̄ tə́ ō.