AMOS 6:4 - Bibəl ta Sar̄

⁴ Sḭḭ̄ ī-toī i dɔ tə̄rá gə̄ kə́ rāān̄ ro̰də́ i kə ngān̄g dā̰á̰ tə́ ō, ī-toī kə ngāl̄sí dɔ yá̰a̰ ndi yāsí kə́ sɔl̄ lɔ́ḿ lɔ́ḿ gə̄ tə́ ō, yā kəsań ngán batə̄ kə́ majə tɔȳ madə̄ gə̄ kə́ dan yá̰a̰ kul̄ yāsí gə̄ tə́ ō, yā kəsań duĺ man̄g kə́ bo tɔȳ madə̄ gə̄ kə́ kem gɔngɔɔ́ ō.

Bible sar

⁴ Sḭḭ̄ ī-toī i dɔ tə̄rá gə̄ kə́ rāān̄ ro̰də́ i kə ngān̄g dā̰á̰ tə́ ō, ī-toī kə ngāl̄sí dɔ yá̰a̰ ndi yāsí kə́ sɔl̄ lɔ́ḿ lɔ́ḿ gə̄ tə́ ō, yā kəsań ngán batə̄ kə́ majə tɔȳ madə̄ gə̄ kə́ dan yá̰a̰ kul̄ yāsí gə̄ tə́ ō, yā kəsań duĺ man̄g kə́ bo tɔȳ madə̄ gə̄ kə́ kem gɔngɔɔ́ ō.

AMOS 6:4 Referans Kwoze

JAKƏ 5:5

Sḭḭ̄ ī-ndiī dɔ nang tə́ i dan yá̰á̰ kə́ majə gə̄ tə́ ō, i dan rɔ̄nel̄ tə́ ō, sḭḭ̄ ə̄ndāī mbóĺsí tām̄ yā ndɔ̄ tɔ̄l̄sí tə́ ō.

AMOS 3:12

Najə̄ ń Kɔ́ɔ̄ɓē əda ní n toó: Dan ń ɓɔl əhɔ batə̄ kógə̄ḿ anī, njan kə́ jōó gə̄ ō, núsə mbīn ō ní, nge ngɔ̄m̄ yá̰a̰ kul̄ gə̄ taā tan tə́. Israel gə̄ ń ndin̄ Samari á nin̄ ton̄ nang tə́ kə ngāl̄də́ dɔ yá̰a̰ ndi kə́ sɔl̄ lɔ́ḿ lɔ́ḿ gə̄ tə́, aláa dɔ yá̰a̰ taā gír dɔ gə̄ kə́ kem tə̄rá tə́ ní, yá̰á̰ kə́ kógə̄ḿ beē ń toō a rāādə́ ō: I tītə̄ ń noō ō n a ajən̄ i núsə́də́ kə́ dūú gə̄ ngóý ní.

Najə̄ kə́ Majə yā Jeju ń Luk ndang ní 16:19

Dəngam kógə̄ḿ kə́ ənge yá̰á̰ ngá̰ý ō, o̰ō̰ kūbə̄ kə́ kərē ning ō, sɔl̄ lɔ́ḿ lɔ́ḿ gə̄ ō, a əsa i yá̰á̰ kə́ majə majə gə̄ kə dɔ ndɔ̄ gə̄ ō, ndi kem ɓē kógə̄ḿ tə́ noō.

IJAI 22:13

Tá loo i rɔ̄nel̄ ō, i yá̰á̰ kə́ to rɔ̄nel̄ gə̄ ō: De gə̄ tɔ̄lə̄n̄ man̄g gə̄ ō, batə̄ gə̄ ō, əsan̄ dā̰ ō, a̰ȳn̄ kasə nduú ō. Sḭḭ̄ ə́daī na: Ādə̄ j-əsaī ō, j-a̰yī ō, tām̄ j-a j-oyiī bírí!

PĀ GƏ̄ 73:7

Nin̄ ndin̄ dan yá̰a̰ yādə́ kə́ majə ngá̰ý gə̄ tə́, bā rāān̄neé madə̄də́ gə̄ yá̰a̰ aĺ tə́. Yá̰a̰ gə̄ ń kemdə́ gḛy ní to i kə̄ dɔ ndágá.

ESTER 1:6

Tó̰ō̰n̄ kūbə̄ lḛ́ḛ́ kə́ sɔl̄ lɔ́ḿ lɔ́ḿ ba ndaa ngóńg ngóńg gə̄ ō, kə́ kərē gusə gusə gə̄ ō, dɔɔ́ kə kəlā kə́ kərē bḭḭ gēé tū nə̄ngá gində̄ arjā̰a̰ gə̄ kə́ tə́lan̄ tū mbal̄ máŕbər gə̄ tə́. Tə́ndān̄ yá̰a̰ ndi kə́ ngāl̄ gə̄ kə́ rāān̄ kə lɔ́r ō, kə gində̄ arjā̰a̰ ō dɔ nang kə́ ɓatə̄ tə́. Ɓatə̄n̄ dɔ nang ní i kə mbal̄ kə́ kərēé ō, kə́ ndaá ō, kə́ ndaá put put ō kə́ nduluú ō.

JEREMI 16:8

Ā údə kem kújə́ kə́ de gə̄ a əsan̄ yá̰a̰ nāā tū tə́ tə́ yā ndi ta kār̄ tə́ sedə́ kəsań yá̰a̰ ō, ka̰ȳń ō alé.

EJEKIEL 16:49

Yá̰á̰ kə́ gōtə́ aĺ gə̄ ń Sodom nin̄ kə ɓē kə́ kadən tə́ gə̄ rāān̄ ní n toó: Nin̄ ɔjən̄ rɔ̄də́ ō, əsan̄ yá̰a̰ adə̄ al̄ kemdə́ ō, usədə́ yá̰a̰ aĺ ō, rāān̄ kə ngé ndoō gēé aĺ ō, kə ngé rɔ̄ tō ndoō gēé aĺ ō.

EJEKIEL 23:41

Gō tə́ anī nin̄ ton̄ dɔ tə̄rá kə́ majə ngá̰ý gə̄ tə́. Nin̄ əndān̄ tábəl kógə̄ḿ nodə́ tə́, ba əndān̄ ndujə̄ yá̰á̰ kə́ kotə majə ō, yibə̄ kə́ guŕ naā tə́ kə ítirií ō ń i yá̰a̰ yāḿ gə̄ gə̄ ní dɔ tə́.

AMOS 8:3

Najə̄ ń mā Kɔ́ɔ̄ɓē Nə́ɓā m-ə́dá ní n toó: Ndɔ̄ ń m-ā m̄-rāāń yá̰á̰ tə́ ní, gōsə̄ pā kə́ dəyá̰ gə̄ kə́ ndogó mbangāá a ənīn̄ i pā yo. Nin̄ gə̄ a ton̄ ngá̰ý. A tə́nīn̄ nīń de gə̄ kə̄ loo gə̄ tə́. Loo a to kúkúkú kə̄ loo gə̄ tə́ malang.

MISE 6:12

Ngé kənge yá̰á̰ kə́ kem ɓē bo ń toō tə́ gə̄ a əsan̄ i tətō ngé ndoō gə̄. De gə̄ ń ndin̄ kemeé ní, nin̄ i ngé sor̄ gə̄. Nin̄ teēn̄ tadə́ a ngól̄nəń i loo.

TA KƏLA 37:25

ba tél ndin̄ nang tə́ a əsan̄ yá̰a̰. Nin̄ unən̄ kumdə́ kə̄ dɔɔ́ anī, a̰a̰n̄ ɓūtə̄ ngán Ismael gə̄ kə́ ngé njə̄rā mbā gə̄. Ḭḭn̄ Galaad a reēn̄. Jámbal yādə́ gə̄ ətōn̄ nō kāgə̄ kə́ kotə majə gə̄ kə́ rīdə́ na i adəragantə ō, bomə ō, ladanum ō, yā kaw̄ń kə̄ Ejiptə tə́.

IJAI 28:1

I yá̰á̰ kə́ to kum kaȳ aĺ kə́ ba̰ý beē tām̄ yā ɓē kə́ Samari tə́! Ɓē ń toō ń to tītə̄ jākā mbang beé ní, ngé kasə rāā gə̄ kə́ dɔ nang yā Epəraim tə́ əndan̄ gúúdə́ tāmən tə́ Ɓē ní ndi i dɔ ngōn̄ mbal̄ ń deē ra dɔ tə́ anī a̰a̰ wól loo kə́ teē kōō ngá̰ý ní. Súūn̄ ɓē ní adə̄ majə ngá̰ý. Banī ɓē ní to i tītə̄ hútə̄ yá̰á̰ kə́ tutə kə́ to dɔ de gə̄ kə́ kasə nduú rāādə́ kɔ̄ɔ́ tə́ beē.