AMOS 6:13 - Bibəl ta Sar̄

¹³ Sḭḭ̄ ī-rāāī rɔ̄nel̄ tetə rɔ̄ɔ̄ yāsí kə́ Loo Dabar ń i ɓē ń ni i yá̰á̰ kógə̄ḿ aĺ ní. Sḭḭ̄ ə́daī na: Jə-taā ɓē kə́ Karnaim i kə ta kūl̄ tɔ́gə́jí rɔ̄kum, ɓē ń tɔ́gə i tū tə́ ní.

Bible sar

¹³ Sḭḭ̄ ī-rāāī rɔ̄nel̄ tetə rɔ̄ɔ̄ yāsí kə́ Loo Dabar ń i ɓē ń ni i yá̰á̰ kógə̄ḿ aĺ ní. Sḭḭ̄ ə́daī na: Jə-taā ɓē kə́ Karnaim i kə ta kūl̄ tɔ́gə́jí rɔ̄kum, ɓē ń tɔ́gə i tū tə́ ní.

AMOS 6:13 Referans Kwoze

JAKƏ 4:16

ba sḭḭ̄ ɔ́riī ta rɔ̄sí kə kɔjə rɔ̄ yāsí. Kɔr ta rɔ̄ kə́ tītə̄ ń noō malang ní i kə́ majaĺ.

2 MBAN̄G 14:25

I ni n rāā adə̄ dɔ nin̄ ɓē kə́ Israel tél to tītə̄ kə́ kété ní, adə̄ əla gír i Lebo Hamat bátə́ ugə̄ń bā katə̄ kə́ Araba tə́, tītə̄ ń Kɔ́ɔ̄ɓē Nə́ɓā yā Israel əndāń ta nge koō ta yān Jonas ngōn̄ Amitay kə́ Gat Heper tə́ adə̄ ədań ní.

JEJU TEĒ KUM JA̰A̰ 11:10

De kə́ dɔ nang tə́ gə̄ a rāān̄ rɔ̄nel̄ najə̄ yādə́ tə́ ō, a əlan̄ kə yá̰a̰ gēé yā kadə̄ naā karī ō. Tɔdɔ̄ ngé koō ta kə́ jōó gə̄ ngeé ń toō ní, rāān̄ de kə́ dɔ nang tə́ gə̄ yá̰á̰ kə́ tōr̄ gə̄ ngá̰ý.

JA̰A̰ 16:20

Ādə̄ m-ə́dásí najə̄ kə́ bo ngá̰ý, ā ī-nōōī ō, ā ī-sō̰míī ō, ba de kə́ dɔ nang tə́ gə̄ a rāān̄ rɔ̄nel̄. Rɔ̄sí a nel̄sí alé, banī rɔ̄nelāĺ yāsí ní a tél rɔ̄nel̄.

SOPONI 3:11

Ndɔ̄ ń noō tə́ ní, rɔ̄ gír deē yāḿ gə̄ a sɔl̄də́ najə̄ yá̰a̰ rāādə́ gə̄ malang kə́ majaĺ tə́ to̰ aĺ ō, najə̄ yá̰á̰ ń nin̄ rāān̄ seḿ tə́ ní to̰ aĺ ō. Tām̄ kum mbang ngeé ń noō tə́ ní, de gə̄ ń noō malang ń əgōn̄ ɔjənə̄ń rɔ̄də́ ní, m-ā m-ɔ̄r̄də́ kɔ̄ɔ́ ɓēé loosí ō, a asəsí jā̰ā̰ bɔ̄gə̄sí dɔ mbal̄ bo yāḿ kə́ táĺ tə́ ō.

JONAS 4:6

Loo ń noō tə́ Kɔ́ɔ̄ɓē Nə́ɓā rāā adə̄ kāgə̄ kógə̄ḿ əɓa nang tə́, ba tɔgə tɔȳ dɔ Jonas yā kadə̄ ni-əngeń ndíl ō, kadə̄ gír rɔ̄nelāĺ yān gāngəń ō. Rɔ̄ Jonas nelə̄n ngá̰ý najə̄ yā kāgə̄ ní tə́.

DANIEL 4:30

Yá̰á̰ ní rāā mban̄g Nabukodonosor kə̄ ta jī tə́ noō: Tə̄ɓānən̄ kɔ̄ɔ́ dan de gə̄ tə́ ni a ə́sa i mu tītə̄ yā man̄g gə̄ ō, tal kə́ dɔ rā̰ tə́ əhɔ dɔ dā̰ rɔ̄n tə́ ō. Nənga dɔn ngāl̄ asə kə bel̄ kə̄rōó ō, hēl̄ jīn gə̄ kə hēl̄ njan gə̄ ngālə̄n̄ tītə̄ yā yel̄ gə̄ ō.

JEREMI 50:11

A̰á̰ā̰, ī-rāāī rɔ̄nel̄, a̰á̰ā̰, ī-tḭ́ḭ̄ī bal walya, sḭḭ̄ ngé nujə kə yá̰a̰ kənge yāḿ gēé. A̰á̰ā̰, ī-tḭ́ḭ̄ bal tītə̄ mandə man̄g gə̄ kə́ ran̄ dɔ mu tə́ beē, ī-nōōī tītə̄ sə́ndá kə́ bəra gə̄ kə́ ngɔ̄mə̄n̄də́ kadə̄ ḭḭn̄ dɔ madə̄ gə̄ tə́ beē.

JEREMI 9:23

Ré deē kógə̄ḿ sāā tɔ̄ȳ rɔ̄n anī, ādə̄ kɔ́ɔ̄ tɔ̄ȳ rɔ̄n i tām̄ ger̄ ń ni gerə̄m̄ mā Kɔ́ɔ̄ɓē kə́ nge kem majə ō, nge kadə̄ deē yá̰á̰ kə́ sɔɔ̄ dɔn ō, nge rāā yá̰a̰ gōtə́ dɔ nang tə́ ō ní. Rɔ̄kum, i yá̰á̰ ń noō n nelə̄m̄ mā ní. Najə̄ ń Kɔ́ɔ̄ɓē əda ní n noó:

IJAI 8:6

Juda gə̄ kídə̄n̄ man̄ bəlo kə́ ndēr̄ kə ngālāá kə́ Siloe ń a nūgə́ jəke ní ō, tɔ́gə́də́ ur̄ wak kɔ̄ɔ́ no Resin tə́ ō, no ngán Remalia tə́ ō.

IJAI 7:4

Ā ə́dan na: Á̰a̰ gō rɔ̄í majə! Ī-ndi jəke, ī-lōō ɓōĺ. Ī-lōō kadə̄ wōn̄g kə́ ngá̰ý yā Resin ń i de kə́ Aram ní ō, yā ngōn̄ Remalia ō, ɔr̄ tɔ́gí. Mban̄g gə̄ ń noō i ta kīr̄ hor kə́ jōó gə̄ kə́ a sūn̄ sa ngóy.

IJAI 7:1

Dan ngeé ń noō tə́ ní, i Akaj kə́ ngōn̄ Yotam kə́ ngōn̄ Ojias n ndi mban̄g dɔ nang kə́ Juda tə́ ní. Anī Resin, mban̄g kə́ Aram ō, Peka kə́ ngōn̄ Remalia ń i mban̄g kə́ Israel ō ní, reē ənīn̄ ɓē kə́ Jerusalem rɔ̄ɔ̄, banī nin̄ tetənən̄ rɔ̄ɔ̄ alé.

KOHELET 11:9

Balsáa, dan ń ḭ̄ i ngōn̄ ɓáý ní ī-rāā rɔ̄nel̄. Ādə̄ kemií i kə rɔ̄nelēé kem ndɔ̄ gə̄ ń dɔí dūúń ɓáý tə́ ní. Ī-rāā yá̰a̰ malang ń kemií gḛy ní, yá̰a̰ malang ń nelī ní. Banī majə kadə̄ ī-ger̄ káý káý kadə̄ Nə́ɓā a gān̄g sarya dɔ yá̰a̰ rāāí gə̄ tə́ kógə̄ḿ kógə̄ḿ malang.

Makətūbə̄ yā Job 31:29

m̄-rāā rɔ̄nel̄ najə̄ nujə kə́ madə̄ ba̰ā̰ḿ nujə sák sák kɔ̄ɔ́ tə́ a? Dan ń yá̰á̰ kə́ to kum kaȳ aĺ teē dɔn tə́ ní m̄-rāā walya a?

Makətūbə̄ yā Job 31:25

Ré i yá̰a̰ kənge yāḿ kə́ ngá̰ý n i rɔ̄nel̄ yāḿ ō, i yá̰á̰ ń m-ə́ngé ngá̰ý kə ta kūl̄ jīḿ ní n i rɔ̄nel̄ yāḿ ō,

Makətūbə̄ yā Job 8:15

Ni ndə̄nā rɔ̄n tū kújə yān tə́ anī, kújə́ yéȳ. Ni-əhɔ kújə yān adə̄ ngan̄g anī, kújə əsō.

2 MBAN̄G 13:25

Joas kə́ ngōn̄ Joakajə tél taā ɓē gə̄ ń Hajael táā jī bɔbə̄n Joakajə tə́ dan ń a rɔ̄ɔń bɔbə̄n tə́ ní jī Ben Hadad ngōn̄ Hajael tə́. Joas tetə Ben Hadad rɔ̄ɔ̄ nja mətá. Ni-tél taā ɓē gə̄ kə́ Israel tə́ gogə́.

1 SAMUEL 4:5

Dan ń sandúkə madə̄ naā yā Kɔ́ɔ̄ɓē ugə̄ gérgereé anī, ngán Israel gə̄ malang túrə̄n̄ kɔĺ rɔ̄nel̄ kə́ ngá̰ý, adə̄ dɔ nang ndebə.

NGÉ SARYA 9:27

Nin̄ teē aw̄n̄ kem ndɔr̄ kāgə̄ nduú yādə́ gə̄ tə́, aw̄ tə́jān̄ kanə̄n gə̄ ba mbə́rēn̄ manə̄n. Gō tə́ anī rāān̄ rɔ̄nel̄. Nin̄ aw̄n̄ kem kújə yā nə́ɓā yādə́ tə́, əsan̄ yá̰a̰ ō, a̰ȳn̄ ō, ba ndɔ̄lə́n̄ Abimelek.

Makətūbə̄ yā Job 8:14

Kem sōl̄ yá̰á̰ kógə̄ḿ aĺ yān ní, kə̄ngōn a tétə̄ rárák kɔ̄ɔ́, tām̄ kənī kem báŕ báŕ yān to i tītə̄ dəndō súū ngóy.

PĀ GƏ̄ 2:2

Mban̄g gə̄ kə́ dɔ nang tə́ rāān̄ gō rɔ̄də́ yā rɔ̄ɔ̄. De kə́ bo gə̄ oōn̄ naā dɔ Kɔ́ɔ̄ɓē tə́ ō, dɔ mban̄g yān tə́ ō.

PĀ GƏ̄ 75:4

Dɔ nang asə ndebə kə de gə̄ malang kə́ tū tə́. I mā Nə́ɓā n m-údə bir̄ njan m-ādə̄ ra ngan̄g ní aĺ a?

PĀ GƏ̄ 75:5

M-ə́dá ngé kɔjə rɔ̄də́ gə̄ na ī-lōōī kɔjə rɔ̄sí gogə́ ō, m-ə́dá ngé mbātə́ Nə́ɓā gə̄ na ī-lōōī kɔr̄ dɔsí dɔɔ́ ō.

EJEKIEL 29:3

Najə̄ ń mā Kɔ́ɔ̄ɓē Nə́ɓā m-ə́dan ní n toó: Ḭ̄ Parao̰, mban̄g kə́ Ejiptə, m-ā m̄-rāā yá̰á̰ kə́ tōr̄ seí, ī-to tītə̄ mar kə́ bo kə́ to kum bā Nil tə́. Ə́da na bā na i yāí, na i ḭ̄ n na ī-rāā bā ní.

EJEKIEL 29:9

A nujən̄ ɓē kə́ Ejiptə ō, ni a tél dəla loo ō. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā. Ḭ̄ ə́da na bā Nil na i yāí ḭ̄, ə́da na i ḭ̄ n na ī-rāā bā Nil.

DANIEL 4:27

un najə̄ ɔr̄, əda na: Babilon ń ɓē kə́ bo ń m̄-rāān i loo ndi mban̄g tə́ ní n toó. Ni ɔjə kə̄ ndágá kadə̄ tɔ́gə́ḿ i ngá̰ý ō, kadə̄ ko̰o̰ ɓē yāḿ to kɔsə gɔn ngá̰ý ō.