AMOS 5:8 - Bibəl ta Sar̄

⁸ I ni n rāā ɓūtə̄ tə́yō̰ gə̄ ní: Adə̄ i ngáń ngé rāā kār̄ gə̄ ō, dɔgə́ loo tīī ō. Ni tūr̄ loo kə́ risə til nding adə̄ tél loo kə́ unjə̄ kow kə́ dəloí ō, ɓɔ̄ɔ̄ loo kə́ kadaá yā kadə̄ loo kə́ ndɔ̄ɔ́ teēń ō. Ni ɓāŕ man̄ bā bo ba ɓōkə́n dɔ nang tə́. Rīn na i Kɔ́ɔ̄ɓē.

Bible sar

⁸ I ni n rāā ɓūtə̄ tə́yō̰ gə̄ ní: Adə̄ i ngáń ngé rāā kār̄ gə̄ ō, dɔgə́ loo tīī ō. Ni tūr̄ loo kə́ risə til nding adə̄ tél loo kə́ unjə̄ kow kə́ dəloí ō, ɓɔ̄ɔ̄ loo kə́ kadaá yā kadə̄ loo kə́ ndɔ̄ɔ́ teēń ō. Ni ɓāŕ man̄ bā bo ba ɓōkə́n dɔ nang tə́. Rīn na i Kɔ́ɔ̄ɓē.

AMOS 5:8 Referans Kwoze

AMOS 4:13

I ni n rāā mbal̄ bo gə̄ ní. Ni-rāā nél ō, ɔjə deē ndul gə̄ yá̰a̰ gə̄ ń ni núm̄ rāā ní ō. Ni-rāā loo kə́ dəloí kə́ unjə̄ kow adə̄ tél loo kə́ ndɔ̄ɔ́ ō, njə̄rā dɔ loo kə́ kḭḭ kə̄ dɔɔ́ gə̄ kə́ dɔ nang tə́ tə́ ō. Rīn na i Kɔ́ɔ̄ɓē, Nə́ɓā kə́ kɔ́ɔ̄ dɔ rā̰ ō dɔ nang ō.

Makətūbə̄ yā Job 9:9

Ni-rāā tə́yō̰ gə̄ ń a ɓārə́n̄də́ na i ngáń ngé rāā kār̄ gə̄ ō, dɔgə́ loo tīī ō, nja dabə ō ní.

AMOS 9:6

Nə́ɓā rāā kem kújə yān gə̄ dɔ rā̰ tə́, dɔ rā̰ ń sébə tan dɔ dɔ nang tə́ tītə̄ kújə beé ní. Ni ɓāŕ man̄ bā bo, ba ɓōkə́n dɔ nang tə́. Rīn na i Kɔ́ɔ̄ɓē.

AMOS 8:9

Najə̄ ń Kɔ́ɔ̄ɓē Nə́ɓā əda ní n toó: Ndɔ̄ ngeé ń noō tə́ ní, m-ā m̄-rāā kadə̄ mbang udə dan kadə ndaá ō, loo ndul dɔ nang tə́ dan kadə ndaá ō.

PĀ GƏ̄ 104:20

Ni-əndā loo kə́ risə til, adə̄ i loo kə́ ndɔ̄ɔ́. Anī dā̰ malang kə́ kem ku kāgə̄ gə̄ tə́ ḭḭ a njə̄rān̄.

PĀ GƏ̄ 105:28

Nə́ɓā ənī til loo tə́ anī loo risə til nding ō, deē kógə̄ḿ tɔ́sə̄ gātə̄ najə̄ yān aĺ ō.

Makətūbə̄ yā Job 12:22

Ni i nge kɔr̄ ngə̄rā ndɔ̄ gír bəlo loo kə́ rúú ngá̰ý tə́ gə̄ ō, nge teē kə ndíl yoó ndágá kum loo kə́ unjə̄ kow tə́ ō.

Najə̄ kə́ Majə yā Jeju ń Luk ndang ní 1:79

Yā kadə̄ ngé gə̄ ń ndin̄ tilií ō, ndíl yo tə́ ō ní a̰a̰n̄neé loo ō, yā kɔjəń njají loo njə̄rā dɔ róbə kem sɔl̄ tə́ ō.

MATIYE 4:16

gír de gə̄ ń ndin̄ kum til tə́ ní, a̰a̰n̄ loo kə́ unjə̄ kow ngá̰ý. Ngé gə̄ ń ndin̄ ɓē ń yo o̰o̰ ɓē dɔ tə́, adə̄ loo kə́ tū tə́ risə til nding ní, loo a unjə̄ kow dɔdə́ tə́.

IJAI 59:10

Jə-njə̄rāī kə gō kadə ndogə̄ mbalá kum kə̄ kété tītə̄ ngé kum tɔ̄ɔ̄ gə̄ beé. Jə-sāāī róbə yājí tītə̄ de gə̄ kə́ kumdə́ a̰a̰ loo unjə̄ ngá̰ý aĺ beē. Jə-də́bāī dan kadaá tītə̄ kə́ loo tíbə kɔ̄ɔ́ beē. Rɔ̄jí ngan̄g májə́ májə́, banī jə-toī tītə̄ de kə́ koy kɔ̄ɔ́ gə̄.

IJAI 42:16

M-ā m-ɔ́ŕ ngé kum tɔ̄ɔ̄ gə̄ ta róbə dɔ róbə́ kə́ deē ger̄ aĺ tə́, m-ā m̄-njə̄rā sedə́ dɔ róbə́ kə́ nin̄ gerə̄n̄ aĺ tə́. M-ā m̄-tūr̄ loo kə́ ndɔ̄ɔ́ kadə̄ tél loo kə́ unjə̄ kow kété nodə́ tə́, m-ā m̄-ró̰ȳ yá̰á̰ kə́ dēsə́ nodə́ tə́ ɔgə̄də́ kaw̄ kum kə̄ kété gə̄ kɔ̄ɔ́ gír njadə́ tə́. Yá̰á̰ ń m̄-sāā rāā ní n noó, yá̰á̰ ń noō ń m̄-núm̄ rāā ní, m-ā m̄-lōō gírí alé.

Makətūbə̄ yā Job 38:34

Ásə kun ndūí kə̄ dɔɔ́ kədań kil̄ man̄ gə̄ najə̄ kadə̄ man̄ edə dɔí tə́ ngá̰ý a?

Makətūbə̄ yā Job 37:13

Ká ré i yā rāań kadə̄ yá̰a̰ tɔȳ tɔ́gə dɔ nang, aké i yā sə̄kań man̄ dɔ nang tə́, aké i yā rāań majə kə dɔ nangaá gə̄gē anī, i nin̄ n ni a əladə́ ní.

JEREMI 16:21

I tām̄ ń toō tə́ n m-ā m̄-rāā kadə̄ gerə̄n̄ tɔ́gə jīḿ kə́ ɔl watang ō, a gerə̄n̄ kadə̄ rīḿ i Kɔ́ɔ̄ɓē ō.

JEREMI 33:2

Kɔ́ɔ̄ɓē ń rāā dɔ nang ō, Kɔ́ɔ̄ɓē ń rāān adə̄ ra ngan̄g ō, ni ń rīn na i Kɔ́ɔ̄ɓē ní, ɔr̄ najə̄ i tītə̄ ń toō beé: