AMOS 5:7 - Bibəl ta Sar̄

⁷ Ajá! yá̰á̰ kə́ súmūú tél i yá̰á̰ kə́ atə̄ kárárá ō, ndɔ́rə̄n̄ yá̰a̰ rāā kə́ gōtə́ nang tə́ ō.

Bible sar

⁷ Ajá! yá̰á̰ kə́ súmūú tél i yá̰á̰ kə́ atə̄ kárárá ō, ndɔ́rə̄n̄ yá̰a̰ rāā kə́ gōtə́ nang tə́ ō.

AMOS 5:7 Referans Kwoze

AMOS 6:12

Sə́nda gə̄ a a̰ȳn̄ ngɔ̄də̄ dɔ mbal̄ gə̄ tə́ a? Deē a ndɔr̄ dɔ mbal̄ gə̄ kə mangá a? Sḭḭ̄ ī-rāāī adə̄ yá̰á̰ kə́ súmūú tél yá̰á̰ kə́ yḛl deē ō, yá̰á̰ kə́ gōtə́ téĺ yá̰á̰ kə́ atə̄ kárárá ō. I tām̄ rí tə́?

SOPONI 1:6

Ngé tūr̄ gidədə́ taḿ tə́ gə̄ ō, ngé sāāḿ aĺ gə̄ ō, ngé koō najə̄ kə́ taḿ tə́ aĺ gə̄ ō ní, mā Kɔ́ɔ̄ɓē, mā m̄-rāādə́ kadə̄ nin̄ a gətóon̄ kɔ̄ɔ́.

OJEE 10:4

Nin̄ ɔrə̄n̄ najə̄ ngá̰ý ō, túbən̄ túbə́ kə́ rɔ̄kum aĺ gə̄ ō, əndān̄ jīdə́ gír makətūbə̄ gə̄ kə́ nin̄ ənīn̄ń ndūdə́ adə̄n̄ naā tə́ ō. Banī ɓōĺ gidə yá̰á̰ kə́ súmūú to i tītə̄ mu kə́ a tɔ̄l̄ de kə́ əɓa kem ndɔrɔ́ beē tām̄ yādə́ tə́.

EJEKIEL 3:20

Yá̰á̰ kə́ rang ń a rāā yá̰a̰ to̰ ní n toó: Ré de kə́ gōtə́ tūr̄ gidən kɔ̄ɔ́ ta yá̰á̰ kə́ majə tə́, ba rāā yá̰á̰ kə́ majanī, m-ā m̄-rāā kadə̄ ni a əsō kum gūmbə̄ tə́ ō, ni a oy ō. Ré ḭ̄ ī-tāān najə̄ yá̰á̰ kə́ to yo ń to kété non tə́ ní aĺ anī, ni a oy sɔɔ̄ń yá̰a̰ rāān kə́ majaĺ gə̄. M-ā m-āw̄ gíŕ yá̰a̰ rāān kə́ majə kə́ kété gə̄ tə́ to̰ alé, banī m-ā m-ə̄ndā najə̄ yon i dɔí ḭ̄ tə́.

NDŪ NAJƏ̄ 29:18

Ré de kə́rēý oō najə̄ gə̄ ń túbən̄neé toō ba kɔ́ɔ̄ gír̄ kemən tə́ na Nə́ɓā na rāā majə seneé kɔ̄ɔ́ ɓá, adə̄ əda kə̄ kemən tə́ na: M-ə́ngé yá̰a̰ malang tɔdɔ̄ i yá̰a̰ gə̄ ń kemḿ ndigə ní n m-ə́hɔ gōdə́ m̄-rāādə́ ní, tām̄ dɔ nang ń adə̄nən̄ man̄ kɔ̄ɔ́ ɓá ní kəndā man̄ rāān to̰ alé anī,

EJEKIEL 33:18

Dan ń de kə́ gōtə́ əya̰ gō hálən kə́ gōtə́ ba rāā yá̰á̰ kə́ gōtə́ aĺ anī, ni a oy tāmən tə́.

EJEKIEL 18:24

Ba ré de kə́ majə lōō gír rāā yá̰á̰ kə́ gōtə́ tə́ ba rāā yá̰á̰ kə́ majaĺ, tām̄ ni ndájə̄ yá̰a̰ rāā kə́ majaĺ ngá̰ý gə̄ malang yā de kə́ majaĺ gə̄ anī, ɔ́jiīń na a ndi kə kumneé a? I beé alé! Yá̰a̰ malang kə́ majə gə̄ ń ni-rāā ní, dɔdə́ a ndígə̄nal dɔ tə́ kɔ̄ɔ́. Ni a oy sɔɔ̄ń ra kə́ ni-ra dɔ ndūn tə́ aĺ ō, yá̰á̰ kə́ majaĺ kə́ ni-rāā ō.

IJAI 10:1

I yá̰á̰ kə́ to kum kaȳ aĺ kə́ ba̰ý beē tām̄ yā ngé kəndā ndū najə̄ kə́ gōtə́ aĺ gə̄ tə́, tām̄ yā ngé ndang ndū najə̄ gə̄ kə́ a rāān̄ madə̄də́ gə̄ tə́ adə̄ a̰a̰n̄ tápə̄ tə́!

IJAI 5:7

Ndɔr̄ kāgə̄ nduú yā Kɔ́ɔ̄ɓē kə́ bo kə́ tɔ́gən i ngá̰ý i ngán Israel gə̄. A̰á̰ā̰, ndɔr̄ kāgə̄ ń nelə̄n ngá̰ý ní i de kə́ Juda gə̄. Yá̰á̰ ń Kɔ́ɔ̄ɓē sāā rɔ̄n tə́ ní, i kadə̄ ni ɓōĺ gidə yá̰á̰ kə́ súmūú. Banī yá̰a̰ rāā kə́ gōtə́ aĺ to i kə̄ loo gə̄ tə́ malang. Yá̰á̰ ń ni sāā rɔ̄n tə́ ní, i yá̰a̰ rāā kə́ gōtə́. Banī kɔŕ yā de gə̄ kə́ de kə́ nge rɔ̄ɔ̄ dɔdə́ tə́ gətóo gə̄ ɓār̄ kə̄ loo gə̄ tə́ malang.

IJAI 1:23

Ngār yāí gə̄ i de kə́ ngé kəsō wōn̄g gə̄ ō, nin̄ ɓoon̄ rɔ̄də́ tū yā ngé ɓogə gə̄ tə́ ō. Nel̄də́ kə yá̰á̰ gə̄ kə́ adə̄n̄də́ karī ngá̰ý ō, nin̄ ndin̄ dɔ rɔ̄də́ tə́ yā rāā yá̰a̰ malang kə́ tām̄ yā kəngeń yá̰á̰ kə́ kadə̄ karī gə̄ ní ō. Nin̄ rɔ̄ɔ̄n̄ dɔ yá̰á̰ kə́ súmūú yā ngán hal gə̄ tə́ aĺ ō, mbātə́n̄ kun najə̄ yā dəyá̰ kə́ ngaa koy gə̄ kə̄ jīdə́ tə́ ō.

PĀ GƏ̄ 125:5

Banī ngé gə̄ ń unən̄ róbə́ kə́ súmūú aĺ gə̄ ní Kɔ́ɔ̄ɓē, majə kadə̄ ī-tə̄ɓādə́ kɔ̄ɔ́ naā tə́ kə ngé rāā madə̄də́ gə̄ yá̰á̰ kə́ majaĺ gēé! Ādə̄ lápə́ya reē kem ɓē kə́ Israel tə́!

PĀ GƏ̄ 36:3

Ni gír̄ kadə̄ ni i de kə́ majə, adə̄ ger̄ majaĺ yān aĺ ō, mbātə́ majaĺ yān aĺ ō.

Gōsə̄ najə̄ gə̄ 21:7

Rāā yá̰a̰ kə dɔ́nɔ́ yā ngé kem ndul gə̄ tḭ̄ḭ̄ tadə́, tām̄ nin̄ mbātə́n̄ rāā yá̰á̰ kə́ súmūú.

IJAI 5:20

I yá̰á̰ kə́ to kum kaȳ aĺ kə́ ba̰ý beē tām̄ yā ngé gə̄ ń ədan̄ na: Yá̰á̰ kə́ majaĺ i yá̰á̰ kə́ majə, yá̰á̰ kə́ majə i yá̰á̰ kə́ majaĺ tə́ ní. Nin̄ tūrə̄n̄ loo kə́ ndɔ̄ɔ́ adə̄ tél loo kə́ unjə̄ kow ō, tūrə̄n̄ loo kə́ unjə̄ kow adə̄ tél loo kə́ ndɔ̄ɔ́ ō. Nin̄ rāān̄ yá̰á̰ kə́ atə̄ adə̄ téĺ yá̰á̰ kə́ nel̄ ō, rāān̄ yá̰á̰ kə́ nel̄ adə̄ téĺ yá̰á̰ kə́ atə̄ ō.

AMOS 2:3

Mban̄g ń o̰o̰ ɓē dɔn tə́ ní, m-ā m-ɔ̄rən kɔ̄ɔ́ ō, m-ā m̄-rāā kadə̄ ngār yān gə̄ oyn̄ seneé ō. I Kɔ́ɔ̄ɓē n əda najə̄ ń noō ní.

AMOS 3:10

Kɔ́ɔ̄ɓē əda na: Yá̰a̰ malang ń yá̰a̰ rāā kə́ kə dɔ́nɔ́ reēń ō, ɓogə reēń ō ní, ngé kə́rēý gə̄ kánə̄n̄ kə̄ dɔ naā tə́ kem kújə yādə́ kə́ majə gə̄ tə́. De gə̄ ń noō nin̄ gerə̄n̄ rāā yá̰á̰ kə́ rɔ̄kum alé.

IJAI 46:12

Sḭḭ̄ ngé dɔ ngan̄g gə̄, sḭḭ̄ ń i sa̰y ngá̰ý, ī-ndetiī kadə yá̰á̰ kə́ gōtə́ ngɔr aĺ ní, ōōī najə̄ yāḿ!

MISE 3:9

I beé ní, sḭḭ̄ ngār gə̄ kə́ dɔ kojə yā Jakob tə́, sḭḭ̄ ngé gān̄g sarya gə̄ yā gír de gə̄ yā Israel, ōōī. Yá̰á̰ kə́ gōtə́ nel̄sí aĺ gá̰ý ō, sḭḭ̄ ī-rāāī yá̰á̰ kə́ súmūú adə̄ rugə ō.

HABAKUK 1:4

De kə́ un ndū najə̄ rāań kəla gətóo ō, de kə́ gān̄g sarya kə gōó gətóo i kə́ bátə́ gə̄ tə́ ō. De kə́ majaĺ ənī de kə́ rɔ̄kum rɔ̄ɔ̄ ō, ngé rāā sarya gə̄ gāngə̄n̄ sarya kə gōó aĺ ō.