AMOS 5:6 - Bibəl ta Sar̄

⁶ Ré ī-gḛyiī ndi kə kumsí anī, i Kɔ́ɔ̄ɓē n majə kadə̄ ī-sāāin̄ ní. Ré i beé aĺ anī, ni a reē dɔ kojə yā Jəjep tə́ i tītə̄ hor beé. Ni a o̰o̰ yá̰a̰ malang kə́ Betel ō, de kə́ kadə̄ asə tɔ̄l̄ hor ní a gətóo ō.

Bible sar

⁶ Ré ī-gḛyiī ndi kə kumsí anī, i Kɔ́ɔ̄ɓē n majə kadə̄ ī-sāāin̄ ní. Ré i beé aĺ anī, ni a reē dɔ kojə yā *Jəjep tə́ i tītə̄ hor beé. Ni a o̰o̰ yá̰a̰ malang kə́ Betel ō, de kə́ kadə̄ asə tɔ̄l̄ hor ní a gətóo ō.

AMOS 5:6 Referans Kwoze

IJAI 55:6

Ī-sāāī Kɔ́ɔ̄ɓē dan ń ni a əya̰ń rɔ̄n adə̄ de gə̄ əngenən̄ tə́ ní. Ī-ɓāríīin̄ dan ń ni i ngɔr rɔ̄sí tə́ ní.

AMOS 5:14

Ī-sāāī ta róbə rāā yá̰á̰ kə́ majə ba ī-lōōī rāā yá̰á̰ kə́ majaĺ. Loo ń noō tə́ ā ī-ndiī kə kumsí ō, Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, a ndi sesí rɔ̄kum tītə̄ ń ə́daiń ní.

AMOS 5:4

Najə̄ ń Kɔ́ɔ̄ɓē əda ngán Israel gə̄ ní n toó: Ré ī-gḛyiī ndi kə kumsí anī, i mā n majə kadə̄ ī-sāāmī ní.

EJEKIEL 33:11

I beé ní, tītə̄ ń m̄-ndiń kə kumḿ rɔ̄kum nōō, najə̄ ń mā Kɔ́ɔ̄ɓē Nə́ɓā m-ə́dásí ní n toó: Koy de kə́ majaĺ gə̄ adə̄m̄ mā rɔ̄nel̄ alé. Yá̰á̰ ń mā m̄-ndigə ní, i kadə̄ nin̄ tūrə̄n̄ jī bēl̄ loo rāā yá̰a̰ yādə́ ba ndin̄ kə kumdə́. Ɓɔ́, ə́ya̰ī jī bēl̄ loo rāā yá̰a̰ yāsí kə́ majaĺ gə̄ kɔ̄ɔ́. Israel gə̄, kadə̄ óyiī i tām̄ rí tə́?

JAKARI 10:6

M-ā m-ə́la go̰ kem de gə̄ kə́ Juda tə́. M-ā m-ájə́ ngán Israel gə̄. M-ā m̄-tél sedə́ yā reē sedə́ gogə́ ɓēé, tām̄ kumḿ o̰o̰m̄ sedə́. Nin̄ a ton̄ tītə̄ kə́ m̄-mbātə́də́ kété aĺ beē. A̰á̰ā̰, mā i Kɔ́ɔ̄ɓē, Nə́ɓā yādə́ ō, m-ā m̄-dal ndɔ̄ȳ yādə́ gə̄ ō.

AMOS 6:6

Sḭḭ̄ ā̰yī kasə nduú kem káĺ kə́ bo gə̄ tə́ ō, ī-ndumiī yibə̄ kə́ gatə̄n i ngá̰ý kə́ kotə majə gə̄ ō. Banī kojə yā Jəjep ní, a nujənə̄ń sák sák kɔ̄ɔ́ ō, usəsí sḭḭ̄ yá̰á̰ kógə̄ḿ aĺ ō a!

EJEKIEL 37:19

Anī, ī-téĺ ə́dádə́ na mā Kɔ́ɔ̄ɓē Nə́ɓā m-ə́dádə́ yá̰á̰ ń toō: M-ā m-ún kāgə̄ ɔsə kum gotə Jəjep ō, Israel gə̄ kə́ kem ɓē ko̰o̰ ń toō tə́ ní ō, yā kəndādə́ naā tə́ kə dugə̄jū kāgə̄ kə́ ɔsə kum gotə ɓē ko̰o̰ kə́ Juda. Nin̄ jōó mbak a télən̄ i dugə̄jū kāgə̄ kə́ kógə̄ḿ beē jīḿ tə́.

JEREMI 7:20

I tām̄ ń toō tə́ n najə̄ ń Kɔ́ɔ̄ɓē Nə́ɓā əda ní n toó: M-ā m̄-bə̄gā wōn̄g yāḿ, wōn̄g kə́ ngá̰ý yāḿ dɔ loo ń toō tə́ ō, dɔ de gə̄ tə́ ō, dɔ dā̰ gə̄ tə́ ō, dɔ kāgə̄ kə́ bembeé gə̄ tə́ ō, dɔ kum kōō gə̄ kə́ teēn̄ dɔ nang tə́ tə́ ō. I hor kə́ a oy aĺ bátə́.

JEREMI 4:4

De kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, ə́jaī mɔtəsí tām̄ yā Kɔ́ɔ̄ɓē tə́, ə́jaī mɔtə kə́ dan wursí tə́. Ré i beé aĺ anī, wōn̄g yāḿ a ndūbə̄ tītə̄ hor yā ko̰o̰ loo kanjə̄ kadə̄ deē asə tɔ̄l̄ ɔjəń dɔ kəla rāāsí kə́ majaĺ ngá̰ý gə̄.

IJAI 1:31

De kə́ tɔ́gən to a tél yā kəto tītə̄ mu beé ō, yá̰a̰ rāān gə̄ a ton̄ tītə̄ hor kə́ kə́rā beé ō. Hor a o̰o̰də́ jōó mbak ō, de kə́ yā tɔ̄l̄ hor ní a gətóo ō.

1 MBAN̄G GƏ̄ 11:28

Jeroboam i balsáá kə́ a̰a̰ já̰já̰ ō, əhɔ rɔ̄n tɔgə ngá̰ý ō. Dan ń Salomo̰ a̰a̰ kadə̄ ni-rāā kəla yān majanī, əndān kabata dɔ ngé kəla gə̄ kə́ gír kaa yā Epəraim tə́ ō, Manase tə́ ō.

2 SAMUEL 19:20

ba ədan na: Kɔ́ɔ̄ ɓē gə̄, ī-lōō tə́da majaĺ yāḿ. Ādə̄ dɔí ndígə̄nal yá̰á̰ kə́ majaĺ ń m̄-rāā ndɔ̄ teēí kɔ̄ɔ́ kem ɓē kə́ Jerusalem tə́ ní. Ī-lōō kəhɔm̄ kemií tə́ najə̄n tə́.

JOJUE 18:5

Nin̄ a gángə̄n̄ dɔ nang ní gír loo sīrí. Juda gə̄ ndin̄ dɔ nang yādə́ tə́ dām̄ mbɔ́r ɓē kə́ geleé tə́ ō, ngán kaa Jəjep gə̄ a ndin̄ dɔ nang yādə́ tə́ dām̄ mbɔ́r ɓē kə́ ko̰ó̰ tə́ ō

NDŪ NAJƏ̄ 4:24

Tām̄ Kɔ́ɔ̄ɓē Nə́ɓā yāsí i hor kə́ a o̰o̰ loo. Ni i Nə́ɓā kə́ nge rāā jang.

Teē Ngán Israel gə̄ 22:6

Ré de kə́rēý ɓɔ̄ɔ̄ madə̄n nar aláa yá̰á̰ kə́rēý kə́ gātə̄n i ngá̰ý, tá deē aw̄ ɓogə, ba əhɔn̄ nge ɓogə ní anī, a əgā kə̄rā yá̰á̰ ní nja jōó.

PĀ GƏ̄ 27:8

Kɔ́ɔ̄ɓē ḭ̄ ə́da na kə jə-tūr̄ kum̄jí kə̄ rɔ̄í tə́! M-ə̄ndā kemḿ dɔ najə̄ ń noō tə́, adə̄ Kɔ́ɔ̄ɓē, m̄-tūr̄ kumḿ kə̄ rɔ̄í tə́.

IJAI 55:3

Ī-nēlī mbīsí ō, ī-reēī kə̄ rɔ̄ḿ tə́ ō. Ōōī najə̄ yāḿ anī ā ī-ndiī kə kumsí. Kɔ́ɔ̄ɓē əda na: M-ā m-ə́hɔ madə̄ naā kə́ a to ngándáńg sesí. Majə gə̄ ń m-ə̄nī ndūḿ yā rāā kə Dabidí ní, m-ə̄nī ndūḿ m-ādə̄sí yā rāā sesí ngándáńg.

AMOS 3:14

Ndɔ̄ ń m-ā m̄-rāań yá̰á̰ kógə̄ḿ kə gír de gə̄ yā Israel najə̄ yá̰a̰ rāādə́ kə́ majaĺ ngá̰ý tə́ ní, m-ā m̄-rāā yá̰á̰ kógə̄ḿ kə loo tun̄ yá̰a̰ gə̄ kə́ Betel. A tɔ̄ɔ̄n̄ kíl loo tun̄ yá̰a̰ gə̄ ń rāān̄ adə̄ ḭḭ kə̄ dɔɔ́ ní ō, kíl loo tun̄ yá̰a̰ gə̄ ní a tə́sōn̄ nang tə́ ō.

SOPONI 2:3

Ī-tūrī rɔ̄sí kə̄ rɔ̄ Kɔ́ɔ̄ɓē tə́, sḭḭ̄ de kə́ kem ɓēé gə̄ ń sḭḭ̄ i de kə́ najə̄sí gətóo gə̄ ní, sḭḭ̄ ń oōī tan, adə̄ ī-rāāī yá̰a̰ gə̄ ń ni ədasí ní. Ī-rāāī yá̰á̰ kə́ gōtə́ ō, ī-rāāī rɔ̄sí de kə́ dūú gə̄ tə́ ta kum Nə́ɓā tə́ ō. Na majanī ā ī-ndiī loo kə́ yá̰a̰ a ɔdə́ rɔ̄sí tū tə́ aĺ tə́, ndɔ̄ ń Kɔ́ɔ̄ɓē a ɔjəń wōn̄g yān kə̄ ndágá tə́ ní.

NDŪ NAJƏ̄ 32:22

Rɔ̄kum, wōn̄g yāḿ ḭḭ seḿ, o̰o̰ loo tītə̄ hor bátə́ teē gō ngé ń ɓádá tə́. O̰o̰ dɔ nang ō, kan̄ yá̰a̰ gə̄ malang kə́ dɔ nang tə́ ō, o̰o̰ loo bátə́ teē ngəra mbal̄ gə̄ tə́ nang tə́.

2 YÁ̰A̰ GƏ̄ 34:25

Tɔdɔ̄ de kə́ Jerusalem gə̄ əya̰mə̄n̄ kɔ̄ɔ́, nin̄-tunə̄n̄ yá̰a̰ adə̄n̄ nə́ɓā kə́ rang gə̄. Yá̰a̰ malang ń rāān̄ ní adə̄m̄ wōn̄g ngá̰ý. Wōn̄g ń rāām̄ kə ɓē ń toō ní i wōn̄g kə́ ngá̰ý adə̄ a tetə láẃ alé.

PĀ GƏ̄ 69:33

Ngé dɔ sōl̄ gə̄ a̰a̰n̄ anī a rāān̄ rɔ̄nel̄ najə̄n tə́. Sḭḭ̄ gə̄ ń ā ī-sāāī Nə́ɓā ní, ā ī-ndiī kə kumsí ɓāl̄ ngá̰ý!

JEREMI 38:20

Jeremi tél əda na: A əlanī jīdə́ tə́ alé. Ōō ndū Kɔ́ɔ̄ɓē kem najə̄ gə̄ ń m-ɔ̄r̄ seí tə́ toō anī, yá̰a̰ malang a əsō naā tə́ majə ō, ā ī-teē ta yo tə́ ō.

EJEKIEL 21:3

Ə̄ndā gúu dɔdə́ tə́ ādə̄ oōn̄ najə̄ gə̄ ń mā Kɔ́ɔ̄ɓē Nə́ɓā m-ɔ̄r̄ kə ku kāgə̄ gə̄ kə́ dām̄ mbɔ́r ɓē kə́ geleé tə́ ní: M-ā m-ə́la hor kógə̄ḿ dɔ kāgə̄ yāí kə́ to mbōl̄ gə̄ tə́ ō, dɔ kāgə̄ yāí kə́ tutə gə̄ tə́ ō, kadə̄ o̰o̰də́ malang. Hor ní a oy aĺ ō, a o̰o̰ de gə̄ malang ō. A əla gír i dām̄ mbɔ́r ɓē kə́ geleé tə́ bátə́ dām̄ mbɔ́r ɓē kə́ ko̰ó̰ tə́.