AMOS 5:4 - Bibəl ta Sar̄

⁴ Najə̄ ń Kɔ́ɔ̄ɓē əda ngán Israel gə̄ ní n toó: Ré ī-gḛyiī ndi kə kumsí anī, i mā n majə kadə̄ ī-sāāmī ní.

Bible sar

⁴ Najə̄ ń Kɔ́ɔ̄ɓē əda ngán *Israel gə̄ ní n toó: Ré ī-gḛyiī ndi kə kumsí anī, i mā n majə kadə̄ ī-sāāmī ní.

AMOS 5:4 Referans Kwoze

2 YÁ̰A̰ GƏ̄ 15:2

teē tə́nī ta Asa ba ədan na: Mban̄g Asa ō, Juda gə̄ malang ō, Benjamḛ gə̄ malang ō, ōōī najə̄ ń m-ā m-ɔ̄r̄ ní! Kɔ́ɔ̄ɓē i sesí dan ń sḭḭ̄ i seneé ní. Ré ī-sāāniī anī ni a əya̰ rɔ̄n yā kadə̄ ə́ngeniī. Banī ré ə́ya̰in̄ kɔ̄ɔ́ anī, ni a əya̰sí kɔ̄ɔ́ ō.

SOPONI 2:3

Ī-tūrī rɔ̄sí kə̄ rɔ̄ Kɔ́ɔ̄ɓē tə́, sḭḭ̄ de kə́ kem ɓēé gə̄ ń sḭḭ̄ i de kə́ najə̄sí gətóo gə̄ ní, sḭḭ̄ ń oōī tan, adə̄ ī-rāāī yá̰a̰ gə̄ ń ni ədasí ní. Ī-rāāī yá̰á̰ kə́ gōtə́ ō, ī-rāāī rɔ̄sí de kə́ dūú gə̄ tə́ ta kum Nə́ɓā tə́ ō. Na majanī ā ī-ndiī loo kə́ yá̰a̰ a ɔdə́ rɔ̄sí tū tə́ aĺ tə́, ndɔ̄ ń Kɔ́ɔ̄ɓē a ɔjəń wōn̄g yān kə̄ ndágá tə́ ní.

PĀ GƏ̄ 14:2

Kɔ́ɔ̄ɓē ndi dɔ rā̰ tə́ ba əga kumən kə̄ nang tə́ əndāń ma̰ȳ de gə̄, yā ka̰ā̰ ké nge kə́rēý kumən edə̄ sḛ́ý adə̄ a sāā Nə́ɓā wa.

IJAI 55:3

Ī-nēlī mbīsí ō, ī-reēī kə̄ rɔ̄ḿ tə́ ō. Ōōī najə̄ yāḿ anī ā ī-ndiī kə kumsí. Kɔ́ɔ̄ɓē əda na: M-ā m-ə́hɔ madə̄ naā kə́ a to ngándáńg sesí. Majə gə̄ ń m-ə̄nī ndūḿ yā rāā kə Dabidí ní, m-ə̄nī ndūḿ m-ādə̄sí yā rāā sesí ngándáńg.

MATIYE 7:8

Tɔdɔ̄ nge dəje i nge taā ō, deē ń a sāā yá̰á̰ ní a ənge ō, ā teēn̄ ta róbə yā kadə̄ nge gógə̄ ta róbə ō.

1 YÁ̰A̰ GƏ̄ 28:9

Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.

2 YÁ̰A̰ GƏ̄ 20:3

Ɓōĺ rāā Josapat adə̄ ni gḛy sāā Kɔ́ɔ̄ɓē. Ni-ənī mbēr̄ kadə̄ de gə̄ ndin̄ ɓō tām̄ yā Nə́ɓā tə́ gō nang kə́ Juda tə́ malang.

AMOS 5:6

Ré ī-gḛyiī ndi kə kumsí anī, i Kɔ́ɔ̄ɓē n majə kadə̄ ī-sāāin̄ ní. Ré i beé aĺ anī, ni a reē dɔ kojə yā Jəjep tə́ i tītə̄ hor beé. Ni a o̰o̰ yá̰a̰ malang kə́ Betel ō, de kə́ kadə̄ asə tɔ̄l̄ hor ní a gətóo ō.

PĀ GƏ̄ 69:32

Yá̰á̰ ń nel̄ Kɔ́ɔ̄ɓē ngá̰ý tɔȳ man̄g ní n noó, nelə̄n tɔȳ man̄g kə́ bəra kə́ kə gajəneé ō, kə kə́ hēl̄ njaneé ō.

PĀ GƏ̄ 27:8

Kɔ́ɔ̄ɓē ḭ̄ ə́da na kə jə-tūr̄ kum̄jí kə̄ rɔ̄í tə́! M-ə̄ndā kemḿ dɔ najə̄ ń noō tə́, adə̄ Kɔ́ɔ̄ɓē, m̄-tūr̄ kumḿ kə̄ rɔ̄í tə́.

PĀ GƏ̄ 22:26

Kɔ́ɔ̄ɓē, i ḭ̄ n ī-rāā adə̄ m̄-ɓókíī tɔ̄ȳ dan kósə́ ngé kán̄ naā kə́ ngá̰ý gə̄ tə́ ní. M-ā m̄-ra dɔ ndūḿ ń m-ə̄nī m-ādī tə́ ní ta kum ngé ɓōĺ ndílí gə̄ tə́.

2 YÁ̰A̰ GƏ̄ 34:3

Kem ɓāl̄ ko̰o̰ ɓē yān kə́ nge ko̰ sɔ́sɔ́ tə́, adə̄ dan ń ni i son̄g deē ɓáý ní, əla gír sāā Nə́ɓā yā kaan Dabid. Ba kem ɓāl̄ ko̰o̰ ɓē yān kə́ nge ko̰ kutə gidə i jōó tə́ anī, ni nujə loo ndɔ̄ȳ gə̄ ō, ró̰ȳ ɓesə̄ kāgə̄ kə́ túdə̄ gə̄ kɔ̄ɔ́ ō, ɓesə̄ kāgə̄ kə́ tɔ́sə̄ kə́ yā ɓōĺ gidə gə̄ ō, ɓesə̄ gində̄ kə́ nō horoó gə̄ ō ní ni nujəń kɔ̄ɔ́.

NDŪ NAJƏ̄ 4:29

Loo ń noō tə́ ní ā ī-sāāī Kɔ́ɔ̄ɓē Nə́ɓā yāsí. Ré ī-sāāniī kə ngarā̰ kemsí mámák ō, kə rɔ̄sí malang ō anī, ā ə́ngeniī.

NDŪ NAJƏ̄ 32:46

ni ədadə́ na: Yá̰á̰ kə́ yā rāā gə̄ ń ɓōólaā m-ɔ́jə́sí kadə̄ ī-rāāī ní, ī-lōōī rāā yá̰á̰ kógə̄ naā tə́. Ba ɔ́jiī ngáńsí gə̄ ō, ngán kaasí gə̄ ō, ādə̄ əndān̄ kumdə́ gíŕ yá̰a̰ malang ń ndū najə̄ yā Nə́ɓā əda kadə̄ yā rāā tə́ ní ba rāān̄.

NDŪ NAJƏ̄ 32:47

Tɔdɔ̄ yá̰á̰ kə́ yā rāā gə̄ ń m-ɔ́jə́sí ní i yá̰á̰ kə́ kanjə̄ kumən alé, tām̄ ā ī-ndiī kə kumsí i kə ta kūl̄də́ ō, ā ī-ndiī ɓāl̄ ngá̰ý dɔ nang ń ā āwī yā taā gidə bā Jurdḛ kə́ dām̄ kə́ nú tə́ ní i kə ta kūl̄də́ ō.

IJAI 31:1

Ngé kaw̄ dɔ nang kə́ Ejiptə tə́ sāā de kə́ ngé rāā sedə́ gə̄ tə́ ní, i yá̰á̰ kə́ to kum kaȳ aĺ kə́ ba̰ý beē n i tām̄ yādə́ tə́ ní! Nin̄ əndān̄ tɔ́gə́də́ i dɔ sə́nda gə̄ tə́, nin̄ əndān̄ kemdə́ i dɔ púsə rɔ̄ɔ̄ gə̄ tə́, tām̄ púsə rɔ̄ɔ̄ gə̄ i ngá̰ý ō, əndān̄ kemdə́ i dɔ ngé kal̄ sə́nda gə̄ tə́, tām̄ nin̄ ngangə̄n̄ ngá̰ý ō. Banī nin̄ a̰a̰n̄ loo kum kə̄ rɔ̄ Nə́ɓā kə́ táĺ yā Israel tə́ alé. Nin̄ sāān̄ Kɔ́ɔ̄ɓē alé.

EJEKIEL 18:9

Ni-rāā yá̰a̰ gə̄ ń ndū najə̄ yāḿ gə̄ ədan̄ ní ō, əndā kumən gír jī bēl̄ loo rāā yá̰a̰ yāḿ gə̄ tə́ ba rāādə́ kanjə̄ kəya̰ gō kɔ̄ɔ́ ō. Adə̄ mā Kɔ́ɔ̄ɓē Nə́ɓā m-ə́da na de kə́ beé i de kə́ gōtə́ rɔ̄kum ō, ni a ndi kə kumneé ō.

2 MBAN̄G 20:3

Kɔ́ɔ̄ɓē ādə̄ əga kemií na m̄-njə̄rā kə̄ ta kumií tə́ i kə háĺ kə́ gōtə́ ō, kə kem kə́ súmūú ō, m̄-rāā yá̰á̰ kə́ nelī ō. Gō tə́ anī Ejekias nōō ngá̰ý kə man̄ kumneé.

2 YÁ̰A̰ GƏ̄ 20:4

Juda gə̄ ḭḭn̄ kə̄ ɓē gə̄ tə́ malang reē kánə̄n̄ naā yā rāā Kɔ́ɔ̄ɓē ɓɔ́ kadə̄ Kɔ́ɔ̄ɓē rāā sedə́.

PĀ GƏ̄ 69:33

Ngé dɔ sōl̄ gə̄ a̰a̰n̄ anī a rāān̄ rɔ̄nel̄ najə̄n tə́. Sḭḭ̄ gə̄ ń ā ī-sāāī Nə́ɓā ní, ā ī-ndiī kə kumsí ɓāl̄ ngá̰ý!

JEREMI 38:20

Jeremi tél əda na: A əlanī jīdə́ tə́ alé. Ōō ndū Kɔ́ɔ̄ɓē kem najə̄ gə̄ ń m-ɔ̄r̄ seí tə́ toō anī, yá̰a̰ malang a əsō naā tə́ majə ō, ā ī-teē ta yo tə́ ō.

OJEE 10:12

Ré yá̰á̰ ń ī-dubī ní i yá̰á̰ kə́ gōtə́ anī, yá̰á̰ ń ā ə́jaī ní, i kem majə. Ī-tə́gāī loo ndɔr̄ kə́ kijə tām̄ yāsí tə́. I kum mbang sāāḿ mā Kɔ́ɔ̄ɓē n toó, tá yā ngóoń kadə̄ m̄-reē m̄-rāā man̄ yá̰á̰ kə́ gōtə́ kadə̄ edə dɔsí tə́.