Biblia Todo Logo
Bib sou entènèt

- Piblisite -




AMOS 5:27 - Bibəl ta Sar̄

27 I beé ní, m-ā m-ɔ́ýsí ba m-ā m̄-mān̄ sesí dɔ ɓē kə́ Damas tə́ yā kaw̄ sesí sa̰y. I Kɔ́ɔ̄ɓē ń əda najə̄ ń noō ní. Rīn na i Nə́ɓā kə́ kɔ́ɔ̄ dɔ rā̰ ō dɔ nang ō.

Gade chapit la Kopi

Bible sar

27 I beé ní, m-ā m-ɔ́ýsí ba m-ā m̄-mān̄ sesí dɔ ɓē kə́ Damas tə́ yā kaw̄ sesí sa̰y. I Kɔ́ɔ̄ɓē ń əda najə̄ ń noō ní. Rīn na i Nə́ɓā kə́ kɔ́ɔ̄ dɔ rā̰ ō dɔ nang ō.

Gade chapit la Kopi




AMOS 5:27
10 Referans Kwoze  

Sḭḭ̄ ī-rāāī nge ń noō alé, ba ə̄tōī i kújə tandā yā ɓesə̄ Molok ō, i tə́yō̰ yā Repan ń i nə́ɓā yāsí ní ō. Sḭḭ̄ ī-rāāī ɓesə̄ gə̄ ní i yā kadə̄ ī-rɔyīdə́. I beé ɓáá ní m-ā m-ɔ́ýsí yā kaw̄ sesí sa̰y gidə ɓē kə́ Babilon tə́, kə̄ dām̄ kə́ nú tə́.


Kem ɓāl̄ ko̰o̰ ɓē yā Ose kə́ nge ko̰ ndōhó tə́ anī, mban̄g kə́ Asiri taā ɓē kə́ Samari ba ɔy Israel gə̄ aw̄ sedə́ gō nang kə́ Asiri tə́. Aw̄ tə́ndādə́ Hala ō, dɔ gɔ́sə Habor ń i bā kə́ gō nang kə́ Gojan tə́ ní ō, tə́ndādə́ kem ɓē gə̄ kə́ Medi tə́ ō.


I ni n rāā mbal̄ bo gə̄ ní. Ni-rāā nél ō, ɔjə deē ndul gə̄ yá̰a̰ gə̄ ń ni núm̄ rāā ní ō. Ni-rāā loo kə́ dəloí kə́ unjə̄ kow adə̄ tél loo kə́ ndɔ̄ɔ́ ō, njə̄rā dɔ loo kə́ kḭḭ kə̄ dɔɔ́ gə̄ kə́ dɔ nang tə́ tə́ ō. Rīn na i Kɔ́ɔ̄ɓē, Nə́ɓā kə́ kɔ́ɔ̄ dɔ rā̰ ō dɔ nang ō.


Dan yā Peka mban̄g kə́ Israel tə́ ní, Tigəlatə Pileser mban̄g kə́ Asiri reē taā ɓē kə́ Iyon ō, Abel Betə Maaka ō, Yanoa ō, Kedes ō, Hasor ō, gō nang kə́ Galaad ō, gō nang kə́ Galile ō, gō nang kə́ Nepətali malang ō. Ni-ɔy de kə́ kemeé gə̄ aw̄ sedə́ dɔ nang kə́ Asiri tə́.


Anī Jeremi əda Sedekias na: Kɔ́ɔ̄ɓē, Nə́ɓā kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beē: Ré ī-ndigə teē kaw̄ kəsō kem jī de kə́ bo gə̄ yā mban̄g kə́ Babilon tə́ anī, ā ī-teē ta yo tə́ ō, hor a o̰o̰ ɓē ń toō aĺ ō. Ḭ̄ ō, gír kojə yāí ō ā ī-ndiī kə kumsí.


Ba ɓōólaā ɓáa, sḭḭ̄ ə̄tōī nge kə́ ī-tɔ́sī kum gotə Sakut ń i nə́ɓā kə́ mban̄g yāsí ō, sḭḭ̄ ə̄tōī nge kə́ ī-tɔ́sī kum gotə Kewan ń i nə́ɓā kə́ tə́yō̰ yāsí ō ní.


Yá̰á̰ kə́ to kum kaȳ aĺ kə́ ba̰ý beē, tām̄ yāsí sḭḭ̄ ń ī-ndiī jəke dɔ ngōn̄ mbal̄ kə́ Jerusalem tə́ ní ō, sḭḭ̄ ń ɔ́jiīń na yá̰á̰ kógə̄ḿ na a rāāsí dɔ ngōn̄ mbal̄ kə́ Samari tə́ aĺ ní ō! De gə̄ ədan̄ na sḭḭ̄ na ī-majə ī-tɔyī nápar de kə́ rang gə̄ ń ī-ndiī dandə́ tə́ ní ō, na ngán Israel gə̄ ń i ngákó̰ó̰sí gə̄ ní, tūrə̄n̄ rɔ̄də́ i kə̄ rɔ̄sí tə́ ō!


Gō tə́ anī Kɔ́ɔ̄ɓē a ənda Israel gə̄. Nin̄ a yéȳn̄ tītə̄ mu tə̄ɓā kə́ kadə man̄ tə́. Kɔ́ɔ̄ɓē tə̄ɓādə́ dɔ nang kə́ majə ń adə̄ kaadə́ gə̄ tə́ ní kɔ̄ɔ́, ba a tə̄ndā yā tḭ̄ḭ̄də́ gidə bā Opəratə kə́ dām̄ kə́ nó tə́, tɔdɔ̄ nin̄ udən̄ kāgə̄ ɓesə̄ kə́ yā ɓōĺ gidə gə̄ adə̄n̄neé Kɔ́ɔ̄ɓē wōn̄g.


Ta tɔ̄l̄ ta anī Kɔ́ɔ̄ɓē gḛy ka̰a̰də́ ta kumən tə́ to̰ alé. Ni ɔydə́ aw̄ sedə́ dɔ nang kə́ Asiri tə́, adə̄ ndin̄ noó bátə́ ɓōólaā gə̄gē. I beé n Kɔ́ɔ̄ɓē rāań adə̄ najə̄ ń ni-əda kété ní reē udəń gírí ní. Ni-əndā najə̄ ní i ta ngé kəla gə̄ ń i ngé koō ta yān gə̄ tə́ ní.


I tām̄ najə̄ ń toō tə́ n ngɔlaā ní i sḭḭ̄ n a ɔyn̄sí yā kaw̄ sesí dɔ ɓē kə́ rang tə́ kété no madə̄sí gə̄ tə́ ní. Adə̄ ā ī-gətóo kɔ̄ɔ́, sḭḭ̄ ɓūtə̄ de kə́ yay gə̄!


Swiv nou:

Piblisite


Piblisite