AMOS 5:25 - Bibəl ta Sar̄

²⁵ Israel gə̄, ɓāl̄ kutə sɔ́ ń ī-rāāī dəla loo tə́ ní, sḭḭ̄ ī-ndējə̄mī yá̰á̰ kə́ tun̄ gə̄ aĺ ō, ādə̄mī yá̰á̰ kə́ ndējə̄ gə̄ aĺ ō.

Bible sar

²⁵ *Israel gə̄, ɓāl̄ kutə sɔ́ ń ī-rāāī dəla loo tə́ ní, sḭḭ̄ ī-ndējə̄mī yá̰á̰ kə́ tun̄ gə̄ aĺ ō, ādə̄mī yá̰á̰ kə́ ndējə̄ gə̄ aĺ ō.

AMOS 5:25 Referans Kwoze

EJEKIEL 20:8

Banī kaasí gə̄ rāān̄ dɔ ngan̄g, nin̄ mbātə́n̄ koō najə̄ yāḿ. Ɓesə̄ kə́ majaĺ ngá̰ý gə̄ ń əsōn̄ kumdə́ ní, deē kógə̄ḿ dandə́ tə́ kə́ mbātə́də́ gətóo. Adə̄ ɓesə̄ gə̄ kə́ Ejiptə tə́ ní, deē kógə̄ḿ kə́ əya̰də́ kɔ̄ɔ́ gətóo. Loo ń noō tə́ m̄-gír̄ bə̄gā wōn̄g yāḿ kə́ ngá̰ý dɔdə́ tə́ dɔ nang kə́ Ejiptə tə́, kadə̄ wōn̄g yāḿ ní rāā kəla bátə́ ta tɔ̄l̄ ta tə́.

NEHEMI 9:18

Nin̄ nōn̄ gində̄ rāān̄ ngōn̄ man̄g tə́ ba ədan̄ na: Nə́ɓā yājí ń teē sejí kɔ̄ɔ́ kem ɓē kə́ Ejiptə tə́ ní ni n t oó! Háĺdə́ ń rāān̄ seí ní i háĺ kə́ majaĺ ngá̰ý adə̄ najə̄ i dɔdə́ tə́.

NEHEMI 9:21

Á̰a̰ gōdə́ ɓāl̄ kutə sɔ́ kem dəla loo tə́. Nin̄ nalə̄n̄ yá̰á̰ kógə̄ḿ alé. Kūbə̄ yādə́ gə̄ ngísən̄ aĺ gə̄ ō, njadə́ tágə̄ aĺ ō.

JOJUE 24:14

Anī Jojue tél əda na: Ngɔlaā ní, ī-ɓōlíī ndíĺ Kɔ́ɔ̄ɓē ō, ī-rāāī kəla kə ngarā̰ kemsí malang ādīin̄ ō, ī-raī dɔ ndūsí tə́ ō. Ɓesə̄ gə̄ ń kaasí gə̄ a rāān̄ gidə bā tə́ ō, dɔ nang kə́ Ejiptə tə́ ō ní, ī-ró̰yīdə́ kɔ̄ɔ́ ba ī-rāāī kəla yā Kɔ́ɔ̄ɓē.

LEBI GƏ̄ 17:7

I beé tá ngán Israel gə̄ a lōōnəń gír tun̄ yá̰á̰ kə́ rim tə́ kadə̄ ɓesə̄ bal bə̄yā̰ gə̄. Nge ń noō i ndū najə̄ kə́ to ngándáńg tām̄ yādə́ ō, tām̄ yā ngáńdə́ gə̄ tə́ ō, ngán kaadə́ gə̄ tə́ ō.

JAKARI 7:5

yá̰á̰ ń ni tūr̄ əda ní, kə m-ə́dá ngé tun̄ yá̰a̰ gə̄ ō, de kə́ kem ɓēé gə̄ malang ō, kadə̄ gerə̄n̄. Najə̄ ń ni tūr̄ əda ní n toó: Sḭḭ̄ ī-*ndiī ɓō tām̄ yā Nə́ɓā tə́ ō, ə̄nī pā yo ō, kem nāā kə́ nge ko̰ mí tə́ ō, sīrí tə́ ō, asə ɓāl̄ kutə sīrí kɔ̄ɔ́ ɓá. Ba ī-*ndiī ɓō tām̄ yā Nə́ɓā tə́ ní, i tām̄ yāḿ mā tə́ rɔ̄kum a?

EJEKIEL 20:24

I yá̰á̰ ń rāā yá̰á̰ á m̄-túbəń m-ādə̄də́ tītə̄ ń noō ní n toó: Nin̄ unən̄ gō jī bēl̄ loo rāā yá̰a̰ yāḿ gə̄ aĺ ō, usədə́ dɔ ndū najə̄ yāḿ gə̄ tə́ aĺ ō, kídə̄n̄ ndɔ̄ sabat ō, nin̄ aw̄n̄ gō nə́ɓā kə́ rɔ̄kum aĺ gə̄ yā kaadə́ gə̄ tə́ ō.

EJEKIEL 20:16

m̄-túbə i tām̄ usədə́ dɔ jī bēl̄ loo rāā yá̰a̰ yāḿ gə̄ tə́ aĺ ō, mbātə́n̄ rāā yá̰a̰ gə̄ ń ndū najə̄ yāḿ gə̄ ədan̄ ní ō, nin̄ kídə̄n̄ ndɔ̄ sabat ō. Tɔdɔ̄ kemdə́ i dɔ nə́ɓā yādə́ kə́ rɔ̄kum aĺ gə̄ tə́.