AMOS 5:17 - Bibəl ta Sar̄

¹⁷ Dan ń m-ā m̄-mān̄ dáńsí tə́ anī, pā yo gə̄ a ɓārə̄n̄ kə̄ kem ndɔr̄ kāgə̄ nduú gə̄ tə́ malang. I Kɔ́ɔ̄ɓē n əda najə̄ ń noō ní.

Bible sar

¹⁷ Dan ń m-ā m̄-mān̄ dáńsí tə́ anī, pā yo gə̄ a ɓārə̄n̄ kə̄ kem ndɔr̄ *kāgə̄ nduú gə̄ tə́ malang. I Kɔ́ɔ̄ɓē n əda najə̄ ń noō ní.

AMOS 5:17 Referans Kwoze

Teē Ngán Israel gə̄ 12:12

Ndɔ̄ɔ́ ndɔ̄ ń noō tə́ m-ā m̄-mān̄ kem ɓē kə́ Ejiptə tə́. M-ā m̄-tɔ̄l̄ ngáń hágə́ kə́ kemeé gə̄ malang, hágə de gə̄ ō, hágə dā̰ gə̄ ō. Sarya ń m̄-gān̄g dɔ ɓesə̄ gə̄ malang kə́ Ejiptə tə́ ní n noó. Mā i Kɔ́ɔ̄ɓē.

JEREMI 48:33

Rɔ̄nel̄ kə́ ngá̰ý gətóo kɔ̄ɔ́ kem ndɔr̄ kāgə̄ nduú gə̄ kə́ Moab tə́ ō, gō nang yān tə́ ō. m̄-rāā adə̄ kasə nduú iī kɔ̄ɔ́ kem jóon gə̄ tə́. De gə̄ mbə́rēn̄ kan̄ nduú kə kɔŕ rɔ̄nelēé to̰ alé.

IJAI 16:10

Rɔ̄nel̄ kə́ ngá̰ý al̄ naā gətóo kɔ̄ɔ́ kem ndɔr̄ kāgə̄ yāsí gə̄ kə́ kan̄ tə́. Deē oō kōō pā, aláa kōō kɔŕ rɔ̄nel̄ kem ndɔr̄ kāgə̄ nduú gə̄ tə́ to̰ alé. Kasə nduú gətóo kem jóon gə̄ tə́, deē mbə́rē kan̄ nduú to̰ alé. Kɔŕ kə́ kənda yá̰a̰ gōtə́ to̰ gətóo.

JAKARI 9:8

M-ā m̄-njə̄rā kə gō gidə ɓē yāḿ yā kəndāń kumḿ gírən tə́, ba rɔ̄ɔń dɔn tə́, najə̄ yā madə̄ ba̰ā̰ gə̄ ń a aw̄n̄ ō, a télən̄ ō ní tə́. Ngār kógə̄ḿ kə́ tə̄rā a reē yā rējə̄ gír deē yāḿ gə̄ to̰ alé. Tām̄ ngɔlaā ní, m-ə̄ndā kumḿ gír deē yāḿ gə̄ tə́.

NAHUM 1:12

Yá̰á̰ ń Kɔ́ɔ̄ɓē əda de kə́ Juda gə̄ ní n toó: Ká ré kutə madə̄ ba̰ā̰sí gə̄ i ngá̰ý ō, nin̄-ngangə̄n̄ ngá̰ý ō anī, a nujən̄ sedə́ kɔ̄ɔ́, nin̄ a gətóon̄ kɔ̄ɔ́. Kété m̄-tél sesí kə̄ nang tə́, banī m-ā m̄-rāā tītə̄ ń noō to̰ alé.

Teē Ngán Israel gə̄ 12:23

Kɔ́ɔ̄ɓē a mān̄ kem ɓēé yā kənda de kə́ Ejiptə gə̄. Ba ré ni-a̰a̰ mósə tū kāgə̄ ta róbə́ kújə́ kə́ dɔɔ́ tə́ ō, kə́ geleé tə́ ō, kə́ ko̰ó̰ tə́ ō anī, a mān̄ dɔɔ́, a əya̰ yá̰á̰ kə́ majaĺ kadə̄ udə gōsí tə́ kújú nujə loo alé.

Teē Ngán Israel gə̄ 11:4

Moijə əda Parao̰ na Kɔ́ɔ̄ɓē əda na ré dan loo tɔȳ, anī n-a n-ənda kem ɓē kə́ Ejiptə yā gān̄g,