AMOS 5:14 - Bibəl ta Sar̄

¹⁴ Ī-sāāī ta róbə rāā yá̰á̰ kə́ majə ba ī-lōōī rāā yá̰á̰ kə́ majaĺ. Loo ń noō tə́ ā ī-ndiī kə kumsí ō, Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, a ndi sesí rɔ̄kum tītə̄ ń ə́daiń ní.

Bible sar

¹⁴ Ī-sāāī ta róbə rāā yá̰á̰ kə́ majə ba ī-lōōī rāā yá̰á̰ kə́ majaĺ. Loo ń noō tə́ ā ī-ndiī kə kumsí ō, Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, a ndi sesí rɔ̄kum tītə̄ ń ə́daiń ní.

AMOS 5:14 Referans Kwoze

JOJUE 1:9

Najə̄ ń m-ə́daī ní ādə̄ dɔí ndígə̄nal alé: M-ə́daī na kə ə́hɔ rɔ̄í tɔgə ō, ī-ra dəngam dɔ rɔ̄í tə́ ō. Ī-lōō ndebə ō, ī-lōō kadə̄ kemií gān̄g man̄ ō. Tɔdɔ̄ loo malang ń āw̄ tū tə́ ní, Kɔ́ɔ̄ɓē yāí i naā tə́ seí.

MATIYE 6:33

Yá̰á̰ ń kadə̄ ə̄ndāī kumsí gō tə́ ngá̰ý ī-sāāī ta kəga dɔ bang ní, i Ɓē ko̰o̰ yā Nə́ɓā ō, i háĺ kə́ súmūú ń ni-gḛy ní ō. Gō tə́ anī Nə́ɓā a adə̄sí yá̰a̰ gə̄ ń noō malang dɔ tə́ ɓáý.

MISE 6:8

Kɔ́ɔ̄ɓē rāā adə̄ ī-ger̄ yá̰á̰ kə́ majə. Yá̰á̰ ń ni-dəje deē ndul gə̄ malang kadə̄ rāān̄ ní n toó: I rāā yá̰á̰ kə́ gōtə́ ō, i kadə̄ nel̄ deē rāā kem majə ō, i kadə̄ deē ndi kə Nə́ɓā yānneé kanjə̄ kɔjə rɔ̄n ō.

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.

2 TIMOTE 4:22

Ādə̄ Kɔ́ɔ̄ɓē i naā tə́ kə ndílí. Ādə̄ Nə́ɓā rāā kem majə sesí.

AMOS 3:3

De kə́ dəngam gə̄ jōó njə̄rān̄ naā tə́ kanjə̄ kadə̄ nin̄ oōn̄ naā dɔ tə́ a?

1 YÁ̰A̰ GƏ̄ 28:20

Gō tə́ anī əda ngōnən Salomo̰ na: Ī-lōō kəya̰ rɔ̄í yɔkəlɔ ba ə́hɔ rɔ̄í tɔgə ī-rāań yá̰a̰! Ī-lōō sōl̄ ō, ī-lōō ɓōĺ ō, tɔdɔ̄ Kɔ́ɔ̄ɓē Nə́ɓā yāḿ i seí naā tə́. Ni a əya̰ī kɔ̄ɔ́ aĺ ō, a tél gōí tə́ aĺ ō, bátə́ kadə̄ ī-rāań kəla kújə yān kadə̄ təgā.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

IJAI 55:2

Yá̰a̰ kəsa kə́ ə́sa anī ul̄ rɔ̄í ní, úń nar ādə̄ gírí i tām̄ rí tə́? Yá̰á̰ kə́ ə́sa anī ndānī aĺ ní, ī-njə́ɓā rɔ̄í najə̄n tə́ i tām̄ rí tə́? Ōōī najə̄ yāḿ majə, anī ā ə́ngeī yá̰á̰ kə́ majə gə̄ yā kəsa, ā ī-nāāī yá̰á̰ kə́ nel̄ gə̄.

Gōsə̄ najə̄ gə̄ 11:27

De kə́ nge ngɔ̄də̄ gō yá̰á̰ kə́ majə i de kə́ nge sāā kadə̄ ndigənən̄, ba rɔ̄ ndoō əsō dɔ nge sāā rāā yá̰á̰ kə́ majaĺ tə́.

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

IJAI 8:10

Ī-númī yá̰á̰ kə́ yā rāā gə̄ tā a nujənə̄ń kɔ̄ɔ́. Ī-tɔ́tī naā dɔ loo rāān yāsí gə̄ tə́ tā a to alé. Ɔ̄rī najə̄ kə́ sɔɔ̄ dɔ yá̰á̰ kə́ yā rāā ba najə̄ kɔr̄sí ní a udə gírí alé. Tɔdɔ̄ Nə́ɓā i naā tə́ sejí.

2 YÁ̰A̰ GƏ̄ 15:2

teē tə́nī ta Asa ba ədan na: Mban̄g Asa ō, Juda gə̄ malang ō, Benjamḛ gə̄ malang ō, ōōī najə̄ ń m-ā m-ɔ̄r̄ ní! Kɔ́ɔ̄ɓē i sesí dan ń sḭḭ̄ i seneé ní. Ré ī-sāāniī anī ni a əya̰ rɔ̄n yā kadə̄ ə́ngeniī. Banī ré ə́ya̰in̄ kɔ̄ɔ́ anī, ni a əya̰sí kɔ̄ɔ́ ō.

TƏ́DA 16:3

Nin̄ kánə̄n̄ naā dɔ Moijə nin̄ kə Aaro̰ tə́ ba ədan̄də́ na: Ń toō asə tā. Ngán Israel gə̄ malang nin̄ i de kə́ táĺ gə̄ ō, Kɔ́ɔ̄ɓē i dɔ dáńdə́ tə́ ō, ba i náā n adə̄sí ta róbə kḭḭ dɔ ngé gə̄ ń Kɔ́ɔ̄ɓē kán̄də́ naā tə́ ní?

Teē Ngán Israel gə̄ 3:12

Nə́ɓā tél ədan na ni na i naā tə́ seneé, na yá̰á̰ ń a ɔjə kadə̄ i ni n n-əlan ní n toó. Dan ń a teē kə ngán Israel gēé kem ɓē kə́ Ejiptə tə́ kɔ̄ɔ́ anī, na a rāān̄ kəla yān ni Nə́ɓā dɔ mbal̄ ń toō tə́.

TA KƏLA 39:23

Ngol ngé ngɔ̄m̄ dəngáy gə̄ ní əya̰ kəla yān jī Jəjep tə́ malang, əndā kumən gírí to̰ alé, tɔdɔ̄ Kɔ́ɔ̄ɓē i naā tə́ kə Jəjepé, adə̄ kəla rāān i kə́ majə malang.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

AMOS 5:6

Ré ī-gḛyiī ndi kə kumsí anī, i Kɔ́ɔ̄ɓē n majə kadə̄ ī-sāāin̄ ní. Ré i beé aĺ anī, ni a reē dɔ kojə yā Jəjep tə́ i tītə̄ hor beé. Ni a o̰o̰ yá̰a̰ malang kə́ Betel ō, de kə́ kadə̄ asə tɔ̄l̄ hor ní a gətóo ō.

SOPONI 2:3

Ī-tūrī rɔ̄sí kə̄ rɔ̄ Kɔ́ɔ̄ɓē tə́, sḭḭ̄ de kə́ kem ɓēé gə̄ ń sḭḭ̄ i de kə́ najə̄sí gətóo gə̄ ní, sḭḭ̄ ń oōī tan, adə̄ ī-rāāī yá̰a̰ gə̄ ń ni ədasí ní. Ī-rāāī yá̰á̰ kə́ gōtə́ ō, ī-rāāī rɔ̄sí de kə́ dūú gə̄ tə́ ta kum Nə́ɓā tə́ ō. Na majanī ā ī-ndiī loo kə́ yá̰a̰ a ɔdə́ rɔ̄sí tū tə́ aĺ tə́, ndɔ̄ ń Kɔ́ɔ̄ɓē a ɔjəń wōn̄g yān kə̄ ndágá tə́ ní.

PĀ GƏ̄ 97:10

Sḭḭ̄ ngé táŕ Kɔ́ɔ̄ɓē gə̄, ī-kídī yá̰a̰ kə́ majaĺ. Ni ngɔ̄m̄ gō deē yān gə̄, ni-taādə́ jī ngé kem ndul gə̄ tə́ əya̰də́ dɔɔ́.