AMOS 5:11 - Bibəl ta Sar̄

¹¹ Sḭḭ̄ ī-rējī nge ndoō kə yá̰a̰ rāāsí kə́ gōtə́ aĺ ō, ī-taāī núsə kōō yān dɔ gúú tə́ ō. Beé ɓáa, tām̄ najə̄ ń noō tə́ ní, kújə́ kə́ rāā kə mbal̄ kə́ tɔ́sə̄ kadə gēé ń ī-rāāī ní, ā ī-ndiī kemeé aĺ ō, ndɔr̄ kāgə̄ nduú kə́ majə gə̄ ń ə́hɔī ní, ā ā̰yī kasən aĺ ō.

Bible sar

¹¹ Sḭḭ̄ ī-rējī nge ndoō kə yá̰a̰ rāāsí kə́ gōtə́ aĺ ō, ī-taāī núsə kōō yān dɔ gúú tə́ ō. Beé ɓáa, tām̄ najə̄ ń noō tə́ ní, kújə́ kə́ rāā kə mbal̄ kə́ tɔ́sə̄ kadə gēé ń ī-rāāī ní, ā ī-ndiī kemeé aĺ ō, ndɔr̄ *kāgə̄ nduú kə́ majə gə̄ ń ə́hɔī ní, ā ā̰yī kasən aĺ ō.

AMOS 5:11 Referans Kwoze

SOPONI 1:13

I beé ɓá ní, a ɔyn̄ yá̰a̰ kənge yādə́ gə̄ dɔ gúú tə́ ō, a nujən̄ kújə yādə́ gə̄ kɔ̄ɔ́ ō. Nin̄ rāān̄ kújə gə̄, banī a ndin̄ kemeé alé. Nin̄ əhɔn̄ kāgə̄ nduú gə̄, banī a a̰ȳn̄ kasən alé.

MISE 6:15

Ā ī-dubī yá̰a̰, banī ā ásiī kəja alé. Ā ī-kásī kan̄ kāgə̄ olibə, banī ā úniī yibə̄n yā rāań yá̰a̰ alé. Ā ī-mbə́rēī kan̄ kāgə̄ nduú, banī ā ā̰ȳ kasən alé.

NDŪ NAJƏ̄ 28:30

Dəyá̰ ń ā ə́hɔ gātə̄n ní i de kə́ rang n a ɓīī seneé. Kújə́ ń ā ī-rāā ní, ā ī-ndi kemeé alé. Ā ī-ndɔr̄ kāgə̄ nduú, ba kanə̄n kə́ ta kəga dɔ gə̄gē ā ə́ja alé.

JAKƏ 2:6

Ba sḭḭ̄ ídiī tasí gír nge ndoō tə́. I de kə́ ngé kənge yá̰á̰ ngá̰ý gə̄ n a rāān̄sí yá̰á̰ kə́ tōr̄ gə̄ ō, a ndɔ́rə̄n̄sí kə̄ loo sarya gə̄ tə́ ō ní aĺ a?

Makətūbə̄ yā Aje 1:6

Ī-dubī kōō ngá̰ý, banī ə́jaī kōō i sḛ́ý beē. Ə́saī yá̰a̰, ba tɔ̄l̄ ɓōsí alé. Ā̰yī yá̰a̰, banī asə tasí alé. Sḭḭ̄ ō̰ō̰ī kūbə̄, banī kūl̄ o̰o̰sí. Ə́ngeī nar gír kəla kə́ ī-rāāī tə́ banī ī-ɓōkíī nar yāsí ní i kem ngong kə́ mbutə tə́.

MISE 2:2

Ré ndɔr̄ yā madə̄də́ gə̄ sə̄ngā kumdə́ anī, nin̄ taān̄ ndɔr̄ ní ō, ré gḛyn̄ i kújə yādə́ gə̄ anī, nin̄ táān̄ kújə gə̄ ní ō. Nin̄ ḭḭn̄ gúu dɔ de kə́ dəngam gə̄ tə́ ō, dɔ kojə yādə́ gə̄ tə́ ō, dɔ kɔ́ɔ̄ yá̰a̰ gə̄ tə́ ō, táān̄ yá̰a̰ kənge yādə́ gə̄ dɔ gúú tə́ ō.

AMOS 3:15

Kújə́ kə́ rāā tām̄ yā loo kə́ kūlīí tə́ ō, nge kə́ rāā tām̄ yā loo kə́ ngā nəngāá tə́ ō ní, m-ā m̄-tɔ̄ɔ̄də́ kɔ̄ɔ́. Kújə gə̄ ń rāān̄ ro̰də́ kə ngān̄g dā̰á̰ ní, m-ā m̄-nujəń kɔ̄ɔ́ ō, kújə́ kə́ bo bo gə̄ a gətóon̄ kɔ̄ɔ́ ō. Najə̄ ń Kɔ́ɔ̄ɓē əda ní n noó.

IJAI 16:10

Rɔ̄nel̄ kə́ ngá̰ý al̄ naā gətóo kɔ̄ɔ́ kem ndɔr̄ kāgə̄ yāsí gə̄ kə́ kan̄ tə́. Deē oō kōō pā, aláa kōō kɔŕ rɔ̄nel̄ kem ndɔr̄ kāgə̄ nduú gə̄ tə́ to̰ alé. Kasə nduú gətóo kem jóon gə̄ tə́, deē mbə́rē kan̄ nduú to̰ alé. Kɔŕ kə́ kənda yá̰a̰ gōtə́ to̰ gətóo.

EJEKIEL 26:12

Nin̄ a ɓogən̄ yá̰a̰ kənge yāí gə̄ ō, a ɔyn̄ yá̰a̰ gātə̄ yāí gə̄ dɔ gúú tə́ ō. A mbə́rēn̄ ndogə̄ mbal̄ yāí gə̄ yā tə́nī nang tə́ kɔ̄ɔ́ ō, a nujən̄ kújə yāí gə̄ ń yá̰a̰ i ngá̰ý tū tə́ ní ō, ba a ɔyn̄ mbal̄ kə́ tū tə́ gə̄ ō, kāgə̄ kə́ tū tə́ gə̄ ō, butə̄ yá̰á̰ kə́ tū tə́ gə̄ ń a na̰y ní ō, yā ɓōkə́ gír bāá kɔ̄ɔ́.

AMOS 2:6

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Israel gə̄ dɔ tə́ i ngá̰ý. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní. Deē ń najə̄ gətóo dɔn tə́ ní, nin̄ igən̄ seneé tītə̄ ɓəlo beé yā kəngeń nar. Deē ń rɔ̄n tō ndoō ní, nin̄ igən̄ seneé yā kəngeń sākə̄rā jōó.

AMOS 3:9

Ī-raī dɔ kújə́ kə́ majə gə̄ kə́ kem ɓē kə́ Asdod tə́ ō, kə́ kem ɓē kə́ Ejiptə tə́ ō, ə́gaīń kɔŕ ə́daī na: Ɔ́siī dɔsí naā tə́ loo kə́ kḭḭ kə̄ dɔɔ́ gə̄ kə́ Samari tə́ tə́, ba á̰a̰ī yá̰á̰ kə́ a̰a̰ gō naā aĺ gə̄ kə́ ngá̰ý ō, yá̰á̰ kə́ rāā kə dɔ́nɔ́ kə́ i kemeé.

AMOS 4:1

Sḭḭ̄ dəyá̰ kə́ Samari gə̄ ń ī-boōī lútə́ lútə́ tītə̄ kó̰o̰ man̄g gə̄ kə́ Basan ní, ōōī najə̄ ń toō: Sḭḭ̄ ī-rējī ngé ndoō gə̄ kə yá̰a̰ rāāsí kə́ gōtə́ aĺ ō, ī-tə́nāī ngé rɔ̄ tō ndoō gə̄ nang tə́ ō, ba ə́daī ngaasí gə̄ na: Ī-reē kə yá̰a̰ ka̰yā̰á̰ tā!

AMOS 6:11

Tɔdɔ̄ i yā Kɔ́ɔ̄ɓē kadə̄ adə̄ ndūn, anī nujən̄ kújə́ kə́ bo gə̄ kɔ̄ɔ́ ō, ngé kə́ dūú gə̄ tétə̄n̄ rárák kɔ̄ɔ́ ō!

AMOS 6:12

Sə́nda gə̄ a a̰ȳn̄ ngɔ̄də̄ dɔ mbal̄ gə̄ tə́ a? Deē a ndɔr̄ dɔ mbal̄ gə̄ kə mangá a? Sḭḭ̄ ī-rāāī adə̄ yá̰á̰ kə́ súmūú tél yá̰á̰ kə́ yḛl deē ō, yá̰á̰ kə́ gōtə́ téĺ yá̰á̰ kə́ atə̄ kárárá ō. I tām̄ rí tə́?

AMOS 8:4

Sḭḭ̄ ngé njə̄rā dɔ nge ndoō gə̄ tə́, sḭḭ̄ ń ī-gḛyiī rāā kadə̄ de kə́ najə̄də́ gətóo gə̄ gətóon̄ kem ɓēé ní, ōōī majə!

MISE 1:6

Kɔ́ɔ̄ɓē əda na: Tām̄ najə̄ ń noō tə́ ní, m-ā m̄-rāā ɓē kə́ Samari kadə̄ a tél ndɔr̄ kə́ gájə́ yá̰a̰ gə̄ i tū tə́ ō, dɔ nang kə́ i kāgə̄ nduú tá deē a asə ndɔr̄ tū tə́ ngóy ō. M-ā m̄-rāā kadə̄ mbal̄ kə́ tū tə́ gə̄ ndūbə̄rūn̄ kum wól loo tə́ ō, m-ā m-nujə yá̰á̰ ń a ngɔ̄m̄ gír gisən ní kɔ̄ɔ́ ō.

MALASI 1:4

De gə̄ ngeé gə̄ ń noō ń i Edom gə̄ ní, majanī a ədan̄ na: Rējēn̄jí, banī ɓē yājí gə̄ ń nujənə̄ń sák sák kɔ̄ɔ́ ní, j-a jə-tél yā rāā gogə́ rang. Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ní n toó: Nin̄ asən̄ tél rāā gogə́ tā, ba yá̰á̰ ń nin̄ a rāān̄ ní, m-ā m̄-nujəń kɔ̄ɔ́! A ɓārə́n̄də́ na i Ɓē yā de kə́ majaĺ gə̄ ō, i Gír de gə̄ kə́ Kɔ́ɔ̄ɓē rāā wōn̄g sedə́ kanjə̄ dəba ō.

LEBI GƏ̄ 26:16

yá̰á̰ ń m-ā m̄-rāā sesí ní n toó: M-ā m-ādə̄ mo̰y gajə a rāāsí kadə̄ kumsí a ra doo ō, kadə̄ rɔ̄sí a tōr̄sí ō. Ā ī-dubī kōō yāsí i ndāńg karī i madə̄ ba̰ā̰sí gə̄ ń a əsan̄.

Makətūbə̄ yā Job 20:19

Tɔdɔ̄ ni-əsa tətō ngé tɔ́gə gətóo gə̄ ō, əya̰də́ kɔ̄ɔ́ ō, taā kújə yādə́ ō, ni-rāā kújə́ kógə̄ḿ aĺ ō.

EJEKIEL 34:21

Dā̰ kə́ tɔ́gə́də́ gətóo gə̄ ní, sḭḭ̄ ə̄ndāī kār̄ bɔ̄gə̄sí ī-mbə́rēīneédə́ ō, ī-mbə́rēīdə́ kə kadəsí ō, ī-tɔ́sīdə́ kə gajəsí ō. Ta tɔ̄l̄ ta anī, sḭḭ̄ ī-tə̄ɓāīdə́ kə̄ loo gə̄ tə́ adə̄ nin̄-teēn̄ kɔ̄ɔ́ loo kəsa mu tə́.

OJEE 9:2

Banī gémē ń a əndan̄ loo kənda gémē tə́ ní ō, yibə̄ ń a taān̄ ta loo mbérē yibə̄ tə́ ō ní, i tām̄ yāí tə́ alé. Kasə nduú kə́ kijə ń ī-ndi ā ī-ngóō ní ā ə́nge alé.

AMOS 2:7

Nin̄ əlan̄ dɔ nge ndoō kum bumbə́rú tə́ ō, ɓōlə́n̄ gidə yá̰á̰ yā de kə́ dūú gə̄ aĺ ō. Bɔbə̄ ngōn̄ nin̄ kə ngōnōó sāān̄ dəyá̰ dɔ naā tə́ ō. I tītə̄ ń noō n nin̄ tájə̄n̄neé hɔ̄r̄mɔ̄ yāḿ ní.

AMOS 9:14

Israel gə̄ ń i gír deē yāḿ gə̄ ní, m-ā m̄-rāādə́ kadə̄ a tél a ndin̄ tītə̄ kə́ kété. Ɓē bo kə́ nujə kɔ̄ɔ́ gə̄ ní, nin̄ a télən̄ yā rāā gogə́ ō, a télən̄ yā ndi kem ɓē bo gə̄ ní tə́ gogə́ ō. Nin̄ a əhɔn̄ kāgə̄ nduú gə̄ ō, a a̰ȳn̄ kasə nduú ō. Nin̄ a ndɔrə̄n̄ ō, a əsan̄ yá̰á̰ kə́ ndɔrɔ́ ō.