AMOS 4:9 - Bibəl ta Sar̄

⁹ Mā m̄-rāā ādə̄ kōō yāsí gə̄ tutən̄ ta bēl̄ tə́ aláa ndumən̄ kem ndɔrɔ́. Mā m̄-nujə ndɔr̄ tá̰a̰ yāsí gə̄ ō, ndɔr̄ kāgə̄ nduú yāsí gə̄ ō, gaẃ gə̄ əsan̄ kāgə̄ kótə̄ yāsí gə̄ ō, kāgə̄ olibə yāsí gə̄ ō. Ɓá tā banī sḭḭ̄ ī-téliī ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

Bible sar

⁹ Mā m̄-rāā ādə̄ kōō yāsí gə̄ tutən̄ ta bēl̄ tə́ aláa ndumən̄ kem ndɔrɔ́. Mā m̄-nujə ndɔr̄ tá̰a̰ yāsí gə̄ ō, ndɔr̄ *kāgə̄ nduú yāsí gə̄ ō, gaẃ gə̄ əsan̄ kāgə̄ kótə̄ yāsí gə̄ ō, *kāgə̄ olibə yāsí gə̄ ō. Ɓá tā banī sḭḭ̄ ī-téliī ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

AMOS 4:9 Referans Kwoze

Makətūbə̄ yā Aje 2:17

Mā Kɔ́ɔ̄ɓē m-ə́dá wáńg na: Yá̰a̰ malang ń ī-rāāī ní, m̄-nujəń kɔ̄ɔ́: m̄-rāā adə̄ kōō gə̄ tutən̄, aláa ndumən̄ kem ndɔrɔ́ ō, m̄-rāā adə̄ kɔ̄sə̄ tə́sō ō, banī sḭḭ̄ ī-tél ī-reēī rɔ̄ḿ mā Kɔ́ɔ̄ɓē tə́ alé.

NDŪ NAJƏ̄ 28:22

Ni a rāāī kadə̄ ōn̄g ō, a ənī mo̰y gajə ō, rɔ̄ kagə̄ ō dɔí tə́. A rāā kadə̄ rɔ̄í a təngā tólóló ō, a rāā kadə̄ man̄ a əhɔ laa ō, a ənī mo̰y dɔ kōō gə̄ tə́ kadə̄ kərēn̄ ngéŕ ngéŕ ō, kadə̄ kumdə́ teē aĺ ō. Yá̰á̰ kə́ tōr̄ gə̄ ń noō a rāānī bátə́ kadə̄ ī-gətóoń kɔ̄ɔ́.

JOEL 1:4

Yá̰á̰ ń taw̄ əya̰ ní, yim̄ gə̄ əsan̄ kɔ̄ɔ́ ō. Yá̰á̰ ń yim̄ gə̄ əya̰n̄ ní, kə́ndīŕ gə̄ əsan̄ kɔ̄ɔ́ ō. Yá̰á̰ ń kə́ndīŕ gə̄ əya̰n̄ ní, gaẃ gə̄ əsan̄ kɔ̄ɔ́ ō.

AMOS 4:6

Mā m̄-rāā adə̄ ɓō əsō dɔsí tə́ kə̄ kem ɓē bo yāsí gə̄ tə́ malang. M-ɔ̄gə̄sí yá̰a̰ kəsa kə̄ kem ngán ɓē yāsí gə̄ tə́ malang, banī sḭḭ̄ ī-téliī ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

AMOS 4:8

De kə́ kem ɓēé gə̄ ḭḭn̄ ɓē kə́rēý tə́ aw̄n̄ ɓē kə́ rang tə́ sāā man̄ ka̰yā̰á̰, banī nin̄ əngen̄ asə tadə́ alé. Ɓá tā banī sḭḭ̄ ī-téliī ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

JOEL 2:25

Kōō yāsí gə̄ ń m-ə́la kə kur̄ kə́ ngá̰ý yāḿ gə̄ ń i yim̄ gə̄ ō kə́ndīŕ gə̄ ō gaẃ gə̄ ō taw̄ gə̄ ō, adə̄ nujənə̄ń kɔ̄ɔ́ kem ɓāl̄ kə́ kété gə̄ tə́ ní, m̄-téləń m-ādə̄sí gogə́.

JOEL 1:7

Nin̄ nujən̄ kə kāgə̄ nduú yāḿ gə̄ sák sák kɔ̄ɔ́ ō. Jéngə̄n̄ kāgə̄ kótə̄ yāḿ gə̄ náḿ náḿ kɔ̄ɔ́ ō. Nin̄ əsan̄də́ ɔrə̄n̄ ngɔ̄ɔ̄də́ gə̄ kɔ̄ɔ́ ba yá̰á̰ gə̄ ń əya̰n̄ ní i ta jīdə́ kə́ tetə ndaa gə̄ ngóy.

JEREMI 5:3

Kɔ́ɔ̄ɓē, ā ī-ngóō i ra dɔ ndū tə́ yādə́ yā ka̰ā̰ kə kumií aĺ a? Ḭ̄ ə́ndádə́, banī tōr̄də́ aĺ bátə́. Ḭ̄ ī-tɔ̄l̄də́ ngá̰ý, banī nin̄ mbātə́n̄ ger̄ kum. Dɔdə́ ngan̄g tɔȳ mbal̄ ō, mbātə́n̄ tél reē rɔ̄í tə́ ō.

JEREMI 3:10

Ngōkó̰o̰ Israel kə́ dəyá̰ ń i Juda kə́ sew aĺ ní rāā yá̰a̰ gə̄ ń noō malang banī tél reē rɔ̄ḿ tə́ gogə́ kə ngarā̰ kemənneé alé, ni gól̄ i loo. Najə̄ ń Kɔ́ɔ̄ɓē əda ní n noó.

IJAI 1:5

I loosí kə́ rá n i yā kənda ní? Dɔsí i do malang. Kújə́ mósə́sí kə taá i kə́ mo̰y rāān.

2 YÁ̰A̰ GƏ̄ 6:28

Ré ɓō aláa mo̰y ngāl̄bɔ̄gīí əsō kem ɓēé, aláa kōō gə̄ tutən̄ aké ndumən̄ kə njadə́ dɔɔ́, ré yim̄ gə̄ aláa gaẃ gə̄ teēn̄ ngá̰ý kem ɓēé, aláa madə̄ ba̰ā̰ Israel gə̄ gīrə̄n̄ gidə ɓē yādə́ gə̄ kə rɔ̄ɔ́, ká i yá̰á̰ kə́ tōr̄ kə́ ba̰ý n rāań yá̰a̰ gə̄gē, ká i mo̰y kə́ ba̰ý n əsōń kem ɓēé gə̄gē,

1 MBAN̄G GƏ̄ 8:37

Ré ɓō, aláa mo̰y ngāl̄bɔ̄gīí əsō kem ɓēé, ré kōō gə̄ tutən̄ aláa ndumən̄ kə njadə́ dɔɔ́, ré yim̄ gə̄, aláa gaẃ gə̄ teēn̄ ngá̰ý kem ɓēé, aláa madə̄ ba̰ā̰ gə̄ gīrə̄n̄ ɓē gə̄ kə́ kem ɓēé kə rɔ̄ɔ́, ká i yá̰á̰ kə́ tōr̄ kə́ ba̰ý n rāań yá̰a̰ gə̄gē, ká i mo̰y kə́ ba̰ý n əsōn̄ kem ɓēé gə̄gē,

NDŪ NAJƏ̄ 28:42

Kāgə̄ yāí gə̄ malang ō, yá̰a̰ malang ń teē dɔ nang yāí tə́ ō ní, yḭm̄ gə̄ a əsan̄ kɔ̄ɔ́.

IJAI 50:11

Banī sḭḭ̄ malang ń ī-rāāī hor adə̄ o̰o̰ ní, sḭḭ̄ ń ī-túdī gərā kə́ hor i ta tə́ gə̄ ī-gīrīneé gidəsí ní, údiī kum ta ndo̰ hor yāsí tə́, dan gərā gə̄ ń ī-tə́ndāī hor tadə́ tə́ ní. I Kɔ́ɔ̄ɓē n i nge rāā kadə̄ ā óyiī dan yá̰á̰ kə́ tōr̄ ngá̰ý tə́ ní.

HABAKUK 3:17

Kāgə̄ kótə̄ gə̄ hútə̄n̄ to̰ aĺ ō, kāgə̄ nduú gə̄ anə̄n̄ to̰ aĺ ō, kan̄ kāgə̄ olibə gə̄ gətóon̄ dɔ kāgə̄ olibə gə̄ tə́ ō, ndɔr̄ teē yá̰a̰ kəsa to̰ aĺ ō. Batə̄ gə̄ gətóon̄ kem gɔngɔɔ́ ō, man̄g gə̄ gətóon̄ gír dabə gə̄ tə́ ō.

IJAI 9:12

Kɔ́ɔ̄ɓē ənda gír deē yān gə̄, banī Israel gə̄ télən̄ kə̄ rɔ̄n tə́ alé, nin̄ tūrə̄n̄ rɔ̄də́ kə̄ rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ alé.

OJEE 11:5

Ngán Israel gə̄ a tə́lən̄ yā kaw̄ gogə́ dɔ nang kə́ Ejiptə tə́ alé, banī i dɔ nang kə́ Asiri n a téĺ kɔ́ɔ̄də́ ní. Tɔdɔ̄ nin̄ mbātə́n̄ tél reē gogə́ rɔ̄ḿ tə́.

MALASI 3:11

M-ā m̄-tūr̄ ta gaẃ gə̄ kɔ̄ɔ́ dɔsí tə́: Nin̄ a nujən̄ kōō yāsí gə̄ aĺ ō, a ɔgə̄n̄ kāgə̄ nduú yāsí gə̄ ka̰a̰n̄ aĺ ō. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə̄nī ndūḿ ní.