AMOS 4:7 - Bibəl ta Sar̄

⁷ M-ɔ̄gə̄sí man̄, adə̄ man̄ edə dɔsí tə́ alé nāā mətá kété no sāā kōō gə̄ tə́. m̄-rāā adə̄ man̄ edə dɔ ɓē kógə̄ḿ tə́ banī edə dɔ ɓē kə́ rang tə́ alé. M-ādə̄ man̄ edə dɔ ndɔr̄ kógə̄ḿ tə́ banī edə dɔ ndɔr̄ kə́rēý tə́ alé, adə̄ ndɔr̄ ní tutə kɔ̄ɔ́.

Bible sar

⁷ M-ɔ̄gə̄sí man̄, adə̄ man̄ edə dɔsí tə́ alé nāā mətá kété no sāā kōō gə̄ tə́. m̄-rāā adə̄ man̄ edə dɔ ɓē kógə̄ḿ tə́ banī edə dɔ ɓē kə́ rang tə́ alé. M-ādə̄ man̄ edə dɔ ndɔr̄ kógə̄ḿ tə́ banī edə dɔ ndɔr̄ kə́rēý tə́ alé, adə̄ ndɔr̄ ní tutə kɔ̄ɔ́.

AMOS 4:7 Referans Kwoze

JEREMI 3:3

Man̄ kə́ bo ngá̰ý edə alé najə̄ yāí tə́ ō, man̄ kaw̄ ɓēé edə aĺ ō. Ba ḭ̄ ī-to gír rāā ájə́ba tə́ kə̄ noí tə́ kanjə̄ kadə̄ rɔ̄í sɔlí.

Teē Ngán Israel gə̄ 9:26

I dɔ nang kə́ Gosen ń ngán Israel gə̄ ndin̄ tū tə́ ní ngóy n kɔ̄sə̄ tə́sō tū tə́ aĺ ní.

IJAI 5:6

M-ā m̄-rāān dɔ nang kə́ kem bembeé tə́. Deē a gán̄g ta jī kāgə̄ kə́ kemeé gə̄ aĺ ō, deē a ró̰ȳ mu kə́ kemeé aĺ ō. Túpə kōn̄ gə̄ a əɓan̄ kem ndɔr̄ kāgə̄ nduú yāḿ tə́ ō, m-ā m-ɔ̄gə̄ kil̄ man̄ gə̄ kəya̰ man̄ kadə̄ edə dɔ tə́ ō.

JAKƏ 5:17

Eli i de kə́ yá̰a̰ rāān tītə̄ yājí. Ni-ndɔ̄ȳ kə ngangāá ngá̰ý kadə̄ man̄ edə alé, anī man̄ edə dɔ nang tə́ alé ɓāl̄ mətá kə nāā mehḛ́.

JOEL 2:23

Sḭḭ̄, de kə́ Siyo̰ tə́ gə̄, adə̄ rɔ̄sí nel̄sí ngá̰ý ō, ī-rāāī walya ō, najə̄ yā Kɔ́ɔ̄ɓē Nə́ɓā yāsí tə́. Tɔdɔ̄ ni-adə̄sí man̄ ta ɓar yā kajəńsí, ni-rāā adə̄ man̄ edə ngá̰ý dɔsí tə́, adə̄ man̄ ta ɓar ō, man̄ ta ɓāl̄ ō, edə dɔsí tə́ tītə̄ kə́ kété jóo.

Teē Ngán Israel gə̄ 10:23

Kem ndɔ̄ gə̄ ń noō tə́ ní de kə́ Ejiptə gə̄ asən̄ ka̰a̰ naā alé, adə̄ deē aw̄ loo alé. Banī loo ń ngán Israel gə̄ ndin̄ tū tə́ ní tá loo kə́ tū tə́ unjə̄.

Teē Ngán Israel gə̄ 9:4

Kɔ́ɔ̄ɓē na a ɔr̄ kam̄ yá̰a̰ kul̄ yā ngán Israel gə̄ ō, yá̰a̰ kul̄ yā de kə́ Ejiptə gə̄ ō naā tə́. Dan yá̰a̰ kul̄ yā ngán Israel gə̄ tə́ ní kógə̄ḿ kə́ yā koy na a gətóo.

JEJU TEĒ KUM JA̰A̰ 11:6

Nin̄-aw̄n̄ kə tɔ́gə kutə̄ ta dɔ rā̰, kadə̄ man̄ edə alé kem ndɔ̄ gə̄ ń nin̄ a ədan̄neé najə̄ ń Nə́ɓā əndā tadə́ tə́ ní ō, aw̄n̄ kə tɔ́gə rāā kadə̄ man̄ téĺ mósə ō, aw̄n̄ kə tɔ́gə kənda dɔ nang kə yá̰á̰ kə́ tōr̄ kə́ tayā tayā gə̄ kadə̄ asə kumən yādə́ ō.

JA̰A̰ 4:35

Sḭḭ̄ ə́daī na na̰y nāā sɔ́ tá kadə̄ əjan̄ kōō aĺ a? Banī mā m-ə́dásí na: Ɔ̄rī dɔsí dɔɔ́ á̰a̰ī kōō kə́ kem ndɔrɔ́, kumən ra ho to kəja kɔ̄ɔ́.

JAKARI 14:17

Gír kojə gə̄ kə́ dɔ nang tə́ ní, ré gír de gə̄ kógə̄ḿ kə́ dandə́ tə́ aw̄ Jerusalem rɔȳ mban̄g ń i Kɔ́ɔ̄ɓē kə́ bo kə́ tɔ́gən i ngá̰ý ní tə́ aĺ anī, man̄ a edə dɔ nang yān tə́ alé.

JEREMI 14:22

Dɔ dáń yá̰á̰ kə́ kanjə̄ kumən gə̄ ń i ɓesə̄ yā nápar de gə̄ ní, i ngé kə́ rá gə̄ n rāān̄ man̄ adə̄ edə ní? Aké i dɔ rā̰ n rāā man̄ adə̄ edə ní a? I ḭ̄ Kɔ́ɔ̄ɓē Nə́ɓā yājí aĺ a? J-a jə-ngóō ta jīí tɔdɔ̄ i ḭ̄ n i nge rāā yá̰a̰ gə̄ ń noō malang ní.

JEREMI 14:4

Dɔ nang tá̰ā̰ tām̄ man̄ edə alé, ngé ndɔr̄ gə̄ gerə̄n̄ yá̰á̰ kə́ yā rāā aĺ ō, urə̄n̄ wak ō.

NDŪ NAJƏ̄ 11:17

Tɔdɔ̄ nge ń noō a rāā kadə̄ Kɔ́ɔ̄ɓē a rāā wōn̄g sesí. Ni a utə̄ ta dɔ rā̰ kɔ̄ɔ́ kadə̄ man̄ a edə to̰ aĺ ō, dɔ nang a teē kōō to̰ aĺ ō, ā ī-gətóoī láẃ ngá̰ý kɔ̄ɔ́ kem ɓē kə́ majə ń Kɔ́ɔ̄ɓē adə̄sí ní tə́ ō.

Teē Ngán Israel gə̄ 8:22

Moijə tél əda Parao̰ na ré na n-rāān̄ beé anī i gōtə́ alé, tɔdɔ̄ yá̰á̰ ń n-a n-tunə̄n̄ yā kadə̄ Kɔ́ɔ̄ɓē Nə́ɓā yādə́ ní na i yá̰á̰ kə́ majaĺ ngá̰ý ta kum de kə́ Ejiptə gə̄ tə́. Ré na a̰a̰n̄də́ loo tun̄ yá̰a̰ kadə̄ Nə́ɓā tə́ anī ké a a̰a̰n̄də́ karī kanjə̄ tə́nīdə́ kə mbalá wa.

1 KORḚNTƏ 4:7

Tɔdɔ̄ i náā n rāāī ḭ̄ de kə́ tayā tə́ ní? Yá̰á̰ ń ə́ngé ní i rí n i kə́ adīn̄ i mbée aĺ ní? Banī loo ń adīn̄ i mbée anī, i tām̄ rí tə́ á ɔ́jəń rɔ̄í tītə̄ kə́ adīn̄ i mbée aĺ ní?

Teē Ngán Israel gə̄ 10:22

Moijə əla jīn kə̄ dɔɔ́, anī loo risə til nding dɔ nang kə́ Ejiptə tə́ ndɔ̄ mətá.

JEREMI 14:3

Ngol gə̄ əlan̄ de kə́ yá̰a̰ aĺ gə̄ kɔdə maná. Nin̄ ugə̄n̄ ta bəlo man̄ tə́ anī, əngen̄ man̄ alé, adə̄ tél reēn̄ gogə́ kem yá̰a̰ karī. Gerə̄n̄ yá̰á̰ kə́ yā rāā aĺ ō, dɔ kumdə́ tə́la naā ō, urə̄n̄ wak ō.