AMOS 4:5 - Bibəl ta Sar̄

⁵ Ī-róōī mápá kə́ kaa mápa i tū tə́ dɔ loo tun̄ yá̰á̰ tə́, kadə̄ i yá̰a̰ tun̄ yāsí kə́ yā ɓōkə́nń tɔ̄ȳ. Israel gə̄, yá̰a̰ ndējə̄ yāsí gə̄ ń ī-ndējə̄mī kə gō kem ndigə yāsí ní, ə̄nīī mbēr̄ dɔ tə́ ta kum de gə̄ tə́ malang, tām̄ i nge ń noō n nel̄sí ní! Najə̄ ń Kɔ́ɔ̄ɓē Nə́ɓā əda ní n noó.

Bible sar

⁵ Ī-róōī mápá kə́ *kaa mápa i tū tə́ dɔ *loo tun̄ yá̰á̰ tə́, kadə̄ i *yá̰a̰ tun̄ yāsí kə́ yā ɓōkə́nń tɔ̄ȳ. *Israel gə̄, *yá̰a̰ ndējə̄ yāsí gə̄ ń ī-ndējə̄mī kə gō kem ndigə yāsí ní, ə̄nīī mbēr̄ dɔ tə́ ta kum de gə̄ tə́ malang, tām̄ i nge ń noō n nel̄sí ní! Najə̄ ń Kɔ́ɔ̄ɓē Nə́ɓā əda ní n noó.

AMOS 4:5 Referans Kwoze

OJEE 9:10

Kɔ́ɔ̄ɓē əda na: Kété ní Israel gə̄ nelə̄n̄ taḿ tītə̄ kan̄ nduú kə́ kem dəla loo tə́ beé. m̄-teē dɔ kaasí gə̄ tə́ i kə rɔ̄nelēé tītə̄ ń deē a teēń dɔ kan̄ kótə̄ kə́ ta kəga dɔ tə́ dɔ kāgə̄ kótə̄ tə́ ní beē. Banī dan nəkɔ́ ń nin̄ reē ɔtə̄n̄ Bet Peor anī, unən̄ rɔ̄də́ adə̄n̄ ɓesə̄ Baal rɔ̄sɔl̄ i kə́ njɔ́ḿ gə̄ tə́. Adə̄ nin̄ télən̄ i de gə̄ kə́ nelə̄m̄ sedə́ aĺ ngá̰ý, tītə̄ ń nel̄məń aĺ ngá̰ý kə ɓesə̄ ń nin̄ tárnən̄ ní beē.

PĀ GƏ̄ 81:12

Banī gír deē yāḿ gə̄ oōn̄ ndūḿ alé, Israel ndigə najə̄ yāḿ alé.

MATIYE 6:2

Adə̄ ré ā ādə̄ de kə́ nge ndoō yá̰a̰ anī, ī-lōō kadə̄ kɔ̄rə́n̄ bərúnjə́ kété noí tə́ najə̄n tə́, tītə̄ ń ngé gól̄ loo gə̄ a rāān̄neé kem kújə́ kán̄ naā gə̄ tə́ ō, kum róbə kɔsə gə̄ tə́ ō, kadə̄ de gə̄ ɔsən̄neé gɔndə́ ní. Ādə̄ m-ə́dásí najə̄ kə́ bo ngá̰ý, nin̄-əngen̄ yá̰a̰ kəndā nja yādə́ kɔ̄ɔ́ ɓá.

OJEE 9:1

Israel rāā rɔ̄nel̄ ngá̰ý tītə̄ yā gotə gír de kə́ rang gə̄ alé. Tɔdɔ̄ ḭ̄ Israel ə́yá̰ Nə́ɓā yāí ba āw̄ sa̰y kɔ̄ɔ́ kə ta kūl̄ rāāí ájə́ba. Nelī kadə̄ əndān̄ njaí najə̄n tə́ loo malang ń de gə̄ a əndan̄ gémē tū tə́ ní tə́.

Makətūbə̄ ń Pol ndang adə̄ Rom gə̄ ní 1:28

Dan ń nin̄-mbātə́n̄ ger̄ Nə́ɓā ní, Nə́ɓā əya̰də́ kə ger̄ yá̰a̰ aĺ yādə́ adə̄ nin̄-rāān̄ yá̰á̰ ń sɔɔ̄ kadə̄ nin̄-rāān̄ aĺ ní.

MATIYE 23:23

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ kámbə kotə yāsí gə̄ ń i kámbə kotə ō, penuwil ō kumḛ̄ḛ ō ní, sḭḭ̄ ɔ̄rī dɔ kə́ nge ko̰ kutə ādī Nə́ɓā. Ba ré i yá̰á̰ kə́ bo bo gə̄ kə́ tū ndū najə̄ tə́, kə́ tītə̄ yá̰á̰ kə́ gōtə́ ō, rāā kem majə ō, ra dɔ ndū kə́ kənī tə́ ō, ɓáa sḭḭ̄ ī-mānī dɔ tə́ kɔ̄ɔ́. Tá i yá̰a̰ gə̄ ń noō n majə kadə̄ ī-rāāīdə́ kanjə̄ kəya̰ gotə gə̄ kɔ̄ɔ́ ní.

MATIYE 15:9

Nin̄-rāān̄ kəla yāḿ i ndāńg karī, tɔdɔ̄ yá̰a̰ gə̄ ń nin̄ a ndóōn̄ de gə̄ ní i ndū najə̄ yā de gə̄ ngóy.

LEBI GƏ̄ 23:17

Ā ḭ́ḭḭ̄ ɓēé kə mápá jōó reē ndējə̄ Kɔ́ɔ̄ɓē. Ā ī-ndējīin̄ i kə gō looneé. Mápá kə́ jōó gə̄ ní, ndujə̄ ń ā ī-rāāiń ní i kem lāngá mehḛ́ ō, ā ī-rāāīdə́ i kə kaa mápá ō. I kōō kə́ ta kəga dɔ ń ā ī-sāāī ní n ā ī-rāāī mápá tə́ yā ndējə̄ Kɔ́ɔ̄ɓē ní.

JEREMI 7:9

Ní kə sḭḭ̄ ī-ɓogiī ō, ī-tɔ̄lī de gə̄ ō, ī-rāāī rāȳ ō, ī-túbī dɔ najə̄ kə́ rɔ̄kum aĺ tə́ ō, ī-róōī yá̰a̰ ndejə̄ gə̄ ādī Baal ō, ī-ngɔ̄dī gō nə́ɓā kə́ rang gə̄ kə́ ī-gerīdə́ aĺ tə́ ō,

JEREMI 7:10

ba kə ī-reēī ta kumḿ tə́ kem kújə ń toō ń rīḿ ɓār̄ dɔ tə́ ní yā kəda na: Ajən̄jí kɔ̄ɔ́ ɓá ō, kə ī-toī dan rāā yá̰á̰ kə́ majaĺ gə̄ malang ń noō tə́ ō a?

AMOS 5:21

Njə̄rā mbā yāsí gə̄ kə́ yā kaw̄ń loo gə̄ kə́ yā ɓōĺ gidə tə́ nelə̄m̄ aĺ ngá̰ý. Nin̄ i yá̰á̰ kógə̄ḿ tām̄ yāḿ tə́ alé. M-ásə́ tə́gā taḿ dɔ kɔsə dɔ naā tə́ yāsí gə̄ tə́ to̰ alé.

AMOS 5:22

Dā̰ kə́ tɔ̄l̄ ba róō horoó kə taá malang gə̄ ō, kan̄ yá̰á̰ kə́ teē dɔ nang tə́ gə̄ ō ń ī-ndējə̄mī ní, nelə̄m̄ alé. Dā̰ kə́ yḛmbə yāsí gə̄ ń ī-tun̄ ādə̄mī ní, ka̰a̰ kə kumḿ gē a m-á̰ā̰ alé.

IJAI 1:1

Yá̰á̰ kə́ dɔ ɓē ko̰o̰ yā Juda tə́ ō, dɔ ɓē kə́ Jerusalem tə́ ō ń Ijai kə́ ngōn̄ Amots a̰ā̰ ní n toó. Ni-a̰a̰ yá̰a̰ gə̄ ní i dan ń Ojias ō, Yotam ō, Akaj ō, gō tə́ anī i Ejekias ō i mban̄g gə̄ kə́ Juda ní.

IJAI 1:11

Kɔ́ɔ̄ɓē əda na: Yá̰a̰ tun̄ yāsí kə́ ngá̰ý gə̄ ní, m-ā m̄-rāań i rí? Sḭḭ̄ ī-róōī batə̄ gə̄ kə taá ādə̄mī ō, ī-ndējə̄mī yibə̄ ngán man̄g gə̄ ō. Ba yá̰a̰ gə̄ ń noō malang ní, asəm̄ kɔ̄ɔ́. Mósə man̄g kə́ bəra gə̄ ō, mósə́ ngán batə̄ gə̄ ō, mósə bal bə̄yā̰ gə̄ ō ní, m̄-ndigə to̰ alé.