AMOS 4:2 - Bibəl ta Sar̄

² Kɔ́ɔ̄ɓē túbə̄ əda na: Tītə̄ nəkɔ́ ń mā i Nə́ɓā kə́ táĺ rɔ̄kum noó, ndɔ̄ a reē noó yā kadə̄ de gə̄ a əhɔn̄sí yā kaw̄ sesí ō, a ndɔ́rə̄n̄sí kógə̄ḿ kógə̄ḿ tītə̄ kānjə̄ gə̄ kə́ əhɔn̄də́ kə gində̄ kə́ ta ruguú, aláa kə kuyú beē yā kaw̄ń ndo̰ kanjāá.

Bible sar

² Kɔ́ɔ̄ɓē túbə̄ əda na: Tītə̄ nəkɔ́ ń mā i Nə́ɓā kə́ *táĺ rɔ̄kum noó, ndɔ̄ a reē noó yā kadə̄ de gə̄ a əhɔn̄sí yā kaw̄ sesí ō, a ndɔ́rə̄n̄sí kógə̄ḿ kógə̄ḿ tītə̄ kānjə̄ gə̄ kə́ əhɔn̄də́ kə gində̄ kə́ ta ruguú, aláa kə kuyú beē yā kaw̄ń ndo̰ kanjāá.

AMOS 4:2 Referans Kwoze

JEREMI 16:16

M-ā m-ə́lá kósə de kə́ ngé ndo̰ kānjə̄ gə̄ kadə̄ a ndo̰ō̰n̄də́ tītə̄ loo ndo̰ kānjə̄. Gō tə́ anī, m-ā m-ə́la kósə de kə́ ngé ndo̰ dā̰ gə̄ kadə̄ a ndo̰ō̰n̄də́ tītə̄ loo ndo̰ dā̰ dɔ mbal̄ kə́ bo gə̄ tə́ malang ō, dɔ ngán mbal̄ gə̄ tə́ malang ō, kem bəlo mbal̄ gə̄ tə́ ō. Najə̄ ń Kɔ́ɔ̄ɓē əda ní n noó.

PĀ GƏ̄ 89:35

M-ā m̄-mān̄ dɔ ndūḿ ń m-ə̄nī m-ə́hɔń madə̄ naā seneé ní alé, najə̄ ń teē taḿ tə́ ní, m-ā m̄-tūr̄ ndūḿ gō tə́ alé.

AMOS 6:8

Kɔ́ɔ̄ɓē Nə́ɓā, Nə́ɓā kə́ kɔ́ɔ̄ dɔ rā̰ ō dɔ nang ō túbə əda na: Tītə̄ ń mā i Nə́ɓā rɔ̄kum noó, kɔjə rɔ̄ yā ɓē ko̰o̰ kə́ Israel nelə̄m̄ aĺ ngá̰ý, kújə yān kə́ majə gə̄ nelə̄m̄ aĺ ngá̰ý. M-ā m-ə́la ɓē kə́ Samari kə yá̰a̰ malang kə́ kemeé kem jī madə̄ ba̰ā̰n gə̄ tə́.

IJAI 37:29

A̰á̰ā̰ wōn̄g rāāī dɔḿ tə́, najə̄ kə́ ɔjə kadə̄ ī-kídə̄m̄ ń ɔ̄r̄ ní m-ōō. I tām̄ najə̄ ń toō tə́ n m-ā m-ə́la gində̄ kə́ ta rugə kóní tə́ ō, m-ā m-ə́lá sáā gində̄ kógə̄ḿ mbo̰ō̰ ngāngīí kə́ dɔɔ́ gə̄ tə́ kə ngāngīí kə́ nang tə́ gə̄ tə́ ō ní. M-ā m̄-tél yā kaw̄ sesí gogə́ ɓēé kə róbə́ ń úń á ī-reēń laā ní.

EJEKIEL 29:4

I beé ɓá ní m-ā m̄-mbútə̄ taí yā tə́la gində̄ kə́ ta rugə tū tə́. M-ā m̄-tə́ya̰ kānjə̄ gə̄ kə́ kum bā bo yāí tə́ tū kə̄yā̰ gidií gə̄ tə́.

EJEKIEL 38:4

M-ā m̄-mbutə taí kə gində̄ kə́ ruguú ō, m-ā m̄-ndɔ́rī dɔ gúú tə́ ō. M-ā m̄-teē seí kɔ̄ɔ́ ɓē yāí tə́, ḭ̄ ō, ngé rɔ̄ɔ̄ yāí gə̄ malang ō, sə́nda gə̄ ō, ngé kal̄ sə́nda gə̄ ō, sḭḭ̄ malang ní kə kūbə̄ kə́ majə ngá̰ý gēé rɔ̄sí tə́. Ā ī-téliī ɓūtə̄ áskar kə́ ngá̰ý gə̄, kə́ yá̰a̰ rɔ̄ɔ̄ yādə́ i der ō, kaskar ō.

AMOS 8:7

Kɔ́ɔ̄ɓē ənī ndūn kə ngangá ngá̰ý əda na: Israel ɔjə rɔ̄n kə ɓē yānneé. I beé ní, m̄-túbə̄ kə ɓē ń toō, loo rāā yá̰a̰ yāsí gə̄ ní, dɔḿ a ndigə̄nal aĺ i kə́ bátə́ gə̄ tə́.

PĀ GƏ̄ 89:36

m̄-túbə kə hálə́ḿ kə́ táĺ gidə kógə̄ḿ beē m-ə́da na: Tītə̄ ń mā i Nə́ɓā rɔ̄kum noō ní, m-ā m̄-gól̄ Dabid alé.

EJEKIEL 34:16

Batə̄ ń tan tḭ̄ḭ̄ ní, m-ā m-āw̄ yā ndəlen ō, nge ń əya̰ madə̄n gə̄ ba aw̄ sa̰y ní, m-ā m̄-tél yā reē seneé gogə́ ō. Nge ń njan kógə̄ḿ tetə ní, m-ā m-ɔ́rən nam̄ ō, nge ń i mo̰y ní, m-ā m̄-rāā kadə̄ ni-tél a ənge tɔ́gə gogə́ ō. Ba nge kə́ bo ō, ngan̄g ō ní, m-ā m̄-rāān kadə̄ ni a gətóo kɔ̄ɔ́. Mā i nge ngɔ̄m̄ yá̰a̰ kul̄ gə̄ ndɔ̄ń tə́ kə́ nge rāā yá̰á̰ kə́ gōtə́.