AMOS 4:13 - Bibəl ta Sar̄

¹³ I ni n rāā mbal̄ bo gə̄ ní. Ni-rāā nél ō, ɔjə deē ndul gə̄ yá̰a̰ gə̄ ń ni núm̄ rāā ní ō. Ni-rāā loo kə́ dəloí kə́ unjə̄ kow adə̄ tél loo kə́ ndɔ̄ɔ́ ō, njə̄rā dɔ loo kə́ kḭḭ kə̄ dɔɔ́ gə̄ kə́ dɔ nang tə́ tə́ ō. Rīn na i Kɔ́ɔ̄ɓē, Nə́ɓā kə́ kɔ́ɔ̄ dɔ rā̰ ō dɔ nang ō.

Bible sar

¹³ I ni n rāā mbal̄ bo gə̄ ní. Ni-rāā nél ō, ɔjə deē ndul gə̄ yá̰a̰ gə̄ ń ni núm̄ rāā ní ō. Ni-rāā loo kə́ dəloí kə́ unjə̄ kow adə̄ tél loo kə́ ndɔ̄ɔ́ ō, njə̄rā dɔ loo kə́ kḭḭ kə̄ dɔɔ́ gə̄ kə́ dɔ nang tə́ tə́ ō. Rīn na i Kɔ́ɔ̄ɓē, Nə́ɓā kə́ kɔ́ɔ̄ dɔ rā̰ ō dɔ nang ō.

AMOS 4:13 Referans Kwoze

AMOS 5:8

I ni n rāā ɓūtə̄ tə́yō̰ gə̄ ní: Adə̄ i ngáń ngé rāā kār̄ gə̄ ō, dɔgə́ loo tīī ō. Ni tūr̄ loo kə́ risə til nding adə̄ tél loo kə́ unjə̄ kow kə́ dəloí ō, ɓɔ̄ɔ̄ loo kə́ kadaá yā kadə̄ loo kə́ ndɔ̄ɔ́ teēń ō. Ni ɓāŕ man̄ bā bo ba ɓōkə́n dɔ nang tə́. Rīn na i Kɔ́ɔ̄ɓē.

MISE 1:3

A̰á̰ā̰, Kɔ́ɔ̄ɓē teē loo ń ni-ndi tū tə́ ní tə́. Ni risə, ba njə̄rā dɔ loo ndɔ̄ȳ gə̄ tə́ dɔ nang tə́.

AMOS 9:6

Nə́ɓā rāā kem kújə yān gə̄ dɔ rā̰ tə́, dɔ rā̰ ń sébə tan dɔ dɔ nang tə́ tītə̄ kújə beé ní. Ni ɓāŕ man̄ bā bo, ba ɓōkə́n dɔ nang tə́. Rīn na i Kɔ́ɔ̄ɓē.

IJAI 47:4

Rī nge kɔr̄jí ɓəloó na i Kɔ́ɔ̄ɓē kə́ bo kə́ tɔ́gən i ngá̰ý, kə́ táĺ yā Israel.

DANIEL 2:28

Banī Nə́ɓā kógə̄ḿ kə́ nge teē kə gíŕ yá̰á̰ kə́ to loo mundə̄ tə́ gēé ndi dɔ rā̰ tə́ noō. I ni n ɔjə mban̄g Nabukodonosor yá̰á̰ kə́ ndɔ̄ń tə́ ń a rāā yā reē ní. Nī ń rāāī dan ń ī-to ā ī-ɓīī ní n toó:

JEREMI 13:16

Ɔ́siī gɔn Kɔ́ɔ̄ɓē Nə́ɓā yāsí kété tá kadə̄ ni-əla kə tilií dɔsí tə́ ō, kété tá kadə̄ ī-bḭ́ḭ̄ dɔ mbal̄ gə̄ kə́ til taā dɔdə́ tə́ ō. Ī-ngóōī i loo kə́ unjə̄ kow, ba ni-tūrə̄n adə̄ téĺ ndíl yo ō, kil̄ man̄ kə́ ndul ndí ndí ō.

PĀ GƏ̄ 65:6

Nə́ɓā nge kajəjí, yá̰á̰ ń jə-dəjeī ní, ḭ̄ ī-rāā yá̰á̰ kə́ to kɔr kum gə̄ ī-tɔ̄ləń ɓōn kə́ kemjí tə́ ādə̄jí i kə gō kem majə yāí. De gə̄ malang kə́ dɔ nang tə́ kə taá ō, kə́ dɔ dor̄ kə́ sa̰y ngá̰ý gə̄ tə́ ō, əndān̄ kemdə́ i dɔí tə́.

NDŪ NAJƏ̄ 33:29

Israel rɔ̄í nelī tɔdɔ̄ i ḭ̄ ngóy n i gír de gə̄ kə́ Kɔ́ɔ̄ɓē ajədə́ ní. Ni-rāā rɔ̄n i der kə́ nge kutə̄ gidií tə́ ō, kaskar kə́ nge tetə rɔ̄ɔ̄ kadī tə́ ō. Dan ń madə̄ ba̰ā̰í gə̄ a reēn̄ rāāī ɓɔ́ tə́ kadə̄ ī-rajədə́ anī, ā ī-njə̄rā loo kə́ kḭḭ kə̄ dɔɔ́ kə́ kem ɓē yādə́ gə̄ tə́.

JAKARI 12:1

Najə̄ yā Kɔ́ɔ̄ɓē kógə̄ḿ kə́ tām̄ yā Israel tə́ n toó. Kɔ́ɔ̄ɓē ń teē kem dɔ rā̰ ō, əndā dɔ nang dɔ gír gisən gə̄ tə́ ō, əla koō kem deē tə́ ō ní, əda wáńg na:

AMOS 8:9

Najə̄ ń Kɔ́ɔ̄ɓē Nə́ɓā əda ní n toó: Ndɔ̄ ngeé ń noō tə́ ní, m-ā m̄-rāā kadə̄ mbang udə dan kadə ndaá ō, loo ndul dɔ nang tə́ dan kadə ndaá ō.

JEREMI 51:19

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír ɓē ń i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

JEREMI 10:16

Nə́ɓā yā Jakob to tītə̄də́ alé. I ni n i nge rāā yá̰a̰ malang ō, Israel i gír de gə̄ ń nin̄ i yá̰a̰ kənge yān ní ō. Rīn na i Kɔ́ɔ̄ɓē kə́ bo kə́ tɔ́gən i ngá̰ý.

IJAI 40:12

I náā n ɔdə man̄ bā bo kem jīn tə́ mbɔ̄jə́nń man̄ bā bo ní? I náā n jā̰ā̰ ta ngán jīn gə̄ mbɔ̄jə́nń bo dɔ rā̰ ní? I náā n ɔy bumbə́ru dɔ nang kem kārāá mbɔ̄jə́nń bumbə́ru dɔ nang ní? I náā n mbɔ̄jə́ kɔȳ mbal̄ bo gə̄ ō, ngán mbal̄ gə̄ ō kə mbal̄ mbɔ̄jə́ kɔȳ yá̰á̰ ō ní?

NDŪ NAJƏ̄ 32:13

Ni-əndādə́ dɔ loo kə́ kḭḭ kə̄ dɔɔ́ gə̄ tə́ kem ɓēé, kadə̄ əsan̄ kan̄ yá̰a̰ kə́ kem ndɔrɔ́ gə̄ Ni-adə̄də́ yibə̄ tejə kə́ teē mbo̰ō̰ mbal̄ gə̄ tə́ adə̄ o̰o̰n̄. Adə̄də́ yibə̄ olibə kə́ teē dɔ mbal̄ tə́.

Teē Ngán Israel gə̄ 14:20

Kil̄ man̄ ní ra dɔ dáń ngán Israel gə̄ kə de kə́ Ejiptə gēé tə́. Kil̄ man̄ ní risə til dām̄ kə́rēý tə́ ba ndɔ̄ɔ́ anī dāmə̄n yā ngán Israel gə̄ unjə̄. Adə̄ ndɔ̄ɔ́ bátə́ kadə̄ loo tīiń ní, de kə́ Ejiptə gə̄ asən̄ kaw̄ rɔ̄ ngán Israel gə̄ tə́ aĺ ō, ngán Israel gə̄ asən̄ kaw̄ rɔ̄ de kə́ Ejiptə gə̄ tə́ aĺ ō.

Teē Ngán Israel gə̄ 10:22

Moijə əla jīn kə̄ dɔɔ́, anī loo risə til nding dɔ nang kə́ Ejiptə tə́ ndɔ̄ mətá.

JA̰A̰ 3:8

Tɔdɔ̄ nél a əla kumən i kə̄ loo ń nəkɔ́ ndigə tə́ ní. Ḭ̄ ōō i ká̰a̰n, ba ī-ger̄ loo ń ḭḭ tū tə́ ní alé. Deē ń i Ndíl n ojən ní, kɔ́ɔ̄ i tītə̄ noō ō.

HABAKUK 3:19

Kɔ́ɔ̄ɓē Nə́ɓā i tɔ́gə́ḿ. Ni rāām̄ adə̄ m-ɔ́l tītə̄ dul beé ō, rāām̄ ādə̄ m̄-njə̄rā dɔ loo kə́ kḭḭ kə̄ dɔɔ́ gə̄ tə́ ō.

AMOS 6:8

Kɔ́ɔ̄ɓē Nə́ɓā, Nə́ɓā kə́ kɔ́ɔ̄ dɔ rā̰ ō dɔ nang ō túbə əda na: Tītə̄ ń mā i Nə́ɓā rɔ̄kum noó, kɔjə rɔ̄ yā ɓē ko̰o̰ kə́ Israel nelə̄m̄ aĺ ngá̰ý, kújə yān kə́ majə gə̄ nelə̄m̄ aĺ ngá̰ý. M-ā m-ə́la ɓē kə́ Samari kə yá̰a̰ malang kə́ kemeé kem jī madə̄ ba̰ā̰n gə̄ tə́.

AMOS 5:27

I beé ní, m-ā m-ɔ́ýsí ba m-ā m̄-mān̄ sesí dɔ ɓē kə́ Damas tə́ yā kaw̄ sesí sa̰y. I Kɔ́ɔ̄ɓē ń əda najə̄ ń noō ní. Rīn na i Nə́ɓā kə́ kɔ́ɔ̄ dɔ rā̰ ō dɔ nang ō.

AMOS 3:13

Najə̄ ń Kɔ́ɔ̄ɓē Nə́ɓā kə́ bo kə́ tɔ́gən i ngá̰ý əda ní n toó: Ōōī tāā gə̄ ń toō, ba ī-rāāī ādə̄ kojə yā Jakob ger̄ gō tāā gə̄ ní:

JEREMI 51:16

Dan ń ndūn ɓār̄ anī, man̄ gə̄ ɔsən̄ dɔdə́ naā tə́ dɔ rā̰ tə́, ni-rāā adə̄ kil̄ man̄ gə̄ ḭḭn̄ i ta ngóy dɔ nang tə́. Ni-rāā adə̄ man̄ tel̄ yā kadə̄ man̄ edəń. Ni-rāā adə̄ nél teē kem loo ɓɔ̄ɔ̄ rɔ̄ yān tə́.

JEREMI 10:13

I ni n ɔsə dɔ man̄ gə̄ kə́ no rā̰ tə́ naā tə́ ō, rāā adə̄ kil̄ man̄ ḭḭ ta ngóy dɔ nang tə́ aw̄ kum kə̄ dɔɔ́ ō, rāā adə̄ man̄ tel̄ ō, man̄ edə ō, ni-rāā adə̄ nél teē kem loo ɓɔ̄ɔ̄ rɔ̄ yān tə́ ō ní.

IJAI 48:2

Tá sḭḭ̄ ā ī-ɓāríī naā na i ngé ndi kem ɓē kə́ táĺ tə́ gə̄ ō, ā ə̄ndāī tɔ́gə́sí i dɔ Nə́ɓā yā Israel ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní tə́ ō. Sḭḭ̄ ōōī najə̄ ń toō:

IJAI 5:30

Ɓá tā ba ndɔ̄ kógə̄ḿ anī, man̄ a ndán̄g gír de gə̄ ń toō, tītə̄ kōō bā bo kə́ ɓār̄ dan ń nél man̄ a əlań kə tɔ́gɔ́ tə́ ní beē. A a̰a̰n̄ ɓē, banī loo kə́ ndɔ̄ɔ́ ō, wur kɔl ō, a ɓír̄ gidə kɔ̄ɔ́. Kil̄ man̄ gə̄ kə́ ndulən̄ ndí ndí a utə̄n̄ dɔ loo kə́ unjə̄ kow kə́ kadaá kɔ̄ɔ́.

PĀ GƏ̄ 147:18

Ni-əda najə̄ anī kɔ̄sə̄ yḭ̄l̄. Ni-rāā nél adə̄ əla, anī man̄ gə̄ nūgə́n̄.

PĀ GƏ̄ 139:2

Ī-ger̄ ta ndiḿ kə̄ nang tə́ ō, ta kḭḭḿ kə̄ dɔɔ́ ō. Yá̰á̰ ń m̄-sāā rāā ní, ḭ̄ ī-ger̄ kété kɔ̄ɔ́ ɓá.

PĀ GƏ̄ 135:7

Ni-rāā adə̄ kil̄ man̄ gə̄ ḭḭn̄ ta ngóy dɔ nang tə́ kum kə̄ dɔɔ́ rāā adə̄ man̄ tel̄ yā kedə̄. Ni teē kə nélé loo ngɔ̄mən tə́.

JA̰A̰ 2:25

Ni sāā kadə̄ deē ədan najə̄ kə́ dɔ deē tə́ alé, tɔdɔ̄ ni-ger̄ yá̰á̰ kə́ kem deē tə́.

MATIYE 9:4

Jeju ger̄ gír̄ kə kemdə́ tə́ adə̄ ni-ədadə́ na: Ī-gírī najə̄ kə́ majaĺ kə́ beē gə̄ kemsí tə́ i tām̄ rí tə́?

DANIEL 2:30

Kə́ tām̄ yāḿ mā tə́ ní Nə́ɓā ɔjəm̄ yá̰á̰ kə́ to loo mundə̄ tə́ ń toō i tām̄ tɔȳ kə́ kum kedə̄ yāḿ tɔȳ yā de gə̄ malang alé, banī i yā kadə̄ ɔjiīn̄neé kum nī yāí kadə̄ ī-gerə̄ń gír̄ kə́ kemií tə́.

JOEL 2:2

I ndɔ̄ kə́ ndul ndí ndí ō, risə til nding ō. I ndɔ̄ yā kil̄ man̄ gə̄ ō, yā kil̄ man̄ kə́ ndul kíndíńg kíndíńg ō. Gír de kə́ ngá̰ý gə̄ ō, ngangə̄n̄ ngá̰ý gə̄ ō, tə̄ndān̄ naā tḭ̄ḭ̄n̄ kə̄ dɔ mbal̄ gə̄ tə́, tītə̄ ta gír loo kə́ atə wororo beé. I gír de gə̄ kə́ deē a̰a̰də́ nja kógə̄ḿ aĺ ɓáý ō, kə́ deē a a̰a̰də́ gogə́ to̰ aĺ i kə́ bátə́ gə̄ tə́ ō, bátə́ ɓāl̄ yā gír kojə gə̄ kə́ ndɔ̄ń tə́ tə́.

Makətūbə̄ yā Job 9:7

Ni-əda kadə̄ mbang əɓa alé, anī mbang əɓa aĺ ō, ni utə̄ ta tə́yō̰ gə̄ kə lakélé ō.

IJAI 45:7

Mā m̄-rāā loo kə́ unjə̄ kow ō, m̄-rāā loo kə́ ndɔ̄ɔ́ ō, m̄-rāā ndi majə ō, m̄-rāā yá̰á̰ kə́ to kum kaȳ aĺ ō. A̰á̰ā̰, i mā Kɔ́ɔ̄ɓē n m̄-rāā yá̰a̰ gə̄ ń noō malang ní.

JEREMI 46:18

Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní əda na: Tītə̄ ń m̄-ndiń kə kumḿ noō, ni a reē, a to i tītə̄ mbal̄ Tabor kə́ ra dan mbal̄ madə̄n gə̄ tə́ beē ō, i tītə̄ mbal̄ Karmel kə́ ra dan bā bo tə́ beē ō!

OJEE 12:6

I loo ń noō tə́ n Nə́ɓā nge rāā dɔ rā̰ ō dɔ nang ō, ni ń rīn na i Kɔ́ɔ̄ɓē ní, ədań najə̄ ń toō ní: