AMOS 4:10 - Bibəl ta Sar̄

¹⁰ m̄-rāā adə̄ mo̰y ngāl̄bɔ̄gīí kógə̄ḿ kə́ tītə̄ nge ń əsō dɔ dā̰ gə̄ kə́ Ejiptə tə́ ní, əsō dɔsí tə́. M-ə́ya̰ madə̄ ba̰ā̰ gə̄ adə̄ tɔ̄lə̄n̄ balsáa yāsí gə̄, dan ń de gə̄ a ɔyn̄neé sə́nda yāsí gə̄ ní. Sēē nīń kə́ otə majaĺ ngá̰ý aw̄ bátə́ ugə̄ kó̰ńsí tə́. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

Bible sar

¹⁰ m̄-rāā adə̄ mo̰y ngāl̄bɔ̄gīí kógə̄ḿ kə́ tītə̄ nge ń əsō dɔ dā̰ gə̄ kə́ Ejiptə tə́ ní, əsō dɔsí tə́. M-ə́ya̰ madə̄ ba̰ā̰ gə̄ adə̄ tɔ̄lə̄n̄ balsáa yāsí gə̄, dan ń de gə̄ a ɔyn̄neé sə́nda yāsí gə̄ ní. Sēē nīń kə́ otə majaĺ ngá̰ý aw̄ bátə́ ugə̄ kó̰ńsí tə́. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

AMOS 4:10 Referans Kwoze

NDŪ NAJƏ̄ 28:60

Ni a tél kə mo̰y kə́ tayā tayā gə̄ ń ī-ɓōĺdə́ dɔ nang kə́ Ejiptə tə́ ngá̰ý ní yā reēń dɔí tə́ kadə̄ rāāī.

JOEL 2:20

M-ā m̄-tə̄ɓā madə̄ ba̰ā̰sí kə́ ḭḭ mbɔ́r ɓē kə́ ko̰ó̰ tə́ kɔ̄ɔ́ sa̰y rɔ̄sí tə́. M-ā m̄ tə̄ɓān kum kə̄ loo kə́ mángá tə́ ō, kə́ nujə sák sák kɔ̄ɔ́ tə́ ō. M-ā m̄-tə̄ɓā ngé gə̄ ń njə̄rān̄ nodə́ tə́ kum kə̄ bā katə̄ tə́ gír ɓē tə́ ní ō, ngé gə̄ ń njə̄rān̄ gōdə́ tə́ kum kə̄ bā bo kə́ no ɓē tə́ ní ō. Nīńdə́ a ndum adə̄ loo a otə ndum rḭḭ. Rɔ̄kum, ni-rāā yá̰á̰ kə́ bo ngá̰ý gə̄.

2 MBAN̄G 13:7

Ngé rɔ̄ɔ̄ gə̄ ń əya̰n̄də́ adə̄n̄ Joakajə ní, ngé kal̄ sə́nda gə̄ i kutə mí ō, púsə rɔ̄ɔ̄ gə̄ i kutə kógə̄ḿ ō, ngé rɔ̄ɔ̄ kə́ ngé njə̄rā kə njadə́ gə̄ i dūbú kutə kógə̄ḿ ō ngóy. Tɔdɔ̄ mban̄g kə́ Aram tɔ̄l̄ gotə gə̄ ngá̰ý kɔ̄ɔ́. Ni rāādə́ i bumbə́ru nja de gə̄ tə́.

LEBI GƏ̄ 26:25

M-ā m-ādə̄ rɔ̄ a əsō dɔsí tə́ kadə̄ m̄-daləń ba̰ā̰ madə̄ naā ń m-ə́hɔ sesí ā ī-nujiīń kɔ̄ɔ́ ní. Ré ɔ́siī dɔsí naā tə́ kə̄ kem ɓē bo yā madə̄ ba̰ā̰sí gə̄ tə́ anī, m-ā m-ə̄nī mo̰y ngāl̄bɔ̄gīí dɔsí tə́ ō, m-ā m-ādə̄ ā ə̄sōī kem jī madə̄ ba̰ā̰sí gə̄ tə́ ō.

NDŪ NAJƏ̄ 7:15

Kɔ́ɔ̄ɓē a ɔgə̄ mo̰y gə̄ malang reē rɔ̄sí tə́ ngɔr. Nápar mo̰y kə́ majaĺ gə̄ malang ń əsōn̄ dɔ kósə de gə̄ tə́ dɔ nang kə́ Ejiptə tə́ á ī-gerīdə́ ní, Kɔ́ɔ̄ɓē a ɔgə̄də́ reē rɔ̄sí tə́ ngɔr. Ni a ənī mo̰y gə̄ ń noō dɔsí tə́ alé, ba a ənīdə́ i dɔ de gə̄ malang ń imə̄n̄sí tə́ ní.

AMOS 8:3

Najə̄ ń mā Kɔ́ɔ̄ɓē Nə́ɓā m-ə́dá ní n toó: Ndɔ̄ ń m-ā m̄-rāāń yá̰á̰ tə́ ní, gōsə̄ pā kə́ dəyá̰ gə̄ kə́ ndogó mbangāá a ənīn̄ i pā yo. Nin̄ gə̄ a ton̄ ngá̰ý. A tə́nīn̄ nīń de gə̄ kə̄ loo gə̄ tə́. Loo a to kúkúkú kə̄ loo gə̄ tə́ malang.

AMOS 4:6

Mā m̄-rāā adə̄ ɓō əsō dɔsí tə́ kə̄ kem ɓē bo yāsí gə̄ tə́ malang. M-ɔ̄gə̄sí yá̰a̰ kəsa kə̄ kem ngán ɓē yāsí gə̄ tə́ malang, banī sḭḭ̄ ī-téliī ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

JEREMI 18:21

Ɓá anī ādə̄ ɓō rāā ngáńdə́ gə̄ ō, ī-rāā ādə̄ oyn̄ yo kaskar ō, ādə̄ nə̄yá̰də́ gə̄ nalə̄n̄ ngáńdə́ gə̄ ō, ngaadə́ gə̄ ō, ādə̄ yo tɔ̄l̄ dəngam gə̄ ō, ādə̄ balsáa gə̄ oyn̄ yo kaskar ta rɔ̄ɔ̄ tə́ ō.

JEREMI 11:22

Tā anī, Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: M-ā m̄-rāādə́ yá̰á̰ kə́ tōr̄. Balsáa yādə́ gə̄ a oyn̄ yo kaskar ō, ɓō a tɔ̄l̄ ngáńdə́ kə́ dəngam gə̄ ō, kə́ dəyá̰ gə̄ ō.

2 MBAN̄G 13:3

Loo ń noō tə́ wōn̄g rāā Kɔ́ɔ̄ɓē kə Israel gēé adə̄ ni əladə́ kem jī Hajael mban̄g kə́ Aram tə́ ō, Ben Hadad ngōn̄ Hajael tə́ ō, dan oy tām̄.

NDŪ NAJƏ̄ 28:22

Ni a rāāī kadə̄ ōn̄g ō, a ənī mo̰y gajə ō, rɔ̄ kagə̄ ō dɔí tə́. A rāā kadə̄ rɔ̄í a təngā tólóló ō, a rāā kadə̄ man̄ a əhɔ laa ō, a ənī mo̰y dɔ kōō gə̄ tə́ kadə̄ kərēn̄ ngéŕ ngéŕ ō, kadə̄ kumdə́ teē aĺ ō. Yá̰á̰ kə́ tōr̄ gə̄ ń noō a rāānī bátə́ kadə̄ ī-gətóoń kɔ̄ɔ́.

LEBI GƏ̄ 26:16

yá̰á̰ ń m-ā m̄-rāā sesí ní n toó: M-ā m-ādə̄ mo̰y gajə a rāāsí kadə̄ kumsí a ra doo ō, kadə̄ rɔ̄sí a tōr̄sí ō. Ā ī-dubī kōō yāsí i ndāńg karī i madə̄ ba̰ā̰sí gə̄ ń a əsan̄.

Teē Ngán Israel gə̄ 8:19

Yá̰á̰ kə́ tōr̄ ń a reē dɔ gír deē yān gə̄ tə́ ní na a reē dɔ gír deē yān ni Kɔ́ɔ̄ɓē tə́ alé. Yá̰á̰ kə́ yáā ń noō na a rāā yá̰a̰ na i bírí.

JEREMI 48:15

Nge nujə kə dɔ nang kə́ Moab sák sák aw̄ kə̄ kənī ɓē yān gə̄ rɔ̄ɔ̄ tə́. Balsáa kə́ kɔl watang gə̄ kə́ Moab a aw̄n̄ kə̄ ta yo tə́. I mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní n əda ní.

JEREMI 16:4

Ɓō a rāādə́ bátə́ yā tɔ̄l̄də́. Deē a nōōdə́ aĺ ō, dubə̄də́ aĺ ō, a télən̄ bū loo dɔ dā̰ nang tə́ ō, a oyn̄ yo kaskar ō, yo ɓō ō. Nīńdə́ a téĺ yá̰a̰ kəsa yā yel̄ kə́ no rā̰ tə́ gə̄ ō, dā̰ kə́ dɔ nang tə́ gə̄ ō.

JEREMI 15:3

M-ā m-ə́la kə yá̰á̰ kə́ majaĺ gə̄ gíŕ sɔ́ dɔdə́ tə́: M-ā m-ə́la kə kaskaraá yā tɔ̄ləńdə́ ō, kə bísə gēé yā ndɔ́rəńdə́ nang tə́ ō, kə yel̄ kə́ no rā̰ tə́ gə̄ ō, kə dā̰ kə́ dɔ nang tə́ gə̄ ō yā rə́yańdə́ naā tə́ ō, yā gāngəń gír yādə́ kɔ̄ɔ́ ō. Najə̄ ń Kɔ́ɔ̄ɓē əda ní n toó.

JEREMI 9:22

Najə̄ ń Kɔ́ɔ̄ɓē əda ní n toó: Ādə̄ nge kum kedə̄ tɔ̄ȳ rɔ̄n tām̄ kum kedə̄ yān tə́ aĺ ō, ādə̄ de kə́ tɔ́gən i ngá̰ý tɔ̄ȳ rɔ̄n dɔ tɔ́gən kə́ ngá̰ý tə́ aĺ ō. ādə̄ nge kənge yá̰a̰ tɔ̄ȳ rɔ̄n tām̄ yá̰a̰ kənge yān tə́ aĺ ō.

JEREMI 6:11

Wōn̄g kə́ ngá̰ý yā Kɔ́ɔ̄ɓē rosə kemḿ. M-ə́hɔ rɔ̄ḿ dɔ tə́ sétə́. I bə̄gā wōn̄g ní dɔ ngáń kə́ kum róbó gə̄ tə́ ō, balsáa gə̄ ń ɔsən̄ dɔdə́ naā tə́ malang ní ō. Əhɔn̄ de kə́ dəngam gə̄ ō, de kə́ dəyá̰ gə̄ ō, de kə́ tɔgə ɓə́ga ō, de kə́ ɓālə̄n i ngá̰ý ō.

IJAI 9:13

Loo ń noō tə́, kem ndɔ̄ kógə̄ḿ beē tə́ ní, Kɔ́ɔ̄ɓē gān̄g dɔ ō kə̄lá ō kɔ̄ɔ́ dɔ nang kə́ Israel tə́. Ni-gān̄g ta jī kāgə̄ túmbur kɔ̄ɔ́ ō, gān̄g mu tə̄ɓā kɔ̄ɔ́ ō.

2 MBAN̄G 10:32

Dan ngeé ń noō tə́ ní Kɔ́ɔ̄ɓē əla gír kēgə̄ dɔ nang kə́ Israel tə́ kɔ̄ɔ́. Adə̄ Hajael tetə Israel gə̄ rɔ̄ɔ̄,

2 MBAN̄G 8:12

Hajael dəjen na: Kɔ́ɔ̄ḿ, ā ī-nōō i rí? Elije tél ədan na: m̄-nōō i tɔdɔ̄ m̄-ger̄ yá̰á̰ kə́ majaĺ ń ā ī-rāā yā rāā kə ngán Israel gēé ní: Ā ī-tə́la hor dɔ ɓē kə́ ngan̄g yādə́ gə̄ tə́ ō, ā ī-tɔ̄l̄ balsáa yādə́ gə̄ kə kaskaraá ō, ā ī-rējə̄ ngáńdə́ kə́ dūú gə̄ ō, ā ī-njár̄ kem dəyá̰ yādə́ kə́ ndān̄ ngán gə̄ ō.

Teē Ngán Israel gə̄ 15:26

Ni-ədadə́ na ré oōn̄ tan ni Kɔ́ɔ̄ɓē Nə́ɓā yādə́ rɔ̄kum, adə̄ rāān̄ yá̰á̰ ń n-a̰a̰ kadə̄ i yá̰á̰ kə́ gōtə́ ní ō, əndān̄ mbīdə́ oōn̄neé yá̰a̰ gə̄ ń ndang kadə̄ yā rāā ní ō, rāān̄ yá̰a̰ malang ń ndū najə̄ yān gə̄ ədan̄ ní ō anī, mo̰y kə́ dáńg dáńg gə̄ ń n-adə̄ rāā de kə́ Ejiptə gə̄ ní na a rāādə́ nin̄ alé, tɔdɔ̄ ni na i Kɔ́ɔ̄ɓē nge kajədə́ dɔ mo̰y tə́.

Teē Ngán Israel gə̄ 14:4

M-ā m̄-rāān kadə̄ a dum̄ naā, adə̄ a ngɔ̄də̄ gōsí. Ba m-ā m̄-tetən rɔ̄ɔ̄ kə deē yān gēé malang kadə̄ m-ɔ́səń gɔn rɔ̄ḿ. Loo ń noō tə́ de kə́ Ejiptə gə̄ a gerə̄n̄ kadə̄ mā i Kɔ́ɔ̄ɓē. Ngán Israel gə̄ rāān̄ yá̰á̰ ń Kɔ́ɔ̄ɓē ɔjədə́ ní.

Teē Ngán Israel gə̄ 10:27

Banī Kɔ́ɔ̄ɓē rāā adə̄ Parao̰ rāā dɔ ngan̄g, mbātə́ kəya̰də́ kadə̄ aw̄n̄.

Teē Ngán Israel gə̄ 10:3

Moijə nin̄ kə Aaro̰ aw̄ əngen̄ Parao̰ ədanən̄ na Kɔ́ɔ̄ɓē Nə́ɓā yā Hebəro gə̄ əda na ké i ndɔ̄ kə́ rá tə́ n ké dɔn a tetəń ní wa. Kə əya̰ gír deē yān gə̄ kadə̄ aw̄ rāān̄ kəla adə̄nən̄.

Teē Ngán Israel gə̄ 9:17

Ba ī-rāā dɔ ngan̄g kə̄ noí tə́ ɔ̄gəń gír deē yān gə̄ kadə̄ aw̄n̄ ní,

Teē Ngán Israel gə̄ 9:12

Banī Kɔ́ɔ̄ɓē rāā adə̄ Parao̰ rāā dɔ ngan̄g, adə̄ tītə̄ ń Kɔ́ɔ̄ɓē ədań Moijə ní, Parao̰ oō najə̄ yā Moijə nin̄ kə Aaro̰ alé.

NDŪ NAJƏ̄ 28:21

Kɔ́ɔ̄ɓē a ənī mo̰y ngāl̄bɔ̄gīí dɔí tə́ dɔ nang ń ā āw̄ kə̄ taā tə́ ní, kadə̄ tɔ̄lī bátə́ kadə̄ ī-təgāń kɔ̄ɔ́ malang.

IJAI 9:17

A̰á̰ā̰, kem ndul i yá̰á̰ kə́ o̰o̰ loo tītə̄ hor kə́ o̰o̰ kōn̄ kə́ tayā tayā gə̄ beé. Hor ní əhɔ túpə kámbə gə̄ kə́ kem ku kāgə̄ gə̄ tə́ ō, rāā adə̄ sa hor kə́ ra kə ngālāá ɓururu ḭḭ ta kaw̄ dɔ rā̰ tə́ ō.

IJAI 34:3

Nīń de gə̄ yādə́ gə̄ taā loo dɔ nang tə́, rɔ̄ de gə̄ yādə́ gə̄ otə ndum, mósə́də́ a̰ȳ dɔ mbal̄ bo gə̄ tə́ tītə̄ man̄ dɔ mbal̄ beé.

IJAI 50:11

Banī sḭḭ̄ malang ń ī-rāāī hor adə̄ o̰o̰ ní, sḭḭ̄ ń ī-túdī gərā kə́ hor i ta tə́ gə̄ ī-gīrīneé gidəsí ní, údiī kum ta ndo̰ hor yāsí tə́, dan gərā gə̄ ń ī-tə́ndāī hor tadə́ tə́ ní. I Kɔ́ɔ̄ɓē n i nge rāā kadə̄ ā óyiī dan yá̰á̰ kə́ tōr̄ ngá̰ý tə́ ní.

JEREMI 49:26

A̰á̰ā̰, ndɔ̄ nəkɔ́ ń noō tə́ ní, balsáa yān kə́ ngé rɔ̄ɔ̄ gə̄ tə́sōn̄ ndágə loo yān gə̄ tə́ ō, kōō áskar yān gə̄ malang ɓār̄ to̰ aĺ ō. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

IJAI 9:12

Kɔ́ɔ̄ɓē ənda gír deē yān gə̄, banī Israel gə̄ télən̄ kə̄ rɔ̄n tə́ alé, nin̄ tūrə̄n̄ rɔ̄də́ kə̄ rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ alé.

JEREMI 5:3

Kɔ́ɔ̄ɓē, ā ī-ngóō i ra dɔ ndū tə́ yādə́ yā ka̰ā̰ kə kumií aĺ a? Ḭ̄ ə́ndádə́, banī tōr̄də́ aĺ bátə́. Ḭ̄ ī-tɔ̄l̄də́ ngá̰ý, banī nin̄ mbātə́n̄ ger̄ kum. Dɔdə́ ngan̄g tɔȳ mbal̄ ō, mbātə́n̄ tél reē rɔ̄í tə́ ō.

OJEE 11:5

Ngán Israel gə̄ a tə́lən̄ yā kaw̄ gogə́ dɔ nang kə́ Ejiptə tə́ alé, banī i dɔ nang kə́ Asiri n a téĺ kɔ́ɔ̄də́ ní. Tɔdɔ̄ nin̄ mbātə́n̄ tél reē gogə́ rɔ̄ḿ tə́.

Makətūbə̄ yā Aje 2:17

Mā Kɔ́ɔ̄ɓē m-ə́dá wáńg na: Yá̰a̰ malang ń ī-rāāī ní, m̄-nujəń kɔ̄ɔ́: m̄-rāā adə̄ kōō gə̄ tutən̄, aláa ndumən̄ kem ndɔrɔ́ ō, m̄-rāā adə̄ kɔ̄sə̄ tə́sō ō, banī sḭḭ̄ ī-tél ī-reēī rɔ̄ḿ mā Kɔ́ɔ̄ɓē tə́ alé.