AMOS 4:1 - Bibəl ta Sar̄

¹ Sḭḭ̄ dəyá̰ kə́ Samari gə̄ ń ī-boōī lútə́ lútə́ tītə̄ kó̰o̰ man̄g gə̄ kə́ Basan ní, ōōī najə̄ ń toō: Sḭḭ̄ ī-rējī ngé ndoō gə̄ kə yá̰a̰ rāāsí kə́ gōtə́ aĺ ō, ī-tə́nāī ngé rɔ̄ tō ndoō gə̄ nang tə́ ō, ba ə́daī ngaasí gə̄ na: Ī-reē kə yá̰a̰ ka̰yā̰á̰ tā!

Bible sar

¹ Sḭḭ̄ dəyá̰ kə́ Samari gə̄ ń ī-boōī lútə́ lútə́ tītə̄ kó̰o̰ man̄g gə̄ kə́ Basan ní, ōōī najə̄ ń toō: Sḭḭ̄ ī-rējī ngé ndoō gə̄ kə yá̰a̰ rāāsí kə́ gōtə́ aĺ ō, ī-tə́nāī ngé rɔ̄ tō ndoō gə̄ nang tə́ ō, ba ə́daī ngaasí gə̄ na: Ī-reē kə yá̰a̰ ka̰yā̰á̰ tā!

AMOS 4:1 Referans Kwoze

PĀ GƏ̄ 22:12

Ní ī-lōō kadə̄ danií i sa̰y rɔ̄ḿ tə́, tɔdɔ̄ yá̰á̰ kə́ ngan̄g dɔ i ngɔr ō, de kə́ yā rāā seḿ gətóo ō.

AMOS 6:1

Yá̰á̰ kə́ to kum kaȳ aĺ kə́ ba̰ý beē, tām̄ yāsí sḭḭ̄ ń ī-ndiī jəke dɔ ngōn̄ mbal̄ kə́ Jerusalem tə́ ní ō, sḭḭ̄ ń ɔ́jiīń na yá̰á̰ kógə̄ḿ na a rāāsí dɔ ngōn̄ mbal̄ kə́ Samari tə́ aĺ ní ō! De gə̄ ədan̄ na sḭḭ̄ na ī-majə ī-tɔyī nápar de kə́ rang gə̄ ń ī-ndiī dandə́ tə́ ní ō, na ngán Israel gə̄ ń i ngákó̰ó̰sí gə̄ ní, tūrə̄n̄ rɔ̄də́ i kə̄ rɔ̄sí tə́ ō!

AMOS 5:11

Sḭḭ̄ ī-rējī nge ndoō kə yá̰a̰ rāāsí kə́ gōtə́ aĺ ō, ī-taāī núsə kōō yān dɔ gúú tə́ ō. Beé ɓáa, tām̄ najə̄ ń noō tə́ ní, kújə́ kə́ rāā kə mbal̄ kə́ tɔ́sə̄ kadə gēé ń ī-rāāī ní, ā ī-ndiī kemeé aĺ ō, ndɔr̄ kāgə̄ nduú kə́ majə gə̄ ń ə́hɔī ní, ā ā̰yī kasən aĺ ō.

EJEKIEL 39:18

Ā ə́saī nīń go̰ rɔ̄ɔ̄ gə̄ ō, ā ā̰yī mósə ngār gə̄ kə́ dɔ nang tə́ laā ō. Nin̄ i yá̰á̰ kə́ tun̄ kum gotə bal batə̄ gə̄ ō, ngán batə̄ gə̄ ō, bal bə̄yā̰ gə̄ ō, kum gotə ngán man̄g kə́ yḛmbə gə̄ kə́ Basan ō.

KOHELET 4:1

M-á̰á̰ yá̰á̰ kə́ gōtə́ aĺ gə̄ malang ń de gə̄ a rāān̄ kə madə̄də́ gēé dɔ nang tə́ ní ō. Ngé gə̄ ń de gə̄ rāān̄ kumdə́ ndoō tə́ ní nōōn̄, banī de kə́ nge sɔl̄ kemdə́ gətóo. Tɔ́gə i dām̄ yā ngé rāā kumdə́ ndoō tə́ gə̄ tə́, adə̄ de kə́ nge sɔl̄ kemdə́ gətóo.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

JOEL 3:3

M-ā m̄-rāā kadə̄ yá̰á̰ kə́ to kɔr kum gə̄ ton̄ dɔ rā̰ tə́ ō, dɔ nang tə́ ō, Mósə a to ō, hor a to ō, sa hor kə́ ra kə ngālāá ɓururu gə̄ a ton̄ ō.

EJEKIEL 22:29

De gə̄ a rāān̄ yá̰a̰ i kə tɔ́gə́də́ ō, i kə dɔ́nɔ́ ō, kə̄ loo gə̄ tə́ malang kem ɓēé. Nin̄ ɓogən̄ ō, əsan̄ tətō ngé ndoō gə̄ ō, ngé rɔ̄ tō ndoō gə̄ ō, rāān̄ kum ngé nam̄ ɓē gə̄ ndoō tə́ kanjə̄ ɓōĺ gidə yá̰a̰ rāā kə́ gōtə́ ō.

EJEKIEL 22:27

Ngār gə̄ kə́ dɔ gír de gə̄ tə́ ton̄ i tītə̄ soó gə̄ kə́ ngé rə́yā̰ dā̰ kəhɔdə́ gə̄ naā tə́ beē kem ɓē kə́ Jerusalem tə́. Nin̄ tɔ̄lə̄n̄ de gə̄ yā ɓogəń yá̰a̰ kənge yādə́ gə̄.

EJEKIEL 22:12

Ḭ̄ Jerusalem, ɓēé looí de gə̄ a taān̄ kadə̄ karī gə̄ jī de gə̄ tə́ a tɔ̄l̄nəń de gə̄ ō, de gə̄ a adə̄n̄ de gə̄ nar loo tə̄nā tə́ a taānəń manə̄n kə́ ngá̰ý al̄ naā dɔ tə́ ō, de gə̄ a kə́ran̄ madə̄də́ gə̄ dɔ yá̰a̰ yādə́ gə̄ tə́ ō. Ba mā ɓáa dɔdə́ ndígə̄naləḿ kɔ̄ɔ́ i kə́ njɔ́ḿ gə̄ tə́. Najə̄ ń mā Kɔ́ɔ̄ɓē Nə́ɓā m-ə́dá ní n noó.

EJEKIEL 22:7

De gə̄ a kídə̄n̄ i bɔbə̄də́ gə̄ kə kó̰ó̰də́ gə̄ ɓēé looí ō, a rāān̄ i kum ngé nam̄ ɓē gə̄ ndoō tə́ ō, a əsan̄ i tətō ngán hal gə̄ ō dəyá̰ kə́ ngaa koy gə̄ ō.

JEREMI 51:34

Nabukodonosor, mban̄g kə́ Babilon, rə́yā̰m̄ naā tə́ ō, əsam̄ ō. Ni rāām̄ ādə̄ m̄-tél səmbē kə́ tō̰ń kem kɔ̄ɔ́. Ni urəm̄ kemən tə́ tītə̄ dā̰ kə́ bo kə́ to ɓōĺ ngá̰ý beē. Ni njúū yibə̄ kə́ kəngāḿ tə́ adə̄ ndān̄ kemən ba əya̰m̄ kɔ̄ɔ́.

JEREMI 50:27

Āwī kə man̄g kə́ bəra yān gēé loo tɔ̄l̄ dā̰ gə̄ tə́ ba ī-tɔ̄līdə́ malang kɔ̄ɔ́. I yá̰á̰ kə́ to kum kaȳ aĺ kə́ ba̰ý beē n əsō dɔdə́ tə́ ní? Ndɔ̄ yādə́ ugə̄ i kum mbang ń kadə̄ ɔjən̄neé gíŕ yá̰a̰ rāādə́ gə̄ ní.

JEREMI 7:6

ī-rāāī kum nge nam̄ ɓē ō, ngōn̄ hal ō, nge ngaa koy ō ndoō tə́ alé. Ī-ɓōkíī mósə́ kə́ kanjə̄ najə̄ dɔn tə́ nang tə́ loo ń toō tə́ alé, ī-ngɔ̄dī gō nə́ɓā kə́ rang gə̄ alé na sōgə́ yá̰á̰ kə́ to kum kaȳ aĺ əsō dɔsí tə́.

JEREMI 6:6

Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Ī-tə́gāī kāgə̄ gə̄, ɔ́yiī nán̄g ādə̄ rāā dɔ naā tə́ bing kadə Jerusalem tə́, i ɓē kə́ rāānən̄ yá̰á̰ kə́ tōr̄ tām̄ majaĺ yān tə́, de kə́ kemeé gə̄ rāān̄ kum naā ndoō tə́ ngá̰ý.

IJAI 58:6

Ndi ɓō kə́ nelə̄m̄ n toó: I tútə de gə̄ kə́ do̰ō̰n̄də́ kə súĺ kə ta róbə́ kə́ gōtə́ aĺ kəya̰də́ dɔɔ́, i kun njúgə́ kə́ ɔȳdə́ dɔdə́ tə́ kɔ̄ɔ́, i taā ngé gə̄ ń a rējə̄n̄də́ ní kəya̰də́ dɔɔ́, yā kadə̄ gō ngāləń ngá̰ý aĺ ɓáa, i rāā kadə̄ yá̰a̰ malang ń a rāādə́ ɓəlo tə́ ní gətóo kɔ̄ɔ́.

IJAI 5:8

I yá̰á̰ kə́ to kum kaȳ aĺ kə́ ba̰ý beē tām̄ yā ngé rāā kújə gə̄ kə̄ dɔ naā tə́ tə́, tām̄ yā ngé kɔy ndɔr̄ gə̄ kə̄ dɔ naā tə́ tə́! Ta tɔ̄l̄ ta anī, nin̄ taān̄ loo malang ō, kem ɓē ɓáa i nīń ngóy ō.

KOHELET 5:8

Banī nin̄ malang ní dɔ nang rāā majə sedə́ mbak. Mban̄g ndi i kə ta kūl̄ ndɔrɔ́.

PĀ GƏ̄ 140:12

Ngé tétə̄ najə̄ gə̄ a ndin̄ kem ɓēé alé. A ngɔ̄də̄n̄ de kə́ nge rāā yá̰a̰ kə dɔ́nɔ́ ō, nge kem ndul ō, i kanjə̄ taā koō.

PĀ GƏ̄ 12:5

Nin̄ ń ədan̄ na n-gerə̄n̄ najə̄ kə́ yā kəda tetəń rɔ̄ɔ̄, na n-a n-əhɔn̄ tadə́ ngan̄g adə̄ na n-ɓōlə́n̄ deē alé ní.

Makətūbə̄ yā Job 20:19

Tɔdɔ̄ ni-əsa tətō ngé tɔ́gə gətóo gə̄ ō, əya̰də́ kɔ̄ɔ́ ō, taā kújə yādə́ ō, ni-rāā kújə́ kógə̄ḿ aĺ ō.

1 MBAN̄G GƏ̄ 16:24

Gō tə́ anī aw̄ mang mbal̄ kə́ Samari jī Semer tə́ kə nar gində̄ arjā̰a̰ dūbú mehḛ́. Ni-rāā ɓē dɔ mbal̄ ní tə́ ba əndā rī ɓē ní na i Samari kə rī Semer kɔ́ɔ̄ mbal̄ ní.

NDŪ NAJƏ̄ 28:33

Gír de gə̄ kə́ ī-ger̄də́ aĺ gə̄ a əsan̄ kōō yāí, kə yá̰a̰ malang ń ī-rāā á teē ní. Ngáńdáńg de gə̄ a əsanī i mbée ō, a rāānī majaĺ ō.

JEREMI 50:11

A̰á̰ā̰, ī-rāāī rɔ̄nel̄, a̰á̰ā̰, ī-tḭ́ḭ̄ī bal walya, sḭḭ̄ ngé nujə kə yá̰a̰ kənge yāḿ gēé. A̰á̰ā̰, ī-tḭ́ḭ̄ bal tītə̄ mandə man̄g gə̄ kə́ ran̄ dɔ mu tə́ beē, ī-nōōī tītə̄ sə́ndá kə́ bəra gə̄ kə́ ngɔ̄mə̄n̄də́ kadə̄ ḭḭn̄ dɔ madə̄ gə̄ tə́ beē.

NDŪ NAJƏ̄ 24:14

Ā ə́sa tətō nge kəla yāí kə́ nge rɔ̄ tō ndoō ō, ndoō rāān ō alé. Ká ni i ngōkó̰ó̰í, aké i tə̄rā kə́ nge nam̄ kə́ ndi dɔ nang yāí tə́, kem ɓē yāí tə́ gə̄gē anī, ā ə́sa tətōn alé.

EJEKIEL 18:12

əsa tətō ngé ndoō gə̄ ō, ngé rɔ̄ tō ndoō gə̄ ō, ɓogə de gə̄ ō, yá̰a̰ gə̄ ń de gə̄ adə̄nən̄ tə̄nānən̄neé yá̰á̰ ní, ni téləń adə̄ kɔ́ɔ̄n gə̄ gogə́ aĺ ō, ni-rāā kəla adə̄ nə́ɓā kə́ rɔ̄kum aĺ gə̄ ō, rāā yá̰á̰ kə́ majaĺ ngá̰ý gə̄ loo ń noō tə́ ō.

AMOS 6:6

Sḭḭ̄ ā̰yī kasə nduú kem káĺ kə́ bo gə̄ tə́ ō, ī-ndumiī yibə̄ kə́ gatə̄n i ngá̰ý kə́ kotə majə gə̄ ō. Banī kojə yā Jəjep ní, a nujənə̄ń sák sák kɔ̄ɔ́ ō, usəsí sḭḭ̄ yá̰á̰ kógə̄ḿ aĺ ō a!

TƏ́DA 21:33

Gō tə́ anī ngán Israel gə̄ tūrə̄n̄ rɔ̄də́ ba unən̄ róbə́ kə́ Basan. Og mban̄g kə́ Basan ɔy ngé rɔ̄ɔ̄ yān gə̄ malang teē tə́nań tadə́ ba ənīdə́ rɔ̄ɔ̄ kem ɓē kə́ Edrey tə́.

Makətūbə̄ yā Job 24:4

Tə̄ɓān̄ ngé rɔ̄ tō ndoō gə̄ kɔ̄ɔ́ kum róbó ō, yá̰á̰ ń kadə̄ ngé ndoō kə́ kem ɓēé gə̄ rāān̄ ní, i kadə̄ nin̄ ɓɔ̄ɔ̄n̄ rɔ̄də́ kɔ̄ɔ́ ngóy ō.

Gōsə̄ najə̄ gə̄ 22:7

De kə́ nge yá̰a̰ kənge o̰o̰ ɓē dɔ ngé ndoō gə̄ tə́ ō, de kə́ kə̄rā i dɔn tə́ i ɓəlo yā deē ń ni-taā yá̰a̰ yā n loo tə̄nā tə́ ní ō.

IJAI 28:1

I yá̰á̰ kə́ to kum kaȳ aĺ kə́ ba̰ý beē tām̄ yā ɓē kə́ Samari tə́! Ɓē ń toō ń to tītə̄ jākā mbang beé ní, ngé kasə rāā gə̄ kə́ dɔ nang yā Epəraim tə́ əndan̄ gúúdə́ tāmən tə́ Ɓē ní ndi i dɔ ngōn̄ mbal̄ ń deē ra dɔ tə́ anī a̰a̰ wól loo kə́ teē kōō ngá̰ý ní. Súūn̄ ɓē ní adə̄ majə ngá̰ý. Banī ɓē ní to i tītə̄ hútə̄ yá̰á̰ kə́ tutə kə́ to dɔ de gə̄ kə́ kasə nduú rāādə́ kɔ̄ɔ́ tə́ beē.

IJAI 56:12

Nin̄ ədan̄ na: Ī-reēī, j-aw̄ jə-sāāī kasə nduú. J-a j-a̰yī kasə kə́ ngan̄g gə̄. Bírí anī, a to i tītə̄ kə́ ɓōólaā ɓáý: Gotə kasə nduú na̰y i ngá̰ý.

EJEKIEL 34:16

Batə̄ ń tan tḭ̄ḭ̄ ní, m-ā m-āw̄ yā ndəlen ō, nge ń əya̰ madə̄n gə̄ ba aw̄ sa̰y ní, m-ā m̄-tél yā reē seneé gogə́ ō. Nge ń njan kógə̄ḿ tetə ní, m-ā m-ɔ́rən nam̄ ō, nge ń i mo̰y ní, m-ā m̄-rāā kadə̄ ni-tél a ənge tɔ́gə gogə́ ō. Ba nge kə́ bo ō, ngan̄g ō ní, m-ā m̄-rāān kadə̄ ni a gətóo kɔ̄ɔ́. Mā i nge ngɔ̄m̄ yá̰a̰ kul̄ gə̄ ndɔ̄ń tə́ kə́ nge rāā yá̰á̰ kə́ gōtə́.

AMOS 3:1

Israel gə̄, sḭḭ̄ i gír kojə kə́ Kɔ́ɔ̄ɓē ḭḭ sesí i Ejiptə tə́ n tél reē sesí gogə́ ɓēé ní. Ōōī najə̄ ń ni-əda dɔsí tə́ ní:

AMOS 3:3

De kə́ dəngam gə̄ jōó njə̄rān̄ naā tə́ kanjə̄ kadə̄ nin̄ oōn̄ naā dɔ tə́ a?