AMOS 3:2 - Bibəl ta Sar̄

² Dan gír kojə gə̄ malang kə́ dɔ nang tə́ ní, i sḭḭ̄ ngóy m-ə̄ndā kumḿ gíŕsí tə́ ní. I tām̄ najə̄ ń noō tə́ n m-ā m̄-rāāsí yá̰á̰ kógə̄ḿ, najə̄ yá̰a̰ rāāsí gə̄ malang kə́ majaĺ ngá̰ý tə́ ní.

Bible sar

² Dan gír kojə gə̄ malang kə́ dɔ nang tə́ ní, i sḭḭ̄ ngóy m-ə̄ndā kumḿ gíŕsí tə́ ní. I tām̄ najə̄ ń noō tə́ n m-ā m̄-rāāsí yá̰á̰ kógə̄ḿ, najə̄ yá̰a̰ rāāsí gə̄ malang kə́ majaĺ ngá̰ý tə́ ní.

AMOS 3:2 Referans Kwoze

NDŪ NAJƏ̄ 7:6

Tɔdɔ̄ sḭḭ̄ i gír de gə̄ kə́ ɔrə̄n̄ kam̄sí tayā tām̄ yā Kɔ́ɔ̄ɓē Nə́ɓā yāsí tə́. I sḭḭ̄ n Kɔ́ɔ̄ɓē gə̄rāsí dan gír de gə̄ malang kə́ dɔ nang tə́ tə́ kadə̄ ī-téliī gír deē yān gə̄ kə́ sɔɔ̄ dɔn nəkɔ́ ngóý ní.

1 PIYER 4:17

Tām̄ kum mbang gān̄g sarya ugə̄ kɔ̄ɔ́, ba i de gə̄ yā Nə́ɓā n a əlan̄ gír dɔdə́ tə́ ní. Ba ré sarya a əla gír i dɔjí jḭḭ̄ tə́ anī, ngé gə̄ ń mbātə́n̄ taā kem Najə̄ kə́ Majə yā Nə́ɓā ní, ta tɔ̄l̄ tadə́ a to i ba̰ý?

NDŪ NAJƏ̄ 10:15

Ɓá tā ba i kaasí gə̄ ngóy n Kɔ́ɔ̄ɓē əhɔ gōdə́ táŕdə́ kété ní. Tá i sḭḭ̄ ngán kaadə́ gə̄ n ni gə̄rāsí dan gír de gə̄ tə́ tītə̄ ń á̰a̰īń ɓōólaā ní.

Makətūbə̄ ń Pol ndang adə̄ Rom gə̄ ní 2:9

Deē malang ń rāā yá̰á̰ kə́ majaĺ ní a a̰a̰ tápə̄ ō, a ndi i kə sōlōó kəkəre ō. I Jipə gə̄ kété pá tá i de gə̄ ń nin̄ i Jipə aĺ gə̄ ní ō.

DANIEL 9:12

Nə́ɓā rāā yā ń əda dɔjí tə́ ō dɔ ngé ko̰o̰ ɓē dɔjí tə́ gə̄ ō ní, ni-reē kə yá̰á̰ kə́ to kum kaȳ aĺ kə́ ngá̰ý dɔjí tə́ Jerusalem. Kum tō ndoō kə́ tītə̄ ń noō to loo kə́rēý tə́ dɔ nang tə́ aĺ ɓáý.

EJEKIEL 9:6

Ī-tɔ̄lī ɓə́ga gə̄ ō, ngásáā gə̄ ō, ngámandə gə̄ ō, ngán gə̄ ō, dəyá̰ gə̄ ō! Ī-rāāī ādī nin̄ gətóon̄ kɔ̄ɔ́ malang! Banī de gə̄ malang ń əjan̄ yá̰a̰ nɔtə nodə́ tə́ ní, ī-lōōī kɔdə rɔ̄də́. Ə́laī gír kem loo kə́ táĺ yāḿ tə́ laā. Loo ń noō tə́ nin̄ əlan̄ gír tɔ̄l̄ kum kɔɔ̄ gə̄ ndin̄ ta kújə yā Kɔ́ɔ̄ɓē tə́ ní.

JEREMI 14:10

Kɔ́ɔ̄ɓē ɔr̄ najə̄ kə gír de gə̄ ń toō i beé: Rɔ̄kum, nin̄ ndigən̄ i dáȳ dɔɔ́, nin̄ gírə̄n̄ gō tóo njadə́ tə́ alé. Nin̄ rāān̄ yá̰á̰ kə́ nel kem Kɔ́ɔ̄ɓē alé, adə̄ ngɔlaā ní ni ter̄ kemdə́ dɔ yá̰á̰ kə́ gōtə́ aĺ yādə́ gə̄ tə́ ō. əndadə́ tām̄ majaĺ ń rāān̄ tə́ ní ō.

JEREMI 13:21

I rí n ā ə́da dan ń de gə̄ a reēn̄ rāāī yá̰á̰ kə́ to kum kaȳ aĺ tə́ ní. I īkɔ́ n ī-ndóōdə́ loo ko̰o̰ ɓē dɔí tə́ ní aĺ a? Rɔ̄kum, rɔ̄í a tōrī tītə̄ yā dəyá̰ ń a rāā kem ní.

JEREMI 11:22

Tā anī, Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: M-ā m̄-rāādə́ yá̰á̰ kə́ tōr̄. Balsáa yādə́ gə̄ a oyn̄ yo kaskar ō, ɓō a tɔ̄l̄ ngáńdə́ kə́ dəngam gə̄ ō, kə́ dəyá̰ gə̄ ō.

JEREMI 10:25

Ādə̄ wōn̄g yāí kə́ ngá̰ý əsō dɔ nápar de gə̄ ń gernī aĺ tə́ ní ō, dɔ gír de gə̄ ń ndɔ̄ȳn̄ī aĺ tə́ ní ō, tɔdɔ̄ de gə̄ nujən̄ Jakob. De gə̄ nujən̄ seneé ō, tɔ̄l̄nən̄ kə̄ nodə́ tə́ ō. De gə̄ nujən̄ kə loo yānneé sák sák kɔ̄ɔ́.

JEREMI 9:25

Adə̄ i Ejiptə gə̄ ō, Juda gə̄ ō, Edom gə̄ ō, Amon gə̄ ō, Moab gə̄ ō, de gə̄ malang ń ndin̄ kem dəla loo tə́ á i ngé dəsā mbɔ́ŕdə́ gə̄ ní ō. Tɔdɔ̄ nápar de gə̄ malang əjan̄ mɔtədə́ aĺ ō, de kə́ Israel tə́ gə̄ nəkɔ́ gə̄gē ní ə́jan̄ mɔtə kə́ dan wurdə́ tə́ aĺ ō.

JEREMI 1:15

M-ā m̄-ɓāŕ gír kaa gə̄ malang yā ɓē ko̰o̰ gə̄ kə́ mbɔ́r ɓē kə́ ko̰ó̰ tə́. Najə̄ ń Kɔ́ɔ̄ɓē əda ní n noó. Nin̄ a reēn̄ yā tə́ndā kōr̄ kāgə̄ mban̄g yādə́ gə̄ ta róbə́ gə̄ kə́ yā kudə ń kə̄ Jerusalem tə́, ta ndogə̄ gə̄ kə́ kəndā kə mbalá adə̄ gīr̄ gidə tə́ ō, ta ɓē bo gə̄ kə́ Juda tə́ malang ō.

IJAI 63:19

Əla gír i jóó ngá̰ý n to tītə̄ kə́ ḭ̄ i mban̄g yājí to̰ aĺ ō, rīí i dɔjí tə́ to̰ aĺ ō ní. Aa! Ré ī-rə̄yā̰ dɔ rā̰ ba ī-risə nang tə́ anī! Mbal̄ bo gə̄ a ndewn̄ noí tə́.

PĀ GƏ̄ 147:19

Ni-əda gír deē yān gə̄ najə̄ yān ō, ɔjə Israel yá̰a̰ gə̄ ń ndang kadə̄ yā rāā ní ō, gō míndən gə̄ ō.

NDŪ NAJƏ̄ 26:18

Ni-rāā adə̄ ə̄nī ndūí ādə̄n ō, ə́da na ḭ̄ i gír deē yān, nge ń ni ɓārə́n na i yá̰a̰ kənge yān kə́ gātə̄n i ngá̰ý ní ō, ə̄nī ndūí yā ngɔ̄məń gō míndən gə̄ malang ō.

TA KƏLA 10:32

Gír kaa yā ngán Noe gə̄ n noó kə gō gír kojə yādə́ gēé ō, napar yādə́ gēé ō. Nápar de gə̄ malang ń tə̄ndān̄ naā tḭ̄ḭ̄n̄ kə̄ loo gə̄ tə́ dɔ nang tə́ ní, i nin̄ n ojən̄də́ ní.

KƏLA RĀĀ 17:26

Ni-əndā gíŕ nápar de gə̄ malang i kə de kə́ kal kógə̄ḿ beē ō, əndādə́ dɔ nang tə́ malang ō. Ni-rāā ɓar ō ɓāl̄ ō tām̄ yādə́ tə́ ō, ɔjə dɔ nin̄ loo gə̄ ń kadə̄ ndin̄ tū tə́ ní ō.

NAHUM 3:4

Ninibə rāā ájə́ba nja dūbú ngá̰ý. Kété ní, ni mandə ō, nel̄ de gə̄ seneé ngá̰ý ō. Ni un majə ń rɔ̄n majə deē ní rāań yá̰a̰ tītə̄ nge rāā mbōlí kə́ dəyá̰ beé. Ni-rāā nápar de kə́ ngá̰ý gə̄ ɓəlo tə́ kə rāā ájə́ba yānneé ō, kə majə ń rɔ̄n majə deē ní ō.

OJEE 9:9

Sḭḭ̄ ə̄sōī kum yá̰a̰ rāā kə́ majaĺ ngá̰ý tə́, tītə̄ ń ə̄sōiń kum tə́ kété kem ɓē kə́ Gibea tə́ ní. A əga kem Nə́ɓā dɔ yá̰a̰ rāāsí gə̄ kə́ majaĺ ngá̰ý tə́, ni a rāā yá̰á̰ kógə̄ḿ sesí najə̄ mān̄ kə́ ī-mānī dɔ ndūn tə́ tə́.

OJEE 8:13

Nin̄ ndə̄jə̄mə̄n̄ yá̰á̰ kə́ tun̄ gə̄, i tɔdɔ̄ nin̄ gḛyn̄ kəsa dā̰. Banī mā Kɔ́ɔ̄ɓē m̄-ndigə yá̰a̰ tun̄ yādə́ gə̄ alé. Ngɔlaā ní, a əga kemḿ dɔ yá̰a̰ rāādə́ gə̄ kə́ gōtə́ aĺ gə̄ tə́, m-ā m̄-rāādə́ yá̰á̰ kə́ tōr̄ najə̄ mān̄ ń nin̄ mānə̄n̄ dɔ ndūḿ gə̄ ní tə́. I gáŕ kadə̄ nin̄ a télən̄ yā kaw̄ gogə́ dɔ nang kə́ Ejiptə tə́.

OJEE 2:13

Yá̰a̰ malang ń adə̄n rɔ̄nel̄ á i pétə yān gə̄ ō, ndɔ̄ rāā nāā kə́ kijə yān gə̄ ō, ndɔ̄ sabat yān gə̄ ō, kán̄ naā kə́ bo yān gə̄ malang ō ní, m-ā m̄-rāā kadə̄ gíŕdə́ a gān̄g kɔ̄ɔ́.

NDŪ NAJƏ̄ 32:9

Tɔdɔ̄ yá̰a̰ yā Kɔ́ɔ̄ɓē i gír deē yān gə̄, tá Jakob i yá̰a̰ kənge yān.

1 KORḚNTƏ 8:3

Ba ré deē táŕ Nə́ɓā anī, Nə́ɓā ger̄ kɔ́ɔ̄.

TA KƏLA 18:19

m̄-gə̄rān i tām̄ kadə̄ əndā dɔ ngánən gə̄ tə́ ō, dɔ ngán kaan gə̄ tə́ ō, kadə̄ unən̄ róbə yāḿ, kadə̄ háĺdə́ i gōtə́ ō, súmūú ō, yā kadə̄ m̄-rāań yá̰á̰ ń m-ə̄nī míndə́ḿ yā rāā kadə̄n ní.

NDŪ NAJƏ̄ 4:32

Ī-gírī dɔ yá̰a̰ gə̄ ń rāān̄ yá̰á̰ kété jóo nosí tə́ ní, ə́laī gír dɔ ndɔ̄ ń Nə́ɓā əndāń deē dɔ nang tə́ ní tə́. Yá̰a̰ gə̄ ń rāān̄ yá̰á̰ gír dɔ nang tə́ laā ta kaw̄ kə̄ ta ngóý dɔ nang tə́ nú ní, ī-gírī á̰a̰ī ké yá̰á̰ kə́ bo ngá̰ý kə́ beé rāā yá̰á̰ kété ɓá wa. De gə̄ ədan̄ gotə najə̄ kə́ beé kété ɓá a?

EJEKIEL 5:9

Yá̰á̰ kə́ majaĺ ngá̰ý gə̄ ń ī-rāāī ní, m-ā m-ə́ndásí najə̄n tə́ kənda kə́ jóo toó m-ə́ndásí beé aĺ ɓáý, m-ā m-ə́ndásí gogə́ tītə̄ ń noō to̰ aĺ ō.

OJEE 5:3

Mā m̄-ger̄ de gə̄ kə́ gír ɓē yā Epəraim tə́ majə ō, yá̰á̰ kə́ Israel aw̄ń kə́ to loo mundə̄ tə́ tām̄ yāḿ tə́ gətóo ō. sḭḭ̄ ī-sə̄lāī Epəraim adə̄ rāā ájə́ba, ba ngɔlaā ɓáa Israel gə̄ malang i de gə̄ kə́ rāān̄də́ adə̄ télən̄ de kə́ yḛr gə̄ kɔ̄ɔ́.

AMOS 2:4

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Juda gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Yá̰a̰ gə̄ ń m̄-ndóōdə́ ní, nin̄ mbātə́n̄ kɔ̄ɔ́. Yá̰a̰ gə̄ ń m̄-ndang kadə̄ yā rāā ní, rāān̄ aĺ ō, gólə̄n̄ rɔ̄də́ tītə̄ yā kaadə́ gə̄ ń unən̄ gō nə́ɓā kə́ rɔ̄kum aĺ gə̄ ní ō. Nə́ɓā gə̄ ní ran̄ dɔ tə́ noō gólə̄n̄də́ ō. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

AMOS 3:3

De kə́ dəngam gə̄ jōó njə̄rān̄ naā tə́ kanjə̄ kadə̄ nin̄ oōn̄ naā dɔ tə́ a?

AMOS 6:1

Yá̰á̰ kə́ to kum kaȳ aĺ kə́ ba̰ý beē, tām̄ yāsí sḭḭ̄ ń ī-ndiī jəke dɔ ngōn̄ mbal̄ kə́ Jerusalem tə́ ní ō, sḭḭ̄ ń ɔ́jiīń na yá̰á̰ kógə̄ḿ na a rāāsí dɔ ngōn̄ mbal̄ kə́ Samari tə́ aĺ ní ō! De gə̄ ədan̄ na sḭḭ̄ na ī-majə ī-tɔyī nápar de kə́ rang gə̄ ń ī-ndiī dandə́ tə́ ní ō, na ngán Israel gə̄ ń i ngákó̰ó̰sí gə̄ ní, tūrə̄n̄ rɔ̄də́ i kə̄ rɔ̄sí tə́ ō!

MISE 2:3

I tām̄ yá̰á̰ ń noō tə́ n Kɔ́ɔ̄ɓē əda najə̄ toō ní: M-ə̄ndā dɔ yá̰á̰ kógə̄ḿ kə́ to kum kaȳ aĺ danaá, yā rɔ̄ɔ̄ń kə de gə̄ kə́ dan ɓūtə̄ yāsí gə̄ tə́. Sḭḭ̄ ā ásiī teē kum tə́ karī alé, ā ɔ̄rī dɔsí dɔɔ́ yā njə̄rań to̰ alé. A̰á̰ā̰, kum mbang ń a reē ní, i kum mbang yā yá̰á̰ kə́ to kum kaȳ aĺ.

Teē Ngán Israel gə̄ 32:34

Ń toō kə aw̄ kə ɔr no ngán Israel gə̄ kə aw̄ sedə́ loo ń na n-ɔjən tə́ ní. Na deē yān kə́ dɔ rā̰ tə́ na a njə̄rā kété nodə́ tə́. Ba na ndɔ̄ ń nəkɔ́ n-a n-udə danaá tə́ anī, n-a n-əndadə́ tām̄ majaĺ yādə́ tə́.