AMOS 3:15 - Bibəl ta Sar̄

¹⁵ Kújə́ kə́ rāā tām̄ yā loo kə́ kūlīí tə́ ō, nge kə́ rāā tām̄ yā loo kə́ ngā nəngāá tə́ ō ní, m-ā m̄-tɔ̄ɔ̄də́ kɔ̄ɔ́. Kújə gə̄ ń rāān̄ ro̰də́ kə ngān̄g dā̰á̰ ní, m-ā m̄-nujəń kɔ̄ɔ́ ō, kújə́ kə́ bo bo gə̄ a gətóon̄ kɔ̄ɔ́ ō. Najə̄ ń Kɔ́ɔ̄ɓē əda ní n noó.

Bible sar

¹⁵ Kújə́ kə́ rāā tām̄ yā loo kə́ kūlīí tə́ ō, nge kə́ rāā tām̄ yā loo kə́ ngā nəngāá tə́ ō ní, m-ā m̄-tɔ̄ɔ̄də́ kɔ̄ɔ́. Kújə gə̄ ń rāān̄ ro̰də́ kə ngān̄g dā̰á̰ ní, m-ā m̄-nujəń kɔ̄ɔ́ ō, kújə́ kə́ bo bo gə̄ a gətóon̄ kɔ̄ɔ́ ō. Najə̄ ń Kɔ́ɔ̄ɓē əda ní n noó.

AMOS 3:15 Referans Kwoze

JEREMI 36:22

I kem nāā kə́ nge ko̰ ndōhó tə́ adə̄ mban̄g ndi i kem kújə́ kə́ kūlūú tə́ ō, ganáń ndi kə horoó kemeé non tə́ ō.

1 MBAN̄G GƏ̄ 22:39

Gotə yá̰á̰ kə́ rang gə̄ ń Akab rāā ní ndangən̄ kem makətūbə̄ kəla rāā mban̄g gə̄ kə́ Israel tə́ tə́. Ndangən̄ yá̰a̰ malang ń ni-rāā ní kemeé: Loo rāā ń ni-rāā kújə mban̄g yān kə ngān̄g dā̰á̰ ní ō, ɓē gə̄ ń ni-rāā ní ō.

NGÉ SARYA 3:20

Egəlon ndi i kem kújə kə́ dɔɔ́ kə́ kemən sɔl̄ lum tə́. Ehud ndɔ́tə̄ kə̄ rɔ̄n tə́ ba ədan na: Najə̄ ń kadə̄ m-ə́daī ní i najə̄ kə́ ḭḭ rɔ̄ Nə́ɓā tə́. Anī Egəlon ḭḭ kɔ̄ɔ́ dɔ kōr̄ kāgə̄ mbang yān tə́.

AMOS 6:11

Tɔdɔ̄ i yā Kɔ́ɔ̄ɓē kadə̄ adə̄ ndūn, anī nujən̄ kújə́ kə́ bo gə̄ kɔ̄ɔ́ ō, ngé kə́ dūú gə̄ tétə̄n̄ rárák kɔ̄ɔ́ ō!

IJAI 5:9

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda adə̄ m-ōō ní n toó: m̄-túbə̄ kə rɔ̄ḿ, a nujən̄ kújə gə̄ ń noō malang kɔ̄kə́. Kújə́ kə́ bo kə́ majə gə̄ ń noō, deē a ndi kemeé alé.

AMOS 3:11

Ɓē kə́ Samari, i tām̄ najə̄ ń noō tə́ n mā Kɔ́ɔ̄ɓē Nə́ɓā, m-ə́daī najə̄ ń toō ní: Madə̄ ba̰ā̰í gə̄ a gīrə̄n̄ gidə ɓē. Nin̄ a nujən̄ ndogə̄ mbal̄ yāí gə̄ kə́ yā rɔ̄ɔ̄ń dɔ ɓē tə́ kɔ̄ɔ́ ō, a ɔyn̄ yá̰á̰ kə́ kem kújə yāí kə́ majə gə̄ tə́ kɔ̄ɔ́ ō.

PĀ GƏ̄ 45:8

Yá̰á̰ kə́ gōtə́ nelī, ba yá̰á̰ kə́ majaĺ nelī aĺ ngá̰ý. Nə́ɓā, i tām̄ ń toō tə́ n Nə́ɓā yāí ur yibə̄ rɔ̄nel̄ dɔí tə́ gə̄rāīneé ḭ̄ ba i madí gə̄ aĺ ní.

AMOS 2:5

M-ā m-ə́la hor dɔ ɓē kə́ Juda tə́, adə̄ a o̰o̰ kújə́ kə́ majə gə̄ kə́ Jerusalem kɔ̄ɔ́.

AMOS 5:11

Sḭḭ̄ ī-rējī nge ndoō kə yá̰a̰ rāāsí kə́ gōtə́ aĺ ō, ī-taāī núsə kōō yān dɔ gúú tə́ ō. Beé ɓáa, tām̄ najə̄ ń noō tə́ ní, kújə́ kə́ rāā kə mbal̄ kə́ tɔ́sə̄ kadə gēé ń ī-rāāī ní, ā ī-ndiī kemeé aĺ ō, ndɔr̄ kāgə̄ nduú kə́ majə gə̄ ń ə́hɔī ní, ā ā̰yī kasən aĺ ō.

MALASI 1:4

De gə̄ ngeé gə̄ ń noō ń i Edom gə̄ ní, majanī a ədan̄ na: Rējēn̄jí, banī ɓē yājí gə̄ ń nujənə̄ń sák sák kɔ̄ɔ́ ní, j-a jə-tél yā rāā gogə́ rang. Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ní n toó: Nin̄ asən̄ tél rāā gogə́ tā, ba yá̰á̰ ń nin̄ a rāān̄ ní, m-ā m̄-nujəń kɔ̄ɔ́! A ɓārə́n̄də́ na i Ɓē yā de kə́ majaĺ gə̄ ō, i Gír de gə̄ kə́ Kɔ́ɔ̄ɓē rāā wōn̄g sedə́ kanjə̄ dəba ō.