AMOS 3:12 - Bibəl ta Sar̄

¹² Najə̄ ń Kɔ́ɔ̄ɓē əda ní n toó: Dan ń ɓɔl əhɔ batə̄ kógə̄ḿ anī, njan kə́ jōó gə̄ ō, núsə mbīn ō ní, nge ngɔ̄m̄ yá̰a̰ kul̄ gə̄ taā tan tə́. Israel gə̄ ń ndin̄ Samari á nin̄ ton̄ nang tə́ kə ngāl̄də́ dɔ yá̰a̰ ndi kə́ sɔl̄ lɔ́ḿ lɔ́ḿ gə̄ tə́, aláa dɔ yá̰a̰ taā gír dɔ gə̄ kə́ kem tə̄rá tə́ ní, yá̰á̰ kə́ kógə̄ḿ beē ń toō a rāādə́ ō: I tītə̄ ń noō ō n a ajən̄ i núsə́də́ kə́ dūú gə̄ ngóý ní.

Bible sar

¹² Najə̄ ń Kɔ́ɔ̄ɓē əda ní n toó: Dan ń ɓɔl əhɔ batə̄ kógə̄ḿ anī, njan kə́ jōó gə̄ ō, núsə mbīn ō ní, nge ngɔ̄m̄ yá̰a̰ kul̄ gə̄ taā tan tə́. *Israel gə̄ ń ndin̄ Samari á nin̄ ton̄ nang tə́ kə ngāl̄də́ dɔ yá̰a̰ ndi kə́ sɔl̄ lɔ́ḿ lɔ́ḿ gə̄ tə́, aláa dɔ yá̰a̰ taā gír dɔ gə̄ kə́ kem tə̄rá tə́ ní, yá̰á̰ kə́ kógə̄ḿ beē ń toō a rāādə́ ō: I tītə̄ ń noō ō n a ajən̄ i núsə́də́ kə́ dūú gə̄ ngóý ní.

AMOS 3:12 Referans Kwoze

IJAI 31:4

Najə̄ ń Kɔ́ɔ̄ɓē ədam̄ ní n toó: A ɓārə́n̄ i nge ngɔ̄m̄ yá̰a̰ kul̄ gə̄ kə́ nin̄ i ngá̰ý yā kadə̄ reē rɔ̄ɔ̄nən̄. Banī ni ɓōĺ kɔĺ yādə́ gə̄ ń a urən̄ ní alé. Kōōdə́ ń a ɓār̄ ní usən alé. Mā Kɔ́ɔ̄ɓē kə́ bo kə́ tɔ́gən i ngá̰ý ní, yāḿ mā a to i tītə̄ ń noō ō, m-ā m̄-risə dɔ mbal̄ Siyo̰ tə́, dɔ ngōn̄ yān tə́ yā rɔ̄ɔ̄.

2 MBAN̄G 16:9

Mban̄g kə́ Asiri rāā yá̰á̰ ń Akaj dəjen ní, aw̄ ənī ɓē kə́ Damas rɔ̄ɔ̄. Ni-taā ɓē ba ɔy de kə́ kemeé gə̄ aw̄ sedə́ Kir ō, tɔ̄l̄ Resin ō.

1 MBAN̄G GƏ̄ 22:25

Majə, ndɔ̄ ń ā ā̰ȳ yā kaw̄ ɓɔ̄ɔ̄ rɔ̄í gə́lé kújə́ tə́ ní, ndɔ̄ ń noō tə́ ā ī-ger̄.

1 MBAN̄G GƏ̄ 20:34

Ben Hadad əda Akab na: Ɓē gə̄ ń bɔbə́ḿ taā jī bɔbí tə́ ní, m-ā m̄-téləń yā kadī gogə́. Ba ī-rāā loo gātə̄ yāí gə̄ kem ɓē kə́ Damas tə́, tītə̄ ń bɔbə́ḿ rāań yān gə̄ kem ɓē kə́ Samari tə́ ní. Akab əda na: Ba mā m-ā m-ə́hɔ madə̄ naā seí gō tə́ anī m-ā m-ə́ya̰ī kadə̄ āw̄. Akab əhɔ madə̄ naā seneé ba əya̰n adə̄ aw̄.

1 MBAN̄G GƏ̄ 20:30

Ngé gə̄ ń teēn̄ ta yo tə́ ní a̰ȳ aw̄n̄ kem ɓē kə́ Apek tə́. Banī ndogə̄ mbal̄ ń əndān̄ gīrə̄neé gidə ɓē ní tetə dɔdə́ tə́. Nin̄ i deē dūbú kutə̄ jōó gidə i sīrí. Ben Hadad a̰ȳ aw̄ udə kem ɓēé ba ɓɔ̄ɔ̄ rɔ̄n gə́lé kújə́ kógə̄ḿ tə́.

AMOS 6:4

Sḭḭ̄ ī-toī i dɔ tə̄rá gə̄ kə́ rāān̄ ro̰də́ i kə ngān̄g dā̰á̰ tə́ ō, ī-toī kə ngāl̄sí dɔ yá̰a̰ ndi yāsí kə́ sɔl̄ lɔ́ḿ lɔ́ḿ gə̄ tə́ ō, yā kəsań ngán batə̄ kə́ majə tɔȳ madə̄ gə̄ kə́ dan yá̰a̰ kul̄ yāsí gə̄ tə́ ō, yā kəsań duĺ man̄g kə́ bo tɔȳ madə̄ gə̄ kə́ kem gɔngɔɔ́ ō.

IJAI 8:4

Tām̄ kété pá tá kadə̄ ngōnīí ger̄ kəda na: Babá aláa mamá ní, a aw̄n̄ kə yá̰a̰ kənge gə̄ kə́ gātə̄də́ i ngá̰ý gə̄ kə́ Damas ō, yá̰a̰ kənge gə̄ kə́ kɔy Samari ō, yā kadə̄ mban̄g kə́ Asiri.

ESTER 1:6

Tó̰ō̰n̄ kūbə̄ lḛ́ḛ́ kə́ sɔl̄ lɔ́ḿ lɔ́ḿ ba ndaa ngóńg ngóńg gə̄ ō, kə́ kərē gusə gusə gə̄ ō, dɔɔ́ kə kəlā kə́ kərē bḭḭ gēé tū nə̄ngá gində̄ arjā̰a̰ gə̄ kə́ tə́lan̄ tū mbal̄ máŕbər gə̄ tə́. Tə́ndān̄ yá̰a̰ ndi kə́ ngāl̄ gə̄ kə́ rāān̄ kə lɔ́r ō, kə gində̄ arjā̰a̰ ō dɔ nang kə́ ɓatə̄ tə́. Ɓatə̄n̄ dɔ nang ní i kə mbal̄ kə́ kərēé ō, kə́ ndaá ō, kə́ ndaá put put ō kə́ nduluú ō.

ESTER 7:8

Ni-əsō bəruk dɔ yá̰a̰ ndi ń Ester ndi dɔ tə́ ní anī, mban̄g tél kem ndɔrɔ́ udə kújə kəsa yá̰á̰ tə́ gogə́. Kə̄ ta jī tə́ noō mban̄g əda na: I gḛy sāā nə̄yá̰ mban̄g dɔ gúú tə́ kə̄ dɔ tə́ ɓáý ta kumḿ tə́ kem kújə yāḿ tə́ a? Mban̄g əda najə̄ tan kógə̄ḿ anī jóó ń jóo toó ngé kəla gə̄ utə̄n̄ ta kum Haman kə kūbūú kɔ̄ɔ́.

PĀ GƏ̄ 132:3

əda na: M-ā m-údə́ gíŕ kújə tandā yāḿ tə́ aĺ ō, m-ā m̄-to dɔ tə̄rá yāḿ tə́ yā ndájə̄ rɔ̄ḿ aĺ ō,

AMOS 9:8

Ɓē ko̰o̰ kə́ Israel tə́ ń najə̄ i dɔ tə́ ní, Kɔ́ɔ̄ɓē Nə́ɓā əndā kumən gírí a̰ā̰ majə ngá̰ý. Ni-əda na: M-ā m̄-rāān kadə̄ ni a gətóo kɔ̄ɔ́ dɔ nang tə́. Ɓá tā ba m-ā m̄-rāā kadə̄ de kə́ kem kojə yā Jakob tə́ gə̄ gətóon̄ kɔ̄ɔ́ malang alé.

IJAI 17:7

Ndɔ̄ ngeé ń noō tə́ ní, deē ndul gə̄ a tūrə̄n̄ kumdə́ kə̄ rɔ̄ nge rāādə́ tə́, a unən̄ kumdə́ kə̄ dɔɔ́, kum kə̄ rɔ̄ Nə́ɓā kə́ táĺ yā Israel tə́.