AMOS 3:11 - Bibəl ta Sar̄

¹¹ Ɓē kə́ Samari, i tām̄ najə̄ ń noō tə́ n mā Kɔ́ɔ̄ɓē Nə́ɓā, m-ə́daī najə̄ ń toō ní: Madə̄ ba̰ā̰í gə̄ a gīrə̄n̄ gidə ɓē. Nin̄ a nujən̄ ndogə̄ mbal̄ yāí gə̄ kə́ yā rɔ̄ɔ̄ń dɔ ɓē tə́ kɔ̄ɔ́ ō, a ɔyn̄ yá̰á̰ kə́ kem kújə yāí kə́ majə gə̄ tə́ kɔ̄ɔ́ ō.

Bible sar

¹¹ Ɓē kə́ Samari, i tām̄ najə̄ ń noō tə́ n mā Kɔ́ɔ̄ɓē Nə́ɓā, m-ə́daī najə̄ ń toō ní: Madə̄ ba̰ā̰í gə̄ a gīrə̄n̄ gidə ɓē. Nin̄ a nujən̄ ndogə̄ mbal̄ yāí gə̄ kə́ yā rɔ̄ɔ̄ń dɔ ɓē tə́ kɔ̄ɔ́ ō, a ɔyn̄ yá̰á̰ kə́ kem kújə yāí kə́ majə gə̄ tə́ kɔ̄ɔ́ ō.

AMOS 3:11 Referans Kwoze

AMOS 6:14

Banī Kɔ́ɔ̄ɓē, Nə́ɓā kə́ kɔ́ɔ̄ dɔ rā̰ ō dɔ nang ō əda na: Ɓē ko̰o̰ kə́ Israel, m-ā m̄-rāā kadə̄ ɓē kógə̄ḿ a ḭḭ yā rɔ̄ɔ̄sí. Ni a rējə̄sí, ba a əla gír i Lebo Hamat dām̄ mbɔ́r ɓē kə́ ko̰ó̰ tə́, bátə́ kadə̄ ugə̄ń man̄ dɔ mbal̄ kə́ Araba tə́, dām̄ mbɔ́r ɓē kə́ geleé tə́.

AMOS 2:5

M-ā m-ə́la hor dɔ ɓē kə́ Juda tə́, adə̄ a o̰o̰ kújə́ kə́ majə gə̄ kə́ Jerusalem kɔ̄ɔ́.

AMOS 6:8

Kɔ́ɔ̄ɓē Nə́ɓā, Nə́ɓā kə́ kɔ́ɔ̄ dɔ rā̰ ō dɔ nang ō túbə əda na: Tītə̄ ń mā i Nə́ɓā rɔ̄kum noó, kɔjə rɔ̄ yā ɓē ko̰o̰ kə́ Israel nelə̄m̄ aĺ ngá̰ý, kújə yān kə́ majə gə̄ nelə̄m̄ aĺ ngá̰ý. M-ā m-ə́la ɓē kə́ Samari kə yá̰a̰ malang kə́ kemeé kem jī madə̄ ba̰ā̰n gə̄ tə́.

AMOS 3:15

Kújə́ kə́ rāā tām̄ yā loo kə́ kūlīí tə́ ō, nge kə́ rāā tām̄ yā loo kə́ ngā nəngāá tə́ ō ní, m-ā m̄-tɔ̄ɔ̄də́ kɔ̄ɔ́. Kújə gə̄ ń rāān̄ ro̰də́ kə ngān̄g dā̰á̰ ní, m-ā m̄-nujəń kɔ̄ɔ́ ō, kújə́ kə́ bo bo gə̄ a gətóon̄ kɔ̄ɔ́ ō. Najə̄ ń Kɔ́ɔ̄ɓē əda ní n noó.

AMOS 3:10

Kɔ́ɔ̄ɓē əda na: Yá̰a̰ malang ń yá̰a̰ rāā kə́ kə dɔ́nɔ́ reēń ō, ɓogə reēń ō ní, ngé kə́rēý gə̄ kánə̄n̄ kə̄ dɔ naā tə́ kem kújə yādə́ kə́ majə gə̄ tə́. De gə̄ ń noō nin̄ gerə̄n̄ rāā yá̰á̰ kə́ rɔ̄kum alé.

2 YÁ̰A̰ GƏ̄ 36:19

De kə́ Babilon gə̄ əlan̄ hor dɔ kújə yā Nə́ɓā tə́ ō, tetən̄ ndogə̄ mbal̄ kə́ Jerusalem nang tə́ ō, tə́lan̄ hor dɔ kújə mban̄g gə̄ kə́ kemeé tə́ kɔ̄ɔ́ ō. yá̰á̰ kə́ gātə̄də́ i ngá̰ý gə̄ ní nujən̄neé kɔ̄ɔ́ malang ō.

2 MBAN̄G 15:29

Dan yā Peka mban̄g kə́ Israel tə́ ní, Tigəlatə Pileser mban̄g kə́ Asiri reē taā ɓē kə́ Iyon ō, Abel Betə Maaka ō, Yanoa ō, Kedes ō, Hasor ō, gō nang kə́ Galaad ō, gō nang kə́ Galile ō, gō nang kə́ Nepətali malang ō. Ni-ɔy de kə́ kemeé gə̄ aw̄ sedə́ dɔ nang kə́ Asiri tə́.

2 MBAN̄G 15:19

Pul, mban̄g kə́ Asiri, reē dɔ nang kə́ Israel tə́. Anī Menahem adə̄n sə́lē arjā̰a̰ kə́ kɔȳn i kəlōo dūbú kutə mətá kadə̄ rāań seneé kadə̄ n-ndiń ngan̄g dɔ ɓē tə́.

TA KƏLA 34:27

Ngán Jakob kə́ dəngam gə̄ udən̄ dɔ nīń gə̄ tə́ ró̰ȳn̄ yá̰a̰ kənge gə̄ kə́ rɔ̄də́ tə́ ō, ɔyn̄ yá̰á̰ kə́ kem ɓēé gə̄ ō, tɔdɔ̄ Sisem əla rɔ̄sɔl̄ dɔ ngōkó̰ó̰də́ kə́ dəyá̰ tə́.

Makətūbə̄ yā Job 20:21

Kəsa wa yān rāā adə̄ yá̰a̰ mān̄ tan alé, adə̄ ni a ndi majə dan i ngá̰ý alé.