AMOS 3:10 - Bibəl ta Sar̄

¹⁰ Kɔ́ɔ̄ɓē əda na: Yá̰a̰ malang ń yá̰a̰ rāā kə́ kə dɔ́nɔ́ reēń ō, ɓogə reēń ō ní, ngé kə́rēý gə̄ kánə̄n̄ kə̄ dɔ naā tə́ kem kújə yādə́ kə́ majə gə̄ tə́. De gə̄ ń noō nin̄ gerə̄n̄ rāā yá̰á̰ kə́ rɔ̄kum alé.

Bible sar

¹⁰ Kɔ́ɔ̄ɓē əda na: Yá̰a̰ malang ń yá̰a̰ rāā kə́ kə dɔ́nɔ́ reēń ō, ɓogə reēń ō ní, ngé kə́rēý gə̄ kánə̄n̄ kə̄ dɔ naā tə́ kem kújə yādə́ kə́ majə gə̄ tə́. De gə̄ ń noō nin̄ gerə̄n̄ rāā yá̰á̰ kə́ rɔ̄kum alé.

AMOS 3:10 Referans Kwoze

SOPONI 1:9

Ndɔ̄ ń noō tə́ ní, m-ā m̄-rāā yá̰á̰ kógə̄ḿ kə de gə̄ malang ń a gə̄lān̄ dɔ kāgə̄ kə́ ta kújə́ tə́ ní. De gə̄ malang ń rāān̄ adə̄ kem kújə yā kɔ́ɔ̄də́ gə̄ rosə kə yá̰a̰ kənge gə̄ kə́ nin̄ əngen̄ i kə ta kūl̄ yá̰a̰ rāā kə́ kə dɔ́nɔ́ ō, kə ta kūl̄ soró ō ní, m-ā m̄-rāā yá̰á̰ kógə̄ḿ sedə́ ō.

JEREMI 4:22

Rɔ̄kum, gír deē yāḿ gə̄ i de kə́ mbóo gə̄. Nin̄ ger̄mə̄n̄ alé. I ngán kə́ sapə gə̄, asən̄ ger̄ kum yá̰á̰ kógə̄ḿ alé. Nin̄ ɔlən̄ tū rāā yá̰á̰ kə́ majaĺ tə́, ba gerə̄n̄ rāā majə alé.

PĀ GƏ̄ 14:4

Kɔ́ɔ̄ɓē əda na ngé rāā yá̰a̰ majaĺ gə̄ ń noō na gerə̄n̄ yá̰a̰ aĺ rɔ̄kum, tɔdɔ̄ na əsan̄ jī gír deē yān gə̄ ajən̄neé, ba na ɓārə́n̄ rīn nja kógə̄ḿ aĺ bátə́.

2 PIYER 3:5

Yá̰á̰ ń dɔdə́ ndígə̄nal ní n toó: Kété jóó ní Nə́ɓā rāā dɔ rā̰ ō dɔ nang ō i kə ta kūl̄ najə̄ kə́ tan tə́. Dɔ nang teē i kum man̄ tə́ ō, rāān̄ dɔ nang i kə maná ō.

AMOS 6:12

Sə́nda gə̄ a a̰ȳn̄ ngɔ̄də̄ dɔ mbal̄ gə̄ tə́ a? Deē a ndɔr̄ dɔ mbal̄ gə̄ kə mangá a? Sḭḭ̄ ī-rāāī adə̄ yá̰á̰ kə́ súmūú tél yá̰á̰ kə́ yḛl deē ō, yá̰á̰ kə́ gōtə́ téĺ yá̰á̰ kə́ atə̄ kárárá ō. I tām̄ rí tə́?

AMOS 5:7

Ajá! yá̰á̰ kə́ súmūú tél i yá̰á̰ kə́ atə̄ kárárá ō, ndɔ́rə̄n̄ yá̰a̰ rāā kə́ gōtə́ nang tə́ ō.

JEREMI 5:4

Mā m-ə́da kə̄ kemḿ tə́ na: I de kə́ yá̰a̰ aĺ gə̄. Kumdə́ edə̄ aĺ ō, gerə̄n̄ róbə yā Kɔ́ɔ̄ɓē aĺ ō, gerə̄n̄ jī bēl̄ loo rāā yá̰a̰ yā Nə́ɓā aĺ ō.

EJEKIEL 8:17

loo ń noō tə́ Nə́ɓā dəjem̄ najə̄, əda na: Ḭ̄ ngōn̄ deē, á̰á̰ yá̰á̰ ń noō a? Yá̰á̰ kə́ majaĺ ngá̰ý gə̄ ń de kə́ Juda tə́ gə̄ ń toō a rāān̄ laā ní asədə́ aĺ ɓáý. Nin̄ ran̄ dɔ tə́ noō rāān̄ adə̄ yá̰a̰ rāā kə́ kə dɔ́nɔ́ taā loo kem ɓēé ō, rāān̄ yá̰a̰ malang yā kadə̄məń wōn̄g ō. Ngɔlaā nin̄ a ndɔ́tə̄n̄ i kə ta jī kāgāá kə̄ ta kóńdə́ tə́ ngɔr.

EJEKIEL 18:7

Ni-əsa tətō deē aĺ ō, ɓogə yá̰a̰ yā deē aĺ ō. Yá̰á̰ ń deē adə̄n tə̄nań yá̰a̰ jīn tə́ ní, ni téləń adə̄ kɔ́ɔ̄ gogə́. Deē ń ɓō rāān ní, ni-adə̄n yá̰a̰ kəsa ō, deē ń rɔ̄n i karī ní, ni-adə̄n kūbə̄ ō.

EJEKIEL 22:29

De gə̄ a rāān̄ yá̰a̰ i kə tɔ́gə́də́ ō, i kə dɔ́nɔ́ ō, kə̄ loo gə̄ tə́ malang kem ɓēé. Nin̄ ɓogən̄ ō, əsan̄ tətō ngé ndoō gə̄ ō, ngé rɔ̄ tō ndoō gə̄ ō, rāān̄ kum ngé nam̄ ɓē gə̄ ndoō tə́ kanjə̄ ɓōĺ gidə yá̰a̰ rāā kə́ gōtə́ ō.

AMOS 6:3

Sḭḭ̄ ī-sāāī ndɔ́tə̄ kə ndɔ̄ yá̰á̰ kə́ to kum kaȳ aĺ kə̄ gogə́. Banī sḭḭ̄ ī-rāāī ādə̄ ndɔ̄ yá̰a̰ rāā kə́ kə dɔ́nɔ́ reē.

AMOS 6:8

Kɔ́ɔ̄ɓē Nə́ɓā, Nə́ɓā kə́ kɔ́ɔ̄ dɔ rā̰ ō dɔ nang ō túbə əda na: Tītə̄ ń mā i Nə́ɓā rɔ̄kum noó, kɔjə rɔ̄ yā ɓē ko̰o̰ kə́ Israel nelə̄m̄ aĺ ngá̰ý, kújə yān kə́ majə gə̄ nelə̄m̄ aĺ ngá̰ý. M-ā m-ə́la ɓē kə́ Samari kə yá̰a̰ malang kə́ kemeé kem jī madə̄ ba̰ā̰n gə̄ tə́.

MISE 6:10

Yá̰a̰ kənge kə́ kə ta róbə́ kə́ gōtə́ aĺ ní, deē a əngedə́ i kem kújə yā de kə́ majaĺ gə̄ tə́ ngándáńg ō, nin̄ a unən̄ i kār̄ tɔ̄jə̄ yá̰á̰ kə́ gōtə́ aĺ n a mbɔ̄jə́nəń yá̰a̰ ō. I yá̰á̰ kə́ majə ka̰ā̰ aĺ ngá̰ý. M-ásə́ tə́gā taḿ dɔ yá̰á̰ kə́ beé tə́ a?

Makətūbə̄ yā Job 20:21

Kəsa wa yān rāā adə̄ yá̰a̰ mān̄ tan alé, adə̄ ni a ndi majə dan i ngá̰ý alé.

Gōsə̄ najə̄ gə̄ 1:13

na ā ə́ngeī yá̰a̰ kənge gə̄ kə́ gātə̄də́ i ngá̰ý gə̄ kə́ tayā tayā gə̄, na ā ɔ́yiī yá̰a̰ kadə̄ na a rosə kem kújə yāsí gə̄,

Gōsə̄ najə̄ gə̄ 11:16

Dəyá̰ kə́ mandə ənge kɔsə gɔn ō, de kə́ dəngam kə́ ngan̄g ənge yá̰a̰ ō.

Gōsə̄ najə̄ gə̄ 28:5

De kə́ majaĺ gə̄ gerə̄n̄ yá̰á̰ kógə̄ḿ tū yá̰á̰ kə́ gōtə́ tə́ alé, banī ngé sāā Kɔ́ɔ̄ɓē gə̄ gerə̄n̄ kum yá̰a̰ malang.

KOHELET 4:1

M-á̰á̰ yá̰á̰ kə́ gōtə́ aĺ gə̄ malang ń de gə̄ a rāān̄ kə madə̄də́ gēé dɔ nang tə́ ní ō. Ngé gə̄ ń de gə̄ rāān̄ kumdə́ ndoō tə́ ní nōōn̄, banī de kə́ nge sɔl̄ kemdə́ gətóo. Tɔ́gə i dām̄ yā ngé rāā kumdə́ ndoō tə́ gə̄ tə́, adə̄ de kə́ nge sɔl̄ kemdə́ gətóo.

OJEE 7:1

Kum mbang ń m̄-sāā rāań kadə̄ Israel ənge rɔ̄ ngáā ní ɓáa, m-á̰á̰ yá̰á̰ kə́ gōtə́ aĺ gə̄ ń Epəraim gə̄ rāān̄ ní ō, m-á̰á̰ yá̰á̰ kə́ majaĺ ngá̰ý gə̄ ń de kə́ Samari gə̄ rāān̄ ní ō. A̰á̰ā̰, nin̄ i de kə́ rɔ̄kum aĺ gə̄, ngé ɓogə gə̄ a túdə̄n̄ kə̄ kem kújə gə̄ tə́ dɔ gúú tə́ ō, ngé gān̄g róbə gə̄ a rāān̄ yá̰a̰ i kum róbə kɔsə gə̄ tə́ ō.

AMOS 4:1

Sḭḭ̄ dəyá̰ kə́ Samari gə̄ ń ī-boōī lútə́ lútə́ tītə̄ kó̰o̰ man̄g gə̄ kə́ Basan ní, ōōī najə̄ ń toō: Sḭḭ̄ ī-rējī ngé ndoō gə̄ kə yá̰a̰ rāāsí kə́ gōtə́ aĺ ō, ī-tə́nāī ngé rɔ̄ tō ndoō gə̄ nang tə́ ō, ba ə́daī ngaasí gə̄ na: Ī-reē kə yá̰a̰ ka̰yā̰á̰ tā!