AMOS 2:9 - Bibəl ta Sar̄

⁹ Tá mā m̄-nujə Amor gə̄ tām̄ yāsí tə́. De gə̄ ngeé ń noō ní, ngālə̄n̄ tītə̄ kāgə̄ sedər gə̄ beé ō, ngangə̄n̄ tītə̄ kāgə̄ sén gə̄ beé ō. Ba m̄-nujədə́ kɔ̄ɔ́ malang.

Bible sar

⁹ Tá mā m̄-nujə *Amor gə̄ tām̄ yāsí tə́. De gə̄ ngeé ń noō ní, ngālə̄n̄ tītə̄ kāgə̄ sedər gə̄ beé ō, ngangə̄n̄ tītə̄ kāgə̄ sén gə̄ beé ō. Ba m̄-nujədə́ kɔ̄ɔ́ malang.

AMOS 2:9 Referans Kwoze

Makətūbə̄ yā Job 18:16

Ngəran gə̄ a tutən̄ nang tə́ ō, a tə́gān̄ ta jīn gə̄ dɔɔ́ kɔ̄ɔ́ ō.

NDŪ NAJƏ̄ 3:11

I Og ń i mban̄g kə́ Basan ní ngóy n teē ta yo tə́ dan Repay gə̄ tə́ ní. Ré deē aw̄ Raba ń i ɓē bo yā Amon gə̄ ní tə́ anī a a̰a̰ tə̄rá ton ɓáý. I tə̄rá gində̄. Ngālən asə kíl deē nja ndōhó ō, laan asə kíl deē nja sɔ́ ō.

Teē Ngán Israel gə̄ 34:11

Yá̰á̰ ń m-ā m-ɔ́jə́sí ɓōólaā kadə̄ ī-rāāī ní, ə̄ndāī kumsí gírí majə, na m-ā m̄-tə̄ɓā Amor gə̄ ō, Kanaan gə̄ ō, Het gə̄ ō, Periji gə̄ ō, Hibi gə̄ ō, Yebus gə̄ ō, nosí tə́ kɔ̄ɔ́.

TA KƏLA 15:16

Ngán kaaí gə̄ kə́ nge ko̰ sɔ́ a télən̄ yā reē loo ń toō tə́ laā, tām̄ majaĺ yā Amor gə̄ asə kadə̄ m̄-tə̄ɓańdə́ kɔ̄ɔ́ aĺ ɓáý, tɔdɔ̄ mān̄ dɔ loon alé.

EJEKIEL 17:9

Ba mā Kɔ́ɔ̄ɓē Nə́ɓā m̄-dəje najə̄ m-ə́da na: Kāgə̄ nduú ń toō a asə rāā rɔ̄n a? Kə̄rō kə́ ta kəga dɔ a ró̰ȳ ngəran gə̄ kɔ̄ɔ́ ō, a tə́jā kanə̄n gə̄ kɔ̄ɔ́ ō aláa? Gō tə́ anī ta jīn kə́ kijə gə̄ a tutən̄ kɔ̄ɔ́ aĺ a? Yā kɔr̄nəń kɔ̄ɔ́ dɔ nang tə́ ní, ni a sāā i tɔ́gə́ kə́ ngá̰ý tá aĺ ō, ni a sāā i de kə́ ngá̰ý gə̄ tá aĺ ō.

JOJUE 10:12

Ndɔ̄ ń Kɔ́ɔ̄ɓē əlań Amor gə̄ kem jī ngán Israel gə̄ tə́ ní, Jojue dəje Kɔ́ɔ̄ɓē yá̰á̰ ń toō ta kum ngán Israel gə̄ tə́ malang, ni-əga kɔŕ əda na: Mbang, ī-dəba dɔ ɓē kə́ Gabaon tə́, nāā, ī-dəba dɔ wól loo kə́ Ayalon tə́.

JOJUE 3:10

Ā ī-gerī kadə̄ Nə́ɓā kə́ kə kumuúi dɔ dáńsí tə́ ō, kadə̄ ni a tə̄ɓā Kanaan gə̄ ō, Het gə̄ ō, Hibi gə̄ ō, Periji gə̄ ō, Girgas gə̄ ō, Amor gə̄ ō, Yebus gə̄ kɔ̄ɔ́ nosí tə́ i kə ta kūl̄ yá̰á̰ ń toō:

NDŪ NAJƏ̄ 1:28

Ní ké kə ə́laī dɔsí i rá ta wa. Tɔ́gə́sí kə́ kadə̄ āwīneé na gətóo, tām̄ ngákó̰ó̰sí gə̄ na ədan̄sí adə̄ gān̄g na tɔ́gə de kə́ dɔ nang ní tə́ gə̄ na tɔȳ yāsí ō, de gə̄ ní na ngālən tɔȳn̄sí ō, ɓē yādə́ gə̄ na i ɓē kə́ bo ngá̰ý gə̄ ō, ndogə̄ mbal̄ kə́ gidə ɓē yādə́ gə̄ tə́ na i kə́ ngāl̄ ngá̰ý kum kə̄ dɔɔ́ gə̄ ō, na n-a̰a̰n̄ ngán Anak gə̄ dɔ nang ní tə́ ō.

Teē Ngán Israel gə̄ 3:8

Adə̄ m̄-reē i gān̄g dɔdə́ tə́ jī de kə́ Ejiptə gə̄ tə́ ō, i teē sedə́ tə́ kem ɓē ń toō tə́ kɔ̄ɔ́ ō, yā kaw̄ sedə́ dɔ nang kə́ majə ō, laa ngá̰ý ō tə́, dɔ nang kə́ mba ō, yibə̄ tejə ō i ngá̰ý tū tə́ tə́. I dɔ nang ń Kanaan gə̄ ō, Het gə̄ ō, Amor gə̄ ō, Periji gə̄ ō, Hibi gə̄ ō, Yebus gə̄ ō, ndin̄ tū tə́ ní.

IJAI 5:24

I tām̄ najə̄ ń toō tə́ n nin̄ a ton̄ tītə̄ mu kə́ hor o̰o̰ ní, aláa a ton̄ i tītə̄ mu kə́ tutə kə́ udə lim kɔ̄ɔ́ kum ta ndo̰ hor gə̄ tə́ ní. nin̄ a ndumən̄ i ngəradə́ tə́. Hútə̄də́ a ḭḭ nél tītə̄ bumbə́ru beé. Tɔdɔ̄ nin̄ kídə̄n̄ yá̰á̰ ndóō gə̄ yā Kɔ́ɔ̄ɓē kə́ bo kə́ tɔ́gən i ngá̰ý, nin̄ mbātə́n̄ najə̄ kɔr̄ Nə́ɓā kə́ táĺ yā Israel.

IJAI 10:33

Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ní, tétə̄ ta jī kāgə̄ gə̄ kə tɔ́gɔ́. Gángə̄n̄ kāgə̄ kə́ bo tɔȳ madə̄ gə̄ kɔ̄ɔ́, mbə́rēn̄ ngé kə́ ngāl̄ tɔȳ madə̄ gə̄ tə́nīn̄də́ nang tə́.

TƏ́DA 32:13

Wōn̄g rāā Kɔ́ɔ̄ɓē kə ngán Israel gēé adə̄ rāādə́ adə̄ dáȳn̄ kem dəla loo tə́ bátə́ ɓāl̄ kutə sɔ́, adə̄ de gə̄ ń rāān̄ yá̰á̰ kə nel̄ Kɔ́ɔ̄ɓē aĺ ní gətóon̄ kɔ̄ɔ́ malang.

1 YÁ̰A̰ GƏ̄ 1:14

Yebus gə̄ ō, Amor gə̄ ō, Girgas gə̄ ō,