AMOS 2:8 - Bibəl ta Sar̄

⁸ Loo malang ń a rāān̄ kəla tū tə́ a adə̄n̄ Nə́ɓā ní, nin̄ a ton̄ tū tə́ i dɔ kūbə̄ gə̄ kə́ táān̄ jī ngé ndoō gə̄ tə́ tə́. Kem kújə yā nə́ɓā yādə́ tə́ ɓáa, nin̄ a a̰ȳn̄ i kasə nduú kə́ táā jī de gə̄ tə́.

Bible sar

⁸ Loo malang ń a rāān̄ kəla tū tə́ a adə̄n̄ Nə́ɓā ní, nin̄ a ton̄ tū tə́ i dɔ kūbə̄ gə̄ kə́ táān̄ jī ngé ndoō gə̄ tə́ tə́. Kem kújə yā nə́ɓā yādə́ tə́ ɓáa, nin̄ a a̰ȳn̄ i kasə *nduú kə́ táā jī de gə̄ tə́.

AMOS 2:8 Referans Kwoze

AMOS 6:6

Sḭḭ̄ ā̰yī kasə nduú kem káĺ kə́ bo gə̄ tə́ ō, ī-ndumiī yibə̄ kə́ gatə̄n i ngá̰ý kə́ kotə majə gə̄ ō. Banī kojə yā Jəjep ní, a nujənə̄ń sák sák kɔ̄ɔ́ ō, usəsí sḭḭ̄ yá̰á̰ kógə̄ḿ aĺ ō a!

1 KORḚNTƏ 10:21

Sḭḭ̄ ásiī ka̰ȳ yá̰á̰ kə́ kem kópə yā Kɔ́ɔ̄ɓē tə́ ō, yá̰á̰ kə́ kem kópə yā ndíĺ kə́ majaĺ gə̄ tə́ ō dɔ naā tə́ alé. Sḭḭ̄ ásiī kəsa yá̰a̰ ta kār̄ yā Kɔ́ɔ̄ɓē tə́ ō, ta kār̄ yā ndíĺ kə́ majaĺ gə̄ tə́ ō dɔ naā tə́ alé.

1 KORḚNTƏ 10:7

Ī-lōōī rāā ɓesə̄ tītə̄ ń ngé kə́rēý gə̄ dáńdə́ tə́ rāān̄neé ní. Tɔdɔ̄ ndangən̄ kem makətūbə̄ yā Nə́ɓā tə́ na: Ngán Israel gə̄ na ndin̄ nang tə́ əsan̄ yá̰a̰ ō, a̰ȳn̄ ō, ba gō tə́ ɓáa na ḭḭn̄ dɔɔ́ na ndāmə̄n̄ naā.

1 KORḚNTƏ 8:10

Tɔdɔ̄ ré de kə́ tɔ́gən gətóo a̰a̰ī ḭ̄ de kə́ ger̄ yá̰a̰ loo kəsa yá̰á̰ tə́ kem kújə ɓesə̄ tə́ anī, ni a ənge tɔ́gə kə ta kūlīí yā kəsań dā̰ kə́ tun̄ kadə̄ ɓesə̄ gə̄ aĺ a?

AMOS 6:4

Sḭḭ̄ ī-toī i dɔ tə̄rá gə̄ kə́ rāān̄ ro̰də́ i kə ngān̄g dā̰á̰ tə́ ō, ī-toī kə ngāl̄sí dɔ yá̰a̰ ndi yāsí kə́ sɔl̄ lɔ́ḿ lɔ́ḿ gə̄ tə́ ō, yā kəsań ngán batə̄ kə́ majə tɔȳ madə̄ gə̄ kə́ dan yá̰a̰ kul̄ yāsí gə̄ tə́ ō, yā kəsań duĺ man̄g kə́ bo tɔȳ madə̄ gə̄ kə́ kem gɔngɔɔ́ ō.

AMOS 4:1

Sḭḭ̄ dəyá̰ kə́ Samari gə̄ ń ī-boōī lútə́ lútə́ tītə̄ kó̰o̰ man̄g gə̄ kə́ Basan ní, ōōī najə̄ ń toō: Sḭḭ̄ ī-rējī ngé ndoō gə̄ kə yá̰a̰ rāāsí kə́ gōtə́ aĺ ō, ī-tə́nāī ngé rɔ̄ tō ndoō gə̄ nang tə́ ō, ba ə́daī ngaasí gə̄ na: Ī-reē kə yá̰a̰ ka̰yā̰á̰ tā!

OJEE 4:8

Nin̄ əsan̄ dā̰ yá̰á̰ kə́ tun̄ gə̄ ń gír deē yāḿ gə̄ ndējə̄n̄ dan ń nin̄ mānə̄n̄ dɔ ndūḿ ní. Yá̰á̰ ń nin̄ gḛyn̄ ní i kógə̄ḿ beē ngóy: I kadə̄ gír deē yāḿ gə̄ rāān̄ yá̰á̰ kə́ gōtə́ aĺ.

EJEKIEL 23:41

Gō tə́ anī nin̄ ton̄ dɔ tə̄rá kə́ majə ngá̰ý gə̄ tə́. Nin̄ əndān̄ tábəl kógə̄ḿ nodə́ tə́, ba əndān̄ ndujə̄ yá̰á̰ kə́ kotə majə ō, yibə̄ kə́ guŕ naā tə́ kə ítirií ō ń i yá̰a̰ yāḿ gə̄ gə̄ ní dɔ tə́.

EJEKIEL 18:12

əsa tətō ngé ndoō gə̄ ō, ngé rɔ̄ tō ndoō gə̄ ō, ɓogə de gə̄ ō, yá̰a̰ gə̄ ń de gə̄ adə̄nən̄ tə̄nānən̄neé yá̰á̰ ní, ni téləń adə̄ kɔ́ɔ̄n gə̄ gogə́ aĺ ō, ni-rāā kəla adə̄ nə́ɓā kə́ rɔ̄kum aĺ gə̄ ō, rāā yá̰á̰ kə́ majaĺ ngá̰ý gə̄ loo ń noō tə́ ō.

EJEKIEL 18:7

Ni-əsa tətō deē aĺ ō, ɓogə yá̰a̰ yā deē aĺ ō. Yá̰á̰ ń deē adə̄n tə̄nań yá̰a̰ jīn tə́ ní, ni téləń adə̄ kɔ́ɔ̄ gogə́. Deē ń ɓō rāān ní, ni-adə̄n yá̰a̰ kəsa ō, deē ń rɔ̄n i karī ní, ni-adə̄n kūbə̄ ō.

NGÉ SARYA 9:27

Nin̄ teē aw̄n̄ kem ndɔr̄ kāgə̄ nduú yādə́ gə̄ tə́, aw̄ tə́jān̄ kanə̄n gə̄ ba mbə́rēn̄ manə̄n. Gō tə́ anī rāān̄ rɔ̄nel̄. Nin̄ aw̄n̄ kem kújə yā nə́ɓā yādə́ tə́, əsan̄ yá̰a̰ ō, a̰ȳn̄ ō, ba ndɔ̄lə́n̄ Abimelek.

IJAI 57:7

Ḭ̄ ī-rāā loo kəto kə́ tām̄ yāí tə́ dɔ loo malang kə́ kḭḭ kə̄ dɔɔ́ tə́. Ḭ̄ ā āw̄ ā ī-ndējə̄ yá̰á̰ kə́ tun̄ gə̄ i loo ń noō tə́.

OJEE 7:14

Dan ń nin̄ ɓāŕmə̄n̄ kadə̄ m̄-dḭḭ̄də́ anī, i kə́ rɔ̄kum tə́ alé. Banī nin̄ tṵ́ṵ̄n̄ dɔ tə̄rá yādə́ gə̄ tə́ ō, tə́jān̄ rɔ̄də́ kə doó ō, yā kəngeń gémē ō, kasə nduú kə́ kijə ō. I tītə̄ ń noō n yá̰á̰ ń mā m̄-ndigə ní nin̄ rāān̄ alé.

AMOS 3:14

Ndɔ̄ ń m-ā m̄-rāań yá̰á̰ kógə̄ḿ kə gír de gə̄ yā Israel najə̄ yá̰a̰ rāādə́ kə́ majaĺ ngá̰ý tə́ ní, m-ā m̄-rāā yá̰á̰ kógə̄ḿ kə loo tun̄ yá̰a̰ gə̄ kə́ Betel. A tɔ̄ɔ̄n̄ kíl loo tun̄ yá̰a̰ gə̄ ń rāān̄ adə̄ ḭḭ kə̄ dɔɔ́ ní ō, kíl loo tun̄ yá̰a̰ gə̄ ní a tə́sōn̄ nang tə́ ō.

Teē Ngán Israel gə̄ 22:25

Ré ī-taā kūbə̄ yā madí kə́ tə̄nāīneé yá̰a̰ anī, ī-téləń ādə̄n gogə́ pá tá ādə̄ mbang udə ɓáý.