AMOS 2:6 - Bibəl ta Sar̄

⁶ Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Israel gə̄ dɔ tə́ i ngá̰ý. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní. Deē ń najə̄ gətóo dɔn tə́ ní, nin̄ igən̄ seneé tītə̄ ɓəlo beé yā kəngeń nar. Deē ń rɔ̄n tō ndoō ní, nin̄ igən̄ seneé yā kəngeń sākə̄rā jōó.

Bible sar

⁶ Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ *Israel gə̄ dɔ tə́ i ngá̰ý. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní. Deē ń najə̄ gətóo dɔn tə́ ní, nin̄ igən̄ seneé tītə̄ ɓəlo beé yā kəngeń nar. Deē ń rɔ̄n tō ndoō ní, nin̄ igən̄ seneé yā kəngeń sākə̄rā jōó.

AMOS 2:6 Referans Kwoze

JOEL 3:3

M-ā m̄-rāā kadə̄ yá̰á̰ kə́ to kɔr kum gə̄ ton̄ dɔ rā̰ tə́ ō, dɔ nang tə́ ō, Mósə a to ō, hor a to ō, sa hor kə́ ra kə ngālāá ɓururu gə̄ a ton̄ ō.

2 MBAN̄G 18:12

Yá̰a̰ gə̄ ń noō malang rāān̄ yá̰a̰ i tɔdɔ̄ Israel gə̄ oōn̄ ndū Kɔ́ɔ̄ɓē Nə́ɓā yādə́ ní aĺ ō, ran̄ dɔ madə̄ naā yān tə́ aĺ ō. Ndū najə̄ gə̄ ń Moijə nge kəla yā Kɔ́ɔ̄ɓē adə̄də́ ní nin̄ nēlə̄n̄ mbidə́ oōnneé aĺ ō, rāān̄ yá̰a̰ gə̄ ń ndū najə̄ gə̄ ədan̄ ní aĺ ō.

2 MBAN̄G 18:11

Mban̄g kə́ Asiri ɔy Israel gə̄ aw̄ sedə́ dɔ nang kə́ Asiri tə́, aw̄ tə̄ndādə́ gō nang kə́ Hala tə́ ō, dɔ gɔ́sə Habor ń i bā kə́ gō nang kə́ Gojan tə́ ní ō, kem ɓē gə̄ kə́ Medi tə́ ō.

EJEKIEL 22:13

Ta i dɔḿ tə́ yā kadə̄ m̄-ɓir̄ jīḿ ba m-ə́la kum kə̄ dɔsí tə́, sḭḭ̄ de kə́ Jerusalem gə̄, sɔɔ̄ń yá̰a̰ gə̄ kə́ ə́ngeī kə ta róbə́ kə́ gōtə́ aĺ ō, de gə̄ kə́ ī-tɔ̄līīdə́ ō.

IJAI 10:2

I tītə̄ ń noō n ɔgə̄nəń kadə̄ gāngə̄n̄ sarya yā ngé ndoō gə̄ kə gōó ní, de gə̄ kə́ dan deē yāḿ gə̄ tə́ ń nge rɔ̄ɔ̄ dɔdə́ tə́ gətóó ní, nin̄ ɔgə̄n̄də́ yá̰á̰ kə́ sɔɔ̄də́. Nin̄ ɓogən̄ dəyá̰ kə́ ngaa koy gə̄ ō, ɔyn̄ yá̰a̰ yā ngán hal gə̄ dɔ gúú tə́ ō.

JAKARI 11:5

Ngé mangdə́ gə̄ tɔ̄lə̄n̄də́, ba ɔjənə̄ń na n rāān̄ yá̰á̰ kógə̄ḿ kə́ majaĺ aĺ ō, ngé gātə̄ sedə́ gə̄ ədan̄ na ādə̄ jə-rāāī Nə́ɓā kə́ra, tām̄ jə-téliī ngé kənge yá̰a̰ gə̄ kɔ̄ɔ́ ō! Ngé kul̄də́ gə̄gē a kumdə́ o̰o̰də́ tām̄ yādə́ tə́ aĺ ō.