AMOS 2:5 - Bibəl ta Sar̄

⁵ M-ā m-ə́la hor dɔ ɓē kə́ Juda tə́, adə̄ a o̰o̰ kújə́ kə́ majə gə̄ kə́ Jerusalem kɔ̄ɔ́.

Bible sar

⁵ M-ā m-ə́la hor dɔ ɓē kə́ *Juda tə́, adə̄ a o̰o̰ kújə́ kə́ majə gə̄ kə́ *Jerusalem kɔ̄ɔ́.

AMOS 2:5 Referans Kwoze

OJEE 8:14

Israel rāā kújə́ kə́ majə ngá̰ý gə̄ tām̄ yān tə́, banī dɔn ndígə̄naləḿ mā nge rāān kɔ̄kə́. Juda ra yān noó rāā ɓē kə́ ngan̄g gə̄ ngá̰ý. Banī m-ā m-ə́la hor dɔ ɓē yān gə̄ tə́, kadə̄ a o̰o̰ kújə yān kə́ majə gə̄ kɔ̄ɔ́.

JEREMI 17:27

Banī ré sḭḭ̄ ī-mbātíī koō najə̄ yāḿ, adə̄ ɔ̄rī kam̄ ndɔ̄ sabat aĺ ō, ə̄tōī yá̰á̰ kə́ kɔȳ gə̄ ō, údiī kə ta róbə́ kə́ Jerusalem tə́ gə̄ ndɔ̄ sabat tə́ ō anī, m-ā m̄-rāā hor ta róbə ɓē gə̄ tə́ kadə̄ a o̰o̰ kújə́ kə́ majə ngá̰ý kə́ Jerusalem tə́ gə̄ ō, a oy aĺ ō.

JEREMI 21:10

Kə́ rɔ̄kum tə́ ní, m-ā m̄-tūr̄ rɔ̄ḿ kə̄ rɔ̄ ɓē ń toō tə́ yā rāā yá̰á̰ kə́ majaĺ seneé, ba i yā yá̰á̰ kə́ majə seneé alé. A əlanən̄ jī mban̄g kə́ Babilon tə́ kadə̄ əla hor dɔn tə́. Najə̄ ń Kɔ́ɔ̄ɓē əda ní n noó.

JEREMI 52:13

Ni-əla hor dɔ kújə yā Kɔ́ɔ̄ɓē tə́ ō, kújə yā mban̄g tə́ ō, dɔ kújə gə̄ malang kə́ kem ɓē kə́ Jerusalem tə́ tə́ ō. Mandang ní, ni tə́la hor i dɔ kújə yā de kə́ bo gə̄ tə́.

JEREMI 39:8

Kalde gə̄ əlan̄ hor dɔ kújə yā mban̄g tə́ ō, dɔ kújə gə̄ yā de kə́ kem ɓēé gə̄ tə́ ō, tɔ̄ɔ̄n̄ ndogə̄ mbal̄ gə̄ kə́ Jerusalem tə́ nang tə́ ō.

2 MBAN̄G 25:9

Ni-əla hor dɔ kújə yā Kɔ́ɔ̄ɓē tə́ ō, kújə yā mban̄g tə́ ō, kújə gə̄ kə́ kem ɓēé tə́ ō, ba mandang ní ni tə́la hor i dɔ kújə yā de kə́ bo gə̄ tə́ malang.

AMOS 3:11

Ɓē kə́ Samari, i tām̄ najə̄ ń noō tə́ n mā Kɔ́ɔ̄ɓē Nə́ɓā, m-ə́daī najə̄ ń toō ní: Madə̄ ba̰ā̰í gə̄ a gīrə̄n̄ gidə ɓē. Nin̄ a nujən̄ ndogə̄ mbal̄ yāí gə̄ kə́ yā rɔ̄ɔ̄ń dɔ ɓē tə́ kɔ̄ɔ́ ō, a ɔyn̄ yá̰á̰ kə́ kem kújə yāí kə́ majə gə̄ tə́ kɔ̄ɔ́ ō.

AMOS 3:15

Kújə́ kə́ rāā tām̄ yā loo kə́ kūlīí tə́ ō, nge kə́ rāā tām̄ yā loo kə́ ngā nəngāá tə́ ō ní, m-ā m̄-tɔ̄ɔ̄də́ kɔ̄ɔ́. Kújə gə̄ ń rāān̄ ro̰də́ kə ngān̄g dā̰á̰ ní, m-ā m̄-nujəń kɔ̄ɔ́ ō, kújə́ kə́ bo bo gə̄ a gətóon̄ kɔ̄ɔ́ ō. Najə̄ ń Kɔ́ɔ̄ɓē əda ní n noó.

AMOS 7:4

Yá̰á̰ ń Kɔ́ɔ̄ɓē Nə́ɓā rāā adə̄ m-á̰a̰ā̰ ɓáý to̰ ní n toó: Ni sāā gān̄g sarya kógə̄ḿ kə horoó. Loo təngā rāā adə̄ man̄ kə́ gíŕ nángāá iī kɔ̄ɔ́ ō, loo təngā ní əla hor dɔ ɓē kə́ Israel tə́ ō.

AMOS 1:4

M-ā m-ə́la hor dɔ kújə mban̄g yā mban̄g gə̄ kə́ Aram tə́. A̰á̰ā̰, m-ā m-ə́la hor dɔ kújə mban̄g yā Hajael tə́ ō, yā Ben Hadad tə́ ō.