AMOS 2:11 - Bibəl ta Sar̄

¹¹ Ɓāl̄ ngá̰ý gō tə́ anī, m̄-ɓāŕ ngáńsí kə́rēý gə̄ kə́ dan ngáńsí gə̄ tə́, kadə̄ télən̄ ngé koō ta gə̄. Ba dan balsáa yāsí gə̄ tə́ ɓáa, m̄-ɓāŕ ngé kə́rēý gə̄ kadə̄ ənīn̄ ndūdə́ yā kɔrə̄ń kam̄ rɔ̄də́ tām̄ yāḿ tə́, kə ta kūl̄ ndūdə́ kə́ nin̄ ənīn̄. Israel gə̄, i najə̄ kə́ rɔ̄kum n noó aĺ a? I mā Kɔ́ɔ̄ɓē n m-ə́da najə̄ ń noō ní.

Bible sar

¹¹ Ɓāl̄ ngá̰ý gō tə́ anī, m̄-ɓāŕ ngáńsí kə́rēý gə̄ kə́ dan ngáńsí gə̄ tə́, kadə̄ télən̄ *ngé koō ta gə̄. Ba dan balsáa yāsí gə̄ tə́ ɓáa, m̄-ɓāŕ ngé kə́rēý gə̄ kadə̄ ənīn̄ ndūdə́ yā kɔrə̄ń kam̄ rɔ̄də́ tām̄ yāḿ tə́, kə ta kūl̄ ndūdə́ kə́ nin̄ ənīn̄. *Israel gə̄, i najə̄ kə́ rɔ̄kum n noó aĺ a? I mā Kɔ́ɔ̄ɓē n m-ə́da najə̄ ń noō ní.

AMOS 2:11 Referans Kwoze

JEREMI 7:25

Jóo nəkɔ́ ń kaadə́ gə̄ teēn̄neé kɔ̄ɔ́ kem ɓē kə́ Ejiptə tə́ ní, m-ə́lá ngé kəla yāḿ gə̄ malang ń i ngé koō ta gə̄ ní rɔ̄də́ tə́ kə dɔ ndɔ̄ gə̄, kanjə̄ kɔr ta tə́.

MISE 2:6

De kə́rēý gə̄ ɔrə̄n̄ najə̄ seḿ, ədamə̄n̄ na: Asiī najə̄ yāí gə̄ ń noō. Kəda na a əlan̄ rɔ̄sɔl̄ dɔjí tə́ rɔ̄kum ní, nge ń noō i najə̄ kə́ yā kɔr̄ alé.

NŌŌ RƆ̄ 4:7

Deē yān gə̄ ń ɔrə̄n̄ kam̄də́ tām̄ yā Nə́ɓā tə́ ní, unjə̄n̄ unjə̄ njáý njáý tɔȳ néjə ō, ndaan̄ tɔȳ mba ō, kərēn̄ kasə tɔȳ kómbár̄ ō, ta kumdə́ ndə́lē tītə̄ mbal̄ sapir ō.

JEREMI 26:11

Ngé tun̄ yá̰a̰ gə̄ ō, ngé koō ta gə̄ ō, ədan̄ de kə́ bo gə̄ ō, de gə̄ malang kə́ kem ɓēé ō na: Majə kadə̄ deē ń toō oy. Tɔdɔ̄ ni-ɔr̄ najə̄ dɔ yá̰a̰ gə̄ ń a rāān̄ ɓē ń toō tə́ ní adə̄ sḭḭ̄ kɔ́ gə̄ ōōī kə mbīsí.

JEREMI 11:21

I tām̄ ń toō tə́ n Kɔ́ɔ̄ɓē ɔr̄ najə̄ kə́ majə aĺ kə de kə́ Anatot tə́ gə̄ ń ndigən̄ tɔ̄lī ní. Nin̄ ədan na: Ī-lōō koō najə̄ ta Kɔ́ɔ̄ɓē tə́ kəda, ré i beé aĺ ɓáa j-a jə-tɔ̄lī kə jījí.

JEREMI 2:31

Sḭḭ̄ de kə́ kōnīí laā gə̄, ə̄ndāī ma̰y najə̄ yā Kɔ́ɔ̄ɓē. Mā m̄-tél dəla loo tām̄ yā Israel tə́ a? Aké ɓē yā loo kə́ ndɔ̄ɔ́ kə́ risə til nding a? I tām̄ rí tə́ á ngé kə́ dan gír deē yāḿ gə̄ tə́ ədan̄ na: Jḭḭ j-aw̄ loo nəkɔ́ ń jə-gḛy kaw̄ tū tə́ ní ō, Jḭḭ j-a jə-tél j-aw̄ rɔ̄í tə́ to̰ aĺ ō ní?

JEREMI 2:5

Kɔ́ɔ̄ɓē ɔr̄ najə̄ i tītə̄ ń toō beé əda na: I rí kə́ gōtə́ aĺ n kaasí gə̄ əngen̄ rɔ̄ḿ tə́, kadə̄ nin̄ ɔrə̄n̄neé rɔ̄də́ kɔ̄ɔ́ sa̰y rɔ̄ḿ tə́ ní? Nin̄ ngɔ̄də̄n̄ gō yá̰á̰ kə́ kanjə̄ kumən gə̄ tə́. Ń toō nin̄ télən̄ yá̰á̰ kə́ kanjə̄ kumən ō.

2 YÁ̰A̰ GƏ̄ 36:15

Kɔ́ɔ̄ɓē Nə́ɓā yā kaadə́ gə̄ əla ngámbang kəla yān gə̄ adə̄ tāān̄də́ kə kum mbang kə́ majaá ō, tāān̄də́ i kə̄ nja naā tə́ ō. Tām̄ kumən o̰o̰n najə̄ yā gḭ́r deē yān gə̄ tə́ ō, kújə yān tə́ ō.

2 MBAN̄G 17:13

Kɔ́ɔ̄ɓē əndā najə̄ ta ngé koō ta yān gə̄ tə́ malang ō, ta ngé ka̰a̰ yá̰a̰ yān gə̄ tə́ malang ō, tāań Israel gə̄ ō, Juda gə̄ ō, kété, ədadə́ na: Əya̰ī kəla rāāsí kə́ majaĺ gə̄ kɔ̄ɔ́ ba ī-rāāī gō míndə gə̄ ń m-ə́dásí kadə̄ ī-rāāī ní ō, yá̰a̰ gə̄ ń m̄-ndang kadə̄ yā rāā ní ō, kə gō ndū najə̄ malang ń m-ādə̄ kaasí gə̄ ō, m-ə̄ndā ta ngé kəla yāḿ gə̄ ń i ngé koō ta yāḿ gə̄ ní tə́ adə̄ ədan̄sí ní ō.

2 MBAN̄G 6:1

Ngé koō ta gə̄ ədan̄ Elije na: Á̰a̰ā̰, loo ń jə-ndi tū tə́ j-a j-oōń najə̄ taí tə́ ní asəjí alé.

1 MBAN̄G GƏ̄ 22:8

Anī mban̄g kə́ Israel tə́ tél əda Josapat na deē kógə̄ḿ na nay noó ɓáý, ba deē ní tá na nelə̄n ni seneé alé, tɔdɔ̄ deē ní na i de kə́ a əda najə̄ kə́ majə dɔn ni tə́ alé, ba a əda na i najə̄ kə́ majaĺ tá dejə: Deē ní i Mise ngōn̄ Yimla. Josapat əda mban̄g kə́ Israel tə́ na kə lōō kɔr̄ najə̄ beé.

1 MBAN̄G GƏ̄ 20:41

Kə ta jī tə́ beē nge koō ta ní ɔr̄ kūbə̄ kə́ ta kumən tə́ kɔ̄ɔ́ adə̄ mban̄g kə́ Israel a̰a̰ gerə̄n kadə̄ ni i deē kógə̄ḿ kə́ dan ngé koō ta gə̄ tə́.

1 MBAN̄G GƏ̄ 20:35

Kum mbang ngeé ń noō tə́ ní, deē kógə̄ḿ kə́ dan ɓūtə̄ yā ngé koō ta gə̄ tə́ əda madə̄n kə gō ndū Kɔ́ɔ̄ɓēé na: m̄-rāāī ɓɔ́, ādə̄m̄ do! Banī madə̄n mbātə́ kadə̄n do.

1 MBAN̄G GƏ̄ 20:13

Anī nge koō ta kógə̄ḿ ndɔ́tə̄ kə̄ rɔ̄ Akab mban̄g kə́ Israel tə́ ba əda na: Kɔ́ɔ̄ɓē əda na: Á̰á̰ kósə de kə́ ngá̰ý gə̄ ń noō a? M-ā m-ə́ládə́ kem jīí tə́ ɓōólaā. Loo ń noō tə́ ā ī-ger̄ kadə̄ mā i Kɔ́ɔ̄ɓē. Akab əda na:

1 MBAN̄G GƏ̄ 19:16

Gō tə́ anī āw̄ úr yibə̄ dɔ Yehu kə́ ngōn̄ Nimsi tə́ ə̄ndānneé mban̄g dɔ ɓē kə́ Israel tə́ ō, úr yibə̄ dɔ Elije ngōn̄ Sapat kə́ Abel Mehola tə́ kadə̄ ni i nge koō ta yāḿ gotií tə́ ō.

1 MBAN̄G GƏ̄ 18:4

adə̄ dan ń Jesabel adə̄ tɔ̄lə̄n̄ ngé koō ta yā Kɔ́ɔ̄ɓē gə̄ ní, ni ɔy ngé koō ta yā Kɔ́ɔ̄ɓē gə̄ ɓú ɓɔ̄ɔ̄də́ kutə mí kutə mí kem bəlo mbal̄ gə̄ tə́ gír loo jōó, ba a̰a̰ gōdə́ kə yá̰a̰ kəsaá ō, kə man̄ ka̰yá̰ ō.

1 MBAN̄G GƏ̄ 17:1

Eli kə́ Tisbe ń i de kə́ gō nang kə́ Galaad tə́ ní əda mban̄g Akab na: Tītə̄ ń Kɔ́ɔ̄ɓē Nə́ɓā yā Israel ń mā i nge kəla yān ní ndiń kə kumneé noō, man̄ a edə to̰ aĺ ō, tal a əhɔ to̰ aĺ ō, kem ɓāl̄ gə̄ ń a reēn̄ tə́ noō bátə́ ré m-ə́da najə̄ pá tá.

1 SAMUEL 19:20

Anī Saul əla de gə̄ kəhɔ Dabid tə́ ɓáý to̰. Dan ń de gə̄ ń Saul əladə́ ní a̰a̰n̄ ɓūtə̄ ngé koō ta yā Nə́ɓā gə̄ kə́ Ndíl yā Nə́ɓā ɔsə sedə́ adə̄ a̰a̰n̄ oy oy tītə̄ de gə̄ kə́ yá̰a̰ rāādə́ beé ō, a̰a̰n̄ kadə̄ Samuel i ngāgəra dɔ ngé koō ta yā Nə́ɓā gə̄ ní ō anī, Ndíl yā Nə́ɓā udə kemdə́ tə́ adə̄ nin̄ a̰a̰n̄ oy oy tītə̄ de kə́ yá̰a̰ rāādə́ beé ō.

1 SAMUEL 3:20

I beé n de gə̄ malang kə́ dɔ nang kə́ Israel tə́ ń əla gír dɔ ɓē kə́ Dan tə́ bátə́ ugə̄ń Beer Seba ní gerə̄n̄neé kadə̄ Samuel i nge koō ta yā Kɔ́ɔ̄ɓē kə́ rɔ̄kum ní.

NDŪ NAJƏ̄ 18:18

M-ā m-ə́la kə nge koō ta kə́ tītīí yā kadə̄də́. Deē ń m-ā m-ə́la seneé ní i de kə́ gír yādə́ tə́. M-ā m-ə̄ndā najə̄ yāḿ tan tə́, ba yá̰a̰ malang ń m-ā m̄-mērən kədadə́ ní, ni a ədadə́.

KƏLA RĀĀ 7:51

Sḭḭ̄ i ngé dɔ ngan̄g gə̄, ngarān̄g kemsí ō, mbīsí ō, i kə́ kutə̄ kɔ̄ɔ́. Sḭḭ̄ i ngé mbātə́ najə̄ kə́ ta Ndíĺ kə́ Táĺ tə́ kə dɔ ndɔ̄ gə̄ tītə̄ yā kaasí gə̄.

KƏLA RĀĀ 5:28

J-ɔgə̄sí ndóō de gə̄ yá̰a̰ kə rī deē ń noō ō, j-ədasí adə̄ unjə̄ ō. Ba ń toō ɓáa ī-ndóōī de gə̄ yá̰a̰ yāsí adə̄ taā kem ɓē kə́ Jerusalem malang kɔ̄ɔ́ ō, ī-sāāī kadə̄ mósə deē ní tél əsō dɔjí tə́ ō!

KƏLA RĀĀ 4:18

Tā anī tél ɓārə́n̄də́ gogə́ ɔgə̄n̄də́ kɔr̄ najə̄ kə rī Jeju ō, ɔgə̄n̄də́ ndóō de gə̄ yá̰a̰ kə rī Jeju ō.