AMOS 2:10 - Bibəl ta Sar̄

¹⁰ Kété ní, mā m̄-teē sesí kɔ̄ɔ́ kem ɓē kə́ Ejiptə tə́ ō, m-ɔ́r nosí dəla loo tə́ ɓāl̄ kutə sɔ́ yā kadə̄ ə́ngeīń dɔ nang yā Amor gə̄ ō.

Bible sar

¹⁰ Kété ní, mā m̄-teē sesí kɔ̄ɔ́ kem ɓē kə́ Ejiptə tə́ ō, m-ɔ́r nosí dəla loo tə́ ɓāl̄ kutə sɔ́ yā kadə̄ ə́ngeīń dɔ nang yā *Amor gə̄ ō.

AMOS 2:10 Referans Kwoze

NDŪ NAJƏ̄ 2:7

Tām̄ Kɔ́ɔ̄ɓē Nə́ɓā yāsí rāā majə sesí tū kəla rāāsí gə̄ tə́ malang dan ń ə́ndaī dəla loo kə́ bo ngá̰ý ń toō ī-gāngī ní ō, əndā kumən gōsí tə́ ō. Kɔ́ɔ̄ɓē njə̄rā sesí ɓāl̄ kutə sɔ́ ngɔlaā ō, ī-nalī yá̰á̰ kógə̄ḿ aĺ ō.

Teē Ngán Israel gə̄ 12:51

I ndɔ̄ ń noō tə́ bang n Kɔ́ɔ̄ɓē teēń kə ngán Israel gēé kem ɓē kə́ Ejiptə tə́ kɔ̄ɔ́ ní.

AMOS 3:1

Israel gə̄, sḭḭ̄ i gír kojə kə́ Kɔ́ɔ̄ɓē ḭḭ sesí i Ejiptə tə́ n tél reē sesí gogə́ ɓēé ní. Ōōī najə̄ ń ni-əda dɔsí tə́ ní:

KƏLA RĀĀ 13:18

Ni ətōdə́ kem dəla loo tə́ asə ɓāl̄ kutə sɔ́.

KƏLA RĀĀ 7:42

Banī Nə́ɓā tūr̄ gidən tadə́ tə́ kɔ̄ɔ́, ba əya̰də́ adə̄ ndɔ̄ȳn̄ tə́yō̰ gə̄ kə́ dɔ rā̰ tə́, tītə̄ ń ndangən̄neé kem makətūbə̄ yā ngé koō ta gə̄ tə́ ní. Ndangən̄ na: Sḭḭ̄ ngán Israel gə̄, dan ń ī-ndiīneé kem dəla loo tə́ ɓāl̄ kutə sɔ́ ní, ī-tɔ̄lī dā̰ gə̄ ī-ndējə̄mī ō, ādə̄mī yá̰á̰ kə́ ndējə̄ gə̄ ō a?

MISE 6:4

m̄-rāā adə̄ ī-teēī kɔ̄ɔ́ kem ɓē kə́ Ejiptə tə́. M-ɔ̄r̄sí ɓəloó kɔ̄ɔ́. Ngār gə̄ ń m-ādə̄sí ní, i Moijə ō, Aaro̰ ō, Miriam ń i ngōkó̰ó̰də́ kə́ dəyá̰ ní ō. I yá̰á̰ ń noō n ā ī-gɔŕyɔ̄m̄ najə̄n tə́ ní a?

AMOS 9:7

Kɔ́ɔ̄ɓē əda na: Israel gə̄, gātə̄sí i ngá̰ý tām̄ yāḿ tə́ tɔȳ yā de kə́ Etiopi gə̄ a? m̄-teē sesí kɔ̄ɔ́ kem ɓē kə́ Ejiptə tə́, ba m̄-teē kə Pilistin gēé kɔ̄ɔ́ Kapətor ō, m̄-teē kə Aram gə̄ kɔ̄ɔ́ Kir ō. Ní, ī-gerī nge ń noō aĺ á?

Teē Ngán Israel gə̄ 3:8

Adə̄ m̄-reē i gān̄g dɔdə́ tə́ jī de kə́ Ejiptə gə̄ tə́ ō, i teē sedə́ tə́ kem ɓē ń toō tə́ kɔ̄ɔ́ ō, yā kaw̄ sedə́ dɔ nang kə́ majə ō, laa ngá̰ý ō tə́, dɔ nang kə́ mba ō, yibə̄ tejə ō i ngá̰ý tū tə́ tə́. I dɔ nang ń Kanaan gə̄ ō, Het gə̄ ō, Amor gə̄ ō, Periji gə̄ ō, Hibi gə̄ ō, Yebus gə̄ ō, ndin̄ tū tə́ ní.

EJEKIEL 20:10

Adə̄ m̄-teē kə ngán Israel gēé kɔ̄ɔ́ kem ɓē ń toō tə́ ō, m-ɔ́ŕdə́ ta róbə m-āw̄ sedə́ dəla loo tə́ ō.

PĀ GƏ̄ 95:10

De kə́ dan ń noō tə́ gə̄ ɔrə̄n̄ wurəḿ ɓāl̄ kutə sɔ́, adə̄ m-ə́da na: I de kə́ dɔdə́ gətóo gə̄, nin̄ gerə̄n̄ róbə yāḿ gə̄ alé.

NEHEMI 9:21

Á̰a̰ gōdə́ ɓāl̄ kutə sɔ́ kem dəla loo tə́. Nin̄ nalə̄n̄ yá̰á̰ kógə̄ḿ alé. Kūbə̄ yādə́ gə̄ ngísən̄ aĺ gə̄ ō, njadə́ tágə̄ aĺ ō.

NDŪ NAJƏ̄ 1:39

Tá ngáńsí gə̄ ń gerə̄n̄ dɔ nin̄ yá̰á̰ kə́ majə ō, kə́ majaĺ ō, aĺ ɓáý á ə́daī na madə̄ ba̰ā̰sí gə̄ na a əhɔn̄də́ ní, i nin̄ n a əndān̄ njadə́ dɔ nang ní tə́ ní. I nin̄ n m-ā m-ādə̄də́ dɔ nang ní ní, adə̄ i nin̄ n a əngen̄ ní.

Teē Ngán Israel gə̄ 20:2

Ɓē kə́ Ejiptə ń ḭ̄ i ɓəlo tū tə́ ní, i mā Kɔ́ɔ̄ɓē Nə́ɓā yāí ń m̄-teē seí kɔ̄ɔ́ kemeé ní.

TƏ́DA 21:25

Nin̄ taān̄ ɓē yā Amor gə̄ malang ndin̄ tū tə́. Taān̄ Hesəbon ō, ngán ɓē kə́ kadə tə́ gə̄ ō.

JOJUE 13:4

dām̄ mbɔ́r ɓē kə́ geleé tə́ ō. Dɔ nang kə́ yā taā ɓáý to̰ i dɔ nang yā Kanaan gə̄ ń əla gír i Meyara dɔ nang yā Sidon gə̄ tə́ bátə́ teēń Apek dɔ nin̄ loo yā Amor gə̄ tə́ ní.

TƏ́DA 13:32

Ba əlan̄ gír a tə́dan̄ najə̄ kə́ majaĺ gə̄ dɔ ɓē ń aw̄ a̰a̰n̄ tə́ ní ta kum ngán Israel gə̄ tə́, ədan̄ na: Dɔ nang ń j-āw̄ j-əndā ma̰ȳ j-a̰ā̰ ní i dɔ nang kə́ a əsa i de kə́ tū tə́ gə̄. Tá de gə̄ malang ń j-a̰a̰də́ tū tə́ ní i de ké ngāl̄ ngá̰ý gə̄.

TƏ́DA 32:13

Wōn̄g rāā Kɔ́ɔ̄ɓē kə ngán Israel gēé adə̄ rāādə́ adə̄ dáȳn̄ kem dəla loo tə́ bátə́ ɓāl̄ kutə sɔ́, adə̄ de gə̄ ń rāān̄ yá̰á̰ kə nel̄ Kɔ́ɔ̄ɓē aĺ ní gətóon̄ kɔ̄ɔ́ malang.

JOJUE 24:8

Pá ta m-āw̄ sesí dɔ nang yā Amor gə̄ ń ndin̄ gidə bā Jurdḛ tə́ dām̄ kə́ gír ɓē tə́ ní. Nin̄-rɔ̄ɔ̄n̄sí banī m-ə́ládə́ kem jīsí tə́, adə̄ ī-taāī dɔ nang yādə́, tɔdɔ̄ m̄-rāā m-ādə̄ nin̄ gətóon̄ nosí tə́ kɔ̄ɔ́ malang.

JEREMI 2:6

Nin̄ mbātə́n̄ kəda na: Kɔ́ɔ̄ɓē ń teē sejí kɔ̄ɔ́ kem ɓē kə́ Ejiptə tə́ ō, ni i nge ɔr̄ nojí kem dəla loo tə́ ō, dɔ nang kə́ i kə̄sā gə̄ ō, i mbḛ̄ gə̄ ō n i tū tə́ ō, kem ɓē kə́ loo laa ō, ndíl yo ō, i tū tə́ ō, kem ɓē ń deē kógə̄ḿ kə́ mān̄ tū tə́ gətóo ō, kem ɓē ń deē kógə̄ḿ kə́ ndi tū tə́ gətóo ō ní i rá?