AMOS 1:7 - Bibəl ta Sar̄

⁷ M-a m-ə́la hor tū ndogə̄ mbal̄ gə̄ yā ɓē kə́ Gaja tə́, kadə̄ o̰o̰ kújə́ kə́ majə gə̄ kə́ tū tə́ kɔ̄ɔ́.

Bible sar

⁷ M-a m-ə́la hor tū ndogə̄ mbal̄ gə̄ yā ɓē kə́ Gaja tə́, kadə̄ o̰o̰ kújə́ kə́ majə gə̄ kə́ tū tə́ kɔ̄ɔ́.

AMOS 1:7 Referans Kwoze

SOPONI 2:4

A əya̰n̄ ɓē kə́ Gaja kɔ̄ɔ́ ō, a nujən̄ ɓē kə́ Askalon kɔ̄ɔ́ ō. A tə̄ɓān̄ de kə́ Asdod gə̄ kɔ̄ɔ́ dan kadə ndaá ō, a nujən̄ ɓē kə́ Ekəron kɔ̄ɔ́ ō.

JEREMI 47:1

Najə̄ kə́ dɔ Pilistin gə̄ tə́ ń Kɔ́ɔ̄ɓē ɔr̄ kə Jeremi nge koō ta pá tá kadə̄ Parao̰ rɔ̄ɔ̄ ɓē kə́ Gaja ní n toó:

2 MBAN̄G 18:8

Tetə Pilistin gə̄ rɔ̄ɔ̄, tə̄ɓādə́ bátə́ ugə̄ sedə́ gō nang kə́ Gaja tə́. ba taā ɓē kə́ ngan̄g gə̄ ō, kújə ngɔm̄ gə̄ ō.

Makətūbə̄ ń Pol ndang adə̄ Rom gə̄ ní 12:19

Kó tár yāḿ gə̄, ī-lōōī dal ba̰ā̰. Əya̰ī ba̰ā̰ ādī Nə́ɓā, tɔdɔ̄ Kɔ́ɔ̄ɓē əda tītə̄ ń toō beé kem makətūbūú na: Ī mə̄kɔ́ ń m-ā m̄-dal ba̰ā̰, i mə̄kɔ́ n m-ā m-ə̄ndā nja deē kógə̄ḿ kógə̄ḿ malang kə gō kəla rāādə́ gēé ní.

AMOS 1:4

M-ā m-ə́la hor dɔ kújə mban̄g yā mban̄g gə̄ kə́ Aram tə́. A̰á̰ā̰, m-ā m-ə́la hor dɔ kújə mban̄g yā Hajael tə́ ō, yā Ben Hadad tə́ ō.

2 YÁ̰A̰ GƏ̄ 26:6

Ojias aw̄ rɔ̄ɔ̄ Pilistin gə̄. Ni tétə̄ ndogə̄ mbal̄ gə̄ kə́ gidə ɓē gə̄ kə́ Gat tə́ ō, Yabəne tə́ ō, Asdod tə́ ō, nang tə́ kɔ̄ɔ́ malang. Gō tə́ anī rāā ɓē gə̄ ń ndin̄ kə gō gidə ɓē kə́ Asdod ní ō, ɓē gə̄ kə́ dɔ nang yā Pilistin gə̄ tə́ ō.

NDŪ NAJƏ̄ 32:35

Dal ba̰ā̰ i yāḿ, m-ā m-ə̄gādə́ tām̄ kəla rāādə́ gə̄ tə́ ndɔ̄ ń nin̄ a əsōn̄neé tə́ ní. Tɔdɔ̄ ndɔ̄ yá̰á̰ kə́ to kum kaȳ aĺ yādə́ dɔ i ngɔr.

JEREMI 47:5

Nənga dɔ de kə́ Gaja tə́ gə̄ i kə́ dəsā kɔ̄ɔ́, utə̄n̄ ta de kə́ Askalon tə́ gə̄ kɔ̄ɔ́, adə̄ ndin̄ tadə́ mbóo. Sḭḭ̄ de kə́ ndágə loo tə́ gə̄ ń ī-ndiī kə kumsí ní, ā ī-toī dan tə́jā rɔ̄sí kə doó i bátə́ ta kə́ rá?

EJEKIEL 30:8

Dan ń m-ā m-ə́la hor dɔ ɓē tə́ kə taá ō, a tə́tə̄n̄ kə̄ngā ngé rɔ̄ɔ̄ dɔ tə́ gə̄ rárák kɔ̄ɔ́ ō anī, de gə̄ malang a gerə̄n̄ kadə̄ Kɔ́ɔ̄ɓē i mā.

EJEKIEL 39:6

M-ā m-ə́la hor dɔ ɓē yā Magog tə́ ō, dɔ ɓē yā de gə̄ ń ndin̄ kə̄ dɔ dor̄ loo gə̄ tə́ á gírə̄n̄ kadə̄ yá̰á̰ kógə̄ḿ na a rāādə́ aĺ ní ō. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

AMOS 1:6

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Pilistin gə̄ kə́ Gaja dɔ tə́ i ngá̰ý. ni kə́ majaĺ ngá̰ý tɔȳ madə̄ gə̄ i nge ń toō: Nin̄ ɔyn̄ de kə́ kem ɓēé gə̄ kə taá malang aw̄ əlan̄də́ jī Edom gə̄ tə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

AMOS 1:8

M-ā m̄-rāā kadə̄ mban̄g kə́ Asdod ō, mban̄g ń a o̰o̰ ɓē kə́ Askalon ní ō, gətóon̄ kɔ̄ɔ́. M-ā m̄-ə̄nā ɓē kə́ Ekəron rɔ̄ɔ̄, yā kadə̄ gotə Pilistin gə̄ ń náyn̄ ní oyn̄. I Kɔ́ɔ̄ɓē n əda najə̄ ń noó ní.