AMOS 1:5 - Bibəl ta Sar̄

⁵ M-ā m̄-rāā kadə̄ yá̰á̰ rákə̄ ta róbə gə̄ kə́ Damas i kə́ ró̰ȳ kɔ̄ɔ́. Wól loo ń de gə̄ a rāān̄ majaĺ tū tə́ ní, adə̄ i ɓē ń de gə̄ a rāān̄ rɔ̄nel̄ tū tə́ ní, m-ā m̄-rāā kadə̄ mban̄g kə́ tū tə́ gətóo. Ba a tə̄ɓān̄ gír de kə́ Aram gə̄ yā kaw̄ sedə́ Kir dɔ gúú tə́. I Kɔ́ɔ̄ɓē n əda najə̄ ń noó ní.

Bible sar

⁵ M-ā m̄-rāā kadə̄ yá̰á̰ rákə̄ ta róbə gə̄ kə́ Damas i kə́ ró̰ȳ kɔ̄ɔ́. Wól loo ń de gə̄ a rāān̄ majaĺ tū tə́ ní, adə̄ i ɓē ń de gə̄ a rāān̄ rɔ̄nel̄ tū tə́ ní, m-ā m̄-rāā kadə̄ mban̄g kə́ tū tə́ gətóo. Ba a tə̄ɓān̄ gír de kə́ Aram gə̄ yā kaw̄ sedə́ Kir dɔ gúú tə́. I Kɔ́ɔ̄ɓē n əda najə̄ ń noó ní.

AMOS 1:5 Referans Kwoze

2 MBAN̄G 16:9

Mban̄g kə́ Asiri rāā yá̰á̰ ń Akaj dəjen ní, aw̄ ənī ɓē kə́ Damas rɔ̄ɔ̄. Ni-taā ɓē ba ɔy de kə́ kemeé gə̄ aw̄ sedə́ Kir ō, tɔ̄l̄ Resin ō.

AMOS 9:7

Kɔ́ɔ̄ɓē əda na: Israel gə̄, gātə̄sí i ngá̰ý tām̄ yāḿ tə́ tɔȳ yā de kə́ Etiopi gə̄ a? m̄-teē sesí kɔ̄ɔ́ kem ɓē kə́ Ejiptə tə́, ba m̄-teē kə Pilistin gēé kɔ̄ɔ́ Kapətor ō, m̄-teē kə Aram gə̄ kɔ̄ɔ́ Kir ō. Ní, ī-gerī nge ń noō aĺ á?

JEREMI 51:30

Go̰ rɔ̄ɔ̄ kə́ Babilon tə́ gə̄ lōōn̄ gír rɔ̄ɔ̄ tə́ kɔ̄ɔ́. Nin̄ ɓɔ̄ɔ̄n̄ rɔ̄də́ gə́lé kújə gə̄ tə́, tɔ́gə́də́ kə́ ngá̰ý ní gətóo kɔ̄ɔ́. Nin̄ sɔlə̄n̄ yélélé tītə̄ de kə́ dəyá̰ beē. De gə̄ əlan̄ hor dɔ kújə gə̄ kə́ Babilon tə́ ō, tétə̄n̄ gində̄ kutə̄ ta róbə́ kə́ tū tə́ gə̄ kɔ̄ɔ́ ō.

NŌŌ RƆ̄ 2:9

Bápə ta róbə ndogə̄ yān gə̄ dubə̄n̄ nángāá, Kɔ́ɔ̄ɓē tétə̄ gində̄ kutə̄ tadə́ gə̄ ō, nujən̄ ō. Mban̄g yān ō, ngār yān gə̄ ō, i dan nápar de gə̄ tə́, adə̄ ndū najə̄ gətóo kɔ̄ɔ́. Tá ngé koō ta yān gə̄gē a Kɔ́ɔ̄ɓē ɔjədə́ yá̰a̰ adə̄ a̰ā̰n̄ aĺ ō.

NAHUM 3:13

Ngé rɔ̄ɔ̄ yāí gə̄ ton̄ i tītə̄ dəyá̰ gə̄ kə́ tɔ́gə́də́ gətóo beé. Ta róbə gə̄ kə́ yā kudəń kə̄ kem ɓē yāí tə́ gə̄ teē ran̄ i kə wōyōó no madə̄ ba̰ā̰í gə̄ tə́. Tɔdɔ̄ hor nujə kāgə̄ gə̄ kə́ yā rákəń tadə́ gə̄ kɔ̄ɔ́.

JEREMI 50:36

Ādī kaskar ɔdə kɔdə̄ sāā yān gə̄ ō, tɔdɔ̄ i mbóo de gə̄. Ādī kaskar tə́gā go̰ rɔ̄ɔ̄ yān gə̄ tə́nīdə́!

IJAI 43:14

Yá̰á̰ ń Kɔ́ɔ̄ɓē, nge gān̄g dɔsí, Nə́ɓā kə́ táĺ yā Israel, əda ní n toó: M-ə́la kə deē kógə̄ḿ Babilon tām̄ yāsí tə́. Ta róbə gə̄ ń a ngɔ̄mə̄n̄ ɓē ní, m-ā m̄-rāādə́ kadə̄ tə́sōn̄. Loo ń noō tə́ kɔŕ rɔ̄nel̄ yā de kə́ Babilon gə̄ a tél i pā nōō yo.

IJAI 22:6

Ɓūtə̄ ngé rɔ̄ɔ̄ gə̄ kə́ Elam ətōn̄ ga̰ gərā gə̄ ō, gərā gə̄ ō. Púsə rɔ̄ɔ̄ gə̄ kə́ kə ngé rɔ̄ɔ̄ gēé ton̄ ō, ngé kal̄ sə́nda gə̄ ton̄ ō. Ngé rɔ̄ɔ̄ kə́ Kir gə̄ əndān̄ dɔ der yādə́ gə̄ danaá.

EJEKIEL 27:23

Ɓē gə̄ kə́ Haran ō, kə́ Kane ō, kə́ Eden ō, ngé rāā gātə̄ gə̄ Saba ō, ɓē gə̄ kə́ Asur ō, kə́ Kilmad ō, a rāān̄ gātə̄ i seí ḭ̄ḭ́.

2 MBAN̄G 14:28

Gotə yá̰á̰ kə́ rang gə̄ ń Jeroboam rāā ní, ndangə̄n̄ kem makətūbə̄ kəla rāā mban̄g gə̄ kə́ Israel tə́. Ənīn̄ gotə yá̰a̰ malang ń ni-rāā ní ō, yá̰á̰ kə́ to kɔsə gɔn gə̄ ń ni-rāā ní ō, rɔ̄ɔ̄ yān gə̄ ō, loo téĺ ń ni-tél kə ɓē kə́ Damas ō, kə ɓē kə́ Hamat ō, adə̄ Israel gogə́ ní ō.

IJAI 8:4

Tām̄ kété pá tá kadə̄ ngōnīí ger̄ kəda na: Babá aláa mamá ní, a aw̄n̄ kə yá̰a̰ kənge gə̄ kə́ gātə̄də́ i ngá̰ý gə̄ kə́ Damas ō, yá̰a̰ kənge gə̄ kə́ kɔy Samari ō, yā kadə̄ mban̄g kə́ Asiri.

EJEKIEL 30:17

A tɔ̄lə̄n̄ balsáa gə̄ kə́ On ō, kə́ Pi Beset ō, ta rɔ̄ɔ̄ tə́. Ba gotə de kə́ rang kə́ kem ɓēé gə̄ ń a na̰yn̄ ní, a ɔyn̄də́ yā kaw̄ sedə́ dɔ ɓē kə́ rang tə́ dɔ gúú tə́.

OJEE 10:8

A nujən̄ loo ndɔ̄ȳ gə̄ kɔ̄ɔ́, tɔdɔ̄ Israel mān̄ i dɔ ndū Nə́ɓā n rāańdə́ ní. Túpə kōn̄ gə̄ kə túpə ngar̄ gə̄ a alə̄n̄ dɔ loo tun̄ yá̰a̰ yādə́ gə̄ tə́. De kə́ Samari gə̄ a ədan̄ mbal̄ bo gə̄ na: Ī-ɓɔ̄ɔ̄ījí kɔ̄ɔ́! Nin̄ a ədan̄ ngán mbal̄ gə̄ na: Ī-tə́sōī dɔjí tə́!

AMOS 5:5

Banī ī-lōōī sāām̄ kem kújə yā Kɔ́ɔ̄ɓē kə́ Betel tə́ tə́. Loo kə́ yā ɓōĺ gidə kə́ Gilgal tə́ ní, ī-lōōī kudə tū tə́. Ī-lōōī kaw̄ nge kə́ Beer Seba tə́ tə́. A̰á̰ā̰, a ɔyn̄ de kə́ Gilgal gə̄ yā kaw̄ sedə́ dɔ ɓē kə́ rang tə́ ō, Betel ń i kújə yā Nə́ɓā ní, a tél kújə yā nə́ɓā kə́ rɔ̄kum aĺ gə̄ ō.