AMOS 1:2 - Bibəl ta Sar̄

² Amos əda na: Kɔ́ɔ̄ɓē nōō tītə̄ ɓɔl beé dɔ mbal̄ kə́ Siyo̰ tə́. A̰á̰ā̰, ni-ra Jerusalem rāań adə̄ de gə̄ oōn̄ ndūn. Loo gə̄ ń a aw̄n̄ kə yá̰a̰ kul̄ gēé tūtə̄ kadə̄ əsan̄ yá̰a̰ ní majən̄ aĺ ngá̰ý. Dɔ mbal̄ Karmel i kə́ tutə káḿ káḿ kɔ̄ɔ́.

Bible sar

² Amos əda na: Kɔ́ɔ̄ɓē nōō tītə̄ ɓɔl beé dɔ mbal̄ kə́ *Siyo̰ tə́. A̰á̰ā̰, ni-ra *Jerusalem rāań adə̄ de gə̄ oōn̄ ndūn. Loo gə̄ ń a aw̄n̄ kə yá̰a̰ kul̄ gēé tūtə̄ kadə̄ əsan̄ yá̰a̰ ní majən̄ aĺ ngá̰ý. Dɔ mbal̄ Karmel i kə́ tutə káḿ káḿ kɔ̄ɔ́.

AMOS 1:2 Referans Kwoze

JEREMI 25:30

Ba ḭ̄ ā ə́dádə́ najə̄ gə̄ malang ń m-ɔ̄r̄ seí ní, ā ə́dádə́ na: Kɔ́ɔ̄ɓē ndán̄g rɔ̄n kə̄ dɔ rā̰ tə́, ndūn ɓār̄ kə̄ kem kújə yān kə́ táĺ tə́. Ni ndán̄g rɔ̄n dɔ ɓē yān tə́. Ni ur kɔĺ dɔ de gə̄ malang ń ndin̄ dɔ nang tə́ ní, tītə̄ yā ngé mbə̄sā kan̄ kāgə̄ nduú kə njadə́ beē.

AMOS 9:3

Ré nin̄ aw̄ ɓɔ̄ɔ̄n̄ rɔ̄də́ dɔ mbal̄ Karmel tə́ anī, m-ā m-āw̄ yā sāādə́ ba kɔydə́. Ré nin̄ ndigən̄ kadə̄ m-á̰á̰də́ alé, adə̄ aw̄n̄ gír bā bo tə́ anī, m-ā m-ə́da lī kə́ kum bā bo tə́ kadə̄ do̰o̰də́.

JEREMI 12:4

Dɔ nang a əhɔ ndoō i bátə́ ta kə́ rá? Mu kə́ ndɔrɔ́ a tutə kɔ̄ɔ́ malang i bátə́ ta kə́ rá? De kə́ kem ɓēé gə̄ ń ədan̄ na Nə́ɓā a̰a̰ yá̰á̰ kə́ ndɔ̄ń tə́ alé ní, kem ndul yādə́ a tɔ̄l̄ dā̰ kə́ bembeé gə̄ ō, yel̄ gə̄ ō yā təgā.

IJAI 42:13

Kɔ́ɔ̄ɓē njə̄rā kə̄ kété tītə̄ áskar kə́ nge wur kil beé, ni əhɔ rɔ̄n tɔgə tītə̄ de kə́ nge rɔ̄ɔ̄ beé. Ni ur kɔĺ rɔ̄ɔ̄ kə tɔ́gəneé, rɔ̄ɔ̄ madə̄ ba̰ā̰n gə̄ tītə̄ áskar kə́ nge wur kil beé.

NAHUM 1:4

Ni ndán̄g bā bo, anī bā bo iī. Ni-rāā adə̄ ngán man̄ gə̄ malang gətóon̄ kɔ̄ɔ́ kem kār̄də́ gə̄ tə́. Anī loo gə̄ ń a aw̄n̄ kə yá̰a̰ kul̄ gēé ko̰ó̰ tū tə́ dɔ nang kə́ Basan tə́ ō, mbal̄ bo kə́ Karmel ō ní, yá̰a̰ malang kə́ ndi kə kumneé gətóo tū tə́ kɔ̄ɔ́ ō, hútə̄ yá̰a̰ gə̄ kə́ Liban ndəlén̄ kɔ̄ɔ́ ō.

JOEL 2:11

Ndū Kɔ́ɔ̄ɓē ɓār̄ kété no ngé rɔ̄ɔ̄ yān gə̄ tə́. Kutə ngé rɔ̄ɔ̄ yān gə̄ i ngá̰ý al̄ naā. Deē ń rāā yá̰á̰ ń Kɔ́ɔ̄ɓē əda ní i de kə́ tɔ́gən i ngá̰ý. Ndɔ̄ yā Kɔ́ɔ̄ɓē i ndɔ̄ kə́ bo ngá̰ý ō, to ɓōĺ ngá̰ý ō. I náā n asə tə́gā tan ndɔ̄ ndɔ̄ ní tə́ ní?

OJEE 13:8

m̄-teē dɔsí tə́ i tītə̄ dā̰ úrsə. kə́ deē ɔy ngánən gə̄ kɔ̄ɔ́ beē. m̄-rə́yā̰ ngɔgərɔsí naā tə́. M-ə́sásí tītə̄ ɓɔl kə́ dəyá̰ kə́ a əsa yá̰a̰ beé ō, dā̰ kə́ bembeé gə̄ a gángə̄n̄sí naā tə́ bét bét ō.

JEREMI 50:19

M-ā m̄-tél yā reē kə Israel dɔ mu kə́ mból̄ yān tə́. Ni a əsa mu kə́ Karmel ō, kə́ Basan ō, kə́ dɔ mbal̄ gə̄ kə́ Epəraim tə́ ō, kə́ Galaad tə́ ō, kadə̄ tɔ̄l̄ ɓōn.

JEREMI 14:2

Juda əhɔ ndoō, ɓē yān gə̄ a nujən̄ yā təgā, ton̄ kum tō ndoō ngá̰ý ō, əndan̄ nang ō. Jerusalem əga kɔŕ adə̄ ɓār̄ kə̄ dɔɔ́ dɔɔ́.

IJAI 35:2

Ūtə̄ gidə rɔ̄í kə hútə́ yá̰á̰ kə́ bembeé gēé. Ī-rāā rɔ̄nel̄, ī-rāā rɔ̄nel̄ ō ə́ga kɔŕ rɔ̄nel̄ ō! Kɔ́ɔ̄ɓē a rāāī kadə̄ ā ī-majə to ɓōĺ ngá̰ý tītə̄ mbal̄ bo gə̄ kə́ Liban beé, ni a rāāī kadə̄ ā ī-majə tītə̄ mbal̄ Karmel beé ō, kadə̄ ā ī-majə tītə̄ ndágə mbō gə̄ kə́ Saro̰ beé ō. Loo ń noō tə́ de gə̄ malang a a̰a̰n̄ kɔsə gɔn yā Kɔ́ɔ̄ɓē, a a̰a̰n̄ majə Nə́ɓā yājí.

IJAI 33:9

Ɓē əhɔ ndoō ō, tutə kɔ̄ɔ́ ō. Mbal̄ bo gə̄ kə́ Liban ń əlan̄ rɔ̄sɔl̄ dɔdə́ tə́ ngá̰ý ní, tutən̄ malang kɔ̄ɔ́. Ndágə mbō kə́ Saro̰ tə́ to i tītə̄ dəla loo beé. Kāgə̄ gə̄ gətóon̄ kɔ̄ɔ́ dɔ mbal̄ gə̄ kə́ Basan tə́ ō, dɔ mbal̄ gə̄ kə́ Karmel tə́ ō.

Gōsə̄ najə̄ gə̄ 20:2

Mban̄g kə́ wōn̄g rāān to ɓōĺ tītə̄ ɓɔl kə́ nōō beé. Deē ń adə̄n wōn̄g ní rāā majaĺ i kə rɔ̄n nəkɔ́.

1 SAMUEL 25:2

De kógə̄ḿ ndi Maon, banī yá̰a̰ kənge yān i Karmel. Deē ní ənge yá̰á̰ ngá̰ý. Batə̄ yān gə̄ i dūbú mətá ō bə̄yā̰ yān gə̄ i dūbú kógə̄ḿ ō. Deē ní aw̄ kəja bḭḭ̄ batə̄ yān gə̄ tə́ Karmel.

PĀ GƏ̄ 46:6

Nə́ɓā i kem ɓē ní tə́ adə̄ ɓē ní a ndebə alé. Ni dḭḭ̄ ɓē ní dəloí ɓatə.

JEREMI 28:8

Jóo nəkɔ́ ń toō ní, ngé koō ta gə̄ ń ɔrə̄n̄ najə̄ noḿ mā tə́ ō, noí ḭ̄ tə́ ō ní, ədan̄ i najə̄ kə́ sɔɔ̄ dɔ ɓē kə́ ngá̰ý gə̄ ō, ɓē ko̰o̰ kə́ bo gə̄ ō, adə̄ tāān̄ de gə̄ i najə̄ rɔ̄ɔ̄ ō, yá̰á̰ kə́ to kum kaȳ aĺ ō, mo̰y ngāl̄bɔ̄gīí ō.

OJEE 11:10

De gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, njə̄rān̄ kumdə́ kə̄ kété, nin̄ unən̄ gō Kɔ́ɔ̄ɓē, kə́ nge nōō tītə̄ ɓɔl beé. Dan ń ngánən kə́ no ɓē tə́ gə̄ oōn̄ nōōn anī, reēn̄ kə rɔ̄ ndebeé.

JOEL 1:19

Kɔ́ɔ̄ɓē m-ə́ga kɔŕ kə̄ dɔí tə́, tɔdɔ̄ hor o̰o̰ loo ko̰o̰ dā̰ gə̄ ń i loo kə́ kə̄sāá ní kɔ̄ɔ́. Ta ndo̰ hor gə̄ o̰o̰n̄ kāgə̄ gə̄ kə́ kem ndɔr̄ gə̄ tə́ malang kɔ̄ɔ́.

PĀ GƏ̄ 29:4

Ndū Kɔ́ɔ̄ɓē ɓār̄ kə tɔ́gɔ́. Ndūn ɓār̄ ngo̰ ngo̰, ndū de kə́ bo.