AMOS 1:14 - Bibəl ta Sar̄

¹⁴ M-ā m-ə́la hor dɔ ɓē yādə́ kə́ Raba tə́ tə́. Adə̄ a o̰o̰ kújə yān kə́ majə ngá̰ý gə̄ ndɔ̄ rɔ̄ɔ̄ tə́, dan ń de gə̄ a urnə̄ń kɔĺ rɔ̄ɔ̄ tə́ ní, dan ń nél man̄ a əlań ndɔ̄ kedə man̄ kə́ ngá̰ý tə́ ní.

Bible sar

¹⁴ M-ā m-ə́la hor dɔ ɓē yādə́ kə́ Raba tə́ tə́. Adə̄ a o̰o̰ kújə yān kə́ majə ngá̰ý gə̄ ndɔ̄ rɔ̄ɔ̄ tə́, dan ń de gə̄ a urnə̄ń kɔĺ rɔ̄ɔ̄ tə́ ní, dan ń nél man̄ a əlań ndɔ̄ kedə man̄ kə́ ngá̰ý tə́ ní.

AMOS 1:14 Referans Kwoze

AMOS 2:2

M-ā m-ə́la hor dɔ ɓē kə́ Moab tə́, adə̄ a o̰o̰ kújə́ kə́ majə gə̄ kə́ kem ɓē kə́ Keriyot tə́ kɔ̄ɔ́. Moab a oy i dan kōō yá̰á̰ kə́ ɓār̄ ngá̰ý tə́ ō, kɔĺ rɔ̄ɔ̄ tə́ ō, kōō tōw̄ gajə batə̄ kə́ kɔ̄ĺ tə́ ō.

JEREMI 49:2

Tāmə̄n̄ ń noō tə́, m-ā m̄-rāā kadə̄ ndɔ̄ gə̄ ń a reēn̄ tə́ noō, kɔŕ rɔ̄ɔ̄ a ɓār̄ ɓē kə́ Raba yā Amon gə̄ tə́. Raba a tél dɔ nang kə́ yá̰a̰ gətóo tū tə́ ō, hor a róō ɓē yān gə̄ ń ndi gīrə̄n̄ gidən ní ō. Adə̄ Israel a tél yā kənge yá̰a̰ ndəbā yān jī ngé gə̄ ń taān̄ jīn tə́ kété ní. Najə̄ ń Kɔ́ɔ̄ɓē əda ní n noó.

NDŪ NAJƏ̄ 3:11

I Og ń i mban̄g kə́ Basan ní ngóy n teē ta yo tə́ dan Repay gə̄ tə́ ní. Ré deē aw̄ Raba ń i ɓē bo yā Amon gə̄ ní tə́ anī a a̰a̰ tə̄rá ton ɓáý. I tə̄rá gində̄. Ngālən asə kíl deē nja ndōhó ō, laan asə kíl deē nja sɔ́ ō.

IJAI 30:30

Kɔ́ɔ̄ɓē a rāā kadə̄ de gə̄ a oōn̄ ndūn kə́ to ɓōĺ ngá̰ý ō, ni a rāā kadə̄ de gə̄ a a̰a̰n̄ tɔ́gə jīn ō. Ni a ɔjə wōn̄g yān kə́ ngá̰ý kə̄ ndágá dan ndo̰ hor kə́ a o̰o̰ tə́ ō, a dān̄ gō kə nél man̄ kə́ əla kə ngangá ngá̰ý ō, kə man̄ kə́ edə kə kɔ̄sɔ̄ɔ́ ō.

2 SAMUEL 12:26

Joab rɔ̄ɔ̄ ɓē kə́ Raba ń i ɓē yā ngán Amon gə̄ ní. Ni taā ɓē yā mban̄g,

JAKARI 7:14

m̄-rāā adə̄ nin̄ aw̄n̄ kə̄ dan gír de gə̄ kə́ nin̄ gerə̄n̄də́ kété aĺ tə́. I tītə̄ ń noō n de gə̄ nujənə̄ń ɓē yādə́ gotədə́ tə́, dan ń nin̄ aw̄n̄ kɔ̄ɔ́ tə́ ní. Ɓē yādə́ ní, de kə́ aw̄ tū tə́ gətóo ō, de kə́ ḭḭ tū tə́ reē gətóo ō. Ɓē kə́ majə asə naā beé, nin̄ rāān̄ adə̄ tél loo kə́ nujə sák sák kə́ ra dɔ naā tə́ bing.

DANIEL 11:40

Kum mban̄g kə́ ta ngóy tə́ anī mban̄g kə́ dām̄ mbɔ́r ɓē kə́ geleé tə́ a rɔ̄ɔ̄n̄ naā kə mban̄g kə́ dām̄ mbɔ́r ɓē kə́ ko̰ó̰ tə́. Banī mban̄g kə́ dām̄ kə́ mbɔ́r ɓē kə́ ko̰ó̰ tə́ a aw̄ láẃ kə̄ dɔn tə́ kə púsə rɔ̄ɔ̄ yān gə̄ ō, ngé kal̄ sə́nda yān gə̄ ō, too gə̄ ngá̰ý ō. Ni a ənda dɔ nin̄ dɔ nang gə̄ ngá̰ý yā mān̄ kə áskar yān gēé tītə̄ man̄ kə́ a un loo beé, yā kudəń kə̄ kem ɓē gə̄ tə́.

EJEKIEL 25:5

Raba ń i ɓē bo yāsí ní, m-ā m̄-rāā kadə̄ a tél loo ko̰o̰ yā jámbal gə̄. Dɔ nang kə́ Amon malang a tél loo ra yā batə̄ gə̄. Tītə̄ ń noō ɓáa ā ī-gerī kadə̄ Kɔ́ɔ̄ɓē i mā.

IJAI 9:5

Ojən̄ ngōn̄ tām̄ yājí tə́, adə̄n̄jí ngōn̄ kə́ dəngam. Ni-ənge ndū ko̰o̰ ɓē yā mban̄g. Əndān̄ rīn na i: Nge kadə̄ kɔjə̄ kə́ hálən majə ngá̰ý ō, to kɔr kum ō, Nə́ɓā kə́ tɔ́gən to ō, Bɔbə̄ kə́ njɔ́ḿ gə̄ tə́ ō, Ngār kem sɔl̄ lɔm ō.

PĀ GƏ̄ 83:15

Tītə̄ ń hor a o̰o̰ń ku kāgə̄ gə̄ ō, a o̰o̰ń mbal̄ bo gə̄ ō ní,

Makətūbə̄ yā Job 39:25

Ni a ndigə kōō bərúnjə́ kə́ ɓār̄ i kə sɔ̄mɔ́. Ni-ra sa̰y unəń usə rɔ̄ɔ̄ ō, ger̄ ndán̄g loo yā ngol gə̄ kə́ dɔ ngé rɔ̄ɔ̄ gə̄ tə́ ō, ger̄ kɔĺ rɔ̄ɔ̄ ō.

2 SAMUEL 11:1

Dan ń ɓāl̄ kə́ kijə reē ugə̄ anī, kem nāā ń mban̄g gə̄ a aw̄n̄neé rɔ̄ɔ̄ tə́ ní, Dabid əla Joab nin̄ kə go̰ rɔ̄ɔ̄ gə̄ ō, Israel gə̄ ō, malang ta rɔ̄ɔ̄ tə́. Adə̄ nin̄ tɔ̄lə̄n̄ ngán Amon gə̄ ngá̰ý ō, gīrə̄n̄ gidə ɓē kə́ Raba ō. Ba Dabid tá ndi ɓēé Jerusalem.

1 YÁ̰A̰ GƏ̄ 20:1

Dan ń ɓāl̄ kə́ rang ndɔ̄ adə̄ i dan yā kaw̄ rɔ̄ɔ̄ tə́ yā mban̄g gə̄ ní a, Joab ɔy ngé rɔ̄ɔ̄ gə̄ aw̄ nujəń loo gō nang yā Amon gə̄ tə́, ba aw̄ ənī ɓē bo kə́ Raba rɔ̄ɔ̄. Banī Dabid ndi gogə́ Jerusalem. Dan ń Joab taā ɓē kə́ Raba ba nujən sák sák kɔ̄ɔ́ oy anī,

IJAI 29:6

Kɔ́ɔ̄ɓē kə́ bo kə́ tɔ́gən i ngá̰ý ní, rāā yá̰á̰ kógə̄ḿ kə ta kūl̄ man̄ kə́ ndang, kə kōō yá̰á̰ kógə̄ḿ kə́ ɓār̄ to ɓōĺ ngá̰ý, kum nél man̄ kə́ əla kə ngangá ngá̰ý tə́ ō, kə ta ndo̰ hor kə́ a nujə looó ō.

JEREMI 23:19

Á̰a̰ī nél ń əla kə tɔ́gɔ́ noō i wōn̄g yā Kɔ́ɔ̄ɓē kə́ ngá̰ý n ḭḭ seneé ní. Nél balway əla kə ngangá ngá̰ý kum kə̄ dɔ de gə̄ ń najə̄ i dɔdə́ tə́ ní.

EJEKIEL 21:20

m̄-sāā i kɔr̄ tɔ́gə́də́ kɔ̄ɔ́ ō, m̄-sāā i rāādə́ kadə̄ tə́sōn̄ ō. M-ə̄ndā kaskar kə́ nge tɔ̄l̄ yo kə gō ta kújə gə̄ kógə̄ḿ kógə̄ḿ. Rāān̄ kaskar ní i yā kadə̄ ndə́lē pipir ō, ɔlən̄ ta i yā kadə̄ tɔ̄l̄ yá̰a̰ majə ō.

EJEKIEL 21:22

Ta i dɔḿ tə́ kadə̄ m̄-ɓir̄ jīḿ m-ə́ndań yá̰a̰ ō, m-ā m-ə́ya̰ kadə̄ wōn̄g yāḿ kə́ ngá̰ý rāā kəla bátə́ ta tɔ̄l̄ ta tə́ ō. I mā Kɔ́ɔ̄ɓē n m-ə́da najə̄ ń noō ní.

EJEKIEL 25:7

I beé ɓá ní, m-ā m-ɔ́jə́sí tɔ́gə́ḿ dɔdə́ tə́, m-ā m-ə́lásí kem jī tə̄rā gə̄ tə́ kadə̄ a ɔyn̄ yá̰a̰ yāsí dɔ gúú tə́. M-ā m̄-rāā kadə̄ nápar deē yāsí gə̄ a gətóon̄ kɔ̄ɔ́, m-ā m̄-rāā kadə̄ ɓē yāsí a gətóo, m-ā m̄-nujəsí sák sák kɔ̄ɔ́.

2 SAMUEL 12:31

Ba de kə́ kem ɓēé gə̄ tá ni ɔydə́ aw̄ sedə́ kadə̄ əjan̄ kāgə̄ gə̄ kə síí ō, tɔ́sə̄n̄ mbal̄ gə̄ ō, tə́gān̄ kāgə̄ gə̄ ō, ɔrə̄n̄ bəríkə gə̄ ō. Ni-rāā tītə̄ ń noō kə gotə ɓē gə̄ yā ngán Amon gə̄ malang. Gō tə́ anī Dabid nin̄ kə ngán Israel gə̄ malang tél reēn̄ gogə́ Jerusalem.

EJEKIEL 21:25

Dan róbə́ kə́ jōó gə̄ ń noō tə́ ní, nge kə́ kógə̄ḿ a aw̄ kə áskar kə́ Babilon gə̄ kem ɓē yā Amon gə̄ ń rīn na i Raba ní tə́ ō, nge kə́ noō a aw̄ sedə́ dɔ nang kə́ Juda tə́, kem ɓē kə́ Jerusalem ń i ɓē kə́ ngɔ̄mə̄n̄ majə ngá̰ý ní tə́.